திரு கழிப்பாலை

                                                                                         ௨ 

திருநாவுக்கரசர்  அருளிச்செய்த

ஐந்தாம்  திருமுறை

தகவல் பலகை	விவரம்
தலம்	திருக்கழிப்பாலை
ஊர்/வேறு பெயர்
நாடு	சோழ (காவிரி வட)
ॐசுவாமி	பால் வண்ண நாதர்
ॐஅம்பிகை	வேத நாயகி
பாடியவர்கள்	சம்பந்தர் (2)     புனல் ஆடியபுன் (2-21)     வெந்த குங்குலியப் புகை (3-44)     அப்பர் (5)     வனபவள வாய் திறந்து (4-006)     நங்கையைப் பாகம் வைத்தார் (4-30)     நெய்தற் குருகுதன் பிள்ளை (4-106)     வண்ணமும் வடிவும் சென்று (5-40)     ஊன் உடுத்தி ஒன்பது வாசல் (6-12) சுந்தரர் (1)         செடியேன் தீவினையில் தடுமாற(7-23)
ஸ்தல மரம்	வில்வம்
தீர்த்தம்	கொள்ளிடம்
பண்	திரு குறுந்தொகை
குறிப்புகள்	வால்மீகி முனிவர் வழிபட்டு பேறு பெற்றது
பதிக பலன்	திருவருள் சித்திக்கும்.
வரிசை எண்.	40                                                                  4/63

திருச்சிற்றம்பலம்

வண்ண மும்வடிவும் சென்று கண்டிலள்

எண்ணி நாமங்கள் ஏத்தி நிறைந்திலள்

கண்ணு லாம்பொழில்சூழ்கழிப் பாலை எம்

அண்ண லே அறிவானிவள் தன்மையே.  1

மருந்து வானவர்உய்யநஞ்சு உண்டு உகந்து

இருந்த வன்கழிப்பாலையுள் எம்பிரான்

திருந்து சேவடிசிந்தையுள் வைத்திவள்

பரிந்து உரைக்கிலும் என்சொல் பழிக்குமே.  2

மழலை தான்வரச் சொல் தெரிகின்றிலள்

குழலின் நேர்மொழிகூறிய கேண்மினோ

அழக னேகழிப்பாலை எம் அண்ணலே

இகழ்வதோ எனைஏன்றுகொள் என்னுமே.  3

செய்ய மேனிவெண்ணீறணி வான்றனை

மைய லாகி மதிக்கிலள் ஆரையும்

கைகொள் வெண்மழுவன்கழிப் பாலை எம்

ஐய னேஅறிவான் இவள் தன்மையே.  4

கருத்த னைக்கழிப்பாலையுள் மேவிய

ஒருத்த னை உமையாள் ஒரு பங்கனை

அருத்தி யாற்சென்றுகண்டிட வேண்டும் என்று

ஒருத்தி யாருளம்ஊசல் அது ஆடுமே.  5

கங்கை யைச்சடைவைத்து மலைமகள்

நங்கை யை உடனே வைத்த நாதனார்

திங்கள் சூடித்திருக்கழிப் பாலையான்

இங்கு வந்திடும் என்று இருமாக்குமே.  6

ஐய னேஅழகேஅனல் ஏந்திய

கைய னேகறைசேர்தரு கண்டனே

மையு லாம்பொழில்சூழ்கழிப் பாலை எம்

ஐயனே விதியே அருள் என்னுமே.  7

பத்தர்கட்கு அமுதாய பரத்தினை

முத்த னை முடிவொன்றிலா மூர்த்தியை

அத்த னைஅணியார் கழிப் பாலை எம் 

சித்த னைச்சென்றுசேருமா செப்புமே.  8

பொன்செய் மாமுடிவாள் அரக்கன் தலை

அஞ்சு நான்கும் ஒன்றும் இறுத்தான் அவன்

என்செ யான்கழிப்பாலையுள் எம்பிரான்

துஞ்சும் போதும் துணை எனல் ஆகுமே.  10

திருச்சிற்றம்பலம்

இப்பதிகத்தில் 9-ம் பாடல் கிடைக்கப்பெறவில்லை  9

திரு வேட்களம்

                                                                                  ௨ 

திருநாவுக்கரசு சுவாமிகள்  அருளிச்செய்த
ஐந்தாம் திருமுறை

தகவல் பலகை	விவரம்
தலம்	திரு வேட்களம்
ஊர்/வேறு பெயர்
நாடு	சோழ (காவிரி வட)
ॐசுவாமி	பாசுபதேஸ்வரர்
ॐஅம்பிகை	நல்ல நாயகி
பாடியவர்கள்	சம்பந்தர் (1)    அந்தமும் ஆதியும் ஆகிய அண்ணல் (1-39) அப்பர் (1)     நன்று நாள் தொறும் (5-42)
ஸ்தல மரம்	மூங்கில்
தீர்த்தம்	திருக்குளம்
பண்	தக்க  ராகம்
குறிப்புகள்	அர்ச்சுனனுக்கு பாசுபதம் தந்து அருளிய தலம்  நாரதர் பூசித்த தலம்  சிதம்பரம் அருகில் அண்ணாமலை நகரில் உள்ளது.
பதிக பலன்	பழி பாவம் அற்றவர்கள்
வரிசை எண்.	42                                                                   2/63

திருச்சிற்றம்பலம்

நன்று நாள் தொறும் நம்வினை போய் அறும்

என்றும் இன்பம் தழைக்க இருக்கலாம்

சென்று நீர்திருவேட்களத்துள் உறை

துன்று பொற்சடை யானைத் தொழுமினே.  1

கருப்பு வெஞ்சிலைக் வெஞ்சிலை-கொடிய வில் காமனைக் காய்ந்தவன்

பொருப்பு வெஞ்சிலையாற்புரஞ் செற்றவன்

விருப்பன் மேவிய வேட்களம் கைதொழுது 

இருப்ப னாகில் எனக்கு இடர் இல்லையே.  2

வேட்களத்துறை வேதியன் எம் இறை

ஆக்க ளேறுவர் ஆனைஞ்சும் ஆடுவர்

பூக்கள் கொண்டவன் பொன்னடி போற்றினால்

காப்பர் நம்மைக்கறைமிடற்று அண்ணலே.  3

அல்லல் இல்லை அருவினை தான் இல்லை

மல்கு வெண்பிறை சூடு மணாளனார்

செல்வ னார்திருவேட்களங் கைதொழ

வல்லராகில் வழியது காண்மினே.  4

துன்பம் இல்லைத் துயர் இல்லை யாம் இனி

நம்பன் ஆகிய நன்மணி கண்டனார்

என் பொனார் உறை வேட்கள நன் நகர்

இன்பன் சேவடிஏத்தி இருப்பதே.  5

கட்டப் பட்டுக்கவலையில் வீழாதே

பொட்ட வல்லுயிர்போவதன் முன்னம் நீர்

சிட்ட னார் சிட்டனார்-ஈசன் திருவேட்களம் கைதொழப்

பட்ட வல்வினையாயின பாறுமே.  6

வட்ட மென்முலையாள் உமை பங்கனார்

எட்டும் ஒன்றும் இரண்டுமூன்று ஆயினார்

சிட்டர் சேர் திருவேட்களம் கைதொழுது

இட்ட மாகி இருமட நெஞ்சமே.  7

நட்டம் ஆடிய நம்பனை நாள் தொறும்

இட்டத் தால் இனிதாக நினைமினோ

வட்ட வார் முலையாள் உமை பங்கனார்

சிட்ட னார் திருவேட்களம்  தன்னையே.  8

வட்ட மாமதில்மூன்றுடை வல்லரண்

சுட்ட கொள்கையராயினும் சூழ்ந்தவர்

குட்ட வல்வினை தீர்த்துக் குளிர்விக்கும்

சிட்டர் பொன் திருவேட்களம் செல்வரே.  9

சேட னார் உறையும் செழு மாமலை

ஓடி ஆங்கெடுத்தான்முடி பத்திற

வாட வூன்றிமலரடி வாங்கிய

வேட னார் உறை வேட்களம் சேர்மினே.  10

திருச்சிற்றம்பலம்

திருவெண்காடு

                                                                                             ௨ 

திருநாவுக்கரசு சுவாமிகள்  அருளிச்செய்த
ஐந்தாம் திருமுறை

தகவல் பலகை	விவரம்
தலம்	திருவெண்காடு
ஊர்/வேறு பெயர்
நாடு	சோழ (காவிரி வட)
ॐசுவாமி	சுவேதாரண்யேஸ்வரர்
ॐஅம்பிகை	பிரம்ம வித்யா நாயகி
பாடியவர்கள்	சம்பந்தர்   (3)         கண் காட்டும் நுதலானும்(2-48)         உண்டாய் நஞ்சை (2-61)         மந்திர மறையவை (3-15) அப்பர் (2)         பண் காட்டிப்படி (5-49)         தூண்டு சுடர்மேனி(6-35) சுந்தரர் (1)         படம் கொள் நாகம் (7-06)
ஸ்தல மரம்	வட ஆலமரம்
தீர்த்தம்	முகுளம்
பண்	திரு குறுந்தொகை
குறிப்புகள்	இந்திரன், ஐராவதம் வழிபட்டது  தீர்த்தம் மகிமை உடையது  பிள்ளைப் பேறு வாய்க்கும் தலம் என்று பெயர் பெற்றது
பதிக பலன்	வாழ்வில் உய்தி பெற
வரிசை எண்.	49                                                          11/63

திருச்சிற்றம்பலம்

பண்காட் டிப்படி யாயதன் பத்தர்க்குக்கு

கண்காட் டிக்கண்ணில் நின்ற மணி ஒக்கும்

பெண்காட் டிப்பிறைச்சென்னிவைத் தான் திரு

வெண்காட் டை அடைந்து உய்ம் மட நெஞ்சமே.  1

கொள்ளி வெந்தழல் வீசிநின்று ஆடுவார்

ஒள்ளி யகணஞ் சூழ் உமை பங்கனார்

வெள்ளி யன்கரியன்பசு ஏறிய

தெள்ளி யன்றிரு வெண்காடு அடைநெஞ்சே.  2

ஊனோக் கும் இன்பம் வேண்டி உழலாதே

வானோக் கும்வழியாவது நின்மினோ

தானோக் கும் தன் அடியவர் நாவினில்

தேனோக் குந்திருவெண்காடு அடைநெஞ்சே.  3

பருவெண் கோட்டுப்பைங்கண்மத வேழத்தின்

உருவம் காட்டிநின்றான் உமை அஞ்சவே

பெருவெண் காட்டு இறைவன் உறையும் இடம்

திருவெண் காடு அடைந்து உய்ம்மட நெஞ்சமே.  4

பற்ற வன்கங்கைபாம்பு மதியுடன்

உற்றவன் சடையான் உயர் ஞானங்கள்

கற்றவன் கயவர்புரம் ஓரம்பால்

செற்றவன் திரு வெண்காடு அடைநெஞ்சே.  5

கூடி னான் உமையாள் ஒரு பாகமாய்

வேட னாய் விசயற்கு அருள் செய்தவன்

சேட னார் சிவனார் சிந்தை மேயவெண்

காடனார் அடியே அடை நெஞ்சமே.  6

தரித்த வன் கங்கை பாம்பு மதியுடன்

புரித்த புன்சடையான் கய வர்புரம்

எரித்த வன் மறைநான்கினோடு ஆறங்கம்

விரித்தவன் உறை வெண்காடு அடைநெஞ்சே.  7

பட்டம் இண்டை அவைகொடு பத்தர்கள்

சிட்டன் ஆதிஎன்றுசிந்தை செய்யவே

நட்ட மூர்த்திஞானச்சுட ராய்நின்ற

அட்ட மூர்த்திதன் வெண்காடு அடைநெஞ்சே.  8

ஏன வேடத்தினானும் பிரமனும்

தான வேடமுன் தாழ்ந்து அறி கின்றிலா

ஞான வேடன்விசயற்கு அருள்செயும்

கான வேடன் தன்வெண்காடு அடைநெஞ்சே.  9

பாலை யாடுவர்பன்மறை ஒதுவர்

சேலை ஆடிய கண்ணுமை பங்கனார்

வேலை யார்விடம் உண்டவெண் காடர்க்கு

மாலை யாவதுமாண்டவர் அங்கமே.  10

இராவ ணம் செயமாமதி பற்றவை

இராவ ணம்உடையான் தனை உள்குமின்

இராவ ணன் தனைஊன்றி அருள்செய்த

இராவ ணன் திருவெண்காடு அடைமினே.  11

திருச்சிற்றம்பலம்

திரு புள் இருக்கு வேளூர்

                                                                                     ௨ 

திருநாவுக்கரசு   சுவாமிகள்  அருளிச்செய்த
ஐந்தாம்  திருமுறை

தகவல் பலகை	விவரம்
தலம்	திரு புள் இருக்கு வேளூர்
ஊர்/வேறு பெயர்	வைத்தீஸ்வரன் கோயில்
நாடு	சோழ (காவிரி வட)
ॐசுவாமி	வைத்தியநாதர்
ॐஅம்பிகை	தையல் நாயகி
பாடியவர்கள்	சம்பந்தர்   (1)       கள்ளார்ந்த பூங்கொன்றை (2-43) அப்பர் (2)         வெள்ளெருக்கு அரவம் (5-79)         ஆண்டானை அடியேனை (6-54)
ஸ்தல மரம்	வேம்பு - வேப்பமரம்
தீர்த்தம்	சித்தாமிர்த தீர்த்தம்
பண்	சீகாமரம்
குறிப்புகள்	சடாயு, வேதம், முருகன் சூரியன் வழிபட்டது  இத்திருத்தலத்திற்கு சடாயுபுரி, வேதபுரி, கந்தபுரி, பரிதிபுரி, அன்காரபுரம், அம்பிகாபுரம் என்ற சிறப்பு பெயர்கள் உண்டு  அம்பிகை, அங்காகன் ராமர், இலக்குவர் பூசித்த தலம். செவ்வாய் கிரகம் சாப விமோச்சனம் பெற்ற தலம்  இது பிணி தீர்க்கும் தளமாக வழிபாடு செயப்படுகிறது.
பதிக பலன்	மறு பிறப்பு இல்லை
வரிசை எண்.	43                                                           16/63

திருச்சிற்றம்பலம்

வெள்ளெ ருக்கு அரவம்விர வும் சடைப்
புள்ளி ருக்குவேளூரான் பொற்கழல்
உள்ளி ருக்கும் உணர்ச்சியில் லாதவர்
நள்ளி ருப்பர்நரகக் குழியிலே.  1

மாற்றம் ஒன்று அறியீர்மனை வாழ்க்கைபோய்க்
கூற்றம் வந்துமைக்கொள்வதன் முன்னமே
போற்ற வல்லீரேற் புள்ளிருக் குவேளூர்
சீற்றம் ஆயின தேய்ந்தறும் காண்மினே.  2

அரும றையனை ஆணொடு பெண்ணனைக்
கருவி டம்மிக உண்டவெங் கண்டனைப்
புரிவெண் நூலனைப்புள்ளிருக் குவேளூர்
உருகி நைபவர் உள்ளம் குளிருமே.  3

தன்னு ருவையொருவர்க்கு அறிவொணா
மின்னு ருவனைமேனிவெண் நீற்றனைப்
பொன்னு ருவனைப்புள்ளிருக் குவேளூர்
என்ன வல்லவர்க்கு இல்லை இடர்களே.  4

செங்கண் மால்பிரமற்கும் அறிவொணா
அங்கி யின்னுருவாகி அழல்வதோர்
பொங்கு அரவனைப்புள்ளிருக் குவேளூர்
மங்கை பாகனை வாழ்த்த வரும் இன்பே.  5

குற்றம் இல்லியைக்கோலச் சிலையினால்
செற்ற வர்புரஞ் செந்தழல் ஆக்கியைப்
புற்று அரவனைப் புள்ளிருக் குவேளூர்
பற்ற வல்லவர் பாவம் பறையுமே.  6

கையி னோடுகால்கட்டி யுமரெலாம்
ஐயன் வீடினன் என்பதன் முன்னம்நீர்
பொய்யி லா அரன் புள்ளிருக் குவேளூர்
மையு லாவிய கண்டனை வாழ்த்துமே.  7

உள்ளம் உள்கிஉகந்து சிவன் என்று
மெள்ள உள்க வினைகெடும் மெய்ம்மையே
புள்ளி னார்பணி புள்ளிருக் குவேளூர்
வள்ளல் வள்ளல்-சிவபெருமான் பாதம் வணங்கித் தொழுமினே.  8

அரக்க னார்தலை பத்தும் அழிதர
நெருக்கி மாமலர்ப் பாதம் நிறுவிய
பொருப்ப னார் உறை புள்ளிருக் குவேளூர்
விருப்பி னாற்றொழு வார்வினை வீடுமே.  10

திருச்சிற்றம்பலம்

இப்பதிகத்தில் 9-ம் பாடல் கிடைக்கப்பெறவில்லை.  

திரு நின்றியூர்

                                                                                ௨ 

திருநாவுக்கரசு சுவாமிகள்  அருளிச்செய்த
ஐந்தாம் திருமுறை

தகவல் பலகை	விவரம்
தலம்	திரு நின்றியூர்
ஊர்/வேறு பெயர்
நாடு	சோழ (காவிரி வட)
ॐசுவாமி	லட்சுமி புரீஸ்வரர்
ॐஅம்பிகை	உலக நாயகி
பாடியவர்கள்	சம்பந்தர்   (1)       சூலம் பட சுண்ணப் பொடி (1-18) அப்பர் (1)        கொடுங்கன் வெண்டளை (5-29) சுந்தரர்  (1)         அற்றவனார் அடியார் (7-19)                           திருவும் வன்மையும் (7-65)
ஸ்தல மரம்	விளா மரம்
தீர்த்தம்	மகாலட்சுமி தீர்த்தம்
பண்	திரு குறுந்தொகை
குறிப்புகள்	திருமகள் வழிபட்டது.  கோயில் கட்ட தோண்டும் போது, சிவலிங்கம் வெளிப்பட்டதாக புராண வரலாறு.
பதிக பலன்	நிறைந்த புகழ் உண்டாகும்.
வரிசை எண்.	23                                                           19/63

திருச்சிற்றம்பலம்

கொடுங்கண் வெண்தலை கொண்டு குறைவிலைப்
படுங்கண் ஒன்றிலராய்ப்பலி தேர்ந்து உண்பர்
நெடுங்கண் மங்கையர் ஆட்டயர் நின்றியூர்க்
கடுங்கைக் கூற்று உதைத் திட்ட கருத்தரே.  1

வீதி வேல்நெடுங்கண்ணியர் வெள்வளை
நீதி யேகொளப்பாலது நின்றியூர்
வேதம் ஓதிவிளங்குவெண் தோட்டராய்க்
காதில் வெண்குழைவைத்த எங்கள்வரே.  2

புற்றி னார்அரவம்புலித் தோல்மிசைச்
சுற்றி னார் சுண்ணப் சுண்ணப் போர்வை - திருவெண்ணீறு போர்வைகொண் டார்சுடர்
நெற்றிக் கண்ணுடையார் அமர் நின்றியூர்
பற்றி னாரைப்பற்றாவினை பாவமே.  3

பறையின் ஓசையும் பாடலின் ஓசையும்
மறையின் ஓசையும் மல்கி அயல் எலாம்
நிறையும் பூம்பொழில்சூழ்திரு நின்றியூர்
உறையும் ஈசனை உள்கும் என் உள்ளமே.  4

சுனையுள் நீலம்நீலம் - குவளை சுளியும் நெடுங்கணாள்
இனையன என்றென்றும் ஏசுவது என்கொலோ
நினையும் தண்வயல்சூழ்திரு நின்றியூர்ப்
பனையின் ஈருரிபோர்த்த பரமரே.  5

உரைப்பக் கேண்மின் நும் உச்சியுளான் தனை
நிரைப்பொன் மாமதில்சூழ்திரு நின்றியூர்
உரைப்பொற் கற்றையர் ஆர் இவரோ எனில்
திரைத்துப் பாடித்திரிதரும் செல்வரே.  6

கன்றி யூர்முகில்போலும் கருங்களிறு
இன்றி ஏறலனால் இது என்கொலோ
நின்றி யூர்பதி யாக நிலாயவன்
வென்றி யேறுடை எங்கள் விகிர்தனே.  7

நிலையி லாவெள்ளைமாலையன் நீண்டதோர்
கொலைவி லால் எயில்எய்த கொடியவன்
நிலையி னார்வயல் சூழ்திரு நின்றியூர்
உரையி னால் தொழுவார்வினை ஓயுமே.  8

அஞ்சி ஆகிலும்அன்புபட்டு ஆகிலும்
நெஞ்சம் வாழிநினைநின்றி யூரைநீ
இஞ்சி மாமதில்எய்திமை யோர்தொழக்
குஞ்சி வான்பிறைசூடிய கூத்தனே.  9

எளிய னாமொழியாஇலங் கைக்கு இறை
களியி னாற்கயிலாய எடுத்தவன்
நெளிய ஊன்றவலான் அமர் நின்றியூர்
அளியி னால் தொழுவார்வினை அல்குமே.  10

திருச்சிற்றம்பலம்

திரு அன்னியூர்

                                                                          ௨ 

திருநாவுக்கரசு  சுவாமிகள்  அருளிச்செய்த
ஐந்தாம் திருமுறை

தகவல் பலகை	விவரம்
தலம்	திரு அன்னியூர்
ஊர்/வேறு பெயர்	லிகுசாரண்டம், பாஸ்கர க்ஷேத்திரம் , பானு க்ஷேத்திரம்
நாடு	சோழ (காவிரி வட)
ॐசுவாமி	ஆபத்சகாயர், அக்னீஸ்வரர், லிகுசாரனயேஸ்வரர்  , ரதீச்வரர், பாண்டவேஸ்வரர்
ॐஅம்பிகை	பெரிய நாயகி,
பாடியவர்கள்	சம்பந்தர் (1)     மன்னி ஊரிரை (1-96) அப்பர் (1)         பாறலைத்த பாடுவென் (5-08)
ஸ்தல மரம்	எலுமிச்சை
தீர்த்தம்	வருண தீர்த்தம்
பண்	திருக் குறுந்தொகை
குறிப்புகள்	வருணன், அக்னி, சூரியன், இராதி, பஞ்சபாண்டவர் வழிபட்ட தலம்
பதிக பலன்	பக்தி நிறைவு பெறும்
வரிசை எண்.	8                                                           22/63

திருச்சிற்றம்பலம்

பாற லைத்த படுவெண் தலையினன்
நீற லைத்தசெம் மேனியன் நேரிழை
கூற லைத்தமெய் கோள் அரவு ஆட்டிய
ஆற லைத்த சடைஅன்னி யூரரே.  1

பண் ஒத்த மொழியாளை ஓர் பாகமாய்
இண்டைச் செஞ்சடையன் இருள் சேர்ந்ததோர்
கண்டத் தன் கரியின் உரி போர்த்தவன்
அண்டத்து அப்புறத்தான்அன்னி யூரனே.  2

பரவி நாளும் பணிந்தவர் தம்வினை
துரவை யாகத்துடைப்பவர் தம்மிடம்
குரவம் நாறும் குழல் உமை கூறராய்
அரவம் ஆட்டுவர்போல்அன்னி யூரரே.  3

வேத கீதர்விண்ணோர்க்கும் உயர்ந்தவர்
சோதி வெண்பிறை துன்று சடைக்கணி
நாதர் நீதியினால் அடியார் தமக்கு 
ஆதியாகி நின்றார் அன்னி யூரரே.  4

எம்பி ரான்இமையோர்கள் தமக்கெலாம்
இன்ப ராகிஇருந்த எம் ஈசனார்
துன்ப வல்வினை போகத் தொழும் அவர்க்கு 
அன்பராகி நின்றார்அன்னி யூரரே.  5

வெந்த நீறுமெய் பூசுநன் மேனியர்
கந்த மாமலர் சூடும் கருத்தினர்
சிந்தை யார்சிவனார்செய்ய தீவண்ணர்
அந்த ணாளர்கண்டீர்அன்னி யூரரே.  6

ஊனை யார்தலையிற்பலி கொண்டு உழல்
வானை வானவர்  தாங்கள் வணங்கவே
தேனை யார்குழலாளை ஓர் பாகமா
ஆனை ஈர் உரியார்அன்னி யூரரே.  7

காலை போய்ப்பலி தேர்வர் கண்ணார்நெற்றி
மேலை வானவர் வந்து விரும்பிய
சோலை சூழ்புறங்காடு அரங் காகவே
ஆலின் கீழறத்தார்அன்னி யூரரே.  8

எரிகொள் மேனியர் என்பு அணிந்து இன்பராய்த்
திரியு மூவெயில் தீ எழச் செற்றவர்
கரிய மாலொடு நான்முகன் காண்பதற்கு 
அரியராகி நின்றார்அன்னி யூரரே.  9

வஞ்ச ரக்கன் கரமும் சிரத்தொடும்
அஞ்சும் அஞ்சும் 5+5+6+4 =20; இது இரானனுடைய 20 தோள்களை உணர்த்தியது ஓர் ஆறு நான்கும் இறப்
பஞ்சின் மெல்விரலால் அடர்து ஆயிழை
அஞ்சல் அஞ்சல் என்றார்அன்னி யூரரே.  10

திருச்சிற்றம்பலம்

திரு மணஞ்சேரி

                                                                                                  ௨ 

திருநாவுக்கரசர் சுவாமிகள்  அருளிச்செய்த
ஐந்தாம் திருமுறை

தகவல் பலகை	விவரம்
தலம்	திரு மணஞ்சேரி
ஊர்/வேறு பெயர்	கீழை திருமணஞ்சேரி
	சோழ (காவிரி வட)
ॐசுவாமி	உத்வாக நாத சுவாமி ,கல்யாண சுந்தரேஸ்வரர், அருள் வள்ளல் நாதசுவாமி
ॐஅம்பிகை	கோகிலாம்பாள்
பாடியவர்கள்	சம்பந்தர் (1)         அயிலாரும் அம்பாத (2-16) அப்பர் (1)        பட்ட நெற்றியார் (5-87)
ஸ்தல மரம்
தீர்த்தம்	சப்த சாகர  தீர்த்தம்
பண்	திருக்குறுந்தொகை
குறிப்புகள்	மன்மதன் பூசித்து பேறு பெற்ற தலம்  ஆமை வழிபட்டது  ஈசன் உமாதேவியை திருமணம் செய்தது  திருமணம் மற்றும் மகப்பேறு பிரார்த்தனை தளமாக விளங்குகிறது.
பதிக பலன்	பாவம் அணுகாது
வரிசை எண்.	16                                                           25/63

திருச்சிற்றம்பலம்

பட்ட நெற்றியர் பாய்புலித் தோலினர்
நட்ட நின்று நவில்பவர் நாள்தொறும்
சிட்டர் வாழ்திருவார்மணஞ் சேரி எம்
வட்ட வார்சடையார்வண்ணம் வாழ்த்துமே.  1

துன்னு வார்குழலாள் உமை யாளொடும்
பின்னு வார்சடைமேற்பிறை வைத்தவர்
மன்னு வார்மணஞ்சேரி மருந்தினை
உன்னு வார்வினை ஆயின ஓயுமே.  2

புற்றில் ஆடரவு ஆட்டும் புனிதனார்
தெற்றி னார்புரம் தீ எழச் செற்றவர்
சுற்றி னார்மதில்சூழ்மணஞ் சேரியார்
பற்றி னார் அவர் பற்றவர் காண்மினே.  3

மத்த மும்மதியும்வளர் செஞ்சடை
முத்தர் முத்தி தருபவர் முக்குணர்மூசர வம்மணி
சித்தர் தீவணர்சீர்மணஞ் சேரி எம்
வித்தர் வித்தர்-வித்தகர் அறிவால் மேம்பட்டவர் தாம்விருப்பாரை விருப்பரே.  4

துள்ளு மான்மறிதூமழு வாளினர்
வெள்ள நீர்கரந்தார்சடை மேலவர்
அள்ள லார் வயல் சூழ் மணஞ் சேரி எம்
வள்ளல் வள்ளல் - சிவ பெருமான் ஆர் கழல் வாழ்த்தவாழ் வாவதே.  5

நீர்ப ரந்தநிமிர்புன் சடையின்மேல்
ஊர்ப ரந்த உரகம் அணிபவர்
சீர்ப ரந்த திருமணஞ் சேரியார்
ஏர்ப ரந்தங்கு இலங்குசூ லத்தரே.  6

சுண்ணத் தர்சுடுநீறு உகந்து ஆடலார்
விண்ணத் தம்மதி சூடிய வேதியர்
மண்ணத் தம்முழவார்மணஞ் சேரியார்
வண்ணத் தம்முலையாள் உமை வண்ணரே.  7

துன்ன ஆடையர் தூமழு வாளினர்
பின்னு செஞ்சடைமேற்பிறை வைத்தவர்
மன்னு வார்பொழில் சூழ்மணஞ் சேரி எம்
மன்ன னார்கழலேதொழ வாய்க்குமே.  8

சித்தர் தேவர்கள்மாலொடு நான்முகன்
புத்தர் சேர்  அமண் கையர் புகழவே
மத்தர் தாம் அறியார்மணஞ் சேரி எம்
அத்த னார் அடியார்க்கு அல்லல் இல்லையே.  9

கடுத்த மேனிஅரக்கன் கயிலையை
எடுத்த வனெடுநீண்முடி பத்திறப்
படுத்தலும் மணஞ்சேரி அருள் எனக்
கொடுத்த னன்கொற்றவாளொடு நாமமே.  10

திருச்சிற்றம்பலம்

திரு குரக்குக்கா

                                                                                              ௨ 

திருநாவுக்கரசு  சுவாமிகள்  அருளிச்செய்த
ஐந்தாம் திருமுறை

தகவல் பலகை	விவரம்
தலம்	திரு குரக்குக்கா
ஊர்/வேறு பெயர்
நாடு	சோழ (காவிரி வட)
ॐசுவாமி	குந்தலேஸ்வரர்
ॐஅம்பிகை	குந்தாளாம்பிகை
பாடியவர்கள்	அப்பர்    (1)         மரக் கொக்காம் என (5-75)
ஸ்தல மரம்
தீர்த்தம்	கணபதி தீர்த்தம்
பண்	திருக்குறுந்தொகை
குறிப்புகள்	அனுமான் வழிபட்டது.  பழவாற்றின் கரையில் உள்ளது  வினை கெடும் பதிக வரிசையில் ஒன்று வரம் தரும் ஈசன்
பதிக பலன்	வான் உலகை ஆள்வர்
வரிசை எண்.	55                                                            28/63

திருச்சிற்றம்பலம்

மரக்கொக்கு ஆம்  என வாய்விட்டு அலறி பக்தியால் ஓலமிட்டு வணங்குதல் நீர்
சரக்குக் காவித் திரிந்து அயராது கால்
பரக்கும் காவிரி நீரலைக்கும் கரைக்
குரக்குக் கா அடையக் கெடும் குற்றமே.  1

கட்டா றேகழி காவிரி பாய்வயல்
கொட்டா றே புனல் ஊறு குரக்குக்கா
முட்டா றா அடியேத்த முயல்பவர்க்கு
இட்டா றா இடர் ஓட எடுக்குமே.  2

கைய னைத்தும் கலந்து எழு காவிரி
செய்ய னைத்திலும் சென்றிடும் செம்புனல்
கொய்ய னைத்தும் கொணரும் குரக்குக்கா
ஐய னைத் தொழுவார்க்குக் அல்லல் இல்லையே.  3

மிக்க னைத்துத் திசையும் அருவிகள்
புக்குக் காவிரி போந்த புனற்கரைக்
கொக்கு இனம்பயில் சோலைக் குரக்குக்கா
நக்க னைநவில் வார்வினை நாசமே.  4

விட்டு வெள்ளம் விரிந்தெழு காவிரி
இட்ட நீர்வயல் எங்கும் பரந்திடக்
கொட்ட மாமுழவு ஓங்கு குரக்குக்கா
இட்ட மாயிருப் பார்க்கு இடர் இல்லையே.  5

மேலை வானவ ரோடு விரிகடல்
மாலும் நான்முகனாலும் அளப் பொணாக்
கோல மாளிகைக்கோயில் குரக்குக்காப்
பால ராய்த் திரி வார்க்கு இல்லை பாவமே.  6

ஆல நீழல் அமர்ந்த அழகனார்
காலனை உதை கொண்ட கருத்தனார்
கோல மஞ்ஞைகள் ஆலும் குரக்குக்காப்
பாலருக்கு அருள் செய்வர் பரிவொடே.  7

செக்கர் அங்கு எழு செஞ்சுடர்ச் சோதியார்
அக்க ரையர் எம் ஆதிபு ராணனார்
கொக்கு இனம்வயல் சேருங் குரக்குக்கா
நக்க னைத்தொழநக்கன்-சிவபெருமான்  நம்வினை நாசமே.  8

உருகி ஊன்குழைந்து ஏத்தி எழுமின்நீர்
கரிய கண்டன் கழலடி தன்னையே
குரவ னம்  செழுங் கோயில் குரக்குக்கா
இரவும் எல்லியும் ஏத்தித் தொழுமினே.  9

இரக்கம் இன்றி மலை எடுத்தான்முடி
உரத்தை ஒல்க அடர்த்தான் உறைவிடம்
குரக்கு இனம் குதி கொள்ளும் குரக்குக்கா
வரத்த னைப்பெற  வானுலகு ஆள்வரே.  10

திருச்சிற்றம்பலம்

திரு நாரையூர்

                                                                                 ௨ 

திருநாவுக்கரசு  சுவாமிகள்  அருளிச்செய்த
ஐந்தாம் திருமுறை

தகவல் பலகை	விவரம்
தலம்	திரு நாரையூர்
ஊர்/வேறு பெயர்
நாடு	சோழ (காவிரி வட)
ॐசுவாமி	சௌந்தரநாதர்
ॐஅம்பிகை	திரிபுரசுந்தரி
பாடியவர்கள்	சம்பந்தர் (3)         உரையினில் வந்த (2-86)         காம்பினை வென்ற (3-102)         கடலிடை வெங்கடு (3-107) அப்பர் (2)          வீறு தானுடை வெற்பன் (5-55)         சொல்லானை பொருளானை (6-74) நம்பியாண்டார் நம்பி  (1)         திருநாரையூர் திரு இரட்டை மணிமாலை (11-32)
ஸ்தல மரம்	புன்னாகம்
தீர்த்தம்	காருண்ய தீர்த்தம்
பண்	திருக்குறுந்தொகை
குறிப்புகள்	நாரை வழிபட்டது .  பொல்லாப் பிள்ளையார்  சிறப்புடையது  இவர் உணர்த்தியவாறு நம்பியாண்டார் நம்பிகள் தில்லையில் சேமித்து வைத்திருந்த தேவாரத் திருமுறைகளை உலகிற்கு வெளிப்படுத்தினார்
பதிக பலன்	திருவருள் கிட்டும்
வரிசை எண்.	55                                                            33/63

திருச்சிற்றம்பலம்

வீறு தானுடை வெற்பன் மடந்தையோர்
கூற னாகிலும்  கூன்பிறை சூடிலும்
நாறு பூம்பொழில் நாரையூர் நம்பனுக்கு
ஆறு சூடலும் அம்ம அழகிதே.  1

புள்ளி கொண்ட புலி உரி ஆடையும்
வெள்ளி கொண்டவெண் பூதிமெய் யாடலும்
நள்ளி தெண்டிரை நாரையூ ரான் நஞ்சை
அள்ளி உண்டலும் அம்ம அழகிதே.  2

வேடு தங்கிய வேடமும் வெண்தலை
ஓடு தங்கியவுண்பலி கொள்கையும்
நாடு தங்கிய நாரையூ ரான்நடம்
ஆடு பைங்கழல் அம்ம அழகிதே.  3

கொக்கின் தூவலும் கூவிளம் கண்ணியும்
மிக்க வெண்டலை மாலை விரிசடை
நக்க னாகிலும் நாரையூர் நம்பனுக்கு
அக்கின் ஆரமும் அம்ம அழகிதே.  4

வடிகொள் வெண்மழு மான் அமர் கைகளும்
பொடிகொள் செம்பவளம்புரை மேனியும்
நடிகொள் நன்மயில் சேர்திரு நாரையூர்
அடிகள் தம்வடிவு அம்ம அழகிதே.  5

சூலம் மல்கிய கையும் சுடரொடு
பாலும் நெய் தயிர் ஆடிய பான்மையும்
ஞாலம் மல்கிய நாரையூர் நம்பனுக்கு
ஆல நீழலும் அம்ம அழகிதே.  6 

பண்ணி னால் மறை பாடலோடு ஆடலும்
எண்ணி லார்புரம்  மூன்று எரி செய்ததும்
நண்ணி னார்துயர் தீர்த்தலும் நாரையூர்
அண்ண லார்செய்கை அம்ம அழகிதே.  7

என்பு பூண்டு எருது ஏறி இளம்பிறை
மின்பு ரிந்த சடைமேல் விளங்கவே
நன்ப கற்பலி தேரினும் நாரையூர்
அன்ப னுக்கது அம்ம அழகிதே.  8

முரலும் கின்னரம் மொந்தை முழங்கவே
இரவில் நின்று எரியாடலும் நீடுலாம்
நரலும் வாரிநல் நாரையூர் நம்பனுக்கு
அரவும் பூணுதல் அம்ம அழகிதே.  9

கடுக்கை அம் சடையன் கயி லைம்மலை
எடுத்த வாளரக்கன் தலை ஈர் ஐஞ்சும்
நடுக்கம் வந்திற நாரையூ ரான்விரல்
அடுத்த தன்மையும் அம்ம அழகிதே.  10

திருச்சிற்றம்பலம்

திரு கடம்பூர்

                                                                             ௨ 

திருநாவுக்கரசு சுவாமிகள்  அருளிச்செய்த
ஐந்தாம் திருமுறை

தகவல் பலகை	விவரம்
தலம்	திரு கடம்பூர்
ஊர்/வேறு பெயர்	மேலக் கடம்பூர், கரக் கோயில்
நாடு	சோழ (காவிரி வட)
ॐசுவாமி	அமிர்தகடேஸ்வரர்
ॐஅம்பிகை	சோதி மின்னம்மை , வித்யுஜோதி நாயகி
பாடியவர்கள்	சம்பந்தர் (1)         வானமர் திங்களும் நீரும்(2-68) அப்பர் (2)          மருட்டுவர் தீரவன் (4-107)         தளரும் கோளரவ (5-19)         ஒருவராய் இரு மூவாரம் (5-20)
ஸ்தல மரம்	கடம்பு
தீர்த்தம்	சக்தி தீர்த்தம்
பண்	திரு குருந்தொகை
குறிப்புகள்	முருகப் பெருமான் இந்திரன், அங்காரகன்  வழிபட்டது .
பதிக பலன்	துயரில் இருந்து விடுபட
வரிசை எண்.	20                                                             34/63

திருச்சிற்றம்பலம்

ஒருவராய் இரு மூவரும் ஆயவன்
குருவ தாய குழகன் உறைவிடம்
பருவ ரால்குதி கொள்ளும் பழனம் சூழ்
கருவ தாம் கடம் பூர்க்கரக் கோயிலே.  1

வன்னி மத்தம் வளர் இளந் திங்கள் ஓர்
கன்னி யாளைக்கதிர்முடி வைத்தவன்
பொன்னின் மல்கு புணர்முலை யாளொடும்
மன்னி னான்கடம் பூர்க்கரக் கோயிலே.  2

இல்லக் கோலமும் இந்த இளமையும்
அல்லற் கோலம் அறுத்துய வல்லிரே
ஒல்லைச் சென்று அடையும் கடம் பூர்நகர்ச்
செல்வக் கோயில் திருக்கரக் கோயிலே.  3

வேறு சிந்தையிலாதவர் தீவினை
கூறு செய்த குழகன் உறைவிடம்
ஏறு செல்வத்து இமையவர் தாம் தொழும்
ஆறு சேர்கடம் பூர்க்கரக் கோயிலே.  4

திங்கள் தங்கிய செஞ்சடை மேலும் ஓர்
மங்கை தங்கும்மணாளன் இருப்பிடம்
பொங்கு சேர்மணற் புன்னையும் ஞாழலும்
தெங்கு சேர்கடம் பூர்க்கரக் கோயிலே.  5

மல்லை ஞாலத்து வாழும் உயிர்க்கு எலாம்
எல்லை யானபிரானார் இருப்பிடம்
கொல்லை முல்லை கொழுந்தகை மல்லிகை
நல்ல சேர்கடம் பூர்க்கரக் கோயிலே.  6

தளரும் வாளரவத்தொடு தண்மதி
வளரும் பொற்சடை யாற்கு இட மாவது
கிளரும் பேரொலி கின்னரம் பாட்டறாக்
களரி யார்கடம் பூர்க்கரக் கோயிலே.  7

உற்றாராய் உறவாகி உயிர்க்கு எலாம்
பெற்றாராயபிரானார் உறைவிடம்
முற்றார் மும்மதில் எய்த முதல்வனார்
கற்றார் சேர்கடம் பூர்க்கரக் கோயிலே.  8

வெள்ளை நீறணி மேனி அவர்க்கு எலாம்
உள்ள மாய பிரானார் உறைவிடம்
பிள்ளை வெண்பிறை சூடிய சென்னியான்
கள்வன் சேர்கடம் பூர்க்கரக் கோயிலே.  9

பரப்பு நீரிலங் கைக்கு இறைவன் அவன்
உரத்தி னால் அடுக்கல் எடுக்கல் உற
இரக்கம் இன்றி இறைவிர லால் தலை
அரக்கி னான்கடம்பூர்க்கரக் கோயிலே.  10

திருச்சிற்றம்பலம்