திரு கழிப்பாலை

                                                                                    ௨ 

திருஞானசம்பந்தர் அருளிச்செய்த
இரண்டாம்  திருமுறை

தகவல் பலகை	விவரம்
தலம்	திருக்கழிப்பாலை
ஊர்/வேறு பெயர்
நாடு	சோழ (காவிரி வட)
ॐசுவாமி	பால் வண்ண நாதர்
ॐஅம்பிகை	வேத நாயகி
பாடியவர்கள்	சம்பந்தர் (2)     புனல் ஆடியபுன் (2-21)     வெந்த குங்குலியப் புகை (3-44)     அப்பர் (5)     வனபவள வாய் திறந்து (4-006)     நங்கையைப் பாகம் வைத்தார் (4-30)     நெய்தற் குருகுதன் பிள்ளை (4-106)     வண்ணமும் வடிவும் சென்று (5-40)     ஊன் உடுத்தி ஒன்பது வாசல் (6-12) சுந்தரர் (1)         செடியேன் தீவினையில் தடுமாற(7-23)
ஸ்தல மரம்	வில்வம்
தீர்த்தம்	கொள்ளிடம்
பண்	நட்டராகம்
குறிப்புகள்	வால்மீகி முனிவர் வழிபட்டு பேறு பெற்றது
பதிக பலன்	தேவர் உலகை ஆள்வர்
வரிசை எண்.	21                                                                   4/63

திருச்சிற்றம்பலம்

புனல் புனல்-கங்கை ஆடியபுன் சடையாய் அரணம் அரணம்-கோட்டை

அனலாக விழித்தவனே அழகார்

கனல் கனல்- நெருப்பு ஆடலினாய்கழிப்பா லை உளாய்

உனவார் கழல் கைதொழு உள்குதுமே.  1

துணையாக ஓர்தூவளமா தினையும்

இணையாக உகந்தவனே இறைவா

கணையால் எயில் எய் கழிப்பாலை உளாய்

இணையார் கழல் ஏத்தஇடர் கெடுமே.  2

நெடியாய்! குறியாய்! நிமிர் புன்சடையின் 

முடியாய்! சுடுவெண் பொடி முற்று அணிவாய்! 

கடியார் பொழில்சூழ்கழிப்பாலை உளாய்!

அடியார்க்கு அடையா அவலம் அவையே.  3

எளியாய் அரியாய் நிலம் நீரொடு தீ

வளிகாயம் என வெளிமன் னியதூ

ஒளியாய் உனையே தொழுது உன்னும் அவர்க்கு

அளியாய் கழிப்பாலை அமர்ந் தவனே.  4

நடம்நண் ணியொர் நாகம் அசைத் தவனே

விடம்நண் ணியதூமிடறா விகிர்தா

கடல்நண் ணுகழிப்பதி காவலனே

உடன் நண் ணிவணங்குவன் உன்னடியே.  5

பிறையார் சடையாய்பெரியாய் பெரிய

மறையார் தருவாய்மையினாய் உலகில்

கறையார் பொழில் சூழ் கழிப்பாலை உளாய்

இறையார் கழல் ஏத்த இடர் கெடுமே.  6

முதிரும்  சடையின் முடிமேல் விளங்கும்

கதிர்வெண் பிறையாய் கழிப்பா லை உளாய்

எதிர்கொள் மொழியால்இரந்து ஏத்தும் அவர்க்கு

அதிரும் வினையாயின ஆசு அறுமே.  7

எரியார் கணையால் எயில் எய் தவனே

விரியார் தருவீழ்சடையாய் இரவில்

கரிகா டலினாய் கழிப்பா லை உளாய்

உரிதாகி வணங்குவன் உன்னடியே.  8

நலநா ரணன்நான்முகன்நண் ணலுறக்

கனல் ஆனவனே கழிப்பாலை உளாய்

உனவார் கழலே தொழுது உன்னும் அவர்க்கு

இலதாம் வினைதான் எயில் எய் தவனே.  9

தவர்கொண்ட தொழிற் சமண் வேடரொடும்

துவர்கொண் டனர் நுண்துகில் ஆடையரும்

அவர்கொண் டன விட்டடிகள் உறையும்

உவர்கொண்ட கழிப்பதி உள்குதுமே.  10

கழியார் பதிகாவலனைப் புகலிப்

பழியா மறை ஞானசம்பந்தனசொல்

வழிபாடு இவை கொண்டு அடி வாழ்த்த வல்லார்

கெழியார் இமையோரொடு கேடிலரே.  11

திருச்சிற்றம்பலம்

திரு நெல்வாயில்

                                                                                 ௨ 

திருஞானசம்பந்தர்  சுவாமிகள்  அருளிச்செய்த
இரண்டாம்  திருமுறை

தகவல் பலகை	விவரம்
தலம்	திரு நெல்வாயில்
ஊர்/வேறு பெயர்	சிவபுரி
நாடு	சோழ (காவிரி வட)
ॐசுவாமி	உச்சிநாதேஸ்வர்
ॐஅம்பிகை	கனகாம்பிகை
பாடியவர்கள்	சம்பந்தர் (1)     புடையினார் புள்ளி (2-26)
ஸ்தல மரம்	நெல்லி
தீர்த்தம்
பண்	இந்தளம்
குறிப்புகள்	திருநெல்வாயில் அரத்துறை - நடுநாட்டு தலம் வேறு இது வேறு.  கண்வ மகரிஷி வழிபட்டது.
பதிக பலன்	விண்ணுலக வாழ்வு கிட்டும்.
வரிசை எண்.	26                                                                   3/63

திருச்சிற்றம்பலம்

புடையி னார்புள்ளி கால்பொ ருந்திய

மடையி னார்மணி நீர்நெல் வாயிலார்

நடையில் நால்விரற் கோவ ணம் நயந்து 

உடையி னார் எமது உச்சி யாரே.  1

வாங்கி னார்மதில் மேற்க ணைவெள்ளம்

தாங்கி னார்தலை யாய தன்மையர்

நீங்கு நீர ஓடுகின்ற நீர் நெல்வாயி லார்தொழ

ஓங்கி னார் எமது உச்சி யாரே.  2

நிச்ச லேத்தும்நெல்வாயி லார்தொழ

இச்சை யால் உறைவார் எம் ஈசனார்

கச்சை யாவதோர் பாம்பி னார்கவின்

இச்சை யார் எமது உச்சி யாரே.  3

மறையி னார்மழு வாளி னார்மல்கு

பிறையி னார்பிறையோடு இலங்கிய

நிறையி னார் நெல்வாயிலார் தொழும்

இறைவ னார் எமது உச்சி யாரே.  4

விருத்த னாகிவெண்ணீறு பூசிய

கருத்த னார் கனல் ஆட்டு உகந்தவர்

நிருத்த னார் நெல்வாயில் மேவிய

ஒருத்த னார் எமது உச்சி யாரே.  5

காரி னார்கொன்றைக்கண்ணி யார்மல்கு

பேரி னார்பிறையோடு இலங்கிய

நீரி னார் நெல்வாயிலார் தொழும்

ஏரி னார் எமது உச்சி யாரே.  6

ஆதி யார அந்தம் ஆயினார் வினை

கோதி யார்மதில் கூட்டு அழித்தவர்

நீதி யார் நெல்வாயி லார்மறை

ஓதி யார் எமது உச்சி யாரே.  7

பற்றி னான்அரக்கன்க யிலையை

ஒற்றி னார் ஒருகால்வி ரல் உற

நெற்றி யார் நெல்வாயி லார்தொழும்

பெற்றி யார் எமது உச்சி யாரே.  8

நாடி னார்மணிவண்ணன் நான்முகன்

கூடி னார்குறுகாத கொள்கையர்

நீடி னார் நெல்வாயி லார்தலை

ஓடி னார் எமது உச்சி யாரே.  9

குண்டு அமண் துவர்க்கூறை மூடர்சொல்

பண்ட மாகவையாத பண்பினர்

விண் தயங்கு நெல்வாயி லார்நஞ்சை

உண்ட கண்டர் எம்உச்சி யாரே.  10

நெண்ப யங்குநெல்வாயில் ஈசனைச்

சண்பை ஞானசம்பந்தன் சொல் இவை

பண்ப யன்கொளப்பாட வல்லவர்

விண்ப யன்கொளும்வேட்கை யாளரே.  11

திருச்சிற்றம்பலம்

தென் திருமுல்லைவாயல்

                                                                                     ௨ 

திருஞான சம்பந்த  சுவாமிகள்  அருளிச்செய்த
மூன்றாம் திருமுறை

தகவல் பலகை	விவரம்
தலம்	தென் திருமுல்லைவாயில்
ஊர்/வேறு பெயர்	திருமுல்லைவாசல்
நாடு	சோழ (காவிரி வட)
ॐசுவாமி	முல்லைவன நாதர்
ॐஅம்பிகை	கோதையம்மை, சத்யானந்தா சௌந்தரி
பாடியவர்கள்	சம்பந்தர்   (1)         துளிமண்டி உண்டு (2-8 8)
ஸ்தல மரம்	முல்லை
தீர்த்தம்	சக்கர தீர்த்தம்
பண்	பியந்தை காந்தாரம்
குறிப்புகள்	உமாதேவியார் வழிபட்டு ஐந்தெழுத்து உபதேசம் பெற்ற தலம்.  இந்திரன், கார்கோடாகன் வழிபட்டது
பதிக பலன்	வான் உலகம் அடைவர்.
வரிசை எண்.	88                                                           7/63

திருச்சிற்றம்பலம்

துளிமண்டி உண்டு நிறம்வந்த கண்டன்

          நடமன்னு துன்னு சுடரோன்

ஒளிமண்டி உம்பர் உலகம்  கடந்த

          உமைபங்கன் எங்கள் அரனூர்

களிமண்டு சோலை கழனிக் கலந்த

          கமலங்கள் தங்கு மதுவில்

தெளிமண்டி உண்டு சிறைவண்டு பாடு

          திருமுல்லை வாயில் இதுவே.  1

பருவத்தில் வந்து பயனுற்ற பண்பன்

          அயனைப் படைத்த பரமன்

அரவத் தொடு அங்கம் அவைகட்டி எங்கும்

          அரவிக்க நின்ற அரனூர்

உருவத்தின் மிக்க ஒளிர்சங்கொடு இப்பி

          அவை ஓதம் ஓத வெருவித்

தெருவத்தில் வந்து செழுமுத் தலைக்கொள்

          திருமுல்லை வாயில் இதுவே.  2

வாராத நாடன் வருவார்தம் வில்லின்

          உருமெல்கி நாளும் உருகில்

ஆராத இன்பன் அகலாத அன்பன்

          அருள்மேவி நின்ற அரண் ஊர்

பேராத சோதி பிரியாத மார்பின்

          அலர்மேவு பேதை பிரியாள்

தீராத காதல் நெதிநேர நீடு

          திருமுல்லை வாயில் இதுவே.  3

ஒன்று ஒன்றொடு ஒன்றும் ஒருநான் கொடு ஐந்தும்

          இருமூன்றொடு ஏழும் உடனாய்

அன்றின்றொடு என்றும் அறிவான வர்க்கும்

          அறியாமை நின்ற அரனூர்

குன்று ஒன்றொடு ஒன்று குலை ஒன்றொடு ஒன்று

          கொடி ஒன்றொடு ஒன்று குழுமிச்

சென்று ஒன்றொடு ஒன்று செறிவால் நிறைந்த

          திருமுல்லை வாயில் இதுவே.  4

கொம்பன்ன மின்னின் இடையாளொர் கூறன்

          விடைநாளும் ஏறு குழகன்

நம்பன் எம் அன்பன் மறைநாவன் வானின்

          மதியேறு சென்னி அரனூர்

அம்பன்ன ஒண்கண் அவராடு அரங்கின்

          அணிகோபு ரங்கள் அழகார்

செம்பொன்ன செவ்வி தருமாட நீடு

          திருமுல்லை வாயில் இதுவே.  5

ஊனேறு வேலின் உருவேறு கண்ணி

          ஒளியேறு கொண்ட ஒருவன்

ஆனேறது ஏறி அழகேறு நீறன்

          அரவேறு பூணும் அரனூர்

மானேறு கொல்லை மயிலேறி வந்து

          குயிலேறு சோலை மருவித்

தேனேறு மாவின் வளமேறி யாடு

          திருமுல்லை வாயில் இதுவே.  6

நெஞ்சார நீடு நினைவாரை மூடு

          வினைதேய நின்ற நிமலன்

அஞ்சாடு சென்னி அரவாடு கையன்

          அனலாடு மேனி அரனூர்

மஞ்சாரு மாட மனைதோறும் ஐயம்

          உளது என்று வைகி வரினும்

செஞ்சாலி நெல்லின் வளர்சோறு அளிக்கொள்

          திருமுல்லை வாயில் இதுவே.  7

வரைவந்து எடுத்த வலிவாள் அரக்கன்

          முடிபத்தும் இற்று நெரிய

உரைவந்த பொன்னின் உருவந்த மேனி

          உமைபங்கன் எங்கள் அரனூர்

வரைவந்த சந்தொடு அகில் உந்தி வந்து

          மிளிர்கின்ற பொன்னி வடபால்

திரைவந்து வந்து செறிதேற லாடு

          திருமுல்லை வாயில் இதுவே.  8

மேலோடி நீடு விளையாடல் மேவு

          விரிநூலன் வேத முதல்வன்

பாலாடு மேனி கரியானு முன்னி

          அவர்தேட நின்ற பரனூர்

காலாடு நீல மலர்துன்றி நின்ற

          கதிரேறு செந்நெல் வயலில்

சேலோடு வாளை குதிகொள்ள மல்கு

          திருமுல்லை வாயில் இதுவே.  9

பனைமல்கு திண்கை மதமா உரித்த

          பரமன்ன நம்பன் அடியே

நினைவன்ன சிந்தை அடையாத தேரர்

          அமண்மாய நின்ற அரனூர்

வனமல்கு கைதை வகுளங்கள் எங்கு

          முகுளங்கள் எங்கு நெரியச்

சினைமல்கு புன்னை திகழ்வாச நாறு

          திருமுல்லை வாயில் இதுவே.  10

அணிகொண்ட கோதை அவள்நன்றும் ஏத்த

          அருள்செய்த எந்தை மருவார்

திணிகொண்ட மூன்று புரம் எய்த வில்லி

          திருமுல்லை வாயில் இதன்மேல்

தணிகொண்ட சிந்தை அவர்காழி ஞான

          மிகுபந்தன் ஒண் தமிழ்களின்

அணிகொண்ட பத்தும் இசைபாடு பத்தர்

          அகல்வானம் ஆள்வர் மிகவே.  11

திருச்சிற்றம்பலம்

திரு சாய்க்காடு

                                                                                 ௨ 

திருஞானசம்பந்தர்  சுவாமிகள்  அருளிச்செய்த
இரண்டாம்  திருமுறை

தகவல் பலகை	விவரம்
தலம்	திரு சாய்க்காடு
ஊர்/வேறு பெயர்	சாயாவனம்
நாடு	சோழ (காவிரி வட)
ॐசுவாமி	சாயாவனேஸ்வரர்
ॐஅம்பிகை	குயிலினும் நன்மொழியம்மை
பாடியவர்கள்	சம்பந்தர் (2)     நித்தலும் நியமம் செய்து (2-38)     மண் புகார் வான் புகுவர் (2-41) அப்பர் (2)     தோடுலா மலர்கள் தூவி (4-65)     வானத்து இள மதியம் (6-82)
ஸ்தல மரம்	பைஞ்சாய், (கோரைப் புல்)
தீர்த்தம்	காவிரி, ஐராவத தீர்த்தம்
பண்	சீகாமரம்
குறிப்புகள்	கோச்செங்கட் சோழன் கட்டிய மாடக் கோயில். உபமன்யு முனிவர், இந்திரன், ஐராவதம் வழிபட்டது. இயற்பகை நாயனார் வழிபட்ட தலம் காசிக்கு சமமான சிறப்பு சொல்லப்படும் தலங்கள் ஆறு; அதில் அவற்றில் ஒன்று இது
பதிக பலன்	இப்பூலகில் புகழுடன் எல்லா வளமும் பெற்று வாழ்வர்
வரிசை எண்.	38                                                                  9/63

திருச்சிற்றம்பலம்

மண்புகார் வான்புகுவர்

          மனம் இளையார் பசியாலும்

கண்புகார் பிணி அறியார்

          கற்றாரும் கேட்டாரும்

விண்புகா ரெனவேண்டா

          வெண்மாட நெடுவீதித்   

தண்புகார்ச் சாய்க்காட்டு எம்

          தலைவன்தாள் சார்ந்தாரே.  1

போய்க்காடே மறைந்துறைதல்

          புரிந்தானும் பூம்புகார்ச்

சாய்க்காடே பதியாக

          உடையானும் விடையானும்

வாய்க்காடு முதுமரமே

          இடமாக வந்தடைந்த

பேய்க்காடல் புரிந்தானும்

          பெரியோர்கள் பெருமானே.  2

நீநாளும் நன்னெஞ்சே

          நினைகண்டாய் யார் அறிவார்

சாநாளும் வாழ்நாளும்

          சாய்க்காட்டு எம் பெருமாற்கே

பூநாளும்  தலைசுமப்பப்

          புகழ்நாமம் செவிகேட்ப

நாநாளும் நவின்று ஏத்தப்

          பெறலாமே நல்வினையே.  3

கட்டலர்த்த மலர்தூவிக்

          கைதொழுமின் பொன்னியன்ற

தட்டலர்த்த பூஞ்செருத்தி

          கோங்கமருந் தாழ்பொழில்வாய்

மொட்டலர்த்த தடந்தாழை

          முருகுயிர்க்குங் காவிரிப்பூம்

பட்டினத்துச் சாய்க்காட்டு எம்

          பரமேட்டி பாதமே.  4

கோங்கன்ன குவிமுலையாள்

          கொழும்பணைத் தோள் கொடியிடையைப்

பாங்கென்ன வைத்து உகந்தான்

          படர்சடைமேற் பால்மதியம்

தாங்கினான் பூம்புகார்ச்

          சாய்க்காட்டான் தாள்நிழற்கீழ் 

ஓங்கினார் ஓங்கினார்

          என உரைக்கும் உலகமே.  5

சாந்தாக நீறணிந்தான்

          சாய்க்காட்டான் காமனைமுன்

தீந்தாகம் எரிகொளுவச்

          செற்றுகந்தான் திருமுடிமேல் 

ஓய்ந்தார மதிசூடி

          ஒளிதிகழும் மலைமகள்தோள் 

தோய்ந்தாகம் பாகமா

          உடையானும் விடையானே.  6

மல்குல்தோய் மணிமாடம்

          மதிதவழும் நெடுவீதி

சங்கு எலாம் கரைபொருது

        திரைபுலம்பும்  சாய்க்காட்டான்

கொங்குலா வரிவண்டின்

          இசைபாடு மலர்க்கொன்றைத்

தொங்கலான் அடியார்க்குச்

          சுவர்க்கங்கள் பொருளலவே.  7

தொடலரிய தொருகணையாற்

          புரமூன்றும் எரியுண்ணப்

படஅரவத்து எழில் ஆரம்

          பூண்டான்பண்டு அரக்கனையும் 

தடவரையால் தடவரைத்தோள்

          ஊன்றினான் சாய்க்காட்டை

இடவகையால் அடைவோம் என்று

          எண்ணுவார்க்கு இடர் இ(ல்)லையே.  8

வையநீர் ஏற்றானும்

          மலர் உறையும் நான்முகனும்

ஐயன்மார் இருவர்க்கும்

          அளப்பரிதால் அவன்பெருமை

தையலார் பாட்டோவாச்

          சாய்க்காட்டு எம் பெருமானைத்

தெய்வமாப் பேணாதார்

          தெளிவுடைமை தேறோமே.  9

குறங்காட்டு நால்விரலிற்

          கோவணத்துக் கொலோவிப்போய்

அறங்காட்டும் சமணரும்

          சாக்கியரும் அலர்தூற்றும்

திறங்காட்டல் கேளாதே

          தெளிவு உடையீர் சென்று அடைமின்

புறங்காட்டில் ஆடலான்

          பூம்புகார்ச் சாய்க்காடே.  10

நொம்பைந்து புடைத்தொல்கு

          நூபுரம் நூபுரம்-சிலம்பு சேர் மெல்லடியார்

அம்பந்தும் வரிக்கழலும்

          அரவஞ்செய் பூங்காழிச்

சம்பந்தன் தமிழ்பகர்ந்த

          சாய்க்காட்டுப் பத்தினையும்

எம்பந்தம் எனக்கருதி

          ஏத்துவார்க்கு இடர்கெடுமே.  11

திருச்சிற்றம்பலம்

திரு சாய்க்காடு

                                                                                ௨ 

திருஞானசம்பந்தர்  சுவாமிகள்  அருளிச்செய்த
இரண்டாம்  திருமுறை

தகவல் பலகை	விவரம்
தலம்	திரு சாய்க்காடு
ஊர்/வேறு பெயர்	சாயாவனம்
நாடு	சோழ (காவிரி வட)
ॐசுவாமி	சாயாவனேஸ்வரர்
ॐஅம்பிகை	குயிலினும் நன்மொழியம்மை
பாடியவர்கள்	சம்பந்தர்   (2)         நித்தலும் நியமம் செய்து (2-38)         மண் புகார் வான் புகுவர் (2-41) அப்பர் (2)         தோடுலா மலர்கள் தூவி (4-65)         வானத்து இள மதியம் (6-82)
ஸ்தல மரம்	பைஞ்சாய், (கோரைப் புல்)
தீர்த்தம்	காவிரி, ஐராவத தீர்த்தம்
பண்	இந்தளம்
குறிப்புகள்	கோச்செங்கட் சோழன் கட்டிய மாடக் கோயில். உபமன்யு முனிவர், இந்திரன், ஐராவதம் வழிபட்டது.  இயற்பகை நாயனார் வழிபட்ட தலம்  காசிக்கு சமமான சிறப்பு சொல்லப்படும் தலங்கள் ஆறு;  அதில் அவற்றில் ஒன்று இது
பதிக பலன்	இப்பூலகில் புகழுடன் எல்லா வளமும் பெற்று வாழ்வர்
வரிசை எண்.	38                                                           9/63

திருச்சிற்றம்பலம்

நித்தலும் நியமம் செய்துநீர் மலர்தூவிச்  

சித்தம் ஒன்ற வல்லார்க்கு அருளும்  சிவன்கோயில்

மத்த யானையின் கோடும் வண் பீலியும் வாரி    

தத்து நீர்ப் பொன்னி சாகர மேவு சாய்க்காடே.  1

பண் தலைக் கொண்டு பூதங்கள் பாட நின்றாடும்

வெண் தலைக் கருங்காடுறை வேதியன்கோயில்

கொண்டலைத் திகழ் பேரிமுழங் கக்குலாவித் 

தண்டலைத் தட மாமயிலாடு சாய்க்காடே.  2

நாறு நறுமணம் கூவிளநாகிள வெண்மதியத்தோடு

ஆறுசூ டும்அமரர்பிரான் உறைகோயில்

ஊறு தேங்கனி மாங்கனி ஓங்கிய சோலைத் 

தாறு குலை தண் கதலகதலி-வாழை ிப் புதல்மேவு சாய்க்காடே.  3

வரங்கள் வண் புகழ் மன்னிய எந்தை மருவார்

புரங்கள் மூன்றும் பொடி பட எய்தவன்கோயில்

இரங்கல் ஓசையும் ஈட்டிய சரக் கொடும் ஈண்டித் 

தரங்க கடல் அலை நீள் கழித் தண்கரை வைகு சாய்க்காடே.  4

ஏழைமார் கடைதோறும் இடு பலிக்கு என்று   

கூழை வாள் அரவு  ஆட்டும் பிரான் உறைகோயில்  

மாழை மாழை-மான் ஒண் கண் வளைக்கை நுளைச்சியர்வண்பூந்

தாழைவெண் மடற்கொய்து கொண்டாடு சாய்க்காடே.  5

துங்கவா னவர்சூழ் கடல்தாம் கடைபோதில்

அங்கு ஓர் நீழல் அளித்த எம்மான் உறைகோயில்

வங்கம் அங்கு ஒளிர் இப்பியு முத்து மணியும் 

சங்கும் வாரித் தடங்கடல் உந்து சாய்க்காடே.  6

வேதநா வினர்வெண்பளிங்கின் குழைக்காதர்

ஓதநஞ்சு அணி கண்டர் உகந் உறைகோயில்

மாதர்வண் டுதன்காதல்வண்டு ஆடிய புன்னைத்

தாதுகண் டுபொழில்மறைந்து ஊடு சாய்க்காடே.  7

இருக்குநீள் வரைபற்றி அடர்த்து அன்று எடுத்த

அரக்கன் ஆக நெரித்து அருள் செய்தவன்கோயில்

மருக்குலா விய மல்லிகை சண் பகம்வண்பூந்

தருக்குலா விய தண் பொழில் நீடு சாய்க்காடே.  8

மாலினோடு அயன் காண்டற்கு அரியவர் வாய்ந்த

வேலையார் விடம் உண்டவர் மேவிய கோயில்

சேலின் நேர் விழியார் மயிலாலச் செருந்தி

காலையே கனகம் மலர்கின்ற சாய்க்காடே.  9

ஊத்தைவாய்ச் சமண்கையர்கள்சாக் கியர்க்கு என்றும் 

ஆத்தமாக அறிவு அரிதாயவன் கோயில்

வாய்த்தமா ளிகைசூழ் தருவண் புகார்மாடே

பூத்த வாவிகள் சூழ்ந்துபொலிந்த சாய்க்காடே.  10

ஏனையோர் புகழ்ந்து ஏத்திய எந்தை சாய்க்காட்டை 

ஞானசம் பந்தன்காழியர்கோன் நவில்பத்தும்

ஊனம் இன்றி உரை செய வல்லவர் தாம்போய்

வான நாடு இனிது ஆள்வர் இம் மாநிலத்தோரே.  11

திருச்சிற்றம்பலம்

திரு வெண்காடு

                                                                                           ௨ 

திருஞானசம்பந்தர்  சுவாமிகள்  அருளிச்செய்த
இரண்டாம் திருமுறை

தகவல் பலகை	விவரம்
தலம்	திருவெண்காடு
ஊர்/வேறு பெயர்
நாடு	சோழ (காவிரி வட)
ॐசுவாமி	சுவேதாரண்யேஸ்வரர்
ॐஅம்பிகை	பிரம்ம வித்யா நாயகி
பாடியவர்கள்	சம்பந்தர்   (3)         கண் காட்டும் நுதலானும்(2-48)         உண்டாய் நஞ்சை (2-61)         மந்திர மறையவை (3-15) அப்பர் (2)         பண் காட்டிப்படி (5-49)         தூண்டு சுடர்மேனி(6-35) சுந்தரர் (1)         படம் கொள் நாகம் (7-06)
ஸ்தல மரம்	வட ஆலமரம்
தீர்த்தம்	முகுளம்
பண்	சீகாமரம்
குறிப்புகள்	இந்திரன், ஐராவதம் வழிபட்டது  தீர்த்தம் மகிமை உடையது  பிள்ளைப் பேறு வாய்க்கும் தலம் என்று பெயர் பெற்றது
பதிக பலன்	வினை நீங்கும்,
வரிசை எண்.	61                                                          11/63

திருச்சிற்றம்பலம்

உண்டாய் நஞ்சை உமையோர்

          பங்கா என்று உள்கித்

தொண்டாய்த் திரியும் அடியார்

          தங்கள் துயரங்கள்

அண்டா வண்ணம் அறுப்பான்

          எந்தை ஊர்போலும்

வெண் தாமரை மேல் கருவண்டு 

          யாழ்செய் வெண்காடே.  1

நாதன் நம்மை ஆள்வான்

          என்று நவின்று ஏத்திப்

பாதம் பன்னாள் பணியும்

          அடியார் தங்கள்மேல்

ஏதம் தீர இருந்தான்

          வாழும் ஊர்போலும்

வேதத் தொலியால் கிளிசொல்

          பயிலும் வெண்காடே.  2

தண்முத்து அரும்பத் தடமூன்று 

          உடையான் தனை உன்னிக்

கண்முத்து அரும்பக் கழல் 

          சேவடிகை தொழுவார்கள்

உண்முத்து அரும்ப உவகை

          தருவான் ஊர்போலும்

வெண்முத்து  அரும்பிப்  புனல்வந்து 

          அலைக்கும் வெண்காடே.  3

நரையார் மூப்பினை குறிக்கும் நரை முடி வந்து நாளும்

          குறுகி நணுகாமுன்

உரையால் வேறா 

          உள்குவார்கள் உள்ளத்தே

கரையா வண்ணம் கண்டான்

          மேவும் ஊர்போலும்

விரையார் கமலத்து அன்னம்

          மருவும் வெண்காடே.  4

பிள்ளைப் பிறையும் புனலும்

          சூடும் பெம்மான் என்று 

உள்ளத்து உள்ளித் தொழுவார்

          தங்கள் உறுநோய்கள்

தள்ளிப் போக அருளும்

          தலைவன் ஊர்போலும்

வெள்ளைச் சுரிசங்கு உலவித்

          திரியும் வெண்காடே.  5

ஒளிகொள் மேனி உடையாய்

          உம்ப ராளீ என்று

அளிய ராகி அழுதுற்று 

          ஊறும் அடியார்கட்கு

எளியான் அமரர்க்கு அரியான்

          வாழும் ஊர்போலும்

வெளிய உருவத்து ஆனை

          வணங்கும் வெண்காடே.  6

கோள்வித் தனைய கூற்றம்

          தன்னைக் குறிப்பினால்

மாள்வித்தவனை மகிழ்ந்து அங்கு

          ஏத்த மாணிக்காய்

ஆள்வித்து அமரர் உலகம்

          அளிப்பான் ஊர்போலும்

வேள்விப் புகையால் வானம்

          இருள்கூர் வெண்காடே.  7

வளையார் முன்கை மலையாள்

          வெருவ வரை ஊன்றி

முளையார் மதியம் சூடி

          என்று முப்போதும்

இளையாது ஏத்த இருந்தான்

          எந்தை ஊர்போலும்

விளையார் கழனிப் பழனம்

          சூழ்ந்த வெண்காடே.  8

கரியா னோடு கமல

          மலரான் காணாமை

எரியாய் நிமிர்ந்த எங்கள்

          பெருமான் என்பார்கட்கு

உரியான் அமரர்க்கு அரியான்

          வாழும் ஊர்போலும்

விரியார் பொழிலின் வண்டு

          பாடும் வெண்காடே.  9

பாடும் அடியார் பாடும் அடியார்- ஓதுவார் மூர்த்திகள் பலரும்

          கூடிப் பரிந்து ஏத்த

ஆடும் அரவம் அசைத்த

          பெருமான் அறிவின்றி

மூடம் உடைய சமண்

          சாக்கியர்கள் உணராத

வேடம் உடைய பெருமான்

          பதியாம் வெண்காடே.  10

விடையார் கொடியான் மேவி

          உறையும் வெண்காட்டைக்

கடையார் மாடங் கலந்து

          தோன்றும் காழியான்

நடையார் இன்சொல் ஞான

          சம்பந்தன் தமிழ்வல்லார்க்கு

அடையா வினைகள் அமர

          லோகம் ஆள்வாரே.  11

திருச்சிற்றம்பலம்

திரு வெண்காடு

                                                                                          ௨ 

திருஞானசம்பந்தர்  சுவாமிகள்  அருளிச்செய்த
இரண்டாம் திருமுறை

தகவல் பலகை	விவரம்
தலம்	திருவெண்காடு
ஊர்/வேறு பெயர்
நாடு	சோழ (காவிரி வட)
ॐசுவாமி	சுவேதாரண்யேஸ்வரர்
ॐஅம்பிகை	பிரம்ம வித்யா நாயகி
பாடியவர்கள்	சம்பந்தர்   (3)         கண் காட்டும் நுதலானும்(2-48)         உண்டாய் நஞ்சை (2-61)         மந்திர மறையவை (3-15) அப்பர் (2)         பண் காட்டிப்படி (5-49)         தூண்டு சுடர்மேனி(6-35) சுந்தரர் (1)         படம் கொள் நாகம் (7-06)
ஸ்தல மரம்	வட ஆலமரம்
தீர்த்தம்	முகுளம்
பண்	சீகாமரம்
குறிப்புகள்	இந்திரன், ஐராவதம் வழிபட்டது  தீர்த்தம் மகிமை உடையது  பிள்ளைப் பேறு வாய்க்கும் தலம் என்று பெயர் பெற்றது
பதிக பலன்	திருவடிப்பேறு கிட்டும்
வரிசை எண்.	48                                                           11/63

திருச்சிற்றம்பலம்

கண்காட்டு நுதலானும்

          கனல்காட்டும் கையானும்

பெண்காட்டும் உருவானும்

          பிறைகாட்டும் சடையானும்

பண்காட்டும் இசையானும்

          பயிர்காட்டும் புயலானும்

வெண்காட்டில் உறைவானும்

          விடைகாட்டும் கொடியானே.  1

பேயடையா பிரிவு எய்தும்

          பிள்ளையினோடு உள்ளநினைவு 

ஆயினவே வரம்பெறுவர்

          ஐயுற வேண்டா ஒன்றும் 

வேயனதோள் உமைபங்கன்

          வெண்காட்டு முக்குளநீர்

தோய்வினையார் அவர்தம்மைத்

          தோயாவாம் தீவினையே.  2

மண்ணொடு நீர் அனல்காலோடு

          ஆகாயம் மதிஇரவி  

எண்ணில்வரும் இயமானன்

          இகபரமும் எண் திசையும் 

பெண்ணினொடு ஆண் பெருமையொடு

          சிறுமையுமாம் பேராளன்

விண்ணவர்கோன் வழிபடு 

          வெண்காடு இடமா விரும்பினனே.  3

விடம் உண்ட மிடற்று அண்ணல்

          வெண்காட்டின் தண்புறவின்

மடல்விண்ட முடத்தாழை

          மலர்நிழலைக் குருகு என்று  

தடமண்டு துறைக்கெண்டை

          தாமரையின் பூமறையக் 

கடல்விண்ட கதிர்முத்தம்

          நகைகாட்டும் காட்சி அதே.  4

வேலைமலி தண்கானல்

          வெண்காட்டான் திருவடிக்கீழ் 

மாலைமலி வண்சாந்தால்

          வழிபடுநன் மறையவன் தன்

மேல் அடர் வெங்காலம் உயிர்

          விண்ட பினை நமன் தூதர்

ஆலமிடற் றான்அடியார்

          என்று அடர அஞ்சுவரே.  5

தண்மதியும் வெய் அரவும்

          தாங்கினான் சடையின் உடன்

ஒண்மதிய நுதல் உமையோர்

          கூறு உகந்தான் உறைகோயில்

பண்மொழியால் அவன்நாமம்

          பல ஓதப் பசுங்கிள்ளை

வெண்முகில்சேர் கரும்பெணைமேல்

          வீற்று இருக்கும் வெண்காடே.  6

சக்கரமாற்கு ஈந்தானும்

          சலந்தரனைப் பிளந்தானும்         

அக்கரை மேல் அசைத்தானும்

          அடைந்து அயிரா வதம்பணிய            

மிக்கு அதனுக்கு அருள்சுரக்கும்

          வெண்காடும் வினைதுரக்கும்          

முக்குளம்நன் குடையானும்

          முக்கண் உடை இறையவனே.  7

பண்மொய்த்த இன்மொழியாள்

          பயம் எய்த மலை எடுத்த

உன்மத்தன் உரம்நெரித்தன்

          அருள்செய்தான் உறைகோயில்

கண்மொய்த்த கருமஞ்ஞை

          நடம் ஆடக் கடல்முழங்க

விண்மொய்த்த பொழில்வரிவண்டு

          இசைமுரலும் வெண்காடே.  8

கள்ளார்செங் கமலத்தான்

          கடல்கிடந்தான் எனஇவர்கள்

ஒள்ளாண்மை கொளற்கோடி

          உயர்ந்தாழ்ந்தும் உணர்வரியான்

வெள்ளானை தவம் செய்யும்

          மேதகுவெண் காட்டான் என்று

உள்ளாடி உருகாதார்

          உணர்வுடைமை உணரோமே.  9

போதியர்கள் பிண்டியர்கள்

          மிண்டுமொழி பொருள் என்னும்

பேதையர்கள் அவர்பிறிமின்

          அறிவுடையீர் இதுகேண்மின்

வேதியர்கள் விரும்பியசீர்

          வியன்திருவெண் காட்டான் என்று 

ஓதியவர் யாதும் ஒரு

          தீது இலர் என்று உணருமினே.  10

தண்பொழில்சூழ் சண்பையர்கோன்

          தமிழ்ஞான சம்பந்தன்

விண்பொலிவெண் பிறைச்சென்னி

          விகிர்தன் உறை வெண்காட்டைப் 

பண்பொலிசெந் தமிழ்மாலை

          பாடியபத்து இவைவல்லார்

மண்பொலிய வாழ்ந்தவர்போய்

          வான்பொலியப் புகுவாரே.  11

திருச்சிற்றம்பலம்