3.8 திருவிசைப்பா - கருவூர்த் தேவர்

                    

௨ 

கருவூர்த் தேவர்      -  அருளிச்செய்த
திருவிசைப்பா - ஒன்பதாம் திருமுறை

தகவல் பலகை	விவரம்
தலம்	திருசாட்டியக்குடி
ஊர்	ஏழிருக்கை
நாடு	பாண்டிய நாடு
ॐசுவாமி	வேதபுரீஸ்வரர்
ॐஅம்பிகை	வேதநாயகி
பாடியவர்கள்	கருவூர்த் தேவர் (1),         பெரியவா கருணை  (9-3.8)
ஸ்தல மரம்	வன்னி
தீர்த்தம்	வேத புஷ்கரணி, கொன்ன தீர்த்தம்
பண்	பஞ்சமம்
குறிப்புகள்	ஆறு ஆதாரங்களுக்கு மேலாக, நிராதாரமகிய சிறப்பு பெற்றதால் இக் கோவில் ஏழிருக்கை சாட்டியம்" என்ற சொல்லுக்கு வெப்ப நோய் என்று பொருள். வெப்ப நோய்களைத் தீர்க்கும் தலமாக நம்பப்படுகிறது குபேரனுக்கு காட்சி அளித்த தலம்  சுவாமி மேற்கு நோக்கிய சன்னதி
பதிக பலன்	சிவலோகப் பேறு கிடைக்கும்
வரிசை எண்.	3.8

திருச்சிற்றம்பலம்

பெரியவா கருணை இளநிலா எறிக்கும்
          பிறைதவழ் சடைமொழுப்பு அவிழ்ந்து
சரியுமா சுழியங் குழைமிளிர்ந்து இருபால்
          தாழ்ந்தவா காதுகள் கண்டம்
கரியவா தாமும் செய்யவாய் முறுவல்
          காட்டுமா சாட்டியக் குடியார்
இருகைகூம் பினகண்டு அலர்ந்தவா முகம்ஏழ்
          இருக்கையில் இருந்த ஈசனுக்கே.  1  

பாந்தள் பூணாரம் பரிகலம் கபாலம்
          பட்டவர்த் தனம் எருது அன்பர்
வார்ந்தகண் அருவி மஞ்சன சாலை
          மலைமகள் மகிழ்பெரும் தேவி
சாந்தமும் திருநீறு அருமறை கீதம்
          சடைமுடி சாட்டியக் குடியார்
ஏந்தெழில் இதயம் கோயில்மாளிகைஏழ்
          இருக்கையுள் இருந்தஈ சனுக்கே.  2  

தொழுதுபின் செல்வது அயன்முதற் கூட்டம்
          தொடர்வன மறைகள்நான்கு எனினும்
கழுதுறு கரிகாடு உறைவிடம் போர்வை
          கவந்திகை கரி உரி திரிந்து ஊண்
தழல் உமிழ் அரவம் கோவணம் பளிங்கு
          செபவடம் சாட்டியக் குடியார்
இழுதுநெய் சொரிந்து ஓம்பு அழல் ஒளி விளக்கு ஏழ்
          இருக்கையில் இருந்த ஈசனுக்கே.  3  

பதிகநான் மறைதும் புருவும்நா ரதரும்
          பரிவொடு பாடு காந் தர்ப்பர்
கதியெலாம் அரங்கம் பிணையல் மூவுலகில்
          கடி இருள் திருநடம் புரியும்
சதியிலார் கதியில் ஒலிசெயும் கையில்
          தமருகம் சாட்டியக் குடியார்
இதயமாம் கமலம் கமலவர்த் தனைஏழ்
          இருக்கையில் இருந்தஈ சனுக்கே.  4  

திருமகன் முருகன் தேவியேல் உமையாள்
          திருமகள் மருமகன் தாயாம்
மருமகன் மதனன் மாமனேல் இமவான்
          மலை உடை அரையர்தம் பாவை
தருமலி வளனாம் சிவபுரன் தோழன்
          தனபதி சாட்டியக் குடியார்
இருமுகம் கழல்மூன்று ஏழுகைத் தலம்ஏழ்
          இருக்கையில் இருந்தஈ சனுக்கே.  5  

அனலமே ! புனலே ! அனிலமே ! புவனி
          அம்பரா ! அம்பரத்து அளிக்கும்
கனகமே ! வெள்ளிக் குன்றமே என் தன்
          களைகணே, களைகண்மற் றில்லாத்
தனியனேன் உள்ளம் கோயில்கொண்டு அருளும்
          சைவனே சாட்டியக் குடியார்க்கு
இனியதீங் கனியாய் ஒழிவற நிறைந்துஏழ்
          இருக்கையில் இருந்தவாறு இயல்பே.  6  

செம்பொனே ! பவளக் குன்றமே ! நின்ற
          திசைமுகன் மால்முதற் கூட்டத்து
அன்பர் ஆனவர்கள் பருகும்ஆ ரமுதே !
          அத்தனே பித்தனேன் உடைய
சம்புவே அணுவே தாணுவே சிவனே !
          சங்கரா சாட்டியக் குடியார்க்கு
இன்பனே ! எங்கும் ஒழிவற நிறைந்து ஏழ்
          இருக்கையில் இருந்தவாறு இயம்பே.  7  

செங்கணா போற்றி ! திசைமுகா போற்றி !
          சிவபுர நகருள்வீற்று இருந்த
அங்கணா போற்றி ! அமரனே போற்றி !
          அமரர்கள் தலைவனே போற்றி !
தங்கள்நான் மறைநூல் சகலமும் கற்றோர்
          சாட்டியக் குடியிருந்து அருளும்
எங்கள்நா யகனே போற்றி ! ஏழ் இருக்கை
          இறைவனே ! போற்றியே போற்றி !  8  

சித்தனே ! அருளாய் ! செங்கணா ! அருளாய் !
          சிவபுர நகருள்வீற்று இருந்த
அத்தனே ! அருளாய் ! அமரனே ! அருளாய் !
          அமரர்கள் அதிபனே ! அருளாய்
தத்துநீர்ப் படுகர்த் தண்டலைச் சூழல்
          சாட்டியக் குடியுள்ஏழ் இருக்கை
முத்தனே ! அருளாய் ! முதல்வனே ! அருளாய் !
         முன்னவா துயர்கெடுத்து எனக்கே.  9  

தாட்டரும் பழனப் பைம்பொழிற் படுகர்த்
          தண்டலைச் சாட்டியக் குடியார்
ஈட்டிய பொருளாய் இருக்கும்ஏழ் இருக்கை
          இருந்தவன் திருவடி மலர்மேல்
காட்டிய பொருட்கலை பயில்கரு ஊரன்
          கழறுசொல் மாலைஈர் ஐந்தும்
மாட்டிய சிந்தை மைந்தருக்கு அன்றே
          வளரொளி விளங்குவான் உலகே.

.

திருச்சிற்றம்பலம்

3.7 திருவிசைப்பா - கருவூர்த் தேவர்

                   

௨ 

கருவூர்த் தேவர்      -  அருளிச்செய்த
திருவிசைப்பா - ஒன்பதாம் திருமுறை

தகவல் பலகை	விவரம்
தலம்	திருப்பூவணம்
ஊர்/வேறுபெயர்
நாடு	பாண்டிய
ॐசுவாமி	பூவணநாதர், புஷ்பவநேஸ்வரர்
ॐஅம்பிகை	சௌந்தரநாயகி, அழகிய நாயகி
பாடியவர்கள்	திருஞானசம்பந்தர்(2)         அறையார் புனலும் (1:64)         மாதமர் மேனியனாகி  (3:20) திருநாவுக்கரசர்(1)         வடியேறு திருசூலம் (6:18) சுந்தரர்(1)         திருவுடையார் திருமால் (7:11) கருவூர் தேவர் (1)         திருவருள் புரிந்தாள் (9-3.7)
ஸ்தல மரம்	பலா
தீர்த்தம்
பண்	இந்தளம்
குறிப்புகள்	வைகை ஆற்றங்கரையில் உள்ள பிரம்மன் வழிபட்ட தலம்  ஈசன் நேரே நின்று திருவுருவம் கட்டி அருளிய தலம்  அதனால் தோன்றும் தோன்றும் என பதிகம் தோறும் இடம் பெற்றுள்ளது  "கொடிமாடம்நிலவு திருப்பூவணத்து கோயிலினுள்" என்ற பெரியபுராணம் (பாடல்:407) அருளிச் செய்துள்ளமை சிந்திக்க தக்கது
பதிக பலன்	சிவ பதவி கிட்டும் .
வரிசை எண்.	14                                                         11/14

திருச்சிற்றம்பலம்

திருவருள் புரிந்தாள் ஆண்டுகொண்டு இங்ஙன்
          சிறியனுக்கு இனியது காட்டிப்
பெரிதருள் புரிந்த ஆனந்தமே தரும்நின்
          பெருமையில்பெரியது ஒன்று உளதே
மருது அரசு இருங் கோங்கு அகில் மரம் சாடி
          வரைவளங் கவர்ந்திழி வைகைப்*
பொருதிரை மருங்கோங்கு ஆவண வீதிப்
          பூவணம் கோயில்கொண் டாயே. 1  

பாம்பணைத் துயின்றோன் அயன்முதல் தேவர்
          பன் நெடும்  காலம்நிற் காண்பான்
ஏம்பலித் திருக்க என் உளம் புகுந்த
          எளிமையை என்றும் நான் மறக்கேன்
தேம்புனற் பொய்கை வாளைவாய் மடுப்பத்
          தெளிதரு தேறல்பாய்ந்து ஒழுகும்
பூம்பணைச் சோலை ஆவண வீதிப்
          பூவணம் கோயில்கொண் டாயே.  2  

கரைகடல் ஒலியில் தமருகத்து அரையில்
          கையினிற் கட்டிய கயிற்றால்
இருதலை ஒருநா இயங்கவந்து ஒருநாள்
          இருந்திடாய் எங்கள்கண் முகப்பே;
விரிதிகழ் விழவின் பின்செல்வோர் பாடல்
          வேட்கையின் வீழ்ந்தபோது அவிழ்ந்த
புரிசடை துகுக்கும் ஆவண வீதிப்
          பூவணம் கோயில்கொண் டாயே.  3  

கண்ணியல் மணியின் சூழல்புக்கு அங்கே
          கலந்துபுக்கு ஒடுங்கினேற்கு அங்ஙன்
நுண்ணியை எனினும் நம்பநின் பெருமை
          நுண்ணிமை இறந்தமை அறிவன்
மண்ணியன் மரபில் தங்கிருள் மொழுப்பின்
          வண்டு இனம் பாடநின்று ஆடும்
புண்ணிய மகளிர் ஆவண வீதிப்
          பூவணம் கோயில்கொண் டாயே.  4  

கடுவினைப் பாசக் கடல்கடந்து ஐவர்
          கள்ளரை மெள்ளவே துரந்து உன்
அடியினை இரண்டும் அடையுமாறு அடைந்தேன்
          அருள் செய்வாய் அருள்செயாது ஒழிவாய்
நெடுநிலை மாடத்து இரவு இருள் கிழிக்க
          நிலைவிளக்கு அலகில்சா லேகம்
புடைகிடந்து இலங்கும் ஆவண வீதிப்
          பூவணம் கோயில் கொண் டாயே.  5  

செம்மனக் கிழவோர் அன்புதா என்று உன்
          சேவடி பார்த்திருந்து அலச
எம்மனம் குடிகொண் டிருப்பதற்கு யான் ஆர்
          என்னுடை அடிமைதான் யாதே
அம்மனம் குளிர்நாட் பலிக்கு எழுந்து அருள
          அரிவையர் அவிழ்குழல் சுரும்பு
பொம்மென முரலும் ஆவண வீதிப்
          பூவணம் கோயில்கொண் டாயே.  6  

சொன்னவில் முறைநான்கு ஆரணம் உணராச்
          சூழல்புக்கு ஒளித்தநீ இன்று
கன்னவில் மனத்து என் கண்வலைப் படும்இக்
          கருணையிற் பெரியது ஒன்று உளதே
மின்னவில் கனக மாளிகை வாய்தல்
          விளங்கு இளம் பிறைதவழ் மாடம்
பொன்னவில் புரிசை ஆவண வீதிப்
          பூவணம் கோயில்கொண் டாயே.  7  

பாடல் 8 & 9 கிடைக்கப்பெறவில்லை  

பூவணம்  கோயில் கொண்டு எனை ஆண்ட
          புனிதனை வனிதைபா கனை வெண்
கோவணங் கொண்டு வெண் தலை ஏந்தும்
          குழகனை அழகு எலாம் நிறைந்த
தீவணன் தன்னைச் செழுமறை தெரியும்
          திகழ்கரு வூரன் என  உரைத்த
பாவணத் தமிழ்கள் பத்தும்வல் லார்கள்
          பரமனது உருவமா குவரே.

திருச்சிற்றம்பலம்

திரு பூவணம்

             

௨ 

சுந்தரமூர்த்தி  சுவாமிகள் அருளிச்செய்த
ஏழாம் திருமுறை

தகவல் பலகை	விவரம்
தலம்	திருப்பூவணம்
ஊர்/வேறுபெயர்
நாடு	பாண்டிய
ॐசுவாமி	பூவணநாதர், புஷ்பவநேஸ்வரர்
ॐஅம்பிகை	சௌந்தரநாயகி, அழகிய நாயகி
பாடியவர்கள்	திருஞானசம்பந்தர்(2)         அறையார் புனலும் (1:64)         மாதமர் மேனியனாகி  (3:20) திருநாவுக்கரசர்(1)         வடியேறு திருசூலம் (6:18) சுந்தரர்(1)         திருவுடையார் திருமால் (7:11)
ஸ்தல மரம்	பலா
தீர்த்தம்
பண்	இந்தளம்
குறிப்புகள்	வைகை ஆற்றங்கரையில் உள்ள பிரம்மன் வழிபட்ட தலம்  ஈசன் நேரே நின்று திருவுருவம் கட்டி அருளிய தலம்  அதனால் தோன்றும் தோன்றும் என பதிகம் தோறும் இடம் பெற்றுள்ளது  "கொடிமாடம்நிலவு திருப்பூவணத்து கோயிலினுள்" என்ற பெரியபுராணம் (பாடல்:407) அருளிச் செய்துள்ளமை சிந்திக்க தக்கது
பதிக பலன்	பாவம் விலகும்
வரிசை எண்.	11                                                         11/14

திருச்சிற்றம்பலம்

திருவுடை யார்திருமால்அய னாலும்
உருவுடை யார்உமையாளைஓர் பாகம்
பரிவுடை யார்அடைவார்வினை தீர்க்கும்
புரிவுடை யார்உறைபூவணம் ஈதோ.  1  

எண்ணி இருந்து கிடந்தும் நடந்தும்
அண்ணல் எனா நினைவார்வினை தீர்ப்பார்
பண் இசை யார்மொழியார்பலர் பாடப்
புண்ணிய னார்உறை பூவணம் ஈதோ.  2  

தெள்ளிய பேய்பல பூதம்  அவற்றொடு
நள்ளிருள் நட்டம் அது ஆடல் நவின்றோர்
புள்ளுவ ராகும்அவர்க்கவர் தாமும்
புள்ளுவ னார்உறை பூவணம் ஈதோ.  3  

நிலனுடை மான்மறி கையது தெய்வக்
கனலுடை மாமழு ஏந்தியோர் கையில்
அனலுடை யார்அழகார்தரு சென்னிப்
புனலுடை யார்உறை பூவணம் ஈதோ.  4  

நடையுடை நல் எருது ஏறுவர் நல்லார்
கடைகடை தோறிடு மின்பலி என்பார்
துடியிடை நன்மடவாளொடு மார்பில்
பொடி அணி வார்உறை பூவணம் ஈதோ.  5  

மின்னனை யாள்திருமேனிவி ளங்க ஓர்
தன்னமர் பாகம் அது ஆகிய சங்கரன்
முன்னினை யார்புரம் மூன்று எரி ஊட்டிய
பொன்னனை யான்உறை பூவணம் ஈதோ.  6  

மிக்கிறை யே அவன் துன்மதியால் இட
நக்கிறை யேவிரலால் இற ஊன்றி
நெக்கிறை யேநினைவார்தனி நெஞ்சம்
புக்குறை வான்உறை பூவணம் ஈதோ.  7  

இப்பதிகத்தில் 8 & 9ம் பாடல் கிடைக்கப்பெறவில்லை.  9  

சீரின் மிகப்பொலியும் திருப் பூவணம்
ஆர இருப்பிடமாஉறை வான் தனை
ஊரன் உரைத்தசொன் மாலைகள் பத்து இவை
பாரில் உரைப்பவர் பாவம் அறுப்பரே.

திருச்சிற்றம்பலம்

திரு பூவணம்

              

௨ 

திருஞானசம்பந்தர்  சுவாமிகள் அருளிச்செய்த
மூன்றாம் திருமுறை

தகவல் பலகை	விவரம்
தலம்	திருப்பூவணம்
ஊர்/வேறுபெயர்
நாடு	பாண்டிய
ॐசுவாமி	பூவணநாதர், புஷ்பவநேஸ்வரர்
ॐஅம்பிகை	சௌந்தரநாயகி, அழகிய நாயகி
பாடியவர்கள்	திருஞானசம்பந்தர்(2)         அறையார் புனலும் (1:64)         மாதமர் மேனியனாகி  (3:20) திருநாவுக்கரசர்(1)         வடியேறு திருசூலம் (6:18) சுந்தரர்(1)         திருவுடையார் திருமால் (7:11)
ஸ்தல மரம்	பலா
தீர்த்தம்
பண்	திருத்தாண்டகம்
குறிப்புகள்	வைகை ஆற்றங்கரையில் உள்ள பிரம்மன் வழிபட்ட தலம்  ஈசன் நேரே நின்று திருவுருவம் கட்டி அருளிய தலம்  அதனால் தோன்றும் தோன்றும் என பதிகம் தோறும் இடம் பெற்றுள்ளது  "கொடிமாடம்நிலவு திருப்பூவணத்து கோயிலினுள்" என்ற பெரியபுராணம் (பாடல்:407) அருளிச் செய்துள்ளமை சிந்திக்க தக்கது
பதிக பலன்	பாவம் விலகும்
வரிசை எண்.	20                                 11/14

திருச்சிற்றம்பலம்

மாதமர் மேனியனாகி வண்டொடு
போதமர் பொழிலணி பூவ ணத்துறை
வேதனை விரவலர் அரணம் மூன்று எய்த
நாதனை அடிதொழ நன்மை ஆகுமே.  1  

வானணி மதிபுல்கு சென்னி வண்டொடு
தேனணி பொழில் திருப் பூவ ணத்துறை
ஆனநல்ல அரு மறை அங்கம் ஓதிய
ஞானனை அடி தொழ நன்மை ஆகுமே.  2  

வெந்துயர் உறு பிணி வினைகள் தீர்வதோர்
புந்தியர் தொழுது எழு பூவ ணத்துறை
அந்திவெண் பிறையினோடு ஆறு சூடிய
நந்தியை அடி தொழ நன்மை ஆகுமே.  3  

வாசநன் மலர்மலி மார்பில் வெண்பொடிப்
பூசனைப் பொழில்திகழ் பூவ ணத்துறை
ஈசனை மலர்புனைந்து ஏத்து வார்வினை
நாசனை அடி தொழ நன்மை ஆகுமே.  4  

குருந்தொடு மாதவி கோங்கு மல்லிகை
பொருந்திய பொழில்திருப்பூவ ணத்துறை
அருந்திறல் அவுணர்தம் அரணம் மூன்று எய்த
பெருந்தகை அடி தொழப் பீடை இல்லையே.  5  

வெறிகமழ் புன்னைபொன் ஞாழல் விம்மிய
பொறியர வணிபொழிற் பூவ ணத்துறை
கிறிபடு முடையினன் கேடில் கொள்கையன்
நறுமலர் அடிதொழ நன்மை ஆகுமே.  6  

பறைமல்கு முழவொடு பாடல் ஆடலன்
பொறைமல்கு பொழில் அணி பூவ ணத்துறை
மறைமல்கு பாடலன் மாதோர் கூறினன்
அறைமல்கு கழல்தொழ அல்லல் இல்லையே.  7  

வரைதனை எடுத்த வல் அரக்கன் நீள்முடி
விரல்தனில் அடர்த்தவன் வெள்ளை நீற்றினன்
பொருபுனல் புடை அணி  பூவ ணந்தனைப்
பரவிய அடியவர்க்கு இல்லை பாவமே.  8  

நீர்மல்கு மலர் உறை வானும் மாலுமாய்ச்
சீர்மல்கு திருந்தடி சேர கிற்கிலர்
போர்மல்கு மழுவினன் மேய பூவணம்
ஏர்மல்கு மலர் புனைந்து ஏத்தல் இன்பமே.  9  

மண்டை கொண்டு உழிதரு மதியில் தேரரும்
குண்டரும் குணமல பேசும் கோலத்தர்
வண்டமர் வளர்பொழில் மல்கு பூவணம்
கண்டவர் அடிதொழுது ஏத்தல் கன்மமே.  10  

புண்ணியர் தொழுது எழு பூவ ணத்துறை
அண்ணலை அடிதொழுது அந்தண் காழியுள்
நண்ணிய அருமறை ஞான சம்பந்தன்
பண்ணிய தமிழ்சொலப் பறையும் பாவமே.

திருச்சிற்றம்பலம்

திரு பூவணம்

             

௨ 

திருஞானசம்பந்தர்  சுவாமிகள் அருளிச்செய்த
முதலாம்  திருமுறை

தகவல் பலகை	விவரம்
தலம்	திருப்பூவணம்
ஊர்/வேறுபெயர்
நாடு	பாண்டிய
ॐசுவாமி	பூவணநாதர், புஷ்பவநேஸ்வரர்
ॐஅம்பிகை	சௌந்தரநாயகி, அழகிய நாயகி
பாடியவர்கள்	திருஞானசம்பந்தர்(2)         அறையார் புனலும் (1:64)         மாதமர் மேனியனாகி  (3:20) திருநாவுக்கரசர்(1)         வடியேறு திருசூலம் (6:18) சுந்தரர்(1)         திருவுடையார் திருமால் (7:11)
ஸ்தல மரம்	பலா
தீர்த்தம்
பண்	திருத்தாண்டகம்
குறிப்புகள்	வைகை ஆற்றங்கரையில் உள்ள பிரம்மன் வழிபட்ட தலம்  ஈசன் நேரே நின்று திருவுருவம் கட்டி அருளிய தலம்  அதனால் தோன்றும் தோன்றும் என பதிகம் தோறும் இடம் பெற்றுள்ளது  "கொடிமாடம்நிலவு திருப்பூவணத்து கோயிலினுள்" என்ற பெரியபுராணம் (பாடல்:407) அருளிச் செய்துள்ளமை சிந்திக்க தக்கது
பதிக பலன்	வானுலகம் சித்திக்கும்
வரிசை எண்.	64                                     11/14

திருச்சிற்றம்பலம்

அறையார்புனலும்  மாமலரும் 
          ஆடர வார்சடைமேல்
குறையார்மதியம் சூடிமாதோர் 
          கூறுடையான் இடமாம்
முறையால் முடிசேர் தென்னர்சேரர் 
          சோழர்கள் தாம் வணங்கும்
திறையார் ஒளிசேர் செம்மை ஓங்கும்
          தென்திருப் பூவணமே.  1  

மருவார்மதில்மூன்று ஒன்றஎய்து 
          மாமலை யான்மடந்தை
ஒருபால்பாக மாகச்செய்த 
          உம்பர் பிரான் அவன் ஊர்
கருவார்சாலி யாலைமல்கிக் 
          கழல்மன்னர் காத்து அளித்த
திருவால்மலிந்த சேடர்வாழும்
          தென்திருப் பூவணமே.  2  

போரார்மதமா உரிவைபோர்த்துப் 
          பொடியணி மேனியனாய்க்
காரார் கடலின் நஞ்சம் உண்ட 
          கண்ணுதல் விண்ணவன் ஊர்
பாரார் வைகைப் புனல்வாய்பரப்பிப் 
          பன்மணி பொன்கொழித்துச்
சீரார்வாரி சேரநின்ற 
          தென்திருப் பூவணமே.  3  

கடியார் அலங்கல் கொன்றைசூடிக் 
          காதில் ஓர் வார்குழையன்
கொடியார்வெள்ளை ஏறு உகந்த 
          கோவணவன் இடமாம்
படியார்கூடி நீடி ஓங்கும் 
          பல்புக ழாற்பரவச்
செடியார் வைகை சூழநின்ற 
          தென்திருப் பூவணமே.  4  

கூரார்வாளி சிலையில் கோத்துக் 
          கொடிமதில் கூட்டழித்த
போரார்வில்லி மெல்லியலாள் ஓர் 
          பால் மகிழ்ந்தான் இடமாம்
ஆரா அன்பில் தென்னர்சேரர் 
          சோழர்கள் போற்றி இசைப்பத்
தேரார்வீதி மாடநீடும் 
          தென்திருப் பூவணமே.  5  

நன்று தீது என்று ஒன்று இலாத 
          நான்மறை யோன்கழலே
சென்றுபேணி ஏத்தநின்ற 
          தேவர் பிரான் இடமாம்
குன்றில் ஒன்றி ஓங்கமல்கு 
          குளிர்பொழில் சூழ்மலர்மேல்
தென்றல் ஒன்றி முன்றில் ஆரும்
          தென்திருப் பூவணமே.  6  

பைவாய் அரவம் அரையிற்சாத்திப் 
          பாரிடம் போற்றி இசைப்ப
மெய்வாய்மேனி நீறுபூசி 
          ஏறு உகந் தான் இடமாம்
கைவாழ்வளையார் மைந்தரோடும்
          கலவியி னால்நெருங்கிச்
செய்வார்தொழிலின் பாடல் ஓவாத் 
          தென்திருப் பூவணமே.   7  

மாடவீதி மன் இலங்கை 
          மன்னனை மாண்பு அழித்துக்
கூடவென்றி வாள்கொடுத்தாள் 
          கொள்கையி னார்க்கு இடமாம்
பாடலோடும் ஆடல் ஓங்கிப் 
          பன்மணி பொன்கொழித்து
ஓடநீரால் வைகைசூழும் 
          உயர்திருப் பூவணமே.  8  

பொய்யாவேத நாவினானும் 
          பூமகள் காதலனும்
கையால்தொழுது கழல்கள்போற்றக் 
          கனல் எரி யானவன் ஊர்
மையார்பொழிலின் வண்டுபாட 
          வைகை மணிகொழித்துச்
செய்யார்கமலம் தேன்அரும்புந் 
          தென்திருப் பூவணமே.  9  

அலையார்புனலை நீத்தவருந் 
          தேரரும் அன்பு செய்யா
நிலையாவண்ணம் மாயம்வைத்த 
          நின்மலன் தன்னிடமாம்
மலைபோல்துன்னி வென்றி ஓங்கும் 
          மாளிகை சூழ்ந்து அயலே
சிலையார்புரிசை பரிசுபண்ணும்
          தென்திருப் பூவணமே.  10  

திண்ணார்புரிசை மாடம் ஓங்கும்
          தென்திருப் பூவணத்துப்
பெண்ணார்மேனி எம் இறையைப் 
          பேரியல் இன் தமிழால்
நண்ணார் உட்கக் காழிமல்கு 
          ஞானசம் பந்தன்சொன்ன 
பண்ணார்பாடல் பத்தும்வல்லார் 
          பயில்வது வானிடையே.

திருச்சிற்றம்பலம்

திரு ஆலவாய்

                     

௨ 

திருநாவுக்கரசர்  சுவாமிகள் அருளிச்செய்த
நான்காம் திருமுறை

தகவல் பலகை	விவரம்
தலம்	திருஆலவாய்
ஊர்/வேறுபெயர்	மதுரை, கூடல் நகர், கடம்ப வனம், சிவராசதானி
நாடு	பாண்டிய
ॐசுவாமி	சோமசுந்தரக்கடவுள், சொக்கநாதர்
ॐஅம்பிகை	மீனாட்சி, அங்கயர்கன்னி
பாடியவர்கள்	திருஞானசம்பந்தர்(9)         நீலமாமிடற் (1:94)         மந்திரமாவது நீறு (2:66)         மானின் நேர் விழி (3:39)         காட்டுமாவது (3:47)         செய்யனே திருஆலவாய் (3:51)         வீடல் ஆலவாய் (3:52)         வேத வேள்வியை (3:108)         ஆல நீழல் உகந்த (3:115)         மங்கையர்க்கரசி (3:120)          திருநாவுக்கரசர்(2)         வேதியா வேத கீதா(4:62)         முளைத்தானை முன்னே(6:19)
ஸ்தல மரம்	கடம்பு
தீர்த்தம்	பொற்றாமரைக்குளம்
பண்	திருநேரிசை
குறிப்புகள்	பாணபத்திரர் வாயிலாக சேரமான் பெருமாளுக்கு திருமுகப்பாசுரம்  அளித்த பதி. சமணர்களை வாதம் செய்து, திருஞானசம்பந்தர் சைவத்தை நிலைநாட்டிய திருத்தலம்  பஞ்ச சபைகளுள் ஒன்று. இது வெள்ளி அம்பலம்.   பாண்டிய மன்னனுக்காக கால் மாறி ஆடிய தலம்  பூலோக கைலாசம் என போற்றப் பெறும் தலம்   பாண்டியனின் வெப்பு நோய் நீங்க இறைவன் திருக்குறிப்பை அறிய  அருளிய பதிகம்
பதிகப் பலன்	பலரும் போற்றும் படி வாழ்வு அமையும்
வரிசை எண்.	62                                     1/14

திருச்சிற்றம்பலம்

வேதியா வேத கீதா 
          விண்ணவர் அண்ணா என்றென்று
ஓதியே மலர்கள் தூவி 
          ஒருங்கிநின் கழல்கள் காணப்
பாதியோர் பெண்ணை வைத்தாய் 
      படர்சடை மதியம் சூடும்
ஆதியே ஆல வாயில் 
      அப்பனே அருள்செ யாயே.  1  

நம்பனே நான் முகத்தாய் 
          நாதனே ஞான மூர்த்தி
என்பொனே ஈசா என்றென்று  
          ஏத்தி நான் ஏசற்று என்றும்
பின்பினே திரிந்து நாயேன் 
          பேர்த்து இனிப் பிறவா வண்ணம்
அன்பனே ஆலவாயில் அப்பனே 
          அருள் செயாயே.  2   

ஒருமருந்து ஆகி உள்ளாய் 
          உம்பரோடு உலகுக்கு எல்லாம்
பெருமருந் தாகி நின்றாய் 
          பேர் அமுதின் சுவையாய்க்கு
அருமருந் தாகி உள்ளாய் 
          ஆளும்வல் வினைகள் தீர்க்கும்
அருமருந்து ஆலவாயில் 
          அப்பனே அருள்செ யாயே.  3  

செய்யநின் கமல பாதம்
          சேருமா தேவர் தேவே
மையணி கண்டத் தானே 
          மான்மறி மழு ஒன்று ஏந்தும்
சைவனே சால ஞானம்
          கற்று அறிவிலாத நாயேன்
ஐயனே ஆல வாயில் 
          அப்பனே அருள்செ யாயே.  4  

வெண் தலை கையில் ஏந்தி 
          மிகவும் ஊர் பலிகொண்டு என்றும்
உண்டதும் இல்லை சொல்லில் 
          உண்டது நஞ்சு தன்னைப்
பண்டு உனை நினைய மாட்டாப் 
          பளகனேன் உளம தார
அண்டனே ஆல வாயில் 
          அப்பனே அருள்செ யாயே.  5  

எஞ்சலில் புகலி தென்என்று  
          ஏத்தி நான் ஏசற்று என்றும்
வஞ்சகம் ஒன்றும் இன்றி 
          மலரடி காணும் வண்ணம்
நஞ்சினை மிடற்றில் வைத்த 
          நற்பொருட் பதமே நாயேற்கு 
அஞ்சல் என்று ஆல வாயில் 
          அப்பனே அருள்செ யாயே.  6  

வழுவிலாது உன்னை வாழ்த்தி 
          வழிபடுந் தொண்ட னேன் உன்
செழுமலர்ப் பாதங் காணத் 
          தெண்டிரை நஞ்ச முண்ட
குழகனே கோல வில்லீ 
          கூத்தனே மாத்தாய் உள்ள
அழகனே ஆல வாயில் 
          அப்பனே அருள்செ யாயே.  7  

நறுமலர் நீரும் கொண்டு 
          நாள்தொறும் ஏத்தி வாழ்த்திச்
செறிவன சித்தம் வைத்துத் 
          திருவடி சேரும் வண்ணம்
மறிகடல் வண்ணன் பாகா 
          மாமறை அங்கம் ஆறும்
அறிவனே ஆல வாயில் 
          அப்பனே அருள்செ யாயே.  8  

நலந்திகழ் வாயின் நூலாற் 
          சருகிலைப் பந்தர் செய்த
சிலந்தியை அரசு அது ஆள 
          அருளினாய் என்று திண்ணம்
கலந்துடன் வந்து நின்றாள் 
          கருதிநான் காண்ப தாக
அலந்தனன் ஆல வாயில் 
          அப்பனே அருள்செ யாயே.  9  

பொடிக்கொடு பூசிப் பொல்லாக் 
          குரம்பையிற் புந்தி ஒன்றிப்
பிடித்து நின் தாள்கள் என்றும் 
          பிதற்றி நான் இருக்க மாட்டேன்
எடுப்பன் என்று இலங்கைக் கோன்வந்து  
          எடுத்தலும் இருப துதோள்
அடர்த்தனே ஆல வாயில் 
          அப்பனே அருள்செ யாயே.

திருச்சிற்றம்பலம்

திரு ஆலவாய்

                    

௨ 

திருஞானசம்பந்தர்  சுவாமிகள் அருளிச்செய்த
மூன்றாம்   திருமுறை

தகவல் பலகை	விவரம்
தலம்	திருஆலவாய்
ஊர்/வேறுபெயர்	மதுரை, கூடல் நகர், கடம்ப வனம், சிவராசதானி
நாடு	பாண்டிய
ॐசுவாமி	சோமசுந்தரக்கடவுள், சொக்கநாதர்
ॐஅம்பிகை	மீனாட்சி, அங்கயர்கன்னி
பாடியவர்கள்	திருஞானசம்பந்தர்(9)         நீலமாமிடற் (1:94)         மந்திரமாவது நீறு (2:66)         மானின் நேர் விழி (3:39)         காட்டுமாவது (3:47)         செய்யனே திருஆலவாய் (3:51)         வீடல் ஆலவாய் (3:52)         வேத வேள்வியை (3:108)         ஆல நீழல் உகந்த (3:115)         மங்கையர்க்கரசி (3:120)          திருநாவுக்கரசர்(2)         வேதியா வேத கீதா(4:62)         முளைத்தானை முன்னே(6:19)
ஸ்தல மரம்	கடம்பு
தீர்த்தம்	பொற்றாமரைக்குளம்
பண்	பழம் பஞ்சுரம்
குறிப்புகள்	பாணபத்திரர் வாயிலாக சேரமான் பெருமாளுக்கு திருமுகப்பாசுரம்  அளித்த பதி. சமணர்களை வாதம் செய்து, திருஞானசம்பந்தர் சைவத்தை நிலைநாட்டிய திருத்தலம்  பஞ்ச சபைகளுள் ஒன்று. இது வெள்ளி அம்பலம்.   பாண்டிய மன்னனுக்காக கால் மாறி ஆடிய தலம்  பூலோக கைலாசம் என போற்றப் பெறும் தலம்   பாண்டியனின் வெப்பு நோய் நீங்க இறைவன் திருக்குறிப்பை அறிய  அருளிய பதிகம்   இது நாலடி மேல் வைப்பு என சிறப்பு பெற்றது
பதிகப் பலன்	பலரும் போற்றும் படி வாழ்வு அமையும்
வரிசை எண்.	115                                     1/14

திருச்சிற்றம்பலம்

மங்கையர்க்கரசி வளவர்கோன் பாவை
          வரிவளைக் கைம்மட மானி
பங்கயச் செல்வி பாண்டிமா தேவி
          பணிசெய்து நாள்தொறும் பரவப்
பொங்கழல் உருவன் பூத நாயகன் நால்
          வேதமும் பொருள்களும் அருளி
அங்கயற் கண்ணி தன்னொடும் அமர்ந்த
          ஆலவாய் ஆவதும் இதுவே.   1  

வெற்றவே அடியார் அடிமிசை வீழும்
          விருப்பினன் வெள்ளை நீறு அணியும்
கொற்றவன் தனக்கு மந்திரி யாய
          குலச்சிறை குலாவி நின்று ஏத்தும்
ஒற்றைவெள் விடையன் உம்பரார் தலைவன்
          உலகினில் இயற்கையை ஒழிந்திட்டு 
அற்றவர்க்கு அற்ற சிவனுறை கின்ற
          ஆலவாய் ஆவதும் இதுவே.    2  

செந்துவர் வாயாள் சேலன கண்ணாள்
          சிவன்திரு நீற்றினை வளர்க்கும்
பந்தணை விரலாள் பாண்டிமா தேவி
          பணிசெயப் பாரிடை நிலவும்
சந்தமார் தரளம் பாம்புநீர் மத்தம்
          தண் எருக்கம் மலர் வன்னி
அந்திவான் மதிசேர் சடைமுடி அண்ணல்
          ஆலவாய் ஆவதும் இதுவே.     3  

கணங்களாய் வரினும் தமியராய் வரினும்
          அடியவர் தங்களைக் கண்டால்
குணங்கொடு பணியுங் குலச்சிறை குலாவும்
          கோபுரம் சூழ்மணிக் கோயில்
மணங்கமழ் கொன்றை வாளரா மதியம்
          வன்னி வன் கூவிள மாலை
அணங்கு வீற்று இருந்த சடைமுடி அண்ணல்
          ஆலவாய் ஆவதும் இதுவே.     4  

செய்யதா மரைமேல் அன்னமே அனைய
          சேயிழை திருநுதற் செல்வி
பையர அல்குல் பாண்டிமா தேவி
          நாள்தொறும் பணிந்து இனிது ஏத்த
வெய்யவேல் சூலம் பாசம்அங் குசமான்
          விரிகதிர் மழுவுடன் தரித்த
ஐயனார் உமையோடு இன்புறு கின்ற
          ஆலவாய் ஆவதும் இதுவே.     5  

நலமில ராக நலம் அது உண்டாக
          நாடவர் நாடறி கின்ற
குலமில ராகக் குலம் அது உண்டாகத்
          தவம்பணி குலச்சிறை பரவும்
கலைமலி கரத்தன் மூவிலை வேலன்
          கரி உரி மூடிய கண்டன்
அலைமலி புனல்சேர் சடைமுடி அண்ணல்
          ஆலவாய் ஆவதும் இதுவே.    6  

முத்தின்தாழ் வடமும் சந்தனக் குழம்பும் 
          நீறும் தன் மார்பினின் முயங்கப்
பத்தியார் கின்ற பாண்டிமா தேவி 
          பாங்கொடு பணிசெய நின்ற
சுத்தமார் பளிங்கின் பெருமலை உடனே 
          சுடர்மர கதம் அடுத் தாற்போல்
அத்தனார் உமையோடு இன்புறு கின்ற 
          ஆலவாய் ஆவதும் இதுவே.     7  

நாவணங்கு இயல்பாம் அஞ்செழுத்து ஓதி 
          நல்லராய் நல்லியல் பாகும்
கோவணம் பூதி சாதனம் கண்டால் 
          தொழுதெழு குலச்சிறை போற்ற
ஏவணங்கு இயல்பாம் இராவணன் திண் தோள் 
          இருபதும் நெரிதர ஊன்றி
ஆவணங் கொண்ட சடைமுடி அண்ணல் 
          ஆலவாய் ஆவதும் இதுவே.     8  

மண்ணெலாம் நிகழ மன்னனாய் மன்னும் 
          மணிமுடிச் சோழன் தன் மகளாம்
பண்ணினேர் மொழியாள் பாண்டிமா தேவி 
          பாங்கினாற் பணிசெய்து பரவ
விண்ணுளார் இருவர் கீழொடு மேலும் 
          அளப்பரி தாம்வகை நின்ற
அண்ணலார் உமையோடு இன்புறு கின்ற 
          ஆலவாய் ஆவதும் இதுவே.    9  

தொண்டராய் உள்ளார் திசைதிசை தோறும் 
          தொழுதுதன் குணத்தினைக் குலாவக்
கண்டு நாள்தோறும் இன்புறு கின்ற 
          குலச்சிறை கருதிநின்று ஏத்தக்
குண்டராய் உள்ளார் சாக்கியர் தங்கள் 
          குறியின்கண் நெறியிடை வாரா
அண்டநா யகன் தான் அமர்ந்து வீற்று இருந்த 
          ஆலவாய் ஆவதும் இதுவே.    10  

பன்னலம் புணரும் பாண்டிமா தேவி 
          குலச்சிறை எனும் இவர் பணியும்
அந்நலம் பெறுசீர் ஆலவாய் ஈசன் 
          திருவடி ஆங்கு அவை போற்றிக்
கன்னலம் பெரிய காழியுள் ஞான 
          சம்பந்தன் செந்தமிழ் இவைகொண்டு 
இன்னலம் பாட வல்லவர் இமையோர் 
          ஏத்த வீற்று இருப்பவர் இனிதே.

திருச்சிற்றம்பலம்