திரு ஆலவாய்

                     

௨ 

திருநாவுக்கரசர்  சுவாமிகள் அருளிச்செய்த
நான்காம் திருமுறை

தகவல் பலகை	விவரம்
தலம்	திருஆலவாய்
ஊர்/வேறுபெயர்	மதுரை, கூடல் நகர், கடம்ப வனம், சிவராசதானி
நாடு	பாண்டிய
ॐசுவாமி	சோமசுந்தரக்கடவுள், சொக்கநாதர்
ॐஅம்பிகை	மீனாட்சி, அங்கயர்கன்னி
பாடியவர்கள்	திருஞானசம்பந்தர்(9)         நீலமாமிடற் (1:94)         மந்திரமாவது நீறு (2:66)         மானின் நேர் விழி (3:39)         காட்டுமாவது (3:47)         செய்யனே திருஆலவாய் (3:51)         வீடல் ஆலவாய் (3:52)         வேத வேள்வியை (3:108)         ஆல நீழல் உகந்த (3:115)         மங்கையர்க்கரசி (3:120)          திருநாவுக்கரசர்(2)         வேதியா வேத கீதா(4:62)         முளைத்தானை முன்னே(6:19)
ஸ்தல மரம்	கடம்பு
தீர்த்தம்	பொற்றாமரைக்குளம்
பண்	திருநேரிசை
குறிப்புகள்	பாணபத்திரர் வாயிலாக சேரமான் பெருமாளுக்கு திருமுகப்பாசுரம்  அளித்த பதி. சமணர்களை வாதம் செய்து, திருஞானசம்பந்தர் சைவத்தை நிலைநாட்டிய திருத்தலம்  பஞ்ச சபைகளுள் ஒன்று. இது வெள்ளி அம்பலம்.   பாண்டிய மன்னனுக்காக கால் மாறி ஆடிய தலம்  பூலோக கைலாசம் என போற்றப் பெறும் தலம்   பாண்டியனின் வெப்பு நோய் நீங்க இறைவன் திருக்குறிப்பை அறிய  அருளிய பதிகம்
பதிகப் பலன்	பலரும் போற்றும் படி வாழ்வு அமையும்
வரிசை எண்.	62                                     1/14

திருச்சிற்றம்பலம்

வேதியா வேத கீதா 
          விண்ணவர் அண்ணா என்றென்று
ஓதியே மலர்கள் தூவி 
          ஒருங்கிநின் கழல்கள் காணப்
பாதியோர் பெண்ணை வைத்தாய் 
      படர்சடை மதியம் சூடும்
ஆதியே ஆல வாயில் 
      அப்பனே அருள்செ யாயே.  1  

நம்பனே நான் முகத்தாய் 
          நாதனே ஞான மூர்த்தி
என்பொனே ஈசா என்றென்று  
          ஏத்தி நான் ஏசற்று என்றும்
பின்பினே திரிந்து நாயேன் 
          பேர்த்து இனிப் பிறவா வண்ணம்
அன்பனே ஆலவாயில் அப்பனே 
          அருள் செயாயே.  2   

ஒருமருந்து ஆகி உள்ளாய் 
          உம்பரோடு உலகுக்கு எல்லாம்
பெருமருந் தாகி நின்றாய் 
          பேர் அமுதின் சுவையாய்க்கு
அருமருந் தாகி உள்ளாய் 
          ஆளும்வல் வினைகள் தீர்க்கும்
அருமருந்து ஆலவாயில் 
          அப்பனே அருள்செ யாயே.  3  

செய்யநின் கமல பாதம்
          சேருமா தேவர் தேவே
மையணி கண்டத் தானே 
          மான்மறி மழு ஒன்று ஏந்தும்
சைவனே சால ஞானம்
          கற்று அறிவிலாத நாயேன்
ஐயனே ஆல வாயில் 
          அப்பனே அருள்செ யாயே.  4  

வெண் தலை கையில் ஏந்தி 
          மிகவும் ஊர் பலிகொண்டு என்றும்
உண்டதும் இல்லை சொல்லில் 
          உண்டது நஞ்சு தன்னைப்
பண்டு உனை நினைய மாட்டாப் 
          பளகனேன் உளம தார
அண்டனே ஆல வாயில் 
          அப்பனே அருள்செ யாயே.  5  

எஞ்சலில் புகலி தென்என்று  
          ஏத்தி நான் ஏசற்று என்றும்
வஞ்சகம் ஒன்றும் இன்றி 
          மலரடி காணும் வண்ணம்
நஞ்சினை மிடற்றில் வைத்த 
          நற்பொருட் பதமே நாயேற்கு 
அஞ்சல் என்று ஆல வாயில் 
          அப்பனே அருள்செ யாயே.  6  

வழுவிலாது உன்னை வாழ்த்தி 
          வழிபடுந் தொண்ட னேன் உன்
செழுமலர்ப் பாதங் காணத் 
          தெண்டிரை நஞ்ச முண்ட
குழகனே கோல வில்லீ 
          கூத்தனே மாத்தாய் உள்ள
அழகனே ஆல வாயில் 
          அப்பனே அருள்செ யாயே.  7  

நறுமலர் நீரும் கொண்டு 
          நாள்தொறும் ஏத்தி வாழ்த்திச்
செறிவன சித்தம் வைத்துத் 
          திருவடி சேரும் வண்ணம்
மறிகடல் வண்ணன் பாகா 
          மாமறை அங்கம் ஆறும்
அறிவனே ஆல வாயில் 
          அப்பனே அருள்செ யாயே.  8  

நலந்திகழ் வாயின் நூலாற் 
          சருகிலைப் பந்தர் செய்த
சிலந்தியை அரசு அது ஆள 
          அருளினாய் என்று திண்ணம்
கலந்துடன் வந்து நின்றாள் 
          கருதிநான் காண்ப தாக
அலந்தனன் ஆல வாயில் 
          அப்பனே அருள்செ யாயே.  9  

பொடிக்கொடு பூசிப் பொல்லாக் 
          குரம்பையிற் புந்தி ஒன்றிப்
பிடித்து நின் தாள்கள் என்றும் 
          பிதற்றி நான் இருக்க மாட்டேன்
எடுப்பன் என்று இலங்கைக் கோன்வந்து  
          எடுத்தலும் இருப துதோள்
அடர்த்தனே ஆல வாயில் 
          அப்பனே அருள்செ யாயே.

திருச்சிற்றம்பலம்

திரு ஆலவாய்

                    

௨ 

திருஞானசம்பந்தர்  சுவாமிகள் அருளிச்செய்த
மூன்றாம்   திருமுறை

தகவல் பலகை	விவரம்
தலம்	திருஆலவாய்
ஊர்/வேறுபெயர்	மதுரை, கூடல் நகர், கடம்ப வனம், சிவராசதானி
நாடு	பாண்டிய
ॐசுவாமி	சோமசுந்தரக்கடவுள், சொக்கநாதர்
ॐஅம்பிகை	மீனாட்சி, அங்கயர்கன்னி
பாடியவர்கள்	திருஞானசம்பந்தர்(9)         நீலமாமிடற் (1:94)         மந்திரமாவது நீறு (2:66)         மானின் நேர் விழி (3:39)         காட்டுமாவது (3:47)         செய்யனே திருஆலவாய் (3:51)         வீடல் ஆலவாய் (3:52)         வேத வேள்வியை (3:108)         ஆல நீழல் உகந்த (3:115)         மங்கையர்க்கரசி (3:120)          திருநாவுக்கரசர்(2)         வேதியா வேத கீதா(4:62)         முளைத்தானை முன்னே(6:19)
ஸ்தல மரம்	கடம்பு
தீர்த்தம்	பொற்றாமரைக்குளம்
பண்	பழம் பஞ்சுரம்
குறிப்புகள்	பாணபத்திரர் வாயிலாக சேரமான் பெருமாளுக்கு திருமுகப்பாசுரம்  அளித்த பதி. சமணர்களை வாதம் செய்து, திருஞானசம்பந்தர் சைவத்தை நிலைநாட்டிய திருத்தலம்  பஞ்ச சபைகளுள் ஒன்று. இது வெள்ளி அம்பலம்.   பாண்டிய மன்னனுக்காக கால் மாறி ஆடிய தலம்  பூலோக கைலாசம் என போற்றப் பெறும் தலம்   பாண்டியனின் வெப்பு நோய் நீங்க இறைவன் திருக்குறிப்பை அறிய  அருளிய பதிகம்   இது நாலடி மேல் வைப்பு என சிறப்பு பெற்றது
பதிகப் பலன்	பலரும் போற்றும் படி வாழ்வு அமையும்
வரிசை எண்.	115                                     1/14

திருச்சிற்றம்பலம்

மங்கையர்க்கரசி வளவர்கோன் பாவை
          வரிவளைக் கைம்மட மானி
பங்கயச் செல்வி பாண்டிமா தேவி
          பணிசெய்து நாள்தொறும் பரவப்
பொங்கழல் உருவன் பூத நாயகன் நால்
          வேதமும் பொருள்களும் அருளி
அங்கயற் கண்ணி தன்னொடும் அமர்ந்த
          ஆலவாய் ஆவதும் இதுவே.   1  

வெற்றவே அடியார் அடிமிசை வீழும்
          விருப்பினன் வெள்ளை நீறு அணியும்
கொற்றவன் தனக்கு மந்திரி யாய
          குலச்சிறை குலாவி நின்று ஏத்தும்
ஒற்றைவெள் விடையன் உம்பரார் தலைவன்
          உலகினில் இயற்கையை ஒழிந்திட்டு 
அற்றவர்க்கு அற்ற சிவனுறை கின்ற
          ஆலவாய் ஆவதும் இதுவே.    2  

செந்துவர் வாயாள் சேலன கண்ணாள்
          சிவன்திரு நீற்றினை வளர்க்கும்
பந்தணை விரலாள் பாண்டிமா தேவி
          பணிசெயப் பாரிடை நிலவும்
சந்தமார் தரளம் பாம்புநீர் மத்தம்
          தண் எருக்கம் மலர் வன்னி
அந்திவான் மதிசேர் சடைமுடி அண்ணல்
          ஆலவாய் ஆவதும் இதுவே.     3  

கணங்களாய் வரினும் தமியராய் வரினும்
          அடியவர் தங்களைக் கண்டால்
குணங்கொடு பணியுங் குலச்சிறை குலாவும்
          கோபுரம் சூழ்மணிக் கோயில்
மணங்கமழ் கொன்றை வாளரா மதியம்
          வன்னி வன் கூவிள மாலை
அணங்கு வீற்று இருந்த சடைமுடி அண்ணல்
          ஆலவாய் ஆவதும் இதுவே.     4  

செய்யதா மரைமேல் அன்னமே அனைய
          சேயிழை திருநுதற் செல்வி
பையர அல்குல் பாண்டிமா தேவி
          நாள்தொறும் பணிந்து இனிது ஏத்த
வெய்யவேல் சூலம் பாசம்அங் குசமான்
          விரிகதிர் மழுவுடன் தரித்த
ஐயனார் உமையோடு இன்புறு கின்ற
          ஆலவாய் ஆவதும் இதுவே.     5  

நலமில ராக நலம் அது உண்டாக
          நாடவர் நாடறி கின்ற
குலமில ராகக் குலம் அது உண்டாகத்
          தவம்பணி குலச்சிறை பரவும்
கலைமலி கரத்தன் மூவிலை வேலன்
          கரி உரி மூடிய கண்டன்
அலைமலி புனல்சேர் சடைமுடி அண்ணல்
          ஆலவாய் ஆவதும் இதுவே.    6  

முத்தின்தாழ் வடமும் சந்தனக் குழம்பும் 
          நீறும் தன் மார்பினின் முயங்கப்
பத்தியார் கின்ற பாண்டிமா தேவி 
          பாங்கொடு பணிசெய நின்ற
சுத்தமார் பளிங்கின் பெருமலை உடனே 
          சுடர்மர கதம் அடுத் தாற்போல்
அத்தனார் உமையோடு இன்புறு கின்ற 
          ஆலவாய் ஆவதும் இதுவே.     7  

நாவணங்கு இயல்பாம் அஞ்செழுத்து ஓதி 
          நல்லராய் நல்லியல் பாகும்
கோவணம் பூதி சாதனம் கண்டால் 
          தொழுதெழு குலச்சிறை போற்ற
ஏவணங்கு இயல்பாம் இராவணன் திண் தோள் 
          இருபதும் நெரிதர ஊன்றி
ஆவணங் கொண்ட சடைமுடி அண்ணல் 
          ஆலவாய் ஆவதும் இதுவே.     8  

மண்ணெலாம் நிகழ மன்னனாய் மன்னும் 
          மணிமுடிச் சோழன் தன் மகளாம்
பண்ணினேர் மொழியாள் பாண்டிமா தேவி 
          பாங்கினாற் பணிசெய்து பரவ
விண்ணுளார் இருவர் கீழொடு மேலும் 
          அளப்பரி தாம்வகை நின்ற
அண்ணலார் உமையோடு இன்புறு கின்ற 
          ஆலவாய் ஆவதும் இதுவே.    9  

தொண்டராய் உள்ளார் திசைதிசை தோறும் 
          தொழுதுதன் குணத்தினைக் குலாவக்
கண்டு நாள்தோறும் இன்புறு கின்ற 
          குலச்சிறை கருதிநின்று ஏத்தக்
குண்டராய் உள்ளார் சாக்கியர் தங்கள் 
          குறியின்கண் நெறியிடை வாரா
அண்டநா யகன் தான் அமர்ந்து வீற்று இருந்த 
          ஆலவாய் ஆவதும் இதுவே.    10  

பன்னலம் புணரும் பாண்டிமா தேவி 
          குலச்சிறை எனும் இவர் பணியும்
அந்நலம் பெறுசீர் ஆலவாய் ஈசன் 
          திருவடி ஆங்கு அவை போற்றிக்
கன்னலம் பெரிய காழியுள் ஞான 
          சம்பந்தன் செந்தமிழ் இவைகொண்டு 
இன்னலம் பாட வல்லவர் இமையோர் 
          ஏத்த வீற்று இருப்பவர் இனிதே.

திருச்சிற்றம்பலம்

திரு ஆலவாய்

                   

௨ 

திருஞானசம்பந்தர்  சுவாமிகள் அருளிச்செய்த
மூன்றாம்   திருமுறை

தகவல் பலகை	விவரம்
தலம்	திருஆலவாய்
ஊர்/வேறுபெயர்	மதுரை, கூடல் நகர், கடம்ப வனம், சிவராசதானி
நாடு	பாண்டிய
ॐசுவாமி	சோமசுந்தரக்கடவுள், சொக்கநாதர்
ॐஅம்பிகை	மீனாட்சி, அங்கயர்கன்னி
பாடியவர்கள்	திருஞானசம்பந்தர்(9)         நீலமாமிடற் (1:94)         மந்திரமாவது நீறு (2:66)         மானின் நேர் விழி (3:39)         காட்டுமாவது (3:47)         செய்யனே திருஆலவாய் (3:51)         வீடல் ஆலவாய் (3:52)         வேத வேள்வியை (3:108)         ஆல நீழல் உகந்த (3:115)         மங்கையர்க்கரசி (3:120)          திருநாவுக்கரசர்(2)         வேதியா வேத கீதா(4:62)         முளைத்தானை முன்னே(6:19)
ஸ்தல மரம்	கடம்பு
தீர்த்தம்	பொற்றாமரைக்குளம்
பண்	பழம் பஞ்சுரம்
குறிப்புகள்	பாணபத்திரர் வாயிலாக சேரமான் பெருமாளுக்கு திருமுகப்பாசுரம்  அளித்த பதி. சமணர்களை வாதம் செய்து, திருஞானசம்பந்தர் சைவத்தை நிலைநாட்டிய திருத்தலம்  பஞ்ச சபைகளுள் ஒன்று. இது வெள்ளி அம்பலம்.   பாண்டிய மன்னனுக்காக கால் மாறி ஆடிய தலம்  பூலோக கைலாசம் என போற்றப் பெறும் தலம்   பாண்டியனின் வெப்பு நோய் நீங்க இறைவன் திருக்குறிப்பை அறிய  அருளிய பதிகம்
பதிகப் பலன்	எல்லா நன்மையையும் உண்டாகும்.
வரிசை எண்.	115                                     1/14

திருச்சிற்றம்பலம்

ஆலநீழல் உகந்தது இருக்கையே
          ஆனபாடல் உகந்தது இருக்கையே
பாலின்நேர்மொழி யாள் ஒரு பங்கனே 
          பாதமோதலர் சேர்புர பங்கனே
கோலநீறணி மேதகு பூதனே 
          கோதிலார்மன மேவிய பூதனே
ஆல நஞ்சு அமுது உண்ட களத்தனே 
          ஆலவாய் உறை அண்டர் களத்தனே.  1  

பாதியாவுடன் கொண்டது மாலையே 
          பாம்புதார்மலர்க் கொன்றைநன் மாலையே
கோதி நீறு அது பூசிடும் ஆகனே 
          கொண்டநற்கையின் மானிடம் ஆகனே
நாதன் நாள்தொறும் ஆடுவது ஆனையே 
          நாடி அன்று உரி செய்ததும் ஆனையே
வேதநூல்பயில் கின்றது வாயிலே 
          விகிர்தனூர் திரு ஆலநல் வாயிலே.  2  

காடுநீட துறப்பல கத்தனே 
          காதலானினை வார் தம் அகத்தனே
பாடு பேயொடு பூத மசிக்கவே 
          பல்பிணத்தசை நாடி யசிக்கவே
நீடுமாநட மாட விருப்பனே 
          நின்னடித்தொழ நாளும் இருப்பனே
ஆட நீள் சடை மேவிய அப்பனே 
          ஆலவாயினின் மேவிய அப்பனே.  3  

பண்டயன் தலை ஒன்று மறுத்தியே 
          பாதம் ஓதினர் பாவம் அறுத்தியே
துண்டவெண்பிறை சென்னி இருத்தியே 
          தூய வெள் எருது  ஏறி இருத்தியே
கண்டுகாமனை வேவ விழித்தியே 
          காதலில் அவர் தம்மை இழித்தியே
அண்டநாயக னேமிகு கண்டனே 
          ஆலவாயினில் மேவிய கண்டனே.  4  

சென்றுதாதை உகுத்தனன் பாலையே 
          சீறி அன்பு செகுத்தனன் பாலையே
வென்றிசேர்மழுக் கொண்டுமுன் காலையே 
          வீடவெட்டிடக் கண்டுமுன் காலையே
நின்றமாணியை ஓடின கங்கையால் 
          நிலவமல்கி உதித்தன கங்கையால்
அன்று நின் உருவாகத் தடவியே 
          ஆலவாய் அரனாகத் தடவியே.  5  

நக்கம் ஏகுவர் நாடும் ஓர் ஊருமே 
          நாதன்மேனியின் மாசுணம் ஊருமே
தக்கபூமனைச் சுற்றக் கருளொடே 
          தாரம் உய்த்தது பாணற்கு அருளொடே
மிக்கதென்னவன் தேவிக்கு அணியையே 
          மெல்லநல்கிய தொண்டர்க்கு அணியையே
அக்கின் ஆரமுது உண்கலன் ஓடுமே 
          ஆலவாய் அரனார் உமை யோடுமே.  6  

வெய்யவன்பல் உகுத்தது குட்டியே 
          வெங்கண்மாசுணங் கையது குட்டியே
ஐயனே அனல் ஆடிய மெய்யனே 
          அன்பினால்நினை வார்க்கு அருள் மெய்யனே
வையம் உய்ய அன்று உண்டது காளமே 
          வள்ளல்கையது மேவுகங் காளமே
ஐயம் ஏற்பது உரைப்பது வீணையே 
          ஆலவாய் அரன் கையது வீணையே.  7  

தோள்கள்பத்தொடு பத்து மயக்கியே 
          தொக்கதேவர் செருக்கை மயக்கியே
வாள் அரக்கன் நிலத்து களித்துமே 
          வந்த மால் வரை கண்டு களித்துமே
நீள்பொருப்பை எடுத்த உன் மத்தனே 
          நின் விரல் தலை யான்மத மத்தனே
ஆளும் ஆதி முறித்தது மெய்கொலோ 
          ஆலவாய் அரன் உய்த்தது மெய்கொலோ.  8  

பங்கயத்துள நான்முகன் மாலொடே 
          பாதம்நீண்முடி நேடிட மாலொடே
துங்கநற்றழ லின் உரு வாயுமே 
          தூயபாடல் பயின்றது வாயுமே
செங்கயற்கணி னாரிடு பிச்சையே 
          சென்றுகொண்டு உரை செய்வது பிச்சையே
அங்கியைத் திகழ் விப்பது இடக்கையே 
          ஆலவாய் அரனாரது இடக்கையே.  9  

தேரரோடு அமணர்க்கு நல் கானையே 
          தேவர் நாள்தொறும் சேர்வது கானையே
கோரமட்டது புண்டரி கத்தையே 
          கொண்டநீள்கழல் புண்டரி கத்தையே
நேரிலூர்க ளழித்தது நாகமே 
          நீள்சடைத்திகழ் கின்றது நாகமே
ஆரமாக உகந்ததும் என்பதே 
          ஆலவாய் அர னாரிடம் என்பதே.  10  

ஈனஞானிகள் தம்மொடு விரகனே 
          ஏறுபல்பொருள் முத்தமிழ் விரகனே
ஆனகாழியுள் ஞானசம் பந்தனே 
          ஆலவாயினில் மேயசம் பந்தனே
ஆனவானவர் வாயினுள் அத்தனே 
          அன்பர் ஆனவர் வாயினுள் அத்தனே
நான் உரைத்தன செந்தமிழ் பத்துமே 
          வல்லவர்க்கு இவை நற்றமிழ் பத்துமே.

திருச்சிற்றம்பலம்

திரு ஆலவாய்

                  

௨ 

திருஞானசம்பந்தர்  சுவாமிகள் அருளிச்செய்த
மூன்றாம்   திருமுறை

தகவல் பலகை	விவரம்
தலம்	திருஆலவாய்
ஊர்/வேறுபெயர்	மதுரை, கூடல் நகர், கடம்ப வனம், சிவராசதானி
நாடு	பாண்டிய
ॐசுவாமி	சோமசுந்தரக்கடவுள், சொக்கநாதர்
ॐஅம்பிகை	மீனாட்சி, அங்கயர்கன்னி
பாடியவர்கள்	திருஞானசம்பந்தர்(9)         நீலமாமிடற் (1:94)         மந்திரமாவது நீறு (2:66)         மானின் நேர் விழி (3:39)         காட்டுமாவது (3:47)         செய்யனே திருஆலவாய் (3:51)         வீடல் ஆலவாய் (3:52)         வேத வேள்வியை (3:108)         ஆல நீழல் உகந்த (3:115)         மங்கையர்க்கரசி (3:120)          திருநாவுக்கரசர்(2)         வேதியா வேத கீதா(4:62)         முளைத்தானை முன்னே(6:19)
ஸ்தல மரம்	கடம்பு
தீர்த்தம்	பொற்றாமரைக்குளம்
பண்	பழம் பஞ்சுரம்
குறிப்புகள்	பாணபத்திரர் வாயிலாக சேரமான் பெருமாளுக்கு திருமுகப்பாசுரம்  அளித்த பதி. சமணர்களை வாதம் செய்து, திருஞானசம்பந்தர் சைவத்தை நிலைநாட்டிய திருத்தலம்  பஞ்ச சபைகளுள் ஒன்று. இது வெள்ளி அம்பலம்.   பாண்டிய மன்னனுக்காக கால் மாறி ஆடிய தலம்  பூலோக கைலாசம் என போற்றப் பெறும் தலம்   பாண்டியனின் வெப்பு நோய் நீங்க இறைவன் திருக்குறிப்பை அறிய  அருளிய பதிகம்   இது நாலடி மேல் வைப்பு என சிறப்பு பெற்றது
பதிகப் பலன்	பாக்கியவானாவார்
வரிசை எண்.	108                                     1/14

திருச்சிற்றம்பலம்

வேத வேள்வியை நிந்தனை செய்து உழல்
ஆதம் இல்லி அமணொடு தேரரை
வாதில் வென்று அழிக்கத் திரு உள்ளமே
பாதி மாதுடன் ஆய பரமனே
          ஞாலம் நின்புக ழேமிக வேண்டும் தென்
          ஆல வாயில் உறையும்எம் ஆதியே.  1  

வைதி கத்தின் வழி ஒழுகாத அக்
கைதவம் உடைக் கார் அமண் தேரரை
எய்தி வாது செயத் திரு உள்ளமே
மைதிகழ் தரு மாமணி கண்டனே
          ஞாலம் நின்புக ழேமிக வேண்டும் தென்
          ஆல வாயில் உறையும்எம் ஆதியே.  2  

மறை வழக்கம் இலாத மா பாவிகள்
பறி தலைக்கையர் பாய் உடுப்பார்களை
முறிய வாது செயத் திரு உள்ளமே
மறி உலாம் கையில் மாமழு வாளனே
          ஞாலம் நின்புக ழேமிக வேண்டும் தென்
          ஆல வாயில் உறையும்எம் ஆதியே.  3  

அறுத்த அங்கம் ஆறு ஆயின நீர்மையைக்
கறுத்த வாழ் அமண் கையர்கள் தம்மொடும்
செறுத்து வாது செயத் திரு உள்ளமே
முறித்த வாண்மதிக் கண்ணி முதல்வனே
          ஞாலம் நின்புக ழேமிக வேண்டும் தென்
          ஆல வாயில் உறையும்எம் ஆதியே.  4  

அந்த ணாளர் புரியும் அருமறை
சிந்தை செய்யா அருகர் திறங்களைச்
சிந்த வாது செயத் திரு உள்ளமே
வெந்த நீறு அ து அணியும் விகிர்தனே
          ஞாலம் நின்புக ழேமிக வேண்டும் தென்
          ஆல வாயில் உறையும்எம் ஆதியே.  5  

வேட்டு வேள்வி செயும் பொருளை விளி
மூட்டு சிந்தை முருட்டு அமண் குண்டரை
ஓட்டி வாது செயத் திரு உள்ளமே
காட்டில் ஆனை உரித்த எம் கள்வனே
          ஞாலம் நின்புக ழேமிக வேண்டும்தென்
          ஆல வாயில் உறையும்எம் ஆதியே.  6  

அழல் அது ஓம்பும் அருமறை யோர்திறம்
விழலது என்னும் அருகர் திறத்திறம்
கழல வாது செயத் திரு உள்ளமே
தழல் இலங்கு திருவு ருச் சைவனே
          ஞாலம் நின்புக ழேமிக வேண்டும் தென்
          ஆல வாயில் உறையும்எம் ஆதியே.  7  

நீற்று மேனியர் ஆயினர் மேல் உற்ற
காற்றுக் கொள்ளவும் நில்லா அமணரைத்
தேற்றி வாது செயத் திரு உள்ளமே
ஆற்ற வாள் அரக்கற்கும் அருளினாய்
          ஞாலம் நின்புக ழேமிக வேண்டும் தென்
          ஆல வாயில் உறையும்எம் ஆதியே.  8  

நீல மேனி அமணர் திறத்துநின்
சீலம் வாதுசெ யத்திரு உள்ளமே
மாலும் நான்முக னும் காண் பரியதோர்
கோல மேனிய தாகிய குன்றமே
          ஞாலம் நின்புக ழேமிக வேண்டும் தென்
          ஆல வாயில் உறையும்எம் ஆதியே.  9  

அன்று முப்புரம்  செற்ற அழகநின்
துன்று பொற்கழல் பேணா அருகரைத்
தென்ற வாது செயத் திரு உள்ளமே
கன்று சாக்கியர் காணாத் தலைவனே
          ஞாலம் நின்புக ழேமிக வேண்டும்தென்
          ஆல வாயில் உறையும்எம் ஆதியே.  10  

கூடல் ஆலவாய்க் கோனை விடைகொண்டு
வாடல் மேனி அமணரை வாட்டிட
மாடக் காழிச் சம் பந்தன் மதித்த இப்
பாடல் வல்லவர் பாக்கிய வாளரே.

திருச்சிற்றம்பலம்

திரு ஆலவாய்

                 

௨ 

திருஞானசம்பந்தர்  சுவாமிகள் அருளிச்செய்த
மூன்றாம்   திருமுறை

தகவல் பலகை	விவரம்
தலம்	திருஆலவாய்
ஊர்/வேறுபெயர்	மதுரை, கூடல் நகர், கடம்ப வனம், சிவராசதானி
நாடு	பாண்டிய
ॐசுவாமி	சோமசுந்தரக்கடவுள், சொக்கநாதர்
ॐஅம்பிகை	மீனாட்சி, அங்கயர்கன்னி
பாடியவர்கள்	திருஞானசம்பந்தர்(9)         நீலமாமிடற் (1:94)         மந்திரமாவது நீறு (2:66)         மானின் நேர் விழி (3:39)         காட்டுமாவது (3:47)         செய்யனே திருஆலவாய் (3:51)         வீடல் ஆலவாய் (3:52)         வேத வேள்வியை (3:108)         ஆல நீழல் உகந்த (3:115)         மங்கையர்க்கரசி (3:120)          திருநாவுக்கரசர்(2)         வேதியா வேத கீதா(4:62)         முளைத்தானை முன்னே(6:19)
ஸ்தல மரம்	கடம்பு
தீர்த்தம்	பொற்றாமரைக்குளம்
பண்	கௌசிகம்
குறிப்புகள்	பாணபத்திரர் வாயிலாக சேரமான் பெருமாளுக்கு திருமுகப்பாசுரம்  அளித்த பதி. சமணர்களை வாதம் செய்து, திருஞானசம்பந்தர் சைவத்தை நிலைநாட்டிய திருத்தலம்  பஞ்ச சபைகளுள் ஒன்று. இது வெள்ளி அம்பலம்.   பாண்டிய மன்னனுக்காக கால் மாறி ஆடிய தலம்  பூலோக கைலாசம் என போற்றப் பெறும் தலம்   பாண்டியனின் வெப்பு நோய் நீங்க பெற்றதும் திருமுன் வணங்கி ஏத்தி அருளிய பதிகம்
பதிகப் பலன்	தீயவை யாவும் நீங்கப் பெறுவர்
வரிசை எண்.	52                                     1/14

திருச்சிற்றம்பலம்

வீடல் ஆலவாயிலாய் விழுமியார்கள் நின்கழல்
பாடல் ஆல வாயிலாய் பரவநின்ற பண்பனே
காடல் ஆல வாயிலாய் கபாலிநீள் கடிம்மதில்
கூடல் ஆல வாயிலாய் குலாயதென்ன கொள்கையே.  1  

பட்டிசைந்த அல்குலாள் பாவையாள் ஓர் பாகமா
ஒட்டிசைந்தது அதன்றியும் உச்சியாள் ஒருத்தியாக்
கொட்டிசைந்த ஆடலாய் கூடல்ஆல வாயிலாய்
எட்டிசைந்த மூர்த்தியாய் இருந்தவாறு இது  என்னையே.  2  

குற்றம்நீ குணங்கள்நீ கூடல்ஆல வாயிலாய்
சுற்றம்நீ பிரானும்நீ தொடர்ந்து இலங்கு சோதிநீ
கற்றநூற் கருத்தும்நீ அருத்தம் இன்பம் என்று இவை
முற்றும்நீ புகழ்ந்து முன் உரைப்பது என் முகம்மனே.  3  

முதிருநீர்ச் சடைமுடிமுதல்வநீ முழங்கழல்
அதிரவீசி ஆடுவாய் அழகன்நீ புயங்கன்நீ
மதுரன்நீ மணாளன்நீ மதுரை ஆலவாயிலாய்
சதுரன்நீ சதுர்முகன் கபாலம் ஏந்து சம்புவே.  4  

கோலமாய நீள்மதிற் கூடல்ஆல வாயிலாய்
பாலனாய தொண்டுசெய்து பண்டும் இன்றும் உன்னையே
நீலமாய கண்டனே நின்னை அன்றி நித்தலும்
சீலமாய சிந்தையில் தேர்வதில்லை தேவரே.  5  

பொன்தயங்கு இலங்கு ஒளிந்நலங்குளிர்ந்த புன்சடை
பின்தயங்க ஆடுவாய் பிஞ்ஞகா பிறப்பிலி
கொன்றையம் முடியினாய்கூடல்ஆல வாயிலாய்
நின் தயங்கி ஆடலே நினைப்பதே நியமமே.  6  

ஆதி அந்தம் ஆயினாய் ஆலவாயில் அண்ணலே
சோதி அந்தம் ஆயினாய் சோதியுள் ஓர் சோதியாய்
கீதம்வந்த வாய்மையால் கிளர்தருக்கி னார்க்கு அல்லால்
ஓதிவந்த வாய்மையால் உணர்ந்து உரைக்கல் ஆகுமே.  7  

கறை இலங்கு கண்டனேகருத்திலாக் கருங்கடல்
துறை இலங்கை மன்னனைத் தோள் அடர ஊன்றினாய்
மறை இலங்கு பாடலாய் மதுரை ஆல வாயிலாய்
நிறை இலங்கு நெஞ்சினால் நினைப்பதே நியமமே.  8  

தாவண அவ் விடையினாய் தலைமையாக நாள் தொறும்
கோவணவ் உடையினாய் கூடல் ஆலவாயிலாய்
தீவணம் மலர்மிசைத் திசைமுகனும் மாலும்நின்
தூவணம் அளக்கிலார் துளக்கம் எய்து வார்களே.  9  

தேற்றமில் வினைத்தொழில் தேரரும்சமணரும்
போற்றி இசைத்து நின்கழற் புகழ்ந்துபுண்ணியங்கொளார்
கூற்று உதைத்த தாளினாய் கூடல் ஆலவாயிலாய்
நால் திசைக்கும் மூர்த்தி ஆகி நின்றதென்ன நன்மையே.  10  

போயநீர் வளங்கொளும் பொருபுனற் புகலியான்
பாயகேள்வி ஞானசம்பந்தன்நல்ல பண்பினால்
ஆயசொல்லின் மாலைகொண்ட ஆலவாயில் அண்ணலைத்
தீயதீர எண்ணுவார்கள் சிந்தையாவர் தேவரே.

திருச்சிற்றம்பலம்

திரு ஆலவாய்

                 

௨ 

திருஞானசம்பந்தர்  சுவாமிகள் அருளிச்செய்த
மூன்றாம்   திருமுறை

தகவல் பலகை	விவரம்
தலம்	திருஆலவாய்
ஊர்/வேறுபெயர்	மதுரை, கூடல் நகர், கடம்ப வனம், சிவராசதானி
நாடு	பாண்டிய
ॐசுவாமி	சோமசுந்தரக்கடவுள், சொக்கநாதர்
ॐஅம்பிகை	மீனாட்சி, அங்கயர்கன்னி
பாடியவர்கள்	திருஞானசம்பந்தர்(9)         நீலமாமிடற் (1:94)         மந்திரமாவது நீறு (2:66)         மானின் நேர் விழி (3:39)         காட்டுமாவது (3:47)         செய்யனே திருஆலவாய் (3:51)         வீடல் ஆலவாய் (3:52)         வேத வேள்வியை (3:108)         ஆல நீழல் உகந்த (3:115)         மங்கையர்க்கரசி (3:120)          திருநாவுக்கரசர்(2)         வேதியா வேத கீதா(4:62)         முளைத்தானை முன்னே(6:19)
ஸ்தல மரம்	கடம்பு
தீர்த்தம்	பொற்றாமரைக்குளம்
பண்	கௌசிகம்
குறிப்புகள்	பாணபத்திரர் வாயிலாக சேரமான் பெருமாளுக்கு திருமுகப்பாசுரம்  அளித்த பதி. சமணர்களை வாதம் செய்து, திருஞானசம்பந்தர் சைவத்தை நிலைநாட்டிய திருத்தலம்  பஞ்ச சபைகளுள் ஒன்று. இது வெள்ளி அம்பலம்.   பாண்டிய மன்னனுக்காக கால் மாறி ஆடிய தலம்  பூலோக கைலாசம் என போற்றப் பெறும் தலம்
	கடன் தொல்லை நீங்க
வரிசை எண்.	51                                     30/127

திருச்சிற்றம்பலம்

செய்ய னேதிரு ஆலவாய் மேவிய
ஐயனே அஞ்சல் என்று அருள் செய் எனைப்
பொய்யராம் அமணர் கொளுவும் சுடர்
பையவே சென்று பாண்டியற்கு ஆகவே.  1  

சித்தனே திரு ஆலவாய் மேவிய
அத்தனே அஞ்சல் என்று  அருள் செய் எனை
எத்தராம் அமணர் கொளுவும் சுடர்
பத்திமன் தென்னன் பாண்டியற்கு ஆகவே.  2  

தக்கன் வேள்வி தகர்த்து அருள் ஆலவாய்ச்
சொக்கனே அஞ்சல் என்று அருள் செய் எனை
எக்கராம் அமணர் கொளுவும் சுடர்
பக்கமே சென்று பாண்டியற்கு ஆகவே.  3  

சிட்டனே திரு ஆலவாய் மேவிய
அட்டமூர்த்தியனே அஞ்சல் என்று அருள்
துட்டராம் அமணர் கொளுவும் சுடர்
பட்டிமன் தென்னன் பாண்டியற்கு ஆகவே.  4  

நண்ணலார் புரம் மூன்று எரி ஆலவாய்
அண்ணலே அஞ்சல் என்று அருள் செய் எனை
எண்ணிலா அமணர் கொளுவும் சுடர்
பண்ணியல் தமிழ்ப் பாண்டியற்கு ஆகவே.  5  

தஞ்சம் என்று உன் சரண் புகுந்தேனையும்
அஞ்சல் என்று அருள் ஆலவாய் அண்ணலே
வஞ்சம் செய்து  அமணர் கொளுவும் சுடர்
பஞ்சவன் தென்னன் பாண்டியற்கு ஆகவே.  6  

செங்கண் வெள்விடையாய் திரு ஆலவாய்
அங்கணா அஞ்சல் என்று அருள் செய் எனைக்
கங்குலார் அமண் கையர் இடும் கனல்
பங்கமில் தென்னன் பாண்டியற்கு ஆகவே.  7  

தூர்த்தன் வீரம் தொலைத்து அருள் ஆலவாய்
ஆத்தனே அஞ்சல் என்று அருள் செய் எனை
ஏத்திலா அமணர் கொளுவும் சுடர்
பார்த்திவன் தென்னன் பாண்டியற்கு ஆகவே.  8  

தாவினான் அயன்தான் அறியா வகை
மேவினாய் திரு ஆலவா யாய் அருள்
தூவிலா அமணர் கொளுவும் சுடர்
பாவினான் தென்னன் பாண்டியற்கு ஆகவே.  9  

எண் திசைக்கு எழில் ஆலவாய் மேவிய
அண்டனே அஞ்சல் என்று அருள் செய் எனைக்
குண்டராம் அமணர் கொளுவும்  சுடர்
பண்டிமன் தென்னன் பாண்டியற்கு ஆகவே.  10  

அப்பன் ஆலவாய் ஆதி அருளினால்
வெப்பம்  தென்னவன் மேலுற மேதினிக்கு
ஒப்ப ஞானசம்பந்தன் உரை பத்தும்
செப்ப வல்லவர் தீது இலாச் செல்வரே.

திருச்சிற்றம்பலம்

திரு ஆலவாய்

                

௨ 

திருஞானசம்பந்தர்  சுவாமிகள் அருளிச்செய்த
மூன்றாம்   திருமுறை

தகவல் பலகை	விவரம்
தலம்	திருஆலவாய்
ஊர்/வேறுபெயர்	மதுரை, கூடல் நகர், கடம்ப வனம், சிவராசதானி
நாடு	பாண்டிய
ॐசுவாமி	சோமசுந்தரக்கடவுள், சொக்கநாதர்
ॐஅம்பிகை	மீனாட்சி, அங்கயர்கன்னி
பாடியவர்கள்	திருஞானசம்பந்தர்(9)         நீலமாமிடற் (1:94)         மந்திரமாவது நீறு (2:66)         மானின் நேர் விழி (3:39)         காட்டுமாவது (3:47)         செய்யனே திருஆலவாய் (3:51)         வீடல் ஆலவாய் (3:52)         வேத வேள்வியை (3:108)         ஆல நீழல் உகந்த (3:115)         மங்கையர்க்கரசி (3:120)          திருநாவுக்கரசர்(2)         வேதியா வேத கீதா(4:62)         முளைத்தானை முன்னே(6:19)
ஸ்தல மரம்	கடம்பு
தீர்த்தம்	பொற்றாமரைக்குளம்
பண்	கௌசிகம்
குறிப்புகள்	பாணபத்திரர் வாயிலாக சேரமான் பெருமாளுக்கு திருமுகப்பாசுரம்  அளித்த பதி. சமணர்களை வாதம் செய்து, திருஞானசம்பந்தர் சைவத்தை நிலைநாட்டிய திருத்தலம்  பஞ்ச சபைகளுள் ஒன்று. இது வெள்ளி அம்பலம்.   பாண்டிய மன்னனுக்காக கால் மாறி ஆடிய தலம்  பூலோக கைலாசம் என போற்றப் பெறும் தலம்
	பழி நீங்கப் பெறலாம்
வரிசை எண்.	47                                     30/127

திருச்சிற்றம்பலம்

காட்டு மாவது உரித்து  உரி போர்த்துடல்
நாட்ட மூன்றுடையாயுரை செய்வனான்
வேட்டு வேள்வி செய்யா அமண் கையரை
ஓட்டி வாது செயத் திரு உள்ளமே.  1  

மத்த யானையின் ஈருரி மூடிய
அத்த னேயணி ஆலவா யாய்பணி
பொய்த்த வன்றவ வேடத்த ராஞ்சமண்
சித்த ரையழிக் கத்திரு உள்ளமே.  2  

மண்ணகத்திலும் வானிலும் எங்குமாம் 
திண்ண கத்திரு ஆலவா யாய் அருள்
பெண்ண கத்து எழிற் சாக்கியப் பேய் அமண்
தெண்ணர் கற்பழிக்கத் திரு உள்ளமே.  3  

ஓதி ஓத்து அறியா அமண் ஆதரை
வாதில் வென்று அழிக்கத் திரு உள்ளமே
ஆதியே திரு ஆலவாய் அண்ணலே
நீதி யாக நினைந்து அருள் செய்திடே.  4  

வைய மார் புகழாய் அடியார் தொழும்
செய்கையார் திரு ஆலவாயாய் செப்பாய்
கையில் உண்டு உழலும் அமண் கையரைப்
பைய வாது செயத் திரு உள்ளமே.  5  

நாறு சேர்வயல் தண்டலை மிண்டிய
தேறலார் திரு ஆலவாயாய் செப்பாய்
வீறிலாத் தவமோட்டு அமண் வேடரைச்
சீறி வாது செயத் திரு உள்ளமே.  6  

பண்டு அடித்தவத்தார்பயில் வாற்தொழும் 
தொண்ட ருக்கு எளியாய் திரு ஆலவாய்
அண்ட னே அமண் கையரை வாதினில்
செண்டு அடித்து உளறத் திரு உள்ளமே.  7  

அரக்கன் தான் கிரியேற்றவன் தன்முடிச்
செருக்கினைத் தவிர்த்தாய் திரு ஆலவாய்ப்
பரக்கும் மாண்புடை யாய் அமண் பாவரைக்
கரக்க வாது செயத் திரு உள்ளமே.  8  

மாலும் நான்முகனும் அறி யாநெறி
ஆல வாய் உறையும் அண்ணலே பணி
மேலை வீடு உணரா வெற்ற ரையரைச்
சால வாது செயத்திரு உள்ளமே.  9  .

கழிக்க ரைப்படு மீன்கவர் வாரமண்
அழிப்ப ரை அழிக்கத் திரு உள்ளமே
தெழிக்கும் பூம்புனல் சூழ்திரு ஆலவாய்
மழுப்ப டை உடை மைந்தனே நல்கிடே.  10  

செந்து எனா முரலும் திரு ஆலவாய்
மைந்த னே என்று வல் அமண் ஆசு அறச்
சந்த மார்தமிழ் கேட்ட மெய்ஞ்ஞான 
சம்பந்தன் சொற் பகரும் பழி நீங்கவே.

திருச்சிற்றம்பலம்