திரு கழிப்பாலை

                                                                                        ௨ 

திருநாவுக்கரசர்  அருளிச்செய்த
நான்காம்  திருமுறை

தகவல் பலகை	விவரம்
தலம்	திருக்கழிப்பாலை
ஊர்/வேறு பெயர்
நாடு	சோழ (காவிரி வட)
ॐசுவாமி	பால் வண்ண நாதர்
ॐஅம்பிகை	வேத நாயகி
பாடியவர்கள்	சம்பந்தர் (2)     புனல் ஆடியபுன் (2-21)     வெந்த குங்குலியப் புகை (3-44)     அப்பர் (5)     வனபவள வாய் திறந்து (4-006)     நங்கையைப் பாகம் வைத்தார் (4-30)     நெய்தற் குருகுதன் பிள்ளை (4-106)     வண்ணமும் வடிவும் சென்று (5-40)     ஊன் உடுத்தி ஒன்பது வாசல் (6-12) சுந்தரர் (1)         செடியேன் தீவினையில் தடுமாற(7-23)
ஸ்தல மரம்	வில்வம்
தீர்த்தம்	கொள்ளிடம்
பண்	திரு விருத்தம்
குறிப்புகள்	வால்மீகி முனிவர் வழிபட்டு பேறு பெற்றது
பதிக பலன்	திருவருள் சித்திக்கும்.
வரிசை எண்.	106                                                                   4/63

திருச்சிற்றம்பலம்

நெய்தற் குருகுதன் பிள்ளை என்று

          எண்ணி நெருங்கிச்சென்று

கைதை மடற்புல்கு தென்கழிப் 

          பாலை அதன் உறைவாய்

பைதற் பிறையொடு பாம்புடன் 

          வைத்த பரிசு அறியோம்

எய்தப் பெறின்இரங் காது 

          கண்டாய்நம் இறையவனே.  1

பருமா மணியும் பவள 

          முத்தும்பரந்து உந்திவரை

பொருமால் கரைமேற் திரைகொணர்ந்து  

          எற்றப் பொலிந்து இலங்கும்

கருமா மிடறுடைக் கண்டன் 

          எம்மான் கழிப் பாலை எந்தை

பெருமான் அவன் என்னை ஆளுடை 

          யான் இப் பெருநிலத்தே.  2

நாட்பட்டு இருந்து இன்பம் எய்தலுற்று 

          இங்கு நமன்தமரால்

கோட்பட்டு ஒழிவதன் முந்துற 

          வேகுளிர் ஆர் தடத்துத்

தாள்பட்ட தாமரைப் பொய்கையந் 

          தண்கழிப் பாலை அண்ணற்கு 

ஆட்பட்டு ஒழிந்தமன் றேவல்ல 

          மாயிவ் அகலிடத்தே.  3

திருச்சிற்றம்பலம்

திரு கடம்பூர்

                                                                            ௨ 

திருஞானசம்பந்தர் அருளிச்செய்த
இரண்டாம் திருமுறை

தகவல் பலகை	விவரம்
தலம்	திரு கடம்பூர்
ஊர்/வேறு பெயர்	மேலக் கடம்பூர், கரக் கோயில்
நாடு	சோழ (காவிரி வட)
ॐசுவாமி	அமிர்தகடேஸ்வரர்
ॐஅம்பிகை	சோதி மின்னம்மை , வித்யுஜோதி நாயகி
பாடியவர்கள்	சம்பந்தர் (1)         வானமர் திங்களும் நீரும்(2-68) அப்பர் (2)          மருட்டுவர் தீரவன் (4-107)         தளரும் கோளரவ (5-19)         ஒருவராய் இரு மூவாரம் (5-20)
ஸ்தல மரம்	கடம்பு
தீர்த்தம்	சக்தி தீர்த்தம்
பண்	திருவிருத்தம்
குறிப்புகள்	முருகப் பெருமான் இந்திரன் வழிபட்டது .
பதிக பலன்	திருவருள் சித்திக்கும்.
வரிசை எண்.	204                                                               34/63

திருச்சிற்றம்பலம்

மருட்டுயர் தீர் அவறு அர்ச்சித்த 
          மாணிமார்க் கண்டேயற்காய்
இருட்டிய மேனி வளைவாள் 
          எயிற்றெரி போலுங்குஞ்சிச்
சுருட்டிய நாவில்வெங் கூற்றம் 
          பதைப்ப  உதைத்துங்ஙனே
உருட்டிய சேவடி யான் 
          கடவூர் உறை உத்தமனே.  1

பதத்தெழு மந்திரம் அஞ்செழுத்து 
          ஓதிப் பரிவினொடும்
இதத்தெழு மாணிதன் இன்னுயிர் 
          உண்ண வெகுண்டு அடர்த்த
கதத்தெழு காலனைக் கண்குரு 
          திப்புனல் ஆறொழுக
உதைத்தெழு சேவடி யான் 
          கடவூர் உறை உத்தமனே.  2

கரப்புறு சிந்தையர் காண்டற்கு  
          அரியவன் காமனையும்
நெருப்பு உமிழ் கண்ணினன் நீள்புனற் 
          கங்கையும் பொங்கரவும்
பரப்பிய செஞ்சடைப் பால்வண்ணன் 
          காலனைப் பண்டொருகால்
உரப்பிய சேவடி யான்
          கடவூர் உறை உத்தமனே.  3

மறித்திகழ் கையினன் வானவர் 
          கோனை மனமகிழ்ந்து
குறித்தெழு மாணிதன் ஆருயிர் 
          கொள்வான் கொதித்தசிந்தைக்
கறுத்தெழு மூவிலை வேலுடைக் 
          காலனைத் தான் அலற
உறுக்கிய சேவடி யான் 
          கடவூர் உறை உத்தமனே.  4

குழைத்திகழ் காதினன் வானவர் 
          கோனைக் குளிர்ந்தெழுந்து
பழக்கமொடு அர்ச்சித்த மாணிதன் 
         ஆருயிர் கொள்ளவந்த
தழற்பொதி மூவிலை வேலுடைக் 
          காலனைத் தானன் அலற
உழக்கிய சேவடி யான்
          கடவூர் உறை உத்தமனே.  5

பாலனுக் காய் அன்று பாற்கடல் 
          ஈந்து பணைத்தெழுந்த
ஆலினிற் கீழ் இருந்து ஆரணம்  
          ஓதி அருமுனிக்காய்ச்
சூலமும் பாசமும் கொண்டு 
          தொடர்ந்தடர்ந்து ஓடிவந்த
காலனைக் காய்ந்த பிரான்
          கடவூர் உறை உத்தமனே.  6

படர்சடைக் கொன்றையும் பன்னக 
          மாலை பணிகயிறா
உடைதலைக் கோத்துழல் மேனியன் 
          உண்பலிக்கு என்று உழல்வோன்
சுடர்பொழி மூவிலை வேலுடைக் 
          காலனைத் துண்டமதா
உடறிய சேவடி யான்
          கடவூர் உறை உத்தமனே.  7

வெண்டலை மாலையும் கங்கைக் 
          கரோடி விரிசடைமேல்
பெண்டு அணி நாயகன் பேய் உகந்து 
          ஆடும் பெருந்தகையான்
கண்தனி நெற்றியன் காலனைக் 
          காய்ந்து கடலின்விடம்
உண்டருள் செய்தபி ரான்
          கடவூர் உறை உத்தமனே.  8

கேழல தாகிக் கிளறிய 
          கேசவன் காண்பரிதாய்
வாழிநன் மாமலர்க் கண்ணிடந் 
          திட்ட அம் மாலவற்கு அன்று
ஆழியும் ஈந்து அடுதிறற் 
          காலனை அன்றடர்த்து
ஊழியு மாய பிரான்
          கடவூர் உறை உத்தமனே.  9

தேன் திகழ் கொன்றையுங் கூவிள
          மாலை திருமுடிமேல்
ஆன் திகழ் ஐந்து உகந்து ஆடும் 
          பிரான்மலை ஆர்த்தெடுத்த
கூன்றிகழ் வாளரக் கன்முடி 
          பத்தும்  குலைந்துவிழ
ஊன்றிய சேவடி யான்
          கடவூர் உறை உத்தமனே.  10

திருச்சிற்றம்பலம்

திரு கச்சி ஏகம்பம்

  

௨ 

திருநாவுக்கரசு சுவாமிகள் அருளிச்செய்த
நான்காம்  திருமுறை 

தகவல் பலகை	விவரம்
தலம்	திரு கச்சி ஏகம்பம்
ஊர்	காஞ்சிபுரம், காமபீடம், மும்மூர்த்தி வாசம், சிவபுரம், விண்டுபுரம், தபோமயம், துண்டீரபுரம், பிரமபுரம், பூலோக கயிலாயம், தேவபுரம், சகலசித்திபுரம், புவனசாரம், ஆதிபீடம், கன்னிகாப்பு, கலிசித்து, கச்சி
நாடு	தொண்டை நாடு
ॐசுவாமி	ஏகாம்பர நாதர், திருவேகம்பர்
ॐஅம்பிகை	ஏலவார் குழலி, காமாட்சி அம்மை
பாடியவர்கள்	சம்பந்தர் (4)         வெந்த வெண் பொடி பூசு  (1-133)         மறையானை மாசிலா (2-12)         கருவா கச்சி திருவேகம்பம் (3-41)         பாயுமால் விடை (3-114) அப்பர் (7)         கரவாடும் வன்னம்(4-07)         நம்பனை நகர மூன்றும் (4-44)          ஓதுவித்தாய் முன் (4-99)         பண்டு செய்த பழ வினை (5-047)         பூ மேலானும் பூமகள் (5-48)         கூற்றுவன் காண் கூற்றுவனை (6-64)         உரித்தவன் காண் உரக்களிற்றை (6-65) சுந்தரர்   (1)         ஆலம் தான் உகந்து அமுது (7-61)
ஸ்தல மரம்	மாமரம்
தீர்த்தம்	கம்பாநதி, சர்வ தீர்த்தம், சிவகங்கை
பண்	காந்தாரம்
குறிப்புகள்	காமாட்சி அம்மை 32 அறங்கள் செய்த தலம்  பஞ்ச பூத தலங்களில் ஒன்று (மண்) கந்தபுராணம் பாடிய கச்சியப்ப சிவாச்சாரியார் வாழ்ந்த தலம்  திருக்குறள் உரை ஆசிரியர் பரிமேலழகர் வாழ்ந்த தலம்  ஐயடிகள் காடவர்கோன், சாக்கிய நாயனார், திருக்குறிப்புத் தொண்டர் பேறு பெற்ற தலம்  சுந்தரமூர்த்தி சுவாமிகள் இடக் கண் பெற்ற தலம்  வேதம் மாமரமாக - தல மரமாக விளங்குவது.  இங்குள்ள மாமரம் சுமார் 3500 ஆண்டுகள் பழமையானது  கம்பாநதி பூமிக்கடியில் கண்களுக்கு புலப்படாதவாறு ஓடுவதாக வரலாறு  நல்ல கம்பன், கள்ளக் கம்பன், வெள்ளக் கம்பன் ஆகிய மூர்த்தங்கள் உள்ள திருத்தலம். முத்தி பேறு தரவல்ல தளமாக போற்றப் படுகிறது .
பதிக பலன்	வினை யவும் மாயும்
வரிசை எண்.	99                                                      1/32

திருச்சிற்றம்பலம்          

ஓதுவித் தாய்முன் அறவுரை 
          காட்டி அமணரொடே
காதுவித் தாய்கட்ட நோய்பிணி 
          தீர்த்தாய் கலந்து அருளிப்
போதுவித் தாய்நின் பணிபிழைக்கிற் 
          புளி யம்வளாரால்
மோதுவிப் பாய்உகப் பாய்முனி 
          வாய்கச்சி ஏகம்பனே.  1  

எத்தைக்கொண்டு எத்தகை ஏழை 
          அமணொடு இசைவித்து எனைக்
கொத்தைக்கு மூங்கர் வழிகாட்டு 
          வித்து என்னக் கோகுசெய்தாய்
முத்தின் திரளும் பளிங்கினில் 
          சோதியும் மொய்பவளத்
தொத்தினை யேய்க்கும் படியாய் 
          பொழிற்கச்சி ஏகம்பனே.  2  

மெய்யம்பு கோத்த விசயனோ 
          அன்று ஒரு வேடுவனாய்ப்
பொய் அம்பு எய்து ஆவம் அருளிச்
          செய்தாய்புர மூன்று எரியக்
கை அம்பு எய்தாய் நுன் கழலடி 
          போற்றாக் கயவர்நெஞ்சில்
குய்யம் பெய்தாய் கொடி மாமதில் 
          சூழ்கச்சி ஏகம்பனே.  3  

குறிக்கொண்டு இருந்து செந்தாமரை 
          ஆயிரம் வைகல் வைகல்
நெறிப்பட இண்டை புனைகின்ற 
          மாலை நிறை அழிப்பான்
கறைக்கண்ட நீ ஒரு பூக்குறை 
          வித்துக்கண் சூல்விப்பதே
பிறைத்துண்ட வார்சடை யாய்பெருங் 
          காஞ்சி எம் பிஞ்ஞகனே.  4  

உரைக்கும் கழிந்து இங்கு உணர்வு  
          அரியான்உள்கு வார்வினையைக்
கரைக்குm எனக்கை தொழுவது 
          அல்லாற் கதிரோர்கள் எல்லாம்
விரைக்கொள் மலரவன் மால்
          எண்வசுக்கள் ஏகாதசர்கள்
இரைக்கும் அமிர்தர்க்கு அறிய
          ஒண்ணான் எங்கள் ஏகம்பனே.  5  

கருவுற்ற நாள் முதலாக உன் 
          பாதமே காண்பதற்கு
உருகிற்றேன் என் உள்ளமும் நானும் 
          கிடந்து அலந்து எய்த்து ஒழிந்தேன்
திருவொற்றியூரா திரு ஆலவாயா 
          திருவாரூரா
ஒரு பற்று இலாமையும் கண்டு  
          இரங்காய் கச்சி ஏகம்பனே.  6  

அரிஅயன் இந்திரன் சந்திரா 
          ஆதித்தர் அமரர் எல்லாம்
உரியநின் கொற்றக் கடைத்
          தலையார் உணங்காக் கிடந்தார்
புரிதரு புன்சடைப் போக 
          முனிவர் புலம்புகின்றார்
எரிதரு செஞ்சடை ஏகம்ப 
          என்னோ திருக்குறிப்பே.  7  

பாம்பு அரைச் சேர்த்திப் படரும்
          சடைமுடிப் பால்வண்ணனே
கூம்பலைச் செய்த கரதலத்து  
          அன்பர்கள் கூடிப்பன்னாள்
சாம்பலைப் பூசித் தரையில் 
          புரண்டு நின்றாள் சரண் என்று 
ஏம்பலிப் பார்கட்கு இரங்கு
          கண்டாய்கச்சி ஏகம்பனே.  8  

ஏன்று கொண்டாய் என்னை எம் 
          பெருமான் இனி அல்லம் என்னில்
சான்றுகண் டாய்இவ் வுலகமெல்லாம் 
          தனியேன் என்று என்னை
ஊன்றி நின்றார்  ஐவர்க்கு ஒற்றி
          வைத்தாய் பின்னை ஒற்றி எல்லாம்
சோன்று கொண்டாய் கச்சி ஏகம்ப 
          மேய சுடர்வண்ணனே.  9  

உந்திநின்றார் உன் தன் ஓலக்கச் 
          சூளைகள் வாய்தல்பற்றித்
துன்றிநின் றார்தொல்லை வானவர் 
          ஈட்டம் பணி அறிவான்
வந்துநின் றார் அயனும்  
          திருமாலும் மதிற்கச்சியாய்
இந்த நின்றோம் இனி எங்ஙனமோ 
          வந்து இறைஞ்சுவதே.

திருச்சிற்றம்பலம்

திரு பாதிரிப் புலியூர்

   

௨ 

திருநாவுக்கரசு   சுவாமிகள் அருளிச்செய்த
இரண்டாம் திருமுறை

தகவல் பலகை	விவரம்
தலம்	திருப் பாதிரிப் புலியூர்
ஊர்	பாடலபுரம், கன்னிவனம், உத்த்ராபுரம் புலிசை, கடைஞாழல்
நாடு	நடு நாடு
ॐசுவாமி	பாடலேஸ்வரர், கரையேற்றும் பிரான்
ॐஅம்பிகை	பெரிய நாயகி, அருந்தவ நாயகி
பாடியவர்கள்	திருஞானசம்பந்தர் (1)         முன்னம் நின்ற (2-121) திருநாவுக்கரசர் (1),         ஈன்றாளுமாய்  (4-94)
ஸ்தல மரம்	பாதிரி  மரம்
தீர்த்தம்	கெடில நதி பிரம்ம தீர்த்தம்
பண்	திரு விருத்தம்
குறிப்புகள்	கல்லை தெப்பமாக பிடித்து கரையேறிய பதி கடைஞாழல் என்ற பெயரே பின்னாளில் கடலூர் என பெயர் பெற்றது வியாக்ரபாதர், உபமன்யு, அகத்தியர் கங்கை அக்கினி மங்கன முனிவர் முதலியோர் வழிபட்டது.
பதிக பலன்	பிறவிப் பிணி விலகும்.
வரிசை எண்.	94                                                             18/22

திருச்சிற்றம்பலம்

ஈன்றாளுய் எனக்கு எந்தையும் ஆய்  
          உடன் தோன்றினராய்
மூன்றா உலகம் படைத்து உகந்தான் 
          மனத்துள் இ ருக்க
ஏன்றான் இமையவர்க்கு அன்பன் 
          திருப்பா திரிப்புலியூர்த்
தோன்றாத் துணையாய் இருந்தனன் 
          தன் அடியோங்களுக்கே.  1  

பற்றாய் நினைந்திடப் போதுநெஞ்சே 
          இந்தப் பாரைமுற்றுஞ்
சுற்றாய் அலைகடல் மூடினுங் 
          கண்டேன் புகல்நமக்கு
உற்றான் உமையவட் கன்பன் 
          திருப்பா திரிப்புலியூர்
முற்றா முளைமதிக் கண்ணியி 
          னான்றன மொய்கழலே.  2  

விடையான் விரும்பியென் னுள்ளத் 
          திருந்தான் இனிநமக்கிங்
கடையா அவலம் அருவினை 
          சாரா நமனையஞ்சோம்
புடையார் கமலத் தயன்போல் 
          பவர்பா திரிப்புலியூர்
உடையான் அடியார் அடியடி 
          யோங்கட் கரியதுண்டே.  3  

மாயமெல் லாமுற்ற விட்டிருள் 
          நீங்க மலைமகட்கே
நேயம் நிலாவ இருந்தா 
          னவன்றன் திருவடிக்கே
தேயமெல் லாநின் றிறைஞ்சுந் 
          திருப்பா திரிப்புலியூர்
மேயநல் லான்மலர்ப் பாதமென் 
          சிந்தையுள் நின்றனவே.  4  

வைத்த பொருள்நமக் காமென்று 
          சொல்லி மனத்தடைத்துச்
சித்த மொருக்கிச் சிவாய 
          நமவென் றிருக்கினல்லால்
மொய்த்த கதிர்மதி போல்வா 
          ரவர்பா திரிப்புலியூர்
அத்தன் அருள்பெற லாமோ 
          அறிவிலாப் பேதைநெஞ்சே.  5  

கருவாய்க் கிடந்துன் கழலே 
          நினையுங் கருத்துடையேன்
உருவாய்த் தெரிந்துன்றன் நாமம் 
          பயின்றேன் உனதருளாற்
திருவாய் பொலியச் சிவாய 
          நமவென்று நீறணிந்தேன்
தருவாய் சிவகதி நீபா 
          திரிப்புலி யூரரனே.  6  

எண்ணா தமரர் இரக்கப் 
          பரவையுள் நஞ்சமுண்டாய்
திண்ணார் அசுரர் திரிபுரந் 
          தீயெழச் செற்றவனே
பண்ணார்ந் தமைந்த பொருள்கள் 
          பயில்பா திரிப்புலியூர்க்
கண்ணார் நுதலாய் கழல்நங் 
          கருத்தில் உடையனவே.  7  

புழுவாய்ப் பிறக்கினும் புண்ணியா 
          வுன்னடி யென்மனத்தே
வழுவா திருக்க வரந்தர 
          வேண்டுமிவ் வையகத்தே
தொழுவார்க் கிரங்கி யிருந்தருள் 
          செய்பா திரிப்புலியூர்ச்
செழுநீர்ப் புனற்கங்கை செஞ்சடை 
          மேல்வைத்த தீவண்ணனே.  8  

மண்பா தலம்புக்கு மால்கடல் 
          மூடிமற் றேழுலகும்
விண்பால் திசைகெட் டிருசுடர் 
          வீழினும் அஞ்சல்நெஞ்சே
திண்பால் நமக்கொன்று கண்டோந் 
          திருப்பா திரிப்புலியூர்க்
கண்பாவு நெற்றிக் கடவுட் 
          சுடரான் கழலிணையே.  9  

திருந்தா அமணர்தந் தீநெறிப் 
          பட்டுத் திகைத்துமுத்தி
தருந்தா ளிணைக்கே சரணம் 
          புகுந்தேன் வரையெடுத்த
பொருந்தா அரக்கன் உடல்நெரித் 
          தாய்பா திரிப்புலியூர்
இருந்தாய் அடியேன் இனிப்பிற 
          வாமல்வந் தேன்றுகொள்ளே.

திருச்சிற்றம்பலம்

திருத் தூங்கானை மடம்

                         

௨ 

திருநாவுக்கரசு  சுவாமிகள் அருளிச்செய்த
நான்காம்  திருமுறை

தகவல் பலகை	விவரம்
தலம்	திரு தூங்கானை மாடம்
ஊர் /வேறு பெயர்	பெண்ணாகடம், கடந்தை நகர் , தயராசபதி, மகேந்திரபுரி சிவவாசம்
நாடு	நடு நாடு
ॐசுவாமி	சுடர் கொழுந்து நாதர், பிரளய காலேஸ்வரர்
ॐஅம்பிகை	கடந்தை நாயகி
பாடியவர்கள்	திருஞானசம்பந்தர் (1),         ஒடுங்கும் பிணி  (1-59) அப்பர்(1)         பொன்னார் திருவடிக்கு (4-19)
ஸ்தல மரம்	சண்பகம்
தீர்த்தம்	கபிலை தீர்த்தம், இந்திரா தீர்த்தம், வெள்ளாறு
பண்	பழந்தக்கராகம்
குறிப்புகள்	அப்பர் சுவாமிகள் சூழ இடபக் குறி பொறிக்குமாறு வேண்டிப் பெற்ற தலம்  கலிக்கம்ப நாயனார்  முத்தி தலம்  மெய்கண்டார் திரு அவதார தலம்  தேவ கன்னியர், காமதேனு, வெள்ளையானை வழிபட்ட தலம்
பதிக பலன்	வினை நீங்கும்.,
வரிசை எண்.	109                                                                 2/22

திருச்சிற்றம்பலம்

பொன்னார் திருவடிக்கு ஒன்று உண்டு 
          விண்ணப்பம் போற்றிசெய்யும்
என் ஆவி காப்பதற்கு இச்சை உண்டேல் 
          இருங் கூற்று அகல
மின்னாரு மூவிலைச் சூலம் என் 
          மேற் பொறி மேவுகொண்டல்
துன்னார் கடந்தையுள் தூங்கானை 
          மாடச் சுடர்க்கொழுந்தே.  1  

ஆவா சிறுதொண்டன் என்நினைந் 
          தான் என்று அரும் பிணி நோய்
காவாது ஒழியில் கலக்குமுன் 
          மேற்பழி காதல்செய்வார்
தேவா திருவடி நீர் என்னைப் 
          பூசுசெந் தாமரையின்
பூவார் கடந்தையுள் தூங்கானை 
          மாடத்து எம் புண்ணியனே.  2  

இப்பதிகத்தில்  பாடல் 3 முதல் 9 வரை  கிடைக்கப்பெறவில்லை.  

 கடவுந் திகிரி கடவாது  
          ஒழியக் கயிலை உற்றான்
படவுந் திருவிரல் ஒன்று வைத்தாய்
          பனி மால்வரைபோல்
இடபம் பொறித்து என்னை ஏன்றுகொள்ளாய் 
          இருஞ் சோலைதிங்கள்
தடவுங் கடந்தையுள் தூங்கானை 
          மாடத்து எம் தத்துவனே.

    திருச்சிற்றம்பலம்