திரு கழிப்பாலை

                                                                                       ௨ 

திருநாவுக்கரசர்  அருளிச்செய்த
நான்காம்  திருமுறை

தகவல் பலகை	விவரம்
தலம்	திருக்கழிப்பாலை
ஊர்/வேறு பெயர்
நாடு	சோழ (காவிரி வட)
ॐசுவாமி	பால் வண்ண நாதர்
ॐஅம்பிகை	வேத நாயகி
பாடியவர்கள்	சம்பந்தர் (2)     புனல் ஆடியபுன் (2-21)     வெந்த குங்குலியப் புகை (3-44)     அப்பர் (5)     வனபவள வாய் திறந்து (4-006)     நங்கையைப் பாகம் வைத்தார் (4-30)     நெய்தற் குருகுதன் பிள்ளை (4-106)     வண்ணமும் வடிவும் சென்று (5-40)     ஊன் உடுத்தி ஒன்பது வாசல் (6-12) சுந்தரர் (1)         செடியேன் தீவினையில் தடுமாற(7-23)
ஸ்தல மரம்	வில்வம்
தீர்த்தம்	கொள்ளிடம்
பண்	திருநேரிசை
குறிப்புகள்	வால்மீகி முனிவர் வழிபட்டு பேறு பெற்றது
பதிக பலன்	திருவருள் சித்திக்கும்.
வரிசை எண்.	30                                                                   4/63

திருச்சிற்றம்பலம்

நங்கையைப் பாகம் வைத்தார் 

          ஞானத்தை நவில வைத்தார்

அங்கையில் அனலும் வைத்தார் 

          ஆனையின் உரிவை வைத்தார்

தங்கையின் யாழும் வைத்தார் 

          தாமரை மலரும் வைத்தார்

கங்கையைச் சடையுள் வைத்தார் 

          கழிப்பாலைச் சேர்ப்ப னாரே.  1

    

விண்ணினை விரும்ப வைத்தார் 

          வேள்வியை வேட்க வைத்தார்

பண்ணினைப் பாட வைத்தார் 

          பத்தர்கள் பயில வைத்தார்

மண்ணினைத் தாவ நீண்ட 

          மாலினுக்கு அருளும் வைத்தார்

கண்ணினை நெற்றி வைத்தார் 

          கழிப்பாலைச் சேர்ப்ப னாரே.  2

வாமனை வணங்க வைத்தார் 

          வாயினை வாழ்த்த வைத்தார்

சோமனைச் சடைமேல் வைத்தார் 

          சோதியுள் சோதி வைத்தார்

ஆமநெய்யாட வைத்தார் 

          அன்பு எனும் பாசம் வைத்தார்

காமனைக் காய்ந்த கண்ணார் 

          கழிப்பாலைச் சேர்ப்ப னாரே.  3

அரியன அங்கம் வேதம் 

          அந்தணர்க்கு அருளும் வைத்தார்

பெரியன புரங்கள் மூன்றும் 

          பேரழல் உண்ண வைத்தார்

பரியதீ வண்ண ராகிப் 

          பவளம்போல் நிறத்தை வைத்தார்

கரியதோர் கண்டம் வைத்தார் 

          கழிப்பாலைச் சேர்ப்ப னாரே.  4

கூரிருள் கிழிய நின்ற 

          கொடுமழுக் கையில் வைத்தார்

பேரிருள் கழிய மல்கு 

          பிறைபுனல் சடையுள் வைத்தார்

ஆரிருள் அண்டம் வைத்தார் 

          அறுவகைச் சமயம் வைத்தார்

கார் இருள் கண்டம் வைத்தார் 

          கழிப்பாலைச் சேர்ப்ப னாரே.  5

உள் தங்கு சிந்தை வைத்தார் 

          உள்குவார்க்கு உள்ளம் வைத்தார்

விண் தங்கு வேள்வி வைத்தார் 

          வெந்துயர் தீர வைத்தார்

நள் தங்கு நடமும் வைத்தார் 

          ஞானமு நவில வைத்தார்

கட்டங்கம்  தோள் மேல் வைத்தார் 

          கழிப்பாலைச் சேர்ப்ப னாரே.  6

ஊனப்பேர் ஒழிய வைத்தார் 

          ஓதியே உணர வைத்தார்

ஞானப்பேர் நவில வைத்தார் 

          ஞானமும் நடுவும் வைத்தார்

வானப்பேர் ஆறு வைத்தார்

          வைகுந்தற்கு ஆழி வைத்தார்

கானப்பேர் காதல் வைத்தார் 

          கழிப்பாலைச் சேர்ப்ப னாரே  7

கொங்கினும் அரும்பு வைத்தார் 

          கூற்றங்கள் கெடுக்க வைத்தார்

சங்கினுள் முத்தம் வைத்தார் 

          சாம்பலும் பூச வைத்தார்

அங்கமும் வேதம் வைத்தார் 

          ஆலமும் உண்டு வைத்தார்

கங்குலும் பகலும் வைத்தார் 

          கழிப்பாலைச் சேர்ப்ப னாரே.  8

சதுர்முகன் தானும் மாலும் 

          தம்மிலே இகலக் கண்டு

எதிர்முகம் இன்றி நின்ற 

          எரியுரு  அதனை வைத்தார்

பிதிர்முகன் காலன் தன்னைக் 

          கால்தனில் பிதிர வைத்தார்

கதிர்முகம்  சடையில் வைத்தார் 

          கழிப்பாலைச் சேர்ப்ப னாரே.  9

மாலினாள் நங்கை அஞ்ச 

          மதில் இலங் கைக்கு மன்னன்

வேலினான் வெகுண்டு எடுக்கக் 

          காண்டலும் வேத நாவன்

நூலினான் நோக்கி நக்கு

          நொடிப்பதோ ரளவில் வீழக்

காலினால் ஊன்றி யிட்டார் 

          கழிப்பாலைச் சேர்ப்ப னாரே.  10

திருச்சிற்றம்பலம்

பொது

                                                                                         ௨ 

ஞானசம்பந்த மூர்த்தி சுவாமிகள்  அருளிச்செய்த
நான்காம்   திருமுறை

தகவல் பலகை	விவரம்
தலம்	பொது
ॐசுவாமி	சுந்தரேஸ்வரர்
ॐஅம்பிகை	அங்கயற்கண்ணி
பாடியவர்	அப்பர்   (1)         தொண்டனேன் பட்டதென்னே  (4-75)
பண்	தனித் திருநேரிசை
பதிக பலன்	திருவடிப்பேறு அடைய
வரிசை எண்.	75

திருச்சிற்றம்பலம்

தொண்டனேன் பட்ட தென்னே 
          தூயகா விரியின் நன்னீர்
கொண்டிருக் கோதி யாட்டிக் 
          குங்குமக் குழம்பு சாத்தி
இண்டைகொண் டேற நோக்கி 
          ஈசனை எம்பி ரானைக்
கண்டனைக் கண்டி ராதே 
          காலத்தைக் கழித்த வாறே.  1

பின்னிலேன் முன்னி லேன்நான் 
          பிறப்பு அறுத்து அருள்செய் வானே
என்னிலேன் நாயி னேன்நான் 
          இளங்கதிர்ப் பயலைத் திங்கள்
சின்னிலா எறிக்கும் சென்னிச் 
          சிவபுரத்து அமரர் ஏறே
நின்னலால் களைகண் ஆரே 
          நீறுசேர் அகலத் தானே.  2

கள்ளனேன் கள்ளத் தொண்டாய்க் 
          காலத்தைக் கழித்துப் போக்கித்
தெள்ளியேன் ஆகி  நின்று 
          தேடினேன் நாடிக் கண்டேன்
உள்குவார் உள்கிற்று எல்லாம் 
          உடனிருந்து அறிதி என்று
வெள்கினேன் வெள்கி நானும் 
          விலா இறச் சிரித்திட் டேனே.  3

உடம்பு எனும் மனை அகத்துள் 
          உள்ளமே தகளி யாக
மடம்படும் உணர்நெய்  அட்டி 
          உயிர் எனும் திரி மயக்கி
இடம்படு ஞானத் தீயால் 
          எரிகொள இருந்து நோக்கில்
கடம்பமர் காளை தாதை 
          கழலடி காண லாமே.  4

வஞ்சப்பெண் ணரங்கு கோயில் 
          வாள் எயிற்று அரவம் துஞ்சா
வஞ்சப்பெண் இருந்த சூழல் 
          வான் தவழ் மதியம் தோயும்
வஞ்சப்பெண் வாழ்க்கை யாளன் 
          வாழ்வினை வாழ லுற்று
வஞ்சப்பெண் ணுறக்க மானேன் 
          வஞ்சனேன் என்செய் கேனே.  5

உள்குவார் உள்ளத் தானை 
          உணர்வு எனும் பெருமை யானை
உள்கினேன் நானும் காண்பான் 
          உருகினேன் ஊறி யூறி
எள்கினேன் எந்தை பெம்மான் 
          இருதலை மின்னு கின்ற
கொள்ளிமேல் எறும்பு என் உள்ளம் 
          எங்ஙனம் கூடு மாறே.  6

மோத்தையைக் கண்ட காக்கை 
          போலவல் வினைகள் மொய்த்து உன்
வார்த்தையைப் பேச ஒட்டா 
          மயக்கநான் மயங்கு கின்றேன்
சீத்தையைச் சிதம்பு தன்னைச் 
          செடிகொள்நோய் வடிவு ஒன்றில்லா
ஊத்தையைக் கழிக்கும் வண்ணம் 
          உணர்வுதா உலக மூர்த்தீ.  7

அங்கத்தை மண்ணுக்கு ஆக்கி 
          ஆர்வத்தை உனக்கே தந்து
பங்கத்தைப் போக மாற்றிப் 
          பாவித்தேன் பரமா நின்னைச்
சங்கு ஒத்த மேனிச் செல்வா 
          சாதல்நாள் நாயேன் உன்னை
எங்குற்றாய் என்ற போதா 
          இங்குற்றேன் என்கண் டாயே.  8

வெள்ளநீர்ச் சடைய னார்தாம் 
          வினவுவார் போல வந்து என்
உள்ளமே புகுந்து நின்றார்க்கு 
          உறங்குநான் புடைகள் போந்து
கள்ளரோ புகுந்தீர் என்னக் 
          கலந்துதான் நோக்கி நக்கு
வெள்ளரோம் என்று நின்றார் 
          விளங்கு இளம் பிறைய னாரே.  9

பெருவிரல் இறைதான் ஊன்ற 
          பிறை எயிறு இலங்க அங்காந்
தருவரை அனைய தோளான் 
          அரக்கன் அன்று அலறி வீழ்ந்தான்
இருவரும் ஒருவ னாய 
          உருவம் அங்கு உடைய வள்ளல்
திருவடி சுமந்து கொண்டு 
          காண்கநான் திரியு மாறே.  10

திருச்சிற்றம்பலம்

திரு குறுக்கை

                                                                                                ௨ 

திருநாவுக்கரசு   சுவாமிகள்  அருளிச்செய்த
நான்காம் திருமுறை

தகவல் பலகை	விவரம்
தலம்	திருக்குறுக்கை வீரட்டம்
ஊர்/வேறு பெயர்	யோகீசபுரம், காமதகனபுரம், கம்பகரபுரம்
நாடு	சோழ (காவிரி வட)
ॐசுவாமி	வீரட்டேஸ்வரர்
ॐஅம்பிகை	ஞானாம்பிகை
பாடியவர்கள்	அப்பர் (2)        ஆதியில் பிரமனார் (4-49)        நெடியமால் பிரமனோடு (4-50)
ஸ்தல மரம்	கடுக்காய்
தீர்த்தம்	சூல  தீர்த்தம்
பண்	திரு நேரிசை
குறிப்புகள்	அட்ட வீரட்ட தலங்களில் ஒன்று  மன்மதனை எரித்த தலம்  திருமால், லக்குய், பிரமன், முருகன், ரதி ஆகியோர் வழிபட்ட தலம்
பதிக பலன்	விண்ணும் மண்ணும் ஆளும் பேறு கிட்டும்
வரிசை எண்.	49                                                           26/63

திருச்சிற்றம்பலம்

ஆதியிற் பிரமனார் தாம் பிரமன் பூசித்த தலக் குறிப்பு  
          அர்ச்சித்தார் அடியி ணைக்கீழ்
ஓதிய வேத நாவர் 
          உணருமாறு உணரல் உற்றார்
சோதியுட் சுடராய்த் தோன்றிச் 
          சொல்லினை இறந்தார் பல்பூக்
கோதி வண்டு உறையும் சோலைக் 
          குறுக்கைவீ ரட்ட னாரே.  1

நீற்றினை நிறையப் பூசி 
          நித்தலும் நியமம் செய்து
ஆற்றுநீர் பூரித்து ஆட்டும் 
          அந்தண னாரைக் அந்தணன்- மார்கண்டேயன் கொல்வான்
சாற்றுநாள் அற்றது என்று 
          தருமரா சற்காய் எம தரும ராசன் வேறு; கூற்றுவன் (தருமராசனின் ஏவலன்)வேறு. வந்த
கூற்றினைக் குமைப்பர் போலும் 
          குறுக்கைவீ ரட்ட னாரே.  2

தழைத்ததோர் ஆத்தி யின்கீழ்த் 
          தாபர மணலாற் கூப்பி
அழைத்து அங்கே ஆவின் பாலைக் 
          கறந்துகொண் டாட்டக் கண்டு
பிழைத்த தன் தாதை தாளைப் 63 நாயன்மார்களில் ஒருவரான சண்டீசர் வரலாறு சொல்லப்படுகிறது  
          பெருங்கொடு மழுவால் வீசக்
குழைத்ததோர் அமுதம் ஈந்தார் 
          குறுக்கைவீ ரட்ட னாரே.  3

சிலந்தியும் ஆனைக் காவில் 
          திருநிழற் பந்தர் செய்து
உலந்தவண் இறந்த போதே
          கோச்செங்க ணானும் கோட் செங்க சோழன் 63நாயன்மார்களில் ஒருவர்
கலந்தநீர்க் காவி ரிசூழ் 
          சோணாட்டுச் சோழர் தங்கள்
குலந்தனிற் பிறப்பித் திட்டார் 
          குறுக்கைவீ ரட்ட னாரே.  4

ஏறுடன் ஏழ டர்த்தான் 
          எண்ணி  ஆயிரம்பூக் கொண்டு
ஆறுடைச் சடையி னானை 
          அர்ச்சித்தான் அடியி ணைக்கீழ்
வேறும் ஓர் பூக்கு றைய 
          மெய்ம்மலர்க் கண்ணை ஈண்டக்
கூறும் ஓர் ஆழி ஈந்தார் 
          குறுக்கைவீ ரட்ட னாரே.  5

கல்லினால் எறிந்து கஞ்சி 
          தாமுணுஞ் சாக்கி யனார் சாக்கிய நாயனார் 63 நாயன்மார்களில் ஒருவர்
நெல்லினார் சோறு உணாமே 
          நீள்விசும் பாள வைத்தார்
எல்லியாங்கு எரிகை ஏந்தி 
          எழில்திகழ் நட்டம் ஆடிக்
கொல்லியாம் பண்ணு கந்தார் 
          குறுக்கைவீ ரட்ட னாரே.  6

காப்பதோர் வில்லும் அம்பும் 
          கையதோர் இறைச்சிப் பாரம்
தோற்பெரும் செருப்புத் தொட்டுத் 
          தூயவாய்க் கலசம் ஆட்டித்
தீப்பெரும் கண்கள் செய்யக் 
          குருதிநீர் ஒழுகத் தன்கண் கண்ணப்ப நாயனார் 63 நாயன்மார்களில் ஒருவர்
கோப்பதும் பற்றிக் கொண்டார் 
          குறுக்கைவீ ரட்ட னாரே.  7

நிறைமறைக் காடு தன்னில் 
          நீண்டெரி தீபந் தன்னைக்
கறைநிறத்து எலிதன் மூக்குச் 
          சுட்டிடக் கனன்று தூண்ட
நிறைகடல் மண்ணும் விண்ணும் 
          நீண்டவான் உலகம் மாவலி சக்கரவர்த்தி வரலாறு கூறப்படுகிறது எல்லாம்
குறைவறக் கொடுப்பர் போலும் 
          குறுக்கைவீ ரட்ட னாரே.  8

அணங்குமை பாக மாக 
          அடக்கிய ஆதி மூர்த்தி
வணங்குவார் இடர்கள் தீர்க்கும் 
          மருந்துநல் அருந்த வத்தி
கணம்புல்லர்க்கு கணம்புல்லர்-63 நாயன்மார்களில் ஒருவர் அருள்கள் செய்து 
          காதலாம் அடியார்க்கு என்றும்
குணங்களைக் கொடுப்பர் போலும் 
          குறுக்கைவீ ரட்ட னாரே.  9

எடுத்தனன் எழிற் கயிலை 
          இலங்கையர் மன்னன் தன்னை
அடுத்து ஒரு விரலால் ஊன்ற 
          அலறிப்போய் அவனும் வீழ்ந்து
விடுத்தனன் கைந ரம்பால் 
          வேதகீ தங்கள் பாடக்
கொடுத்தனர் கொற்ற வாணாள் 
          குறுக்கைவீ ரட்ட னாரே.  10

திருச்சிற்றம்பலம்

திரு ஆப்பாடி

      

௨ 

திருநாவுக்கரசு சுவாமிகள் அருளிச்செய்த
நான்காம் திருமுறை

தகவல் பலகை	விவரம்
தலம்	திரு ஆப்பாடி
ஊர்
நாடு	சோழ (காவிரி வட)
ॐசுவாமி	பால் உகந்த நாதர்
ॐஅம்பிகை	பெரியநாயகி
பாடியவர்கள்	அப்பர் (1)         கடலகம் ஏழினோடும் (4-48)
ஸ்தல மரம்	ஆத்தி
தீர்த்தம்
பண்	திருநேரிசை
குறிப்புகள்
பதிக பலன்	அருள் கிட்டும்
வரிசை எண்.	48                                                             40/63

திருச்சிற்றம்பலம்

கடலகம் ஏழி னோடும் 
      புவனமுங் கலந்த விண்ணும்
உடலகத்து உயிரும் பாரும் 
      ஒள்ளழல் ஆகி நின்று
தடமலர்க் கந்த மாலை 
      தண்மதி பகலு மாகி
மடலவிழ் கொன்றை சூடி 
      மன்னும் ஆப்பாடி யாரே.  1

ஆதியும் அறிவும் ஆகி 
      அறிவினுட் செறிவும் ஆகிச்
சோதியுள் சுடரும் ஆகித் 
      தூநெறிக்கு ஒருவனாகிப்
பாதியிற் பெண்ணும் ஆகிப் 
      பரவுவார் பாங்கர் ஆகி
வேதியர் வாழும் சேய்ஞல் 
      விரும்பும் ஆப் பாடி யாரே.  2

எண்ணுடை இருக்கு மாகி 
      இருக்கினுள் பொருளும் ஆகிப்
பண்ணொடு பாடல் தன்னைப் 
      பரவுவார் பாங்கர் ஆகிக்
கண் ஒரு நெற்றி ஆகிக் 
      கருதுவார் கருத லாகாப்
பெண் ஒரு பாக மாகிப் 
      பேணும்ஆப் பாடி யாரே.  3

அண்டமார் அமரர் கோமான் 
      ஆதி எம் அண்ணல் பாதம்
கொண்டவன் குறிப்பி னாலே 
      கூப்பினான் தாப ரத்தைக்
கண்டவன் தாதை பாய்வான் 
      காலற எறியக் கண்டு
சண்டியார்க்கு அருள்கள் செய்த 
      தலைவர்ஆப் பாடி யாரே.  4

சிந்தையும் தெளிவும் ஆகித் 
      தெளிவினுள் சிவமும் ஆகி
வந்தநற் பயனும் ஆகி 
      வாணுதல் பாகம் ஆகி
மந்தமாம் பொழில்கள் சூழ்ந்த 
      மண்ணித்தென் கரைமேல் மன்னி
அந்தமோடு அளவி லாத 
      அடிகள்ஆப் பாடி யாரே.  5

வன்னிவாள் அரவு மத்தம் 
      மதியமும் ஆறும் சூடி
மின்னிய உருவாம் சோதி 
      மெய்ப்பொருள் பயனும் ஆகிக்
கன்னி ஓர் பாக மாகிக் 
      கருதுவார் கருத்தும் ஆகி
இன்னிசை தொண்டர் பாட 
      இருந்தஆப் பாடி யாரே.  6

உள்ளுமாய்ப் புறமும் ஆகி 
      உருவுமாய் அருவும் ஆகி
வெள்ளமாய்க் கரையும் ஆகி 
      விரிகதிர் ஞாயிறு ஆகிக்
கள்ளமாய்க் கள்ளத்து உள்ளார் 
      கருத்துமாய் அருத்தம் ஆகி
அள்ளுவார்க்கு அள்ளல் செய்திட்டு 
      இருந்தஆப் பாடி யாரே.  7

மயக்கமாய்த் தெளிவும் ஆகி 
      மால்வரை வளியும் ஆகித்
தியக்கமாய் ஒருக்கம் ஆகிச் 
      சிந்தையுள் ஒன்றி நின்று
இயக்கமாய் இறுதி ஆகி 
      எண் திசைக்கு இறைவர் ஆகி
அயக்கமாய் அடக்க மாய 
      அவை வரா ஆப் பாடி யாரே.  8

ஆரழல் உருவம் ஆகி 
      அண்டம் ஏழ் கடந்த எந்தை
பேரொளி உருவி னானைப் 
      பிரமனும் மாலும் காணாச்
சீரவை பரவி ஏத்திச் 
      சென்று அடி வணங்கு வார்க்குப்
பேரருள் அருளிச் செய்வார் 
      பேணும்ஆப் பாடி யாரே.  9

திண்திறல் அரக்க னோடிச் 
      சீகயி லாயம் தன்னை
எண்திறல் இலனும் ஆகி 
      எடுத்தலும் ஏழை அஞ்ச
விண்டிறல் நெறிய ஊன்றி 
      மிகக்கடுத்து அலறி வீழப்
பண்டிறல் கேட்டு உகந்த 
      பரமர்ஆப் பாடி யாரே.  10

திருச்சிற்றம்பலம்

திரு ஆப்பாடி

      

௨ 

திருநாவுக்கரசர் சுவாமிகள் அருளிச்செய்த
நான்காம் திருமுறை

தகவல் பலகை	விவரம்
தலம்	திரு ஆப்பாடி
ஊர்	திருவாப்பாடி
நாடு	சோழ (காவிரி வட)
ॐசுவாமி	பால் உகந்த நாதர்
ॐஅம்பிகை	பெரிய நாயகி, பிருகன் நாயகி
பாடியவர்கள்	அப்பர் (1)         கடலகம் ஏழிநோடும் (4-48)
ஸ்தல மரம்	ஆத்தி
தீர்த்தம்
பண்	திருநேரிசை
குறிப்புகள்	திருநாவுக்கரசர் பாடிய திருத்தலம் சண்டேஸ்வரர் பசுக்களை மேய்த்த திருத்தலம்
பதிக பலன்	இறை யருள் கிட்டும்.
வரிசை எண்.	48                                                             40/63

திருச்சிற்றம்பலம்

கடலகம் ஏழினோடும் 
          புவனமும் கலந்த விண்ணும்
உடலகத்து உயிரும் பாரும் 
          ஒள்ளழ ஆகி நின்று
தடமலர்க் கந்த மாலை 
          தண்மதி பகலும் ஆகி
மடலவிழ் கொன்றை சூடி 
          மன்னும்ஆப் பாடி யாரே.  1

ஆதியும் அறிவும் ஆகி 
          அறிவினுள் செறிவும் ஆகிச்
சோதியுள் சுடரும் ஆகித் 
          தூநெறிக்கு ஒருவன் ஆகிப்
பாதியில் பெண்ணும் ஆகிப் 
          பரவுவார் பாங்கர் ஆகி
வேதியர் வாழும் சேய்ஞல் 
          விரும்பும்ஆப் பாடி யாரே.  2

எண்ணுடை இருக்கும் ஆகி 
          இருக்கினுள் பொருளு ஆகிப்
பண்ணொடு பாடல் தன்னைப் 
          பரவுவார் பாங்கர் ஆகிக்
கண் ஒரு நெற்றி ஆகிக் 
          கருதுவார் கருத லாகாப்
பெண் ஒரு பாகம் ஆகிப் 
          பேணும்ஆப் பாடி யாரே.  3

அண்டமார் அமரர் கோமான் 
          ஆதி எம் அண்ணல் பாதம்
கொண்டவன் குறிப்பினாலே 
          கூப்பினான் தாப ரத்தைக்
கண்டவன் தாதை பாய்வான் 
          காலற எறியக் கண்டு
சண்டியார்க்கு அருள்கள் செய்த 
          தலைவர்ஆப் பாடி யாரே.  4

சிந்தையும் தெளிவும் ஆகித் 
          தெளிவினுள்  சிவமும் ஆகி
வந்தநற் பயனும் ஆகி 
          வாணுதல் பாகம் ஆகி
மந்தமாம் பொழில்கள் சூழ்ந்த 
          மண்ணித்து என் கரைமேல் மன்னி
அந்தமோடு அளவிலாத 
          அடிகள்ஆப் பாடி யாரே.  5

வன்னி வாளரவு மத்தம் 
          மதியமும் ஆறும் சூடி
மின்னிய உருவாம் சோதி 
          மெய்ப்பொருள் பயனும் ஆகிக்
கன்னியோர் பாகம் ஆகிக் 
          கருதுவார் கருத்தும் ஆகி
இன்னிசை தொண்டர் பாட 
          இருந்தஆப் பாடி யாரே.  6

உள்ளுமாய்ப் புறமும் ஆகி 
          உருவுமாய் அருவும் ஆகி
வெள்ளமாய்க் கரையும் ஆகி 
          விரிகதிர் ஞாயிறு ஆகிக்
கள்ளமாய்க் கள்ளத்து உள்ளார் 
          கருத்துமாய் அருத்தம் ஆகி
அள்ளுவார்க்குக் அள்ளல் செய்திட்டு  
          இருந்தஆப் பாடி யாரே.  7

மயக்கமாய்த் தெளிவும் ஆகி 
          மால்வரை வளியும் ஆகித்
இயக்கமாய் ஒருக்க மாகிச் 
          சிந்தையுள் ஒன்றி நின்று
இயக்கமாய் இறுதி ஆகி 
          எண் திசைக்கு இறைவர் ஆகி
அயக்கமாய் அடக்க மாய 
          ஐவர்ஆப் பாடி யாரே.  8

ஆர் அழல் உருவம் ஆகி 
          அண்டம் ஏழ் கடந்த எந்தை
பேரொளி உருவி னானைப் 
          பிரமனும் மாலும் காணாச்
சீரவை பரவி ஏத்திச் 
          சென்று அடி வணங்கு வார்க்குப்
பேரருள் அருளிச் செய்வார் 
          பேணும்ஆப் பாடி யாரே.  9

திண் திறல் அரக்க னோடிச் 
          சீகயி லாயம் தன்னை
எண் திறல் இலனும் ஆகி 
          எடுத்தலும் ஏழை அஞ்ச
விண்டிறல் நெறிய வூன்றி 
          மிகக்கடுத் தலறி வீழப்
பண்டிறல் கேட்டு கந்த 
          பரமர்ஆப் பாடி யாரே.  10

திருச்சிற்றம்பலம்

திரு கச்சி ஏகம்பம்

 

௨ 

திருநாவுக்கரசு சுவாமிகள் அருளிச்செய்த
நான்காம்  திருமுறை 

தகவல் பலகை	விவரம்
தலம்	திரு கச்சி ஏகம்பம்
ஊர்	காஞ்சிபுரம், காமபீடம், மும்மூர்த்தி வாசம், சிவபுரம், விண்டுபுரம், தபோமயம், துண்டீரபுரம், பிரமபுரம், பூலோக கயிலாயம், தேவபுரம், சகலசித்திபுரம், புவனசாரம், ஆதிபீடம், கன்னிகாப்பு, கலிசித்து, கச்சி
நாடு	தொண்டை நாடு
ॐசுவாமி	ஏகாம்பர நாதர், திருவேகம்பர்
ॐஅம்பிகை	ஏலவார் குழலி, காமாட்சி அம்மை
பாடியவர்கள்	சம்பந்தர் (4)         வெந்த வெண் பொடி பூசு  (1-133)         மறையானை மாசிலா (2-12)         கருவா கச்சி திருவேகம்பம் (3-41)         பாயுமால் விடை (3-114) அப்பர் (7)         கரவாடும் வன்னம்(4-07)         நம்பனை நகர மூன்றும் (4-44)          ஓதுவித்தாய் முன் (4-99)         பண்டு செய்த பழ வினை (5-047)         பூ மேலானும் பூமகள் (5-48)         கூற்றுவன் காண் கூற்றுவனை (6-64)         உரித்தவன் காண் உரக்களிற்றை (6-65) சுந்தரர்   (1)         ஆலம் தான் உகந்து அமுது (7-61)
ஸ்தல மரம்	மாமரம்
தீர்த்தம்	கம்பாநதி, சர்வ தீர்த்தம், சிவகங்கை
பண்	காந்தாரம்
குறிப்புகள்	காமாட்சி அம்மை 32 அறங்கள் செய்த தலம்  பஞ்ச பூத தலங்களில் ஒன்று (மண்) கந்தபுராணம் பாடிய கச்சியப்ப சிவாச்சாரியார் வாழ்ந்த தலம்  திருக்குறள் உரை ஆசிரியர் பரிமேலழகர் வாழ்ந்த தலம்  ஐயடிகள் காடவர்கோன், சாக்கிய நாயனார், திருக்குறிப்புத் தொண்டர் பேறு பெற்ற தலம்  சுந்தரமூர்த்தி சுவாமிகள் இடக் கண் பெற்ற தலம்  வேதம் மாமரமாக - தல மரமாக விளங்குவது.  இங்குள்ள மாமரம் சுமார் 3500 ஆண்டுகள் பழமையானது  கம்பாநதி பூமிக்கடியில் கண்களுக்கு புலப்படாதவாறு ஓடுவதாக வரலாறு  நல்ல கம்பன், கள்ளக் கம்பன், வெள்ளக் கம்பன் ஆகிய மூர்த்தங்கள் உள்ள திருத்தலம். முத்தி பேறு தரவல்ல தளமாக போற்றப் படுகிறது .
பதிக பலன்	வினை யவும் மாயும்
வரிசை எண்.	44                                                       1/32

திருச்சிற்றம்பலம்          

நம்பனை நகர மூன்றும் 
          எரியுண வெருவ நோக்கும்
அம்பனை அமுதை ஆற்றை 
          அணிபொழிற் கச்சி யுள்ளே
கம்பனைக் கதிர்வெண் திங்கள்
          செஞ்சடைக் கடவுள் தன்னைச்
செம்பொனைப் பவளத் தூணைச் 
          சிந்தியா எழுகின் றேனே.  1  

ஒருமுழம் உள்ள குட்டம் 
          ஒன்பது துளையு டைத்தாய்
அரைமுழம் அதன் அகலம் 
          அதனில்வாழ் முதலை ஐந்து
பெருமுழை வாய்தல் பற்றிக் 
          கிடந்துநான் பிதற்று கின்றேன்
கருமுகில் தவழும் மாடக் 
          கச்சி ஏகம்பன் நீரே.  2  

மலையினார் மகளோர் பாக 
          மைந்தனார் மழு ஒன்று ஏந்திச்
சிலையினால் மதில்கள் மூன்றும் 
          தீயெழச் செற்ற செல்வர்
இலையினார் சூலம் ஏந்தி 
          ஏகம்பம் மேவி னாரைத்
தலையினால் வணங்க வல்லார் 
          தலைவர்க்கும் தலைவர் தாமே.  3  

பூத்தபொற் கொன்றை மாலை 
          புரிசடைக்கு அணிந்த செல்வர்
தீர்த்தமாங் கங்கை யாளைத் 
          திருமுடி திகழ வைத்து
ஏத்துவார் ஏத்த நின்ற 
          ஏகம்பம் மேவி னாரை
வாழ்த்துமாறு அறிய மாட்டேன் 
          மால்கொடு மயங்கி னேனே.  4  

மையினார் மலர்நெ டுங்கண் 
          மங்கை ஓர் பங்கர் ஆகிக்
கையில் ஓர் கபாலம் ஏந்திக் 
          கடைதொறும் பலிகொள் வார்தாம்
எய்வதோர் ஏனம் ஓட்டி 
          ஏகம்பம் மேவி னாரைக்
கையினால் தொழ வல்லார்க்குக் 
          கடுவினை களைய லாமே.  5  

தருவினை மருவுங் கங்கை 
          தங்கிய சடையன் எங்கள்
அருவினை அகல நல்கும் 
          அண்ணலை அமரர் போற்றும்
திருவினைத் திருவே கம்பஞ் 
          செப்பிட உறைய வல்ல
உருவினை உருகி ஆங்கே 
          உள்ளத்தால் உகக்கின் றேனே.  6  

கொண்டதோர் கோல மாகிக் 
          கோலக்கா உடைய கூத்தன்
உண்டதோர் நஞ்சம் ஆகில் 
          உலகெலாம் உய்ய உண்டான்
எண் திசை யோரும் ஏத்த 
          நின்ற ஏகம்பன் தன்னைக்
கண்டுநான் அடிமை செய்வான் 
          கருதியே திரிகின் றேனே.  7  

படம் உடை அரவி னோடு 
          பனிமதி அதனைச் சூடிக்
கடம் உடை உரிவை மூடிக் 
          கண்டவர் அஞ்ச அம்ம
இடமுடைக் கச்சி தன்னுள் 
          ஏகம்பம் மேவினான் தன்
நடமுடை யாடல் காண 
          ஞாலந்தான் உய்ந்த வாறே.  8  

பொன் திகழ் கொன்றை மாலை 
          பொருந்திய நெடுந்தண் மார்பர்
நன்றியில் புகுந்து என் உள்ளம் 
          மெள்ளவே நவில நின்று
குன்றியில் அடுத்த மேனிக் 
          குவளையம் கண்டர் எம்மை
இன் துயில் போது கண்டார் 
          இனியர் ஏகம்ப னாரே.  9  

துருத்தியார் பழனத்து உள்ளார் 
          தொண்டர்கள் பலரும் ஏத்த
அருத்தியால் அன்பு செய்வார் 
          அவரவர்க்குக் அருள்கள் செய்தே
எருத்தினை இசைய ஏறி 
          ஏகம்பம் மேவினார்க்கு
வருத்தி நின் அடிமை செய்வார் 
          வல்வினை மாயும் அன்றே.

திருச்சிற்றம்பலம்

திரு கச்சி மேற்றளி

௨ 

திருநாவுக்கரசு சுவாமிகள் அருளிச்செய்த
நான்காம் திருமுறை 

தகவல் பலகை	விவரம்
தலம்	திரு கச்சிமேற்றளி
ஊர்
நாடு	தொண்டை நாடு
ॐசுவாமி	திரு மேற்றளி நாதர்
ॐஅம்பிகை	திரு மேற்றளி நாயகி
பாடியவர்கள்	அப்பர் (1)         மறையது பாடி (4-43) சுந்தரர்   (1)         நொந்தா ஒண் சுடரே (7-21)
ஸ்தல மரம்
தீர்த்தம்
பண்	திரு நேரிசை
குறிப்புகள்	காஞ்சிபுரம் பிள்ளையார் பாளையம் என்னும் பகுதியில் உள்ளது  திருமால் பூசித்த தலம்.
பதிக பலன்	பக்தியில் சிறந்து விளங்குவர்
வரிசை எண்.	43                                                       2/32

திருச்சிற்றம்பலம்          

மறையது பாடிப் பிச்சைக் கு 
          என்று அகம் திரிந்து வாழ்வார்
பிறையது சடைமு டிமேற் 
          பெய்வளை யாள்தன் னோடும்
கறையது கண்டம் கொண்டார் 
          காஞ்சிமா நகர்தன் உள்ளார் 
இறையவர் பாட ஆடல் 
          இலங்கு மேற் றளி யனாரே.  1  

மாலன மாயன் தன்னை 
          மகிழ்ந்தனர் விருத்தர் ஆகும்
பாலனார் பசுப தியார் 
          பால்வெள்ளை நீறு பூசிக்
காலனைக் காலாற் செற்றார் 
          காஞ்சிமா நகர்தன் உள்ளார்
ஏலநற் கடம்பன் தாதை 
          இலங்குமேற் றளிய னாரே.  2  

விண்ணிடை விண்ண வர்கள் 
          விரும்பிவந்து இறைஞ்சி வாழ்த்தப்
பண்ணிடைச் சுவையின் மிக்க 
          கின்னரம் பாடல் கேட்பார்
கண்ணிடை மணியின் ஒப்பார் 
          காஞ்சிமா நகர்தன் உள்ளார்
எண்ணிடை எழுத்தும் ஆனார் 
          இலங்குமேற் றளிய னாரே.  3  

சோமனை அரவி னோடு 
          சூழ்தரக் கங்கை சூடும்
வாமனை வான வர்கள் 
          வலங்கொடு வந்து போற்றக்
காமனைக் காய்ந்த கண்ணார் 
          காஞ்சிமா நகர்தன் உள்ளார்
ஏமநின்று ஆடும் எந்தை 
          இலங்குமேற் றளிய னாரே.  4  

ஊனவர் உயிரி னோடும் 
          உலகங்கள் ஊழி யாகித்
தானவர் தனமும் ஆகித் 
          தனஞ்செயனோடு எதிர்ந்த
கானவர் காள கண்டர் 
          காஞ்சிமா நகர்தன் உள்ளார்
ஏனம் அக் கோடு பூண்டார் 
          இலங்குமேற் றளிய னாரே.  5  

மாயனாய் மால னாகி 
          மலரவனாகி மண்ணாய்த்
தேயமாய்த் திசை எட்டு ஆகித் 
          தீர்த்தமாய்த் திரிதர் கின்ற
காயமாய்க் காயத் துள்ளார் 
          காஞ்சிமா நகர்தன் உள்ளார்
ஏயமென் றோளி பாகர் 
          இலங்குமேற் றளிய னாரே.  6  

மண்ணினை உண்ட மாயன் 
          தன்னை ஓர் பாகம் கொண்டார்
பண்ணினைப் பாடி ஆடும் 
         பத்தர்கள் சித்தங் கொண்டார்
கண்ணினை மூன்றுங் கொண்டார் 
        காஞ்சிமா நகர்தன் னுள்ளால்
எண்ணினை யெண்ண வைத்தார் 
  இலங்குமேற் றளிய னாரே.  7  

செல்வியைப் பாகங் கொண்டார் 
          சேந்தனை மகனாக் கொண்டார்
மல்லிகைக் கண்ணி யோடு 
          மாமலர்க் கொன்றை சூடிக்
கல்வியைக் கரையி லாத 
          காஞ்சிமா நகர்தன் னுள்ளால்
எல்லியை விளங்க நின்றார் 
          இலங்குமேற் றளிய னாரே.  8  

வேறிணை யின்றி யென்றும் 
          விளங்கொளி மருங்கி னாளைக்
கூறியல் பாகம் வைத்தார்
          கோளரா மதியும் வைத்தார்
ஆறினைச் சடையுள் வைத்தார் 
          அணிபொழிற் கச்சி தன்னுள்
ஏறினை யேறு மெந்தை 
          இலங்குமேற் றளிய னாரே.  9  

தென்னவன் மலையெ டுக்கச் 
          சேயிழை நடுங்கக் கண்டு
மன்னவன் விரலா லூன்ற 
          மணிமுடி நெரிய வாயாற்
கன்னலின் கீதம் பாடக் 
          கேட்டவர் காஞ்சி தன்னுள்
இன்னவற் கருளிச் செய்தார் 
          இலங்குமேற் றளிய னாரே.

திருச்சிற்றம்பலம்

திரு கச்சி ஏகம்பம்

 

௨ 

திருநாவுக்கரசு சுவாமிகள் அருளிச்செய்த
நான்காம்  திருமுறை 

தகவல் பலகை	விவரம்
தலம்	திரு கச்சி ஏகம்பம்
ஊர்	காஞ்சிபுரம், காமபீடம், மும்மூர்த்தி வாசம், சிவபுரம், விண்டுபுரம், தபோமயம், துண்டீரபுரம், பிரமபுரம், பூலோக கயிலாயம், தேவபுரம், சகலசித்திபுரம், புவனசாரம், ஆதிபீடம், கன்னிகாப்பு, கலிசித்து, கச்சி
நாடு	தொண்டை நாடு
ॐசுவாமி	ஏகாம்பர நாதர், திருவேகம்பர்
ॐஅம்பிகை	ஏலவார் குழலி, காமாட்சி அம்மை
பாடியவர்கள்	சம்பந்தர் (4)         வெந்த வெண் பொடி பூசு  (1-133)         மறையானை மாசிலா (2-12)         கருவா கச்சி திருவேகம்பம் (3-41)         பாயுமால் விடை (3-114) அப்பர் (7)         கரவாடும் வன்னம்(4-07)         நம்பனை நகர மூன்றும் (4-44)          ஓதுவித்தாய் முன் (4-99)         பண்டு செய்த பழ வினை (5-047)         பூ மேலானும் பூமகள் (5-48)         கூற்றுவன் காண் கூற்றுவனை (6-64)         உரித்தவன் காண் உரக்களிற்றை (6-65) சுந்தரர்   (1)         ஆலம் தான் உகந்து அமுது (7-61)
ஸ்தல மரம்	மாமரம்
தீர்த்தம்	கம்பாநதி, சர்வ தீர்த்தம், சிவகங்கை
பண்	காந்தாரம்
குறிப்புகள்	காமாட்சி அம்மை 32 அறங்கள் செய்த தலம்  பஞ்ச பூத தலங்களில் ஒன்று (மண்) கந்தபுராணம் பாடிய கச்சியப்ப சிவாச்சாரியார் வாழ்ந்த தலம்  திருக்குறள் உரை ஆசிரியர் பரிமேலழகர் வாழ்ந்த தலம்  ஐயடிகள் காடவர்கோன், சாக்கிய நாயனார், திருக்குறிப்புத் தொண்டர் பேறு பெற்ற தலம்  சுந்தரமூர்த்தி சுவாமிகள் இடக் கண் பெற்ற தலம்  வேதம் மாமரமாக - தல மரமாக விளங்குவது.  இங்குள்ள மாமரம் சுமார் 3500 ஆண்டுகள் பழமையானது  கம்பாநதி பூமிக்கடியில் கண்களுக்கு புலப்படாதவாறு ஓடுவதாக வரலாறு  நல்ல கம்பன், கள்ளக் கம்பன், வெள்ளக் கம்பன் ஆகிய மூர்த்தங்கள் உள்ள திருத்தலம். முத்தி பேறு தரவல்ல தளமாக போற்றப் படுகிறது .
பதிக பலன்	நிலைத்த புகழுடன் வாழ்வார்கள்
வரிசை எண்.	44                                                       1/32

திருச்சிற்றம்பலம்          

நம்பனை நகர மூன்றும் 
          எரியுண வெருவ நோக்கும்
அம்பனை அமுதை யாற்றை 
          அணிபொழிற் கச்சி உள்ளே
கம்பனைக் கதிர்வெண் திங்கள் 
          செஞ்சடைக் கடவுள் தன்னைச்
செம்பொனைப் பவளத் தூணைச் 
          சிந்தியா எழுகின் றேனே.  1  

ஒருமுழம் உள்ள குட்டம் 
          ஒன்பது துளை உடைத்தாய்
அரைமுழம் அதன் அகலம் 
          அதனில்வாழ் முதலை ஐந்து
பெருமுழை வாய்தல் பற்றிக் 
          கிடந்துநான் பிதற்று கின்றேன்
கருமுகில் தவழும் மாடக் 
          கச்சி ஏகம்பன் நீரே.  2  

மலையினார் மகளோர் பாக 
          மைந்தனார் மழு ஒன்று ஏந்திச்
சிலையினால் மதில்கள் மூன்றும் 
          தீ எழச் செற்ற செல்வர்
இலையினார் சூலம் ஏந்தி 
          ஏகம்பம் மேவினாரைத்
தலையினால் வணங்க வல்லார் 
          தலைவர்க்கும் தலைவர் தாமே.  3  

பூத்தபொற் கொன்றை மாலை 
          புரிசடைக்கு அணிந்த செல்வர்
தீர்த்தமாங் கங்கை யாளைத் 
          திருமுடி திகழ வைத்து
ஏத்துவார் ஏத்த நின்ற 
          ஏகம்பம் மேவி னாரை
வாழ்த்துமாறு அறிய மாட்டேன் 
          மால்கொடு மயங்கி னேனே.  4  

மையினார் மலர் நெடுங்கண் 
          மங்கை ஓர் பங்கர் ஆகிக்
கையில் ஓர் கபாலம் ஏந்திக் 
          கடைதொறும் பலிகொள் வார்தாம்
எய்வதோர் ஏனம் ஓட்டி 
          ஏகம்பம் மேவி னாரைக்
கையினால் தொழ வல்லார்க்குக் 
          கடுவினை களைய லாமே.  5  

தருவினை மருவும் கங்கை 
          தங்கிய சடையன் எங்கள்
அருவினை அகல நல்கும் 
          அண்ணலை அமரர் போற்றும்
திருவினைத் திரு ஏகம்பம் 
          செப்பிட உறைய வல்ல
உருவினை உருகி ஆங்கே 
          உள்ளத்தால் உகக்கின் றேனே.  6  

கொண்டதோர் கோல மாகிக் 
          கோலக்கா உடைய கூத்தன்
உண்டதோர் நஞ்சம் ஆகில் 
          உலகெலாம் உய்ய உண்டான்
எண் திசையோரும் ஏத்த 
          நின்ற ஏகம்பன் தன்னைக்
கண்டுநான் அடிமை செய்வான் 
          கருதியே திரிகின் றேனே.  7  

படம் உடை அரவி னோடு 
          பனிமதி அதனைச் சூடிக்
கடம் உடை உரிவை மூடிக் 
          கண்டவர் அஞ்ச அம்ம
இடமுடைக் கச்சி தன்னுள் 
          ஏகம்பம் மேவி னான் தன்
நடமுடை ஆடல் காண 
          ஞாலந்தான் உய்ந்த வாறே.  8  

பொன் திகழ் கொன்றை மாலை 
          பொருந்திய நெடுந்தண் மார்பர்
நன்றியில்  புகுந்து என் உள்ளம் 
          மெள்ளவே நவில நின்று
குன்றியில் அடுத்த மேனிக் 
          குவளையம் கண்டர் எம்மை
இன் துயில் போது கண்டார் 
          இனியர்ஏ கம்ப னாரே.  9  

துருத்தியார் பழனத்து உள்ளார் 
          தொண்டர்கள் பலரும் ஏத்த
அருத்தியால் அன்பு செய்வார் 
          அவரவர்க்கு அருள்கள் செய்தே
எருத்தினை இசைய ஏறி 
          ஏகம்பம் மேவி னார்க்கு
வருத்திநின்று அடிமை செய்வார் 
          வல்வினை மாயும் மாறே

திருச்சிற்றம்பலம்