திரு ஆணைக்காவல்

 

௨ 

திரு நாவுக்கரசு சுவாமிகள்   அருளிச்செய்த
ஐந்தாம் திருமுறை 

தகவல் பலகை	விவரம்
தலம்	திரு ஆனைக்கா
பிற பெயர்கள்
நாடு	சோழ நாடு (வ)
ॐசுவாமி	ஜம்புநாதர், அப்புலிங்கேஸ்வரர்
ॐஅம்பிகை	அகிலாண்டேஸ்வரி
பாடியவர்கள்	சம்பந்தர் (3)         மழையார் மிடறா(2-23)         வானைகாவில் வெண்மதி (3-53)         மண்ணது உண்டரி (3-109) அப்பர் (3)         கோனைக்காவி (5-31)         எத்தாயார் எத்தந்தை(6-62)         முன்னானை தோள் போர்த்த (6-63) சுந்தரர் (1)          மறைகள் ஆயின நான்கும். (7-75)
ஸ்தல மரம்	வெண் நாவல்
தீர்த்தம்	காவிரி
பண்	திருக்குறுந்தொகை
குறிப்புகள்	யானையும் சிலந்தியும் வழிபட்ட தலம்  பஞ்ச பூத தலங்களில் இது அப்பு தலம். .  அம்பிகை, அஷ்ட வசுக்கள், பிரமன் பராசரர், கோச்செங்கட் சோழன் முதலியோர் வழிபட்ட தலம்  முதலில் பூசித்த சிலந்தி மறுபிறப்பில் கோச்செங்கட் சோழனாகப் பிறந்தது என்பது வரலாறு
பதிக பலன்	முத்தி நலம் பெறுக
வரிசை எண்.	31                                                       60/63

திருச்சிற்றம்பலம்          

கோனைக் காவிக் குளிர்ந்த மனத்தராய்த்
தேனைக் காவியுண்ணார்சில தெண்ணர்கள்
ஆனைக் காவில் எம்மானை அணைகிலார்
ஊனைக் காவி உழிதர்வர் ஊமரே.  1

திருகு சிந்தையைத் தீர்த்துச் செம்மை செய்து
பருகி ஊறலைப்பற்றிப் பதம் அறிந்து
உருகி நைபவர்க்குக் ஊனம் ஒன்று இன்றியே
அருகு நின்றிடும் ஆனைக்கா அண்ணலே.  2

துன்பம் இன்றித் துயர் இன்றி என்றுநீர்
இன்பம் வேண்டில் இராப்பகல் ஏத்துமின்
என்பொன் ஈசன் இறைவன் என்று உள்குவார்க்கு
அன்பன் ஆயிடும் ஆனைக்கா அண்ணலே.  3

நாவால் நன்று நறுமலர்ச் சேவடி
ஓவாது ஏத்தி உளத்தடைத் தார்வினை
காவாய் என்று தம் கைதொழுவார்க்கு எலாம்
ஆவா என்றிடும் ஆனைக்கா அண்ணலே.  4

வஞ்சம் இன்றிவணங்குமின் வைகலும்
வெஞ்சொல் இன்றி விலகுமின் வீடுற
நைஞ்சு நைஞ்சுநின்று உள்குளிர் வார்க்கு எலாம்
"அஞ்சல்" என்றிடும் ஆனைக்கா அண்ணலே.  5

நடையை மெய் என்று நாத்திகம் பேசாதே
படைகள் போல்வரும் பஞ்சமா பூதங்கள்
தடை ஒன்று அன்றியே தன் அடைந்தார்க்கு எலாம்
அடைய நின்றிடும் ஆனைக்கா அண்ணலே.  6

ஒழுகு மாடத்துள் ஒன்பது வாய்தலும் 
கழுகரிப்பதன் முன்னம் கழலடி
தொழுது கைகளால் தூமலர் தூவிநின்று
அழும் அவர்க்கு அன்பன் ஆனைக்கா அண்ணலே.  7

உருளும் போது அறிவொண்ணா உலகத்தீர்
தெருளும்  சிக்கெனத் தீவினை சேராதே
இருள் அறுத்து நின்று ஈசன் என்பார்க்கு எலாம்
அருள் கொடுத்திடும் ஆனைக்கா அண்ணலே.  8

நேசமாகி நினைமட நெஞ்சமே
நாச மாய குலநலம் சுற்றங்கள்
பாசம் அற்றுப் பராபர ஆனந்த
ஆசை உற்றிடும் ஆனைக்கா அண்ணலே.  9

ஓத மாகடல் சூழ் இலங்கைக்கு இறை
கீதங் கின்னரம் பாடக் கெழுவினான்
பாதம் வாங்கிப் பரிந்தருள் செய்து அங்கு ஓர்
ஆதி யாயிடும் ஆனைக்கா அண்ணலே.

திருச்சிற்றம்பலம்

திரு ஆணைக்காவல்

 

௨ 

சுந்தர மூர்த்தி  சுவாமிகள்   அருளிச்செய்த
ஏழாம் திருமுறை 

தகவல் பலகை	விவரம்
தலம்	திரு ஆனைக்கா
பிற பெயர்கள்
நாடு	சோழ நாடு (வ)
ॐசுவாமி	ஜம்புநாதர், அப்புலிங்கேஸ்வரர்
ॐஅம்பிகை	அகிலாண்டேஸ்வரி
பாடியவர்கள்	சம்பந்தர் (3)         மழையார் மிடறா(2-23)         வானைகாவில் வெண்மதி (3-53)         மண்ணது உண்டரி (3-109) அப்பர் (3)         கோனைக்காவி (5-31)         எத்தாயார் எத்தந்தை(6-62)         முன்னானை தோள் போர்த்த (6-63) சுந்தரர் (1)          மறைகள் ஆயின நான்கும். (7-75)
ஸ்தல மரம்	வெண் நாவல்
தீர்த்தம்	காவிரி
பண்	காந்தாரம்
குறிப்புகள்	யானையும் சிலந்தியும் வழிபட்ட தலம்  பஞ்ச பூத தலங்களில் இது அப்பு தலம். .  அம்பிகை, அஷ்ட வசுக்கள், பிரமன் பராசரர், கோச்செங்கட் சோழன் முதலியோர் வழிபட்ட தலம்  முதலில் பூசித்த சிலந்தி மறுபிறப்பில் கோச்செங்கட் சோழனாகப் பிறந்தது என்பது வரலாறு
பதிக பலன்	பிறவி அகலும்
வரிசை எண்.	75                                                      60/63

திருச்சிற்றம்பலம்          

மறைகள் ஆயின நான்கும்
          மற்றுள பொருள்களும் எல்லாம்
துறையும்  தோத்திரத்து இறையும்
          தொன்மையும் நன்மையும் ஆய
அறையும் பூம்புனல் ஆனைக்
          காவுடை ஆதியை நாளும்
இறைவன் என்று அடி சேர்வார்
          எம்மையும் ஆளுடை யாரே.  1

வங்கம் மேவிய வேலை
          நஞ்சு எழ வஞ்சர்கள் கூடித்
தங்கள் மேல்அட ராமை
          உண்ணென உண்டு இருள் கண்டன்
அங்கம் ஓதிய ஆனைக்
          காவுடை ஆதியை நாளும்
எங்கள் ஈசன் என்பார்கள்
          எம்மையும் ஆளுடை யாரே.  2

நீல வண்டறை கொன்றை
          நேரிழை மங்கையோர் திங்கள்
சால வாளர வங்கள்
          தங்கிய செஞ்சடை எந்தை
ஆல நீழலுள் ஆனைக்
          காவுடை ஆதியை நாளும்
ஏலு மாறு வல்லார்கள்
          எம்மையும் ஆளுடை யாரே.  3

தந்தை தாய் உலகுக்கு ஓர்
          தத்துவன் மெய்த்தவத் தோர்க்குப்
பந்தம் ஆயின பெருமான்
          பரிசுடை யவர்திரு வடிகள்
அந்தண் பூம்புனல் ஆனைக்
          காவுடை ஆதியை நாளும்
எந்தை என்று அடி சேர்வார்
          எம்மையும் ஆளுடை யாரே.  4

கணைசெந் தீ அரவம் நாண்
          கல்வளையும் சிலை யாகத்
துணைசெய் மும்மதில் மூன்றும்
          சுட்டவ னே உலகு உய்ய
அணையும் பூம்புனல் ஆனைக்
          காவுடை ஆதியை நாளும்
இணைகொள் சேவடி சேர்வார்
          எம்மையும் ஆளுடை யாரே.  5

விண்ணின் மாமதி சூடி
          விலையிலி கலன்அணி விமலன்
பண்ணின் நேர்மொழி மங்கை
          பங்கினன் பசு உகந்து ஏறி
அண்ண லாகிய ஆனைக்
          காவுடை ஆதியை நாளும்
எண்ணு மாறுவல் லார்கள்
          எம்மையும் ஆளுடை யாரே.  6

தார மாகிய பொன்னித்
          தண்டுறை ஆடி விழுத்தும்
நீரில் நின்று அடி போற்றி
          நின்மலா கொள் என ஆங்கே
ஆரம் கொண்ட எம்மானைக்
          காவுடை ஆதியை நாளும்
ஈரம் உள்ளவர் நாளும்
          எம்மையும் ஆளுடை யாரே.  7

உரவம் உள்ளதோர் உழையின்
          உரிபுலி அதளுடை யானை
விரைகொள் கொன்றையி னானை
          விரிசடை மேற்பிறை யானை
அரவம் வீக்கிய ஆனைக்
          காவுடை ஆதியை நாளும்
இரவும் எல்லியும் பகலும்
          ஏத்துவார் எமையுடை யாரே.  8

வலங்கொள் வாரவர் தங்கள்
          வல்வினை தீர்க்கும் மருந்து
கலங்கக் காலனைக் காலாற்
          காமனைக் கண்சிவப் பானை
அலங்கல் நீர்பொரும் ஆனைக்
          காவுடை ஆதியை நாளும்
இலங்கு சேவடி சேர்வார்
          எம்மையும் ஆளுடை யாரே.  9

ஆழி யாற்கு அருள் ஆனைக்
          காவுடை ஆதிபொன்னடியின்
நீழலே சர ணாக
          நின்று அருள் கூர நினைந்து
வாழ வல்ல வன்தொண்டன்
          வண் தமிழ் மாலைவல் லார்போய்
ஏழு மாபிறப் பற்று
          எம்மையும் ஆளுடை யாரே.

திருச்சிற்றம்பலம்

திரு ஆணைக்காவல்

 

௨ 

திரு நாவுக்கரசு சுவாமிகள்   அருளிச்செய்த
ஆறாம் திருமுறை 

தகவல் பலகை	விவரம்
தலம்	திரு ஆனைக்கா
பிற பெயர்கள்
நாடு	சோழ நாடு (வ)
ॐசுவாமி	ஜம்புநாதர், அப்புலிங்கேஸ்வரர்
ॐஅம்பிகை	அகிலாண்டேஸ்வரி
பாடியவர்கள்	சம்பந்தர் (3)         மழையார் மிடறா(2-23)         வானைகாவில் வெண்மதி (3-53)         மண்ணது உண்டரி (3-109) அப்பர் (3)         கோனைக்காவி (5-31)         எத்தாயார் எத்தந்தை(6-62)         முன்னானை தோள் போர்த்த (6-63) சுந்தரர் (1)          மறைகள் ஆயின நான்கும். (7-75)
ஸ்தல மரம்	வெண் நாவல்
தீர்த்தம்	காவிரி
பண்	திருத்தாண்டகம்
குறிப்புகள்	யானையும் சிலந்தியும் வழிபட்ட தலம்  பஞ்ச பூத தலங்களில் இது அப்பு தலம். .  அம்பிகை, அஷ்ட வசுக்கள், பிரமன் பராசரர், கோச்செங்கட் சோழன் முதலியோர் வழிபட்ட தலம்  முதலில் பூசித்த சிலந்தி மறுபிறப்பில் கோச்செங்கட் சோழனாகப் பிறந்தது என்பது வரலாறு
பதிக பலன்	நோய் அகலும்.
வரிசை எண்.	62                                                      60/63

திருச்சிற்றம்பலம்          

முன் ஆனைத் தோல்போர்த்த மூர்த்தி தன்னை
மூவாத சிந்தையே மனமே வாக்கே
தன்னானை யாப்பண்ணி யேறி னானைச்
சார்தற்கு அரியானைத் தாதை தன்னை
என்னானைக் கன்றினை என் ஈசன் தன்னை
எறிநீர்த் திரை உகளும் காவிரி சூழ்
தென் ஆனைக் காவானைத் தேனைப் பாலைச்
செழுநீர்த் திரளைச் சென்று ஆடி னேனே.  1

மருந்தானை மந்திரிப்பார் மனத்து உளானை
வளர்மதியம் சடையானை மகிழ்ந்து என் உள்ளத்து
இருந்தானை இறப்பு இலியைப் பிறப்பு இல்லானை
இமையவர்தம் பெருமானை உமையாள் அஞ்சக்
கருந்தான மதகளிற்றின் உரிபோர்த் தானைக்
கனமழுவாட் படையானைப் பலிகொண்டு ஊரூர்
திரிந்தானைத் திருவானைக் காவுள் உளானைச்
செழுநீர்த் திரளைச்சென்று ஆடி னேனே.  2

முற்றாத வெண் திங்கள் கண்ணி யானை
முந்நீர்நஞ்சு உண்டு இமையோர்க்கு அமுதம் நல்கும்
உற்றானைப் பல்லுயிர்க்கும் துணையா னானை
ஓங்காரத்துஉட்பொருளை உலகம் எல்லாம்
பெற்றானைப் பின்னிறக்கம் செய்வான் தன்னைப்
பிரான் என்று போற்றாதார் புரங்கள் மூன்றும்
செற்றானைத் திருவானைக் காவுள் உளானைச்
செழுநீர்த் திரளைச்சென்று ஆடி னேனே.  3

காராரும் கறை மிடற்று எம் பெருமான் தன்னைக்
காதில்வெண் குழையானைக் கமழ்பூங் கொன்றைத்
தாரானைப் புலி அதளின் ஆடை யானைத்
தான் அன்றி வேறு ஒன்றும் இல்லா ஞானப்
பேரானை மணியார மார்பி னானைப்
பிஞ்ஞகனைத் தெய்வநான் மறைகள் பூண்ட
தேரானைத் திருவானைக் காவு ளானைச்
செழுநீர்த் திரளைச்சென்று ஆடி னேனே.  4

பொய் ஏதும் இல்லாத மெய்யன் தன்னைப்
புண்ணியனை நண்ணாதார் புரம் நீறாக
எய்தானைச் செய் தவத்தின் மிக்கான் தன்னை
ஏறு அமரும் பெருமானை இடமான் ஏந்தும்
கையானைக் கங்காள வேடத் தானைக்
கட்டங்கக் கொடியானைக் கனல்போல் மேனிச்
செய்யானைத் திருவானைக் கா உளானைச்
செழுநீர்த் திரளைச்சென்று ஆடி னேனே.  5

கலையானைப் பரசுதர பாணி யானைக்
கனவயிரத் திரளானை மணிமா ணிக்க
மலையானை என் தலையின் உச்சி யானை
வார்தருபுன் சடையானை மயானம்  மன்னும்
நிலையானை வரியரவு நாணாக் கோத்து 
நினையாதார் புரம் எரிய வளைத்த மேருச்
சிலையானைத் திருவானைக் கா உளானைச்
செழுநீர்த் திரளைச்சென்று ஆடி னேனே.  6

ஆதியனை எறிமணியின் ஓசை யானை
அண்டத்தார்க்கு அறிவொண்ணாது அப்பால் மிக்க
சோதியனைத் தூமறையின் பொருளான் தன்னைச்
சுரும்பு அமரும் மலர்க்கொன்றைத் தொன்னூல் பூண்ட
வேதியனை அறம் உரைத்த பட்டன் தன்னை
விளங்குமல ரயன் சிரங்கள் ஐந்தில் ஒன்றைச்
சேதியனைத் திருவானைக் கா உளானைச்
செழுநீர்த் திரளைச்சென்று ஆடி னேனே.  7

மகிழ்ந்தானைக் கச்சி ஏகம்பன் தன்னை
மறவாது கழல்நினைந்து வாழ்த்தி ஏத்திப்
புகழ்ந்தாரைப் பொன் உலகம் ஆள்விப் பானைப்
பூதகணப் படையானைப் புறங்காட்டு ஆடல்
உகந்தானைப் பிச்சையே இச்சிப் பானை
ஒண்பவளத் திரளை என் உள்ளத் துள்ளே
திகழ்ந்தானைத் திருவானைக் கா உளானைச்
செழுநீர்த் திரளைச்சென்று ஆடி னேனே.  8

நசையானை நால்வேதத்து அப்பா லானை
நல்குரவு தீப்பிணிநோய் காப்பான் தன்னை
இசையானை எண்ணிறந்த குணத்தான் தன்னை
இடைமருதும் ஈங்கோயும் நீங்காது ஏற்றின்
மிசையானை விரிகடலும் மண்ணும் விண்ணும்
மிகுதீயும் புனல் எறி காற்றாகி எட்டுத்
திசையானைத் திருவானைக் காவு உளானைச்
செழுநீர்த் திரளைச்சென்று ஆடி னேனே.  9

பார்த்தானைக் காமன் உடல் பொடியாய் வீழப்
பண்டு அயன் மால் இருவர்க்கும் அறியா வண்ணம்
சீர்த்தானைச் செந்தழல் போல் உருவினானைத்
தேவர்கள்தம் பெருமானைத் திறமுன் னாதே
ஆர்த்து ஓடி மலை எடுத்த இலங்கை வேந்தன் 
ஆண்மை எலாம் கெடுத்தவன் தன் இடரப் போதே
தீர்த்தானைத் திருவானைக் கா உளானைச்
செழுநீர்த் திரளைச்சென்று ஆடி னேனே.

திருச்சிற்றம்பலம்

திரு ஆணைக்காவல்

௨ 

திரு நாவுக்கரசு சுவாமிகள்   அருளிச்செய்த
ஆறாம் திருமுறை 

தகவல் பலகை	விவரம்
தலம்	திரு ஆனைக்கா
பிற பெயர்கள்
நாடு	சோழ நாடு (வ)
ॐசுவாமி	ஜம்புநாதர், அப்புலிங்கேஸ்வரர்
ॐஅம்பிகை	அகிலாண்டேஸ்வரி
பாடியவர்கள்	சம்பந்தர் (3)         மழையார் மிடறா(2-23)         வானைகாவில் வெண்மதி (3-53)         மண்ணது உண்டரி (3-109) அப்பர் (3)         கோனைக்காவி (5-31)         எத்தாயார் எத்தந்தை(6-62)         முன்னானை தோள் போர்த்த (6-63) சுந்தரர் (1)          மறைகள் ஆயின நான்கும். (7-75)
ஸ்தல மரம்	வெண் நாவல்
தீர்த்தம்	காவிரி
பண்	திருத்தாண்டகம்
குறிப்புகள்	யானையும் சிலந்தியும் வழிபட்ட தலம்  பஞ்ச பூத தலங்களில் இது அப்பு தலம். .  அம்பிகை, அஷ்ட வசுக்கள், பிரமன் பராசரர், கோச்செங்கட் சோழன் முதலியோர் வழிபட்ட தலம்  முதலில் பூசித்த சிலந்தி மறுபிறப்பில் கோச்செங்கட் சோழனாகப் பிறந்தது என்பது வரலாறு
பதிக பலன்	பிறவிப் பயனைப் பெறுவர்
வரிசை எண்.	62                                                      60/63

திருச்சிற்றம்பலம்          

எத்தாயர் எத்தந்தை எச்சுற் றத்தார்
எம்மாடு சும்மாடாம் ஏவர் நல்லார்
செத்தால் வந்து உதவுவார் ஒருவர் இல்லை
சிறுவிறகால் தீமூட்டிச் செல்லா நிற்பர்
சித்தாய வேடத்தாய் நீடு பொன்னித் 
திருவானைக் காவுடைய செல்வா என்றன்
அத்தா உன் பொற்பாதம் அடையப் பெற்றால்
அல்லகண்டம் கொண்டு அடியேன் என் செய்கேனே.  1

ஊனாகி உயிராகி அதனுள் நின்ற 
உணர்வாகிப் பிறஅனைத்தும் நீயாய் நின்றாய்
நான் ஏதும் அறியாமே என்னுள் வந்து
நல்லனவும் தீயனவும் காட்டா நின்றாய்
தேனாரும் கொன்றையனே நின்றி யூராய்
திருவானைக் காவில் உறை சிவனே ஞானம்
ஆனாய் உன் பொற்பாதம் அடையப் பெற்றால்
அல்லகண்டம் கொண்டு அடியேன் என் செய்கேனே.  2

ஒப்பா இவ் உலகத்தோடு ஒட்டி வாழ்வான்
ஒன்றலாத் தவத்தாரோடு உடனே நின்று
துப்பாரும்  குறை அடிசில் துற்றி நற்றுன் 
திறம் மறந்து திரிவேனைக் காத்து நீ வந்து 
எப்பாலும் நுண் உணர்வே யாக்கி என்னை 
ஆண்டவனே எழிலானைக் காவா வானோர்
அப்பா உன் பொற்பாதம் அடையப் பெற்றால்
அல்லகண்டம் கொண்டு அடியேன் என் செய்கேனே.  3

நினைத்தவர்கள் நெஞ்சுளாய் வஞ்சக் கள்வா
நிறைமதியம் சடைவைத்தாய் அடையாது உன்பால்
முனைத்தவர்கள் புரம் மூன்று எரியச் செற்றாய்
முன்னானைத் தோல்போர்த்த முதல்வா என்றும்
கனைத்துவரும் எருது ஏறும்  காள கண்டா
கயிலாய மலையாநின் கழலே சேர்ந்தேன்
அனைத்து உலகும் ஆள்வானே ஆனைக் காவா
அல்லகண்டம் கொண்டு அடியேன் என் செய்கேனே.  4

இம் மாயப்பிறப்பு என்னும் கடலாம் துன்பத்து 
இடைச் சுழிப்பட்டு இளைப்பேனை இளையா வண்ணம்
கைம்மான மனத்து உதவிக் கருணை செய்து
காதலருள் அவை வைத்தாய் காண நில்லாய்
வெம்மான மத கரியின் உரிவை போர்த்த 
வேதியனே தென் ஆனைக்காவுள் மேய
அம்மான் நின் பொற்பாதம் அடையப் பெற்றால்
அல்லகண்டம் கொண்டு அடியேன் என் செய்கேனே.  5

உரையாரும் புகழானே ஒற்றி யூராய்
கச்சியே ஏகம்பனே காரோ ணத்தாய்
விரையாரும் மலர்தூவி வணங்கு வார்பால்
மிக்கானே அக்கு அரவம் ஆரம் பூண்டாய்
திரையாரும் புனற்பொன்னித் தீர்த்தம் மல்கு 
திருவானைக் காவில் உறை தேனே வானோர்
அரையா உன் பொற்பாதம் அடையப் பெற்றால்
அல்லகண்டம் கொண்டு அடியேன் என் செய்கேனே.  6

மையாரும் மணிமிடற்றாய் மாதோர் கூறாய்
மான்மறியும்  மாமழுவும் அனலும் ஏந்தும்
கையானே காலன் உடல் மாளச் செற்ற 
கங்காளா முன்கோளும் விளைவும் ஆனாய்
செய்யானே திருமேனி உரியாய் தேவர்
குலக்கொழுந்தே தென் ஆனைக்காவுள் மேய
ஐயா உன் பொற்பாதம் அடையப் பெற்றால்
அல்லகண்டம் கொண்டு அடியேன் என் செய்கேனே.  7

இலையாரும் சூலத்தாய் எண்தோ ளானே
எவ்விடத்தும் நீ அல்லாது இல்லை என்று
தலையாரக் கும்பிடுவார் தன்மை யானே
தழல்மடுத்த மாமேரு கையில் வைத்த
சிலையானே திரு ஆனைக் காவுள் மேய 
தீயாடீ சிறுநோயால் நலிவுண்டு உள்ளம்
அலையாதே நின்னடியே அடையப் பெற்றால்
அல்லகண்டம் கொண்டு அடியேன் என் செய்கேனே.  8

விண்ணாரும் புனல்பொதிசெஞ் சடையாய் வேத
நெறியானே எறிகடலின் நஞ்சம் உண்டாய்
எண்ணாரும் புகழானே உன்னை எம்மான்
என்று என்றே நாவினில் எப்பொழுதும் உன்னிக்
கண்ணாரக் கண்டு இருக்கக் களித்து எப்போதும்
கடிபொழில்சூழ் தென் ஆனைக் காவுள் மேய
அண்ணா நின் பொற்பாதம் அடையப் பெற்றால்
அல்லகண்டம் கொண்டு அடியேன் என் செய்கேனே.  9

கொடியேயும் வெள் ஏற்றாய் கூளி பாடக்
குறட்பூதம் கூத்தாட நீயும் ஆடி
வடிவேயும் மங்கைதனை வைத்த மைந்தா
மதில் ஆனைக்காவுள் உளாய் மாகா ளத்தாய்
படியேயும் கடல் இலங்கைக் கோமான் தன்னைப் 
பருமுடியும் திரள்தோளும் அடர்த்து உகந்த
அடியேவந்து அடைந்து அடிமை யாகப் பெற்றால்
அல்லகண்டம் கொண்டு அடியேன் என் செய்கேனே.

திருச்சிற்றம்பலம்

திரு ஆனைக்கா

        

௨ 

திரு ஞானசம்பந்தர் சுவாமிகள்   அருளிச்செய்த
இரண்டாம் திருமுறை 

தகவல் பலகை	விவரம்
தலம்	திரு ஆனைக்கா
பிற பெயர்கள்
நாடு	சோழ நாடு (வ)
ॐசுவாமி	ஜம்புநாதர், அப்புளிங்கேஸ்வரர்
ॐஅம்பிகை	அகிலாண்டேஸ்வரி
பாடியவர்கள்	சம்பந்தர் (3)         மழையார் மிடறா(2-23)         வானைகாவில் வெண்மதி (3-53)         மண்ணது உண்டரி (3-109) அப்பர் (3)         கோனைக்காவி (5-31)         எத்தாயார் எத்தந்தை(6-62)         முன்னானை தோள் போர்த்த (6-63) சுந்தரர் (1)          மறைகள் ஆயின நான்கும். (7-75)
ஸ்தல மரம்	வெண் நாவல்
தீர்த்தம்	காவிரி
பண்	இந்தளம்
குறிப்புகள்	யானையும் சிலந்தியும் வழிபட்ட தலம்  பஞ்ச பூத தலங்களில் இது அப்பு தலம். .  அம்பிகை, அஷ்ட வசுக்கள், பிரமன் பராசரர், கோச்செங்கட் சோழன் முதலியோர் வழிபட்ட தலம்  முதலில் பூசித்த சிலந்தி மறுபிறப்பில் கோச்செங்கட் சோழனாகப் பிறந்தது என்பது வரலாறு
பதிக பலன்	பிறவிப் பயனைப் பெறுவர்
வரிசை எண்.	23                                                      60/63

திருச்சிற்றம்பலம்          

மழையார் மிடறா மழுவாள் உடையாய்
உழையார் கரவா உமையாள் கணவா
விழவா ரும் வெண் நாவலின் மேவிய எம்
அழகா எனும்ஆயிழையாள் அவளே.  1

கொலையார் கரியின் உரி மூடியனே
மலையார் சிலையாவளைவித் தவனே
விலையால் எனை ஆளும் வெண்நாவல் உளாய்
நிலையா அருளாய் எனும்நே ரிழையே.  2

காலால் உயிர் காலனை வீடு செய்தாய்
பாலோடு நெய் ஆடிய பால் வணனே
வேலாடு கையா எம் வெண்நாவல் உளாய்
ஆலார் நிழலாய் எனும்ஆ யிழையே.  3

சுறவக் கொடிகொண்டவன் நீறது வாய்
உறநெற் றிவிழித்த எம் உத் தமனே
விறல் மிக்க கரிக்கு அருள் செய்தவனே
அறமிக்க அது என்னும் என் ஆயிழையே.  4

செங்கட் பெயர்கொண்டவன்செம் பியர்கோன்
அங்கட் கருணை பெரிதாயவனே
வெங்கண் விடையா எம் வெண்நாவல் உளாய்
அங்கத்து அயர்வாயினள் ஆயிழையே.  5

குன்றே அமர் வாய் கொலையார் புலியின்
தன்தோல் உடையாய் சடையாய் பிறையாய்
வென்றாய் புரமூன்றை வெண்நாவல் உளே
நின்றாய் அருளாய் எனும் நேரிழையே.  6

மலை அன்று எடுத்த அரக்கன் முடிதோள்
தொலை அவ்விரல் ஊன்றியதூ மழுவா
விலையால் எனை ஆளும் வெண்நா வல் உளாய்
அலசா மல்நல்காய் எனும்ஆ யிழையே.  8

திருவார் தருநாரணன்நான் முகனும்
மருவா வெருவாஅழலாய் நிமிர்ந்தாய்
விரையா ரும் வெண்நாவல் உள்மே வியஎம்
அரவா எனும்ஆயிழையா ளவளே.  9

புத்தர் பலரோடு அமண் பொய்த் தவர்கள்
ஒத்த இவ் உரைசொல் இவை ஓரகிலார்
மெய்த் தேவர் வணங்கும் வெண்நாவல் உளாய்
அத்தா அருளாய் எனும்ஆ யிழையே.  10

வெண்நாவல் அமர்ந்து உறை வேதியனைக்
கண்ணார் கமழ்காழியர் தம் தலைவன்
பண்ணோடு இவை பாடிய பத்தும்வல்லார்
விண்ணோ ரவரேத்தவிரும் புவரே.

இப்பதிகத்தில் 7 ம் பாடல் கிடைக்கப்பெறவில்லை

திருச்சிற்றம்பலம்

திரு ஆணைக்காவல்

       

௨ 

திரு ஞானசம்பந்தர் சுவாமிகள்   அருளிச்செய்த
மூன்றாம் திருமுறை 

தகவல் பலகை	விவரம்
தலம்	திரு ஆனைக்கா
பிற பெயர்கள்
நாடு	சோழ நாடு (வ)
ॐசுவாமி	ஜம்புநாதர், அப்புளிங்கேஸ்வரர்
ॐஅம்பிகை	அகிலாண்டேஸ்வரி
பாடியவர்கள்	சம்பந்தர் (3)         மழையார் மிடறா(2-23)         வானைகாவில் வெண்மதி (3-53)         மண்ணது உண்டரி (3-109) அப்பர் (3)         கோனைக்காவி (5-31)         எத்தாயார் எத்தந்தை(6-62)         முன்னானை தோள் போர்த்த (6-63) சுந்தரர் (1)          மறைகள் ஆயின நான்கும். (7-75)
ஸ்தல மரம்	வெண் நாவல்
தீர்த்தம்	காவிரி
பண்	பழம் பஞ்சுரம்
குறிப்புகள்	யானையும் சிலந்தியும் வழிபட்ட தலம்  பஞ்ச பூத தலங்களில் இது அப்பு தலம். .  அம்பிகை, அஷ்ட வசுக்கள், பிரமன் பராசரர், கோச்செங்கட் சோழன் முதலியோர் வழிபட்ட தலம்  முதலில் பூசித்த சிலந்தி மறுபிறப்பில் கோச்செங்கட் சோழனாகப் பிறந்தது என்பது வரலாறு
பதிக பலன்	பிறவிப் பயனைப் பெறுவர்
வரிசை எண்.	109                                                      60/63

திருச்சிற்றம்பலம்          

மண்ணது உண்டரி மலரோன்காணா
வெண்நாவல் விரும்பும் மயேந்திரரும்
கண்ணது ஓங்கிய கயிலையாரும்
அண்ணல் ஆரூர் ஆதி ஆனைக்காவே.  1

வந்து மால் அயனவர் காண்பரியார்
வெந்தவெண்ணீறு அணி மயேந்திரமும்
கந்தவார் சடையுடைக் கயிலையாரும்
அந்தண்ஆரூர் ஆதி ஆனைக்காவே.  2

மால் அயன் தேடிய மயேந்திரரும்
காலனை உயிர்கொண்ட கயிலையாரும்
வேலையது ஓங்கும்வெண் ணாவலாரும்
ஆலை ஆரூர் ஆதி ஆனைக்காவே.  3

கருடனை யேறு அரி  அயனோர் காணார்
வெருள்விடை யேறிய மயேந்திரரும் 
கருள் திரு  கண்டத்து எம் கயிலையாரும்
அருளன் ஆரூர் ஆதி ஆனைக்காவே.  4

மதுசூதனன் நான்முகன் வணங்கரியார்
மதியது சொல்லிய மயேந்திரரும்
கதிர்முலை புல்கிய கயிலையாரும்
அதியன் ஆரூர் ஆதி ஆனைக்காவே.  5

சக்கரம் வேண்டுமால் பிரமன்காணா
மிக்கவர் கயிலை மயேந்திரரும் 
தக்கனைத் தலையரி தழல் உருவர்
அக்கணி அவர் ஆரூர் ஆனைக்காவே.  6

கண்ணனும் நான்முகன் காண்பரியார்
வெண்ணாவல் விரும்பு மயேந்திரரும்
கண்ணப்பர்க்கு அருள்செய்த கயிலை எங்கள்
அண்ணல்ஆரூர் ஆதி ஆனைக்காவே.  7

கடல்வண்ணன் நான்முகன் காண்பரியார்
தடவரை அரக்கனைத் தலைநெரித்தார்
விடம் அது உண்ட எம் மயேந்திரரும்
அடல் விடை ஆரூர் ஆதி ஆனைக்காவே  8

ஆதிமால் அயனவர் காண்பரியார்
வேதங்கள் துதிசெயும் மயேந்திரரும் 
காதில் ஓர் குழையுடைக் கயிலையாரும்
ஆதிஆ ரூர் எந்தை ஆனைக்காவே.  9

அறிவில் அமண்புத்தர் அறிவுகொள்ளேல்
வெறியமான் கரத்து ஆரூர் மயேந்திரரும்
மறி கடலோன் அயன் தேடத் தானும்
அறிவரு கயிலையோன் ஆனைக்காவே.  10

ஏன மால் அயனவர் காண்பரியார்
கானமார் கயிலை நன் மயேந்திரரும்
ஆனஆரூர் ஆதி ஆனைக்காவை
ஞானசம் பந்தன தமிழ்சொல்லுமே.

திருச்சிற்றம்பலம்

திரு ஆணைக்காவல்

      

௨ 

திரு ஞானசம்பந்தர் சுவாமிகள்   அருளிச்செய்த
மூன்றாம் திருமுறை 

தகவல் பலகை	விவரம்
தலம்	திரு ஆனைக்கா
பிற பெயர்கள்
நாடு	சோழ நாடு (வ)
ॐசுவாமி	ஜம்புநாதர், அப்புளிங்கேஸ்வரர்
ॐஅம்பிகை	அகிலாண்டேஸ்வரி
பாடியவர்கள்	சம்பந்தர் (3)         மழையார் மிடறா(2-23)         வானைகாவில் வெண்மதி (3-53)         மண்ணது உண்டரி (3-109) அப்பர் (3)         கோனைக்காவி (5-31)         எத்தாயார் எத்தந்தை(6-62)         முன்னானை தோள் போர்த்த (6-63) சுந்தரர் (1)          மறைகள் ஆயின நான்கும். (7-75)
ஸ்தல மரம்	வெண் நாவல்
தீர்த்தம்	காவிரி
பண்	இந்தளம்
குறிப்புகள்	யானையும் சிலந்தியும் வழிபட்ட தலம்  பஞ்ச பூத தலங்களில் இது அப்பு தலம். .  அம்பிகை, அஷ்ட வசுக்கள், பிரமன் பராசரர், கோச்செங்கட் சோழன் முதலியோர் வழிபட்ட தலம்  முதலில் பூசித்த சிலந்தி மறுபிறப்பில் கோச்செங்கட் சோழனாகப் பிறந்தது என்பது வரலாறு
பதிக பலன்	கொடிய வினைகள் மாயும்.
வரிசை எண்.	53                                                      60/63

திருச்சிற்றம்பலம்          

வானைக்காவில் வெண்மதி
          மல்குபுல்கு வார்சடைத்
தேனைக்காவில் இன்மொழித்
          தேவிபாகம் ஆயினான்
ஆனைக்காவில் அண்ணலை
          அபயமாக வாழ்பவர்
ஏனைக்காவல் வேண்டுவார்க்கு 
          ஏதும்ஏதம் இல்லையே.  1  

சேறுபட்ட தண்வயல்
          சென்றுசென்று சேண் உலா
ஆறுபட்ட நுண் துறை
          ஆனைக்காவில் அண்ணலார்
நீறுபட்ட மேனியார்
          நிகரில்பாதம் ஏத்துவார்
வேறுபட்ட சிந்தையார்
          விண்ணில் எண்ண வல்லரே.  2  

தாரமாய மாதராள்
          தான் ஓர்பாகம் ஆயினான்
ஈரமாய புன்சடை
          ஏற்றதிங்கள் சூடினான்
ஆரமாய மார்புடை
          ஆனைக்காவில் அண்ணலை
வாரமாய் வணங்குவார்
          வல்வினைகள் மாயுமே.  3  

விண்ணில் நண்ணு புல்கிய
          வீரமாய மால்விடைச்
சுண்ணவெண்நீறு ஆடினான்
          சூலம் ஏந்து கையினான்
அண்ணல்கண் ஓர் மூன்றினான்
          ஆனைக்காவு கைதொழ
எண்ணும்வண்ணம் வல்லவர்க்கு
          ஏதம் ஒன்றும் இல்லையே.  4  

வெய்ய பாவம் கைவிட
          வேண்டுவீர்கள் ஆண்டசீர்
மைகொள்கண்டன் வெய்யதீ
          மாலையாடு காதலான்
கொய்யவிண்ட நாண்மலர்க்
          கொன்றைதுன்று சென்னி எம்
ஐயன்மேய பொய்கைசூழ்
          ஆனைக்காவு சேர்மினே.  5  

நாணும் ஓர்வு சார்வுமுன்
          நகையும் உட்கு நன்மையும்
பேணுறாத செல்வமும்
          பேசநின்ற பெற்றியான்
ஆணும்பெண்ணு ஆகிய
          ஆனைக்காவில் அண்ணலார்
காணும் கண்ணு மூன்றுடைக்
          கறைகொள் மிடறன் அல்லனே.  6  

கூருமாலை நண்பகல்
          கூடிவல்ல தொண்டர்கள்
பேரு ஊரும் செல்வமும்
          பேசநின்ற பெற்றியான்
பாரும்விண்ணும் கைதொழப்
          பாயும் கங்கை செஞ்சடை
ஆரநீரோடு ஏந்தினான்
          ஆனைக்காவு சேர்மினே.  7  

பொன்னமல்கு தாமரைப்
          போதுதாது வண்டு இனம்
அன்னமல்கு தண்டுறை
          ஆனைக்காவில் அண்ணலைப்
பன்னவல்ல நான்மறை
          பாடவல்ல தன்மையோர்
முன்னவல்லர் மொய்கழல்
          துன்னவல்லர் விண்ணையே.  8  

ஊனொடு உண்டல் நன்று என
          ஊனொடு உண்டல் தீது என
ஆனதொண்டர் அன்பினால்
          பேசநின்ற தன்மையான்
வானொறு ஒன்று சூடினான்
          வாய்மையாக மன்னிநின்
ஆனொடு அஞ்சும் ஆடினான்
          ஆனைக்காவு சேர்மினே.  9  

கையில் உண்ணும் கையரும்
          கடுக்கள் தின் கழுக்களும்
மெய்யைப்போர்க்கும் பொய்யரும்
          வேதநெறியை அறிகிலார்
தையல்பாகம் ஆயினான்
          தழல் அது உருவத் தான் எங்கள்
ஐயன்மேய பொய்கைசூழ்
          ஆனைக்காவு சேர்மினே.  10  

ஊழியூழி வையகத்து 
          துயிர்கள்தோற்று வானொடும்
ஆழியானும் காண்கிலா
          ஆனைக்காவில் அண்ணலைக்
காழி ஞான சம்பந்தன்
          கருதிச்சொன்ன பத்து இவை
வாழியாகக் கற்பவர்
          வல்வினைகள் மாயுமே.

திருச்சிற்றம்பலம்