4.3 அருச்சனை

 

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	4
தந்திரம்	நான்காம்  தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	4.3 அருச்சனை
பிற குறிப்புகள்	எந்திரத்தில் மந்திர வடிவில் இறைவனை எழுந்தருளச் செய்து  தியானித்தல்.

திருச்சிற்றம்பலம்

அம்புயம்,  நீலம்,  கழுநீர்,  அணிநெய்தல்

வம்பவிழ் பூகமும், மாதவி, மந்தாரம்,

தும்பை, வகுளம், சுரபுன்னை, மல்லிகை,

செண்பகம், பாதிரி, செவ்வந்தி, சாத்திடே.  1

சாங்கம தாகவே சந்தொடு சந்தனம்

தேங்கமழ் குங்குமம் கர்ப்பூரம் காரகில்

பாங்கு படப்பனி நீரால் குழைத்துவைத்து

ஆங்கே அணிந்துநீர் அர்ச்சியும் அன்பொடே.  2

அன்புடனே நின்று அமுதமும் ஏற்றியே

பொன்செய் விளக்கும் புகைதீபம் திசைதொறும்

துன்பம் அகற்றித் தொழுவோர் நினையுங்கால்

இன்புட னேவந்து எய்திடும் முத்தியே.  3

எய்தி வழிப்படில் எய்தாதன இல்லை

எய்தி வழிப்படில் இந்திரன் செல்வமுன்

எய்தி வழிப்படில் எண்சித்தி உண்டாகும்

எய்தி வழிப்படில் எய்திடும் முத்தியே.  4

நண்ணும் பிறதார நீத்தார் அவித்தார்

மண்ணிய நைவேத் தியம்அனு சந்தான

நண்ணிய பஞ்சாங்கம் நண்ணும் செபம் என்னும்

மன்னுமன பவ னத்தோடு வைகுமே.  5

வேண்டார்கள் கன்மம் விமலனுக்கு ஆட்பட்டோர்

வேண்டார்கள் கன்மம் அதில்இச்சை அற்றபேர்

வேண்டார்கள் கன்மம் மிகுசிவ யோகிகள்

வேண்டார்கள் கன்மம் மிகுதியோர் ஆய்ந்த அன்பே.  6

அறிவரு ஞானத்து எவரும் அறியார்

பொறிவழி தேடிப் புலம்புகின்றார்கள்

நெறிமனை உள்ளே நிலைபெற நோக்கில்

எறிமணி உள்ளே இருக்கலும் ஆமே.  7

இருளும் வெளியும்போல் இரண்டாம் இதயம்

அருள் அறியாமையும் மன்னும் அறிவு

அருளிவை விட்டெறி யாமை மயங்கும்

அருளும் சிதைத்தோர் அவர்களாம் அன்றே.  8

தான்அவ னாக அவனேதான் ஆயிட

ஆன இரண்டில் அறிவன் சிவமாகப்

போனவன் அன்பிது நாலாம் மரபுறத்

தான்அவன் ஆகுமோ ராசித்த தேவரே.  9

ஓங்காரம் உந்திக்கீழ் உற்றிடும் எந்நாளும்

நீங்கா வகாரமும் நீள்கண்டத்து ஆயிடும்

பாங்கார் உகாரம் பயில்நெற்றி உற்றிடும்

வீங்காகும் விந்துவும் நாதமேல் ஆகுமே.  10

நமவது ஆசனம் ஆன பசுவே

சிவமது சித்திச் சிவமாம் பதியே

நமவற ஆதி நாடுவது அன்றாம்

சிவமாகு மாமோனம் சேர்தல்மெய் வீடே.  11

தெளிவரு நாளில் சிவஅமுது ஊறும்

ஒளிவரு நாளில் ஓர்ஏட்டில் உகளும்

ஒளிவரும் அப்பதத்து ஓர் இரண்டு ஆகில்

வெளிதரு நாதன் வெளியாய் இருந்தே.  12

திருச்சிற்றம்பலம்

4.2 திருவம்பலச் சக்கரம்

                                          

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	4
தந்திரம்	நான்காம்  தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	4.2  திரு அம்பலச் சக்கரம்
பிற குறிப்புகள்	திரு அம்பலச் சக்கரம் என்பது குறுக்கும் நெடுக்குமாக கோடுகள்  இட்டு கட்டங்களில்  எழுதி  வழிபடுவதற்கு உரியது.

திருச்சிற்றம்பலம்

இருந்தஇவ் வட்டங்கள் ஈராறு இரேகை

இருந்த இரேகைமேல் ஈராறு இருத்தி

இருந்த மனைகளும் ஈராறு பத்து ஒன்று

இருந்த மனை ஒன்றில் எய்துவன் தானே.  1

தான்ஒன்றி வாழ் இடம் தன் எழுத்தே ஆகும்

தான்ஒன்றும் அந்நான்கும் தன்பேர் எழுத்து ஆகும்

தான்ஒன்றும்  நாற்கோணம் தன் ஐந்தெழுத்து ஆகும்

தான்ஒன்றிலே ஒன்றும் அவ் அரன் தானே.  2

அரகர அரன்+கரன் = வினைகளை அருத்தலால்-அரன்; மாயா காரியத்தை ஒடுக்குவதால்-கரன் என்ன அரியது ஒன்று இல்லை

அரகர என்ன அறிகிலர் மாந்தர்

அரகர என்ன அமரரும் ஆவர்

அரகர என்ன அறும்பிறப்பு அன்றே.  3

எட்டு நிலை உள எங்கோன் இருப்பிடம்

எட்டினில் ஒன்றும் இருமூன்றும் ஈரேழும்

ஒட்டிய விந்துவும் நாதமும் ஓங்கிடப்

பட்டது மந்திரம் பான்மொழி பாலே.  4

மட்டு அவிழ் தாமரை மாதுநல் லாளுடன்

ஒட்டி இருந்த உபாயம் அறிகிலர்

விட்ட எழுத்தை விடாத எழுத்துடன்

கட்ட வல்லார் உயிர் காக்கவல் லாரே.  5

ஆலய மாக அமர்ந்தபஞ் சாக்கரம்

ஆலய மாக அமர்ந்தஇத் தூலம்போய்

ஆலய மாக அறிகின்ற சூக்குமம்

ஆலய மாக அமர்ந்திருந் தானே.  6

இருந்த இவ்வட்டம் இருமூன்றுஇ ரேகை

இருந்த அதனுள் இரேகை ஐந்தாக

இருந்த அறைகள் இருபத்து ஐஞ்சாக

இருந்த அறை ஒன்றில் எய்தும் அகாரமே.  7

மகாரம்  நடுவே வளைத்திடும் சத்தியை

ஓகாரம் வளைத்திட்டும்பிளந்து ஏற்றி

அகாரம் தலையாய் இருகண் சிகாரமாய்

நகார வகாரநற் காலது நாடுமே.  8

நாடும் பிரணவம் நடுஇரு பக்கமும்

ஆடும் அவர்வாய் பரந்து அங்கு நின்றது

நாடும் நடுவுள் முகம்  'நம சிவாய'

ஆடும் 'சிவாயநம' புறவட்டத்து ஆயதே.  9

ஆயும் சிவாய நம மசி வாயந

வாயு நமசிவாய யநம சிவா

ஆயுமே வாய நமசி எனும் மந்திரம்

ஆயும் சிகாரம் தொட்டு அந்தத்து அடைவிலே.  10

அடைவினில் ஐம்பதும் ஐயைந்து அறையின்

அடையும் அறை ஒன்றுக்கு ஈர் எழுத்து ஆக்கி

அடையும் மகாரத்தில் அந்தமாம் க்ஷவ்வும்

அடைவின் எழுத்துஐம் பத்து ஒன்றும் அமர்ந்ததே.  11

அமர்ந்த அரகர ஆம்புற வட்டம்

அமர்ந்த அரிகரி யாம் அதன் உள் வட்டம்

அமர்ந்த அசபை ஆம் அதனுள்வட்டம்

அமர்ந்த இரேகையும் ஆகின்ற சூலமே.  12

சூலத் தலையினில் தோற்றிடும் சத்தியும்

சூலத் தலையினில் சூழும்ஓங் காரத்தால்

சூலத்து இடைவெளி தோற்றிடும் அஞ்செழுத்து

ஆலப் பதிக்கும் அடைவதும் ஆமே.  13

அதுவாம் அகார இகார உகாரம்

அதுவாம் எகார ஓகாரம் அது அஞ்சாம்

அதுவாகும் சக்கர வட்டமேல் வட்டம்

பொது ஆம் இடைவெளி பொங்குநம் பேரே.  14

பேர்பெற் றதுமூல மந்திரம் பின்னது

சோர்வுற்ற சக்கர வட்டத்துள் சந்தியில்

நேர்பெற்று இருந்த இடம்  நின்றது சக்கரம்

ஏர்பெற்று இருந்த இயல்பு இது ஆமே.  15

இயலும் இம் மந்திரம் எய்தும் வழியின்

செயலும் அறியத் தெளிவிக்கும் நாதன்

புயலும் புனலும் பொருந்துஅங்கி மண்விண்

முயலும் எழுத்துக்கு முன்னா இருந்ததே.  16

ஆறெட்டு எழுத்தின்மேல் ஆறும் பதினாலும்

ஏறிட்டு அதன்மேல் விந்துவும் நாதமும்

சீறிட்டு நின்று 'சிவாய நம' என்ன

கூறு இட்டு மும்மலம் கூப்பிட்டுப் போமே.  17

அண்ணல் இருப்பது அவள் அக்கரத்துளே

பெண்ணின் நல்லாளும் பிரான அக்கரத்துளே

எண்ணி இருவர் இசைந்துஅங்கு இருந்திடப்

புண்ணிய வாளர் பொருள் அறிவார்களே.  18

அவ் விட்டு வைத்தங்கு அர இட்டு மேல்வைத்து

இவ்விட்டுப் பார்க்கில் இலிங்கம் அதாய் நிற்கும்

மவ் விட்டு மேலே வளியுறக் கண்டபின்

தொம் இட்டு நின்ற சுடர்க்கொழுந்து ஆமே.  19

அவ் உண்டு சவ் உண்டு அனைத்தும் அங்கு உள்ளது

கவ்வுண்டு நிற்கும் கருத்து அறிவார்இல்லை

கவ்வுண்டு நிற்கும் கருத்தறி வாளர்க்குச்

சவ்வுண்டு சத்தி சதாசிவன் தானே.  20

அஞ்செழுத் தாலே அமர்ந்தனன் நந்தியும்

அஞ்செழுத் தாலே அமர்ந்தபஞ் சாக்கரம்

அஞ்செழுத்து ஆகிய அக்கர சக்கரம்

அஞ்செழுத் துள்ளே அமர்ந்து இருந் தானே.  21

கூத்தனைக் காணும் குறிபல பேசிடில்

கூத்தன் எழுத்தின் முதல் எழுத்து ஓதினார்

கூத்தனொடு ஒன்றிய கொள்கைய ராய்நிற்பர்

கூத்தனைக் காணும் குறி அது ஆமே.  22

அத்திசைக்கு உள்நின்ற அனலை எழுப்பியே 

அத்திசைக்கு உள்நின்ற 'ந' எழுத்து ஓதினால்

அத்திசைக்கு உள் நின்ற அந்த மறையனை

அத்திசைக் குள்ளுற வாக்கினன் தானே.  23

தானே அளித்திடும் தையலை நோக்கினால்

தானே அளித்திட்டு மேலுற வைத்திடும்

தானே அளித்த மகாரத்தை ஓதிடத்

தானே அளித்ததோர் கல்லொளி ஆகுமே.  24

கல்லொளி யேயென நின்ற வடதிசை

கல்லொளி யேயென நின்ற னன் இந்திரன்

கல்லொளி யேயென நின்ற சிகாரத்தைக்

கல்லொளி யேயெனக் காட்டிநின் றானே.  25

தானே எழுகுணம் தண்சுட ராய்நிற்கும்

தானே எழுகுணம் வேதமு மாய்நிற்கும்

தானே எழுகுணம் ஆவதும் ஓதிடில்

தானே எழுந்த மறையவன் ஆமே.  26

மறைய வனாக மதித்த பிறவி

மறையவன் ஆக மதித்திடக் காண்பர்

மறையவன் அஞ்செழுத்து உள்நிற்கப் பெற்ற

மறையவன் அஞ்செழுத்து தாம்அது வாகுமே.  27

ஆகின்ற பாதமும் அந் 'ந' ஆய் நின்றிடும்

ஆகின்ற நாபியுள் அங்கே மகாரமாம்

ஆகின்ற 'சி' இருதோள் 'வ' ஆய்க் கண்டபின்

ஆகின்ற அச்சுடர் அவ் இயல்பு ஆமே.  28

அவ் இயல் ஆய இருமூன்று ந ம - இரண்டு எழுத்து; சி வா ய - மூன்று எழுத்து எழுத்தையும்

செவ்வியல் பாகச் சிறந்தனன் நந்தியும்

'ஒ' இயல்பாக ஒளி உற ஓங்கிடின் 

ப இயல்பு ஆகப் பரந்து நின்றானே.  29

பரந்தது மந்திரம் பல்லுயிர்க்கு எல்லாம்

வரம் தரு மந்திரம் வாய்த்திட வாங்கித்

துரந்திடு மந்திரம் சூழ்பகை போக

உரம் தரு மந்திரம் 'ஓம்' என்று எழுப்பே.  30

'ஓம்' என்று எழுப்பிதன் உத்தம நந்தியை

நாம் என்று எழுப்பி நடு எழு தீபத்தை

ஆம் என்று எழுப்பிஅவ் வாறுஅறி வார்கள்

மாமன்று கண்டு மகிழ்ந்து இருந் தாரே.  31

ஆகின்ற சக்கரத் துள்ளே எழுத்துஐந்தும்

பாகொன்றி நின்ற பதங்களில் வர்த்திக்கும்

ஆகின்ற ஐம்பத்து ஓரெழுத்து உள்நிற்கப்

யாகொன்றி நிற்கும் பராபரன் தானே.  32

பரமாய அஞ்செழுத்து உள்நடு ஆகப்

பரமாய 'நவசிம' பார்க்கில் 'மவயநசி' 

பரமாய 'சியநம' வாம்பரத்து ஓதில்

பரமாய 'வாசிமயந' மாய் நின்றே.  33

நின்ற எழுத்துகள் நேர்தரு பூதமும்

நின்ற எழுத்துகள் நேர்தரு வண்ணமும்

நின்ற எழுத்துகள் நேர்தர நின்றிடில்

நின்ற எழுத்துள்ளும் நின்றனன் தானே.  34

நின்றது சக்கரம் நீளும் புவி எல்லாம்

மன்றது வாய்நின்ற மாய நல்நாடனைக்

கன்று அதுவாகக் கறந்தனன் நந்தியும்

குன்றிடை நின்றிடும் கொள்கையன் ஆமே.  35

கொண்டஇச் சக்கரத் துள்ளே குணம்பல

கொண்டஇச் சக்கரத் துள்ளே குறிஐந்து

கொண்டஇச் சக்கரங் கூத்தன் எழுத்துஐந்தும்

கொண்டஇச் சக்கரத் துள்நின்ற கூத்தே.  36

வெளியில் இரேகை இரேகையில் அத்தலை

சுளியில் உகாரமாம் சுற்றிய வன்னி

நெளிதரும் கால்கொம்பு நேர்விந்து நாதம்

தெளியும் பிரகாரம் சிவ மந்திரமே.  37

அகார உகார சிகாரஅகாரம்-இடக்கண்; உகாரம்-வலக்கண்; சிகாரம்-சிவாக்கினி-புருவமத்தி;வஜ்ஜிராசனம் கூட மூல வாயுவை சிரசை அடைய உதவும் நடுவாய்

வகாரமோடு ஆறும் வளியுடன் கூடிச்

சிகாரம் உடனே சிவன்சிந்தை செய்ய

ஒகார முதல்வன் உவந்துநின் றானே.  38

அற்ற இடத்தே அகாரம் அது ஆவது

உற்ற இடத்தே உறுபொருள் கண்டிடச்

செற்றம் அறுத்த செழுஞ்சுடர் மெய்ப்பொருள்

குற்றம் அறுத்த பொன்போலும் குளிகையே.  39

'அ' என்ற போதினில் 'உ'  எழுத்து ஆலித்தால்

'உ' என்ற முத்தி உருகிக் கலந்திடும்

'ம' என்று என்னுள்ளே வழிபட்ட நந்தியை

எவ்வணம் சொல்லுகேன் எந்தை இயற்கையே.  40

நீரில் எழுத்து இவ் உலகர் அறிவது

வானில் எழுத்து ஒன்று கண்டு அறிவார் இல்லை

யார் இவ் எழுத்தை அறிவார் அவர்கள்

ஊனில் எழுத்தை உணர்கிலர் ஆமே.  41

காலை நடுவுறக் காயத்தில் அக்கரம்

மாலை நடுவுற ஐம்பதும் ஆவன

மேலை நடுவுற வேதம் விளம்பிய

மூலம் நடுவுற முத்திதந் தானே.  42

நாவியின் கீழது நல்ல எழுத்து ஒன்று

பாவிகள் அத்தின் பயன் அறிவார் இல்லை

ஓவிய ராலும் அறிய ஒண் ணாதது

தேவியும் தானும் திகழ்ந்திருந் தானே.  43

அவ்வொடு சவ்வென்ற தரனுற்ற மந்திரம்

அவ்வொடு சவ்வென்றது ஆரும் அறிகிலர்

அவ்வொடு சவ்வென்றது ஆரும் அறிந்தபின்

அவ்வொடு சவ்வும் அனாதியும் ஆமே.  44

மந்திரம் ஒன்று உள் மலரால் உதிப்பது

உந்தியின் உள்ளே உதயம்பண் ணாநிற்கும்

சந்திசெய் யாநிற்பர் தாம் அது அறிகிலர்

அந்தி தொழுதுபோய் ஆர்த்து அகன்றார்களே.  45

சேவிக்கு மந்திரம் சேவிக்கும் மந்திரம்-வணங்கும் மந்திரம் செல்லும் திசைபெற

ஆவிக்குள் மந்திரம் ஆதாரம் ஆவன

பூவுக்குள் மந்திரம் போக்கற நோக்கிடில்

ஆவிக்குள் மந்திரம் அங்குசம் ஆமே.  46

அருவினில் அம்பரம் அங்கு எழும் நாதம்

பெருகு துடியிடை பேணிய விந்து

மருவி, யகார சிகார நடுவாய்

உருவிட ஊறும் உறுமந் திரமே.  47

விந்துவும் நாதமும் மேவி யுடன்கூடிச்

சந்திர னோடே தலைப்படு மாயிடில்

அந்தர வானத்து அமுதம்வந்து ஊறிடும்

அங்குதி மந்திரம் ஆகுதி யாமே.  48

ஆறெழுத்து ஓதும் அறிவார் அறிகிலர்

ஆறெழுத்து ஒன்றாக ஓதி உணரார்கள்

வேறெழுத்து இன்றி விளம்பவல் லார்கட்கு

ஓரெழுத்தாலே உயிர்பெற லாமே.  49

ஓதும் எழுத்தோடு உயிர்க்கலை மூவைஞ்சும்

ஆதி எழுத்து அவை ஐம்பதோடு ஒன்று என்பர்

சோதி எழுத்தினில் ஐ இரு மூன்று உள

நாத எழுத்திட்டு நாடிக்கொள் ளீரே.  50

விந்துவி லும்சுழி நாதம் எழுந்திடப்

பந்தத் தலைவி பதினாறு கலையதாம்

சுந்தர ஆகரம் கால்உடம்பு ஆயினாள்

அந்தமும் இன்றியே ஐம்பத்தொன்று ஆயதே.  51

ஐம்பது எழுத்தே அனைத்தும்வே தங்களும்

ஐம்பது எழுத்தே அனைத்துஆக மங்களும்

ஐம்பது எழுத்தேயும் ஆவது அறிந்தபின்

ஐம்பது எழுத்தும்போய் அஞ்செழுத் தாமே.  52

அஞ்செழுத்தால் ஐந்து பூதம் படைத்தனன்

அஞ்செழுத் தால் பல யோனி படைத்தனன்

அஞ்செழுத் தால் இவ் அகலிடம் தாங்கினன்

அஞ்செழுத் தாலே அமர்ந்து நின்றானே.  53

வீழ்ந்தெழ  லாம்விகிர் தன்திரு நாமத்தைச்

சோர்ந்து ஒழியாமல் தொடங்கும் ஒருவற்குச்

சார்ந்த வினைத்துயர் போகத் தலைவனும்

போந்திடும் என்னும் புரிசடை யோனே.  54

உண்ணும் மருந்தும் உலப்பிலி காலமும்

பண்ணுறு கேள்வியும் பாடலு மாய்நிற்கும்

விண் நின்று அமரர் விரும்பி அடிதொழ

எண்நின்று எழுத்துஅஞ்சும் ஆகிநின் றானே.  55

ஐந்தின் பெருமையே அகலிடம் ஆவதும்

ஐந்தின் பெருமையே ஆலயம் ஆவதும்

ஐந்தின் பெருமையே அறவோன் வழக்கமும்

ஐந்தின் வகைசெயப் பாலனும் ஆமே.  56

வேர் எழுத்து ஆய் விண்ணாய் அப்புறமாய் நிற்கும்

நீர் எழுத் தாய் நிலம் தாங்கியும் அங்கு உளன்

சீர் எழுத்து ஆய் அங்கி ஆய் உயிராம் எழுத்து

ஓர் எழுத்து ஈசனும் ஓண்சுடர் ஆமே.  57

நாலாம் எழுத்துஓசை ஞாலம் உரு அது;

நாலாம் எழுத்தினுள் ஞாலம் அடங்கிற்று; 

நாலாம் எழுத்தே நவிலவல் லார்கட்கு 

நாலாம் எழுத்து அது  நன்னெறி தானே.  58

இயைந்தனள் ஏந்திழை என் உளம் மேவி 

நயந்தனள் அங்கே நமசிவ என்னும்

பயம் தனை ஓரும் பதம் அது பற்றும் 

பெயர்ந்தனன் மற்றும் பிதற்று அறுத்தேனே 59

ஆமாத்து இனிது இருந்து அன்ன மயத்தினை 

ஓமத்திலே உதம் பண்ணும் ஒருத்தி தன்  

நாமம் நமசிவ என்று இருப்பார்க்கு 

நேமத் தலைவி நிலவி நின்றானே.   60.

பட்ட பரிசே பரம் அஞ் செழுத்து அதின்

இட்டம் அறிந்திட்டு இரவு பகல்வர

நட்டம் அது  ஆடும் நடுவே நிலயம் கொண்டு

அட்ட தேசு அப்பொருள் ஆகிநின் றானே.  61

அகாரம் உயிரே உகாரம் பரமே

மகார மலமாய் வருமுப் பதத்தில்

சிகாரம் சிவமாய் வகாரம் வடிவமாய்

யகாரம் உயிரென்று அறையலும் ஆமே.  62

நகார மகார சிகார நடுவாய்

வகாரம் இரண்டும் வளியுடன் கூடி

ஓகார முதற்கொண்டு ஒருக்கால் உரைக்க

மகார முதல்வன் மனத்து அகத்தானே.  63

அஞ்சுள வானை அடவியுள் வாழ்வன

அஞ்சுக்கும் அஞ்செழுத்து அங்குசம் ஆவன

அஞ்சையும் கூடத் தடுக்கவல் லார்கட்கே

அஞ்சாதி ஆதி அகம்புக லாமே.  64

ஐந்து கலையில் அகராதி தன்னிலே

வந்த நகராதி மாற்றி மகராதி

நந்தியை மூலத்தே நாடிப் பரையொடும்

சந்திசெய் வார்க்குச் சடங்கில்லை தானே.  65

மருவும் சிவாயமே மன்னும் உயிரும்

அருமந்த போகமும் ஞானமும் ஆகும்

தெருள்வந்த சீவனார் சென்றுஇவற் றாலே

அருள்தங்கி அச்சிவம் ஆவது வீடே.  66

அஞ்சுக அஞ்செழுத்து உண்மை அறிந்தபின்

நெஞ்சுகத்து உள்ளே நிலையும் பராபரம்

வஞ்சகம் இல்லை மனைக்கும் அழிவில்லை

தஞ்சம் இதுவென்று சாற்றுகின் றேனே.  67

சிவாயவொடு அவ்வே தெளிந்துஉளத்து ஓதச்

சிவாயவொடு அவ்வே சிவன் உரு ஆகும்

சிவாயவொடு அவ்வும் தெளியவல் லார்கள்

சிவாயவொடு அவ்வே தெளிந்திருந் தாரே.  68

சிகார வகார யகாரம் உடனே

நகார மகார நடுவுற நாடி

ஓகாரம் உடனே ஒருகால் உரைக்க

மகார முதல்வன் மதித்துநின் றானே.  69

நம்முதல் ஓர்ஐந்தின் நாடும் கருமங்கள்

அம்முதல் ஐந்தில் அடங்கிய வல்வினை

சிம்முதல் உள்ளே தெளியவல் லார்கட்குத்

தம்முதல் ஆகும் சதாசிவம் தானே.  70

நமமும் சிவமும் உயிர்பரம் ஆகும்

தவம் ஒன்று இலாதன தத்துவம் ஆகும்

சிவம்ஒன்றி ஆய்பவர்ஆதர வால்அச்

சிவம்என்பது  தான் ஆம் எனும்தெளிவு உற்றதே.  71

கூடிய எட்டும் இரண்டும் குவிந்து அறி

நாடிய நந்தியை ஞானத்து உள்ளே வைத்து

ஆடிய ஐவரும் அங்குஉறவு ஆவர்கள்

தேடி அதனைத் தெளிந்து அறி யீரே.  72

எட்டும் இரண்டும் இனிதுஅறி கின்றிலர்

எட்டும் இரண்டும் அறியாத ஏழையர்

எட்டும் இரண்டும் இருமூன்று நான்கு எனப்

பட்டது சித்தாந்த சன்மார்க்க பாதமே.  73

எட்டு வரையின்மேல் எட்டு வரைகீறி

இட்ட நடுவுள் இறைவன் எழுத்து ஒன்றில்

வட்டத்தி லே அறை நாற்பத்தெட் டும்இட்டுச்

சிட்ட அஞ்செழுத்தும் செபி சீக்கிரமே.  74

தானவர், தானவர்-நிருதி, வருணன், வாயு, குபேரன், ஈசானன், இந்திரன், அக்கினி, இயமன் சட்டர்,  சட்டர்-அசிதாங்க பைரவர், குரு பைரவர், சண்ட பைரவர், குரோத பைரவர், உன்மத்த பைரவர், கபால பைரவர், பீடண பைரவர், சம்மார பைரவர் சதிரர் இருவர்கள்,  நந்தி, மகா காளர், பிருங்கி, விநாயகர், விருஷபர், ஸ்கந்தர்,தேவி, சண்டிகேசுரர்

ஆனஇம் மூவரோடு ஆற்றவர் ஆதிகள்

ஏனைப் பதினைந்தும் விந்துவும் நாதமும்

சேனையும் செய்சிவ சக்கரம் தானே.  75

பட்டனம் மாதவம் ஆறும் பராபரம்

விட்டனர் தம்மை 'விகிர்தா நம' என்பர்

எட்டனை ஆயினும் ஈசன் திறத்திறம்

ஒட்டுவன் பேசுவன் ஒன்று அறி யேனே  76

சிவன் முதல் மூவரோடு ஐவர் சிறந்த 

அவை முதல் ஆறு இரண்டு ஒன்றோடு ஒன்று ஆக 

அவை முதல் விந்துவும் நாதமும் ஓங்கச் 

சவை முதல் சங்கரன் தன் பெயர் தானே. 77

வித்து ஆம் சகமயம் ஆக வரைகீறி

நத்தார் கலைகள் பதினாறு நாட்டிப், பின்

உத்தாரம் பன்னிரண்டு ஆதி கலைதொகும்

பத்தாம் பிரம சடங்குபார்த்து ஓதிடே.  78

கண்டு எழுந்தேன் கமல மலர் உள்ளிடை

கொண்டு எழுந்தேன் உடன் கூடிய காலத்துப்

பண்டு அழி யாத பதிவழி யேசென்று

நண்பு அழி யாமே நம எனலாமே.  79

புண்ணிய வானவர் பூமழை தூவிநின்று

எண்ணுவர் அண்ணல் இணையடி மந்திரம்

நண்ணுவர் நண்ணி நமஎன்று நாமத்தைக்

கண்ணென உன்னிக் கலந்துநின் றாரே.  80

ஆறெழுத்தாவது ஆறு மந்திரங்கள்

ஆறுக்கு நாலே இருபத்து நாலு என்பர்

சாவித் திரியில் தலையெழுத்து ஒன்று உள

பேதிக்க வல்லார் பிறவி அற் றார்களே.  81

எட்டினில் எட்டு அறை இட்டு ஓர் அறையிலே

கூட்டிய ஒன்று எட்டாய்க் காணும்  நிறை இட்டுச்

சுட்டி இவற்றைப் பிரணவம் சூழ்ந்திட்டு

மட்டும் உயிர்கட்கு உமாபதி யான் உண்டே.  82

நம்முதல் அவ்வொடு நாவினர் ஆகியே

அம்முதல் ஆகிய எட்டிடை உற்றிட்டு

உம்முதல் ஆகவே உணர்பவர் உச்சிமேல்

உம்முதல் ஆயவன் உற்றுநின் றானே.  83

தம்பனம்

நின்ற அரசம் பலகைமேல் நேராக

ஒன்றிட மவ்விட்டு ஓலையிற் சாதகம்

துன்று மெழுகையுள் பூசிச் சுடரிடைத்

தன்ற வெதுப்பிடத் தம்பனம் காணுமே.  84

மோகனம்

கரண இறளிப் பலகை யமன்திசை

மரணம் இட்டு எட்டின் மகார எழுத்திட்டு

வரணமில் ஐங்காயம் பூசி அடுப்பிடை

முரணிற் புதைத்திட மோகனம் ஆகுமே.  85

உச்சாடனம்

ஆங்கு வடமேற்கில் ஐயனார் கோட்டத்தில்

பாங்கு படவே பலாசப் பலகையில்

காங்கரு மேட்டில் கடுப்பூசி விந்துவிட்டு

ஓங்காரம் வைத்திடும் உச்சாட னத்துக்கே.  86

மாரணம்

உச்சியம் போதில் ஒளிவன்னி மூலையில்

பச்சோலை யில் பஞ்ச காயத்தைப் பாரித்து

முச்சது ரத்தின் முதுகாட்டில் வைத்திட

அச்சமற மேலோர் மாரணம் வேண்டிலே.  87

ஏய்ந்த அரிதாரம் ஏட்டின்மே லேபூசி

ஏய்ந்த அகாரம் உகாரம் எழுத்திட்டு

வாய்ந்ததோர் வில்வம் பலகை வசியத்துக்கு

ஏய்ந்தவைத்து எண்பதி னாயிரம் வேண்டிலே.  88

ஆகர்ஷணம்

எண்ணாக் கருடனை ஏட்டில் உகாரமிட்டு

எண்ணாப் பொன்னொளி எழுவெள்ளி பூசிடா

வெண்ணாவல் பலகையில் இட்டுமேற் கேநோக்கி

எண்ணா எழுத்தோடுஎண்ணாயிரம் வேண்டிலே.  89

3.15 - ஆயுள் பரீட்ச்சை

                                         

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	15
தந்திரம்	மூன்றாம் தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	15. ஆயுள் பரீட்சை
பிற குறிப்புகள்	வாழ் நாள் அறிய, ஆயுட்கால எல்லையை முடிவு செய்தல்

திருச்சிற்றம்பலம்

வைத்தகை சென்னியில் நேரிதாய்த் தோன்றிடில்

உத்தமம் இக்கிடில் ஓராறு திங்களாம்

அத்த மிகுத்திட்டு இரட்டியது ஆயிடில்

நித்தல் உயிர்க்கு ஒரு திங்களில் ஓசையே  1

ஓசையும் ஈசனும் ஒக்கும் உணர்வின்கண்

ஓசை இறந்தவர் ஈசனை உள்குவர்

ஓசை இறந்தவர் நெஞ்சினுள் ஈசனும்

ஓசை உணர்ந்த உணர்வி இது ஆமே  2

ஆமே அழிகின்ற வாயுவை நோக்கிடில்

நாமே உறைகின்ற நன்மை அளித்திடும்

பூமேல் உறைகின்ற போதகம் வந்திடும்

தாமே உலகில் தலைவனும் ஆமே  3

தலைவ னிடம்வலம் சாதிப்பார் இல்லை

தலைவ னிடம்வலம் ஆயிடில் தையல்

தலைவ னிடம்வலம் தன்வழி அஞ்சில்

தலைவ னிடம்வலம் தன்வழி நூறே  4

ஏறிய ஆறினில் எண்பது சென்றிடும்

தேறிய ஏழிற் சிறக்கும் வகை எண்ணில்

ஆறு ஒரு பத்தாய் அமர்ந்த இரண்டையும் 

தேறியே நின்று தெளிய இவ் வகையே.  5

இவ்வகை எட்டும் இடம்பெற ஓடிடில்

அவ்வகை ஐம்பதே என்ன அறியலாம்

செவ்வகை ஒன்பதும் சேரவே நின்றிடின்

முவ்வகை யாம் அது முப்பத்து மூன்றே  6

மும்மூன்றும் ஒன்றும் முடிவுற நின்றிடில்

எண்மூன்றும் நாலும் இடவகை யாய்நிற்கும்

ஐம்மூன்றும் ஓடி அகலவே நின்றிடில்

பன்மூன்றொடு ஈராறு பார்க்கலும் ஆமே  7

பார்க்கலும் ஆகும் பகல்முப் பதும் ஆகில்

ஆக்கலும் ஆகும் அவ் ஆறிரண்டு உள் இட்டுப்

போக்கலும் ஆகும் புகல் அற ஒன்று எனில்

தேக்கலும் ஆகும் திருத்திய பத்தே  8

ஏய் இரு நாளும் இயல்புற ஓடிடில்

பாய் இரு நாலும் பகை அற நின்றிடும்

தேய்வுற மூன்றும் திகழவே நின்றிடில்

ஆயுரு ஆறு என்று அளக்கலும் ஆமே  9

அளக்கும் வகைநாலும் அவ்வழியே ஓடில்

விளக்கும் ஒருநாலும் மெய்ப்பட நிற்கும்

துளக்கும் வகை ஐந்தும் தூய்நெறி ஓடில்

களக்கம் அறமூன்றில் காணலும் ஆமே  10

காணலும் ஆகும் கருதிய பத்து ஓடில்

காணலும் ஆகும் கலந்த இரண்டையும்

காணலும் ஆகும் கலப்பற மூ ஐந்தேல் 

காணலும் ஆகும் கருத்துற ஒன்றே  11

கருதும் இருபதில் காண ஆறு ஆகும்

கருதிய ஐயைந்தில் காண்பது மூன்றாம்

கருதும் இருபதுடன் ஆறு காணில்

கருதும் இரண்டு எனக் காட்டலும் ஆமே  12

காட்டலும் ஆகும் கலந்த இருபத்து ஏழில்

காட்டலும் ஆகும் கலந்து எழும் ஒன்று எனக்

காட்டலும் ஆகும் கலந்த இருபத்து எட்டில்

காட்டலும் ஆகும் கலந்த ஈரைந்தே  13

ஈரைந்தும் ஐந்தும் இருமூன்றும் எட்டுக்கும்

பார் அஞ்சி நின்ற பகைபத்து நாள் ஆகும்

வாரம்செய் கின்ற வகை ஆறஞ்சு ஆமாகில்

ஓர் அஞ்சொடு ஒன்று ஒன்று என ஒன்றும்  நாளே  14

ஒன்றிய நாள்கள் ஒருமுப்பத்து ஒன்று ஆகில்

கன்றிய நாலுங் கருத்துற மூன்று ஆகும்

சென்று உயிர் நால் எட்டும் சேரவே நின்றிடின்

மன்று இயல்பு ஆகும்  மனையில் இரண்டே  15

மனையில்ஒன் றாகும் மாதமும்  மூன்றும்

சுனையில்ஒன் றாகத் தொனித்தனன் நந்தி

வினையற வோங்கி வெளிசெய்து நின்றால்

தனையுற நின்ற தலைவனும் ஆமே  16

ஆரும் அறியார் அளக்கின்ற வன்னியை

ஆரும் அறியார் அளக்கின்ற வாயுவை

ஆரும் அறியார் அழிகின்ற அப்பொருள்

ஆரும் அறியார் அறிவு அறிந் தேனே  17

அறிவது வாயுவொடு ஐந்று அறிவு ஆய

அறிவு ஆவதுதான் உலகு உயிர் அத்தின்

பிறிவுசெய் யாவகை பேணி உள் நாடின்

செறிவது நின்று திகழும் அதுவே  18

அது அருளும் மருள் ஆனது உலகம்

பொது அருளும் புகழாளர்க்கு நாளும்

மது அரு ளும்மலர் மங்கையர் செல்வி

இது அருள் செய்யும் இறையவன் ஆமே  19

பிறப்பு அது சூழ்ந்த பெருந்தகை நந்தி

குறிப்பு அது கூடிய கோலக் குரம்பைப்

பழப்பதி ஆவது பற்று அறும் பாசம்

அழப்படி செய்வார்க்கு அகலும்  மதியே  20

3.12 - கலை நிலை

                                         

௨ 

திருமூல தேவ நாயனார்  அருளிச்செய்த திருமந்திரம் 

பத்தாம் திருமுறை

தகவல் பலகை	விவரம்
அதிகாரம்	12
தந்திரம்	மூன்றாம் தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	12.  கலை நிலை
பிற குறிப்புகள்	சந்திர கலை, சூரிய கலை, தீக்கலை இயங்கும் முறை

திருச்சிற்றம்பலம்

காதல் வழிசெய்த கண்ணுதல் அண்ணலைக்

காதல் வழிசெய்து கண்ணுற நோக்கிடில்

காதல் வழிசெய்து கங்கை வழிதரும்

காதல் வழிசெய்து காக்கலும் ஆமே  1

காக்கலும் ஆகும் கரணங்கள் நான்கையும்

காக்கலும் ஆகும் கலைபதி னாறையும்

காக்கலும் ஆகும் கலந்தநல் வாயுவும்

காக்கலும் ஆகு‌ம் கருத்துற நில்லே  2

நிலைபெற நின்றது நேர்தரு வாயு

சிலைபெற நின்றது தீபமும் ஒத்துக்

கலைவழி நின்ற கலப்பை அறியில்

அலைவு அறவு ஆகும் வழி இது ஆமே  3

புடையொன்றி நின்றிடும் பூதப் பிரானை

மடையொன்றி நின்றிட வாய்த்த வழியும்

சடையொன்றி நின்றஅச் சங்கர நாதன்

விடையொன்றில் ஏறியே வீற்றிருந் தானே  4

இருக்கின்ற காலங்கள் ஏதும் அறியார்

பெருக்கின்ற காலப் பெருமையை நோக்கி

ஒருக்கின்ற வாயு ஒளிப்பெற நிற்கத்

தருக்கொன்றி நின்றிடும் சாதகன் ஆமே  5

சாதக மானஅத் தன்மையை நோக்கியே

மாதவ மான வழிபாடு செய்திடும்

போதக மாகப் புகலுறப் பாய்ச்சினால்

வேதக மாக விளைந்து கிடக்குமே  6

கிடந்தது தானே கிளர்பயன் மூன்று

நடந்தது தானேஉள் நாடியுள் நோக்கிப்

படர்ந்தது தானே அப்பங்கய மாகத்

தொடர்ந்தது தானேஅச் சோதியுள் நின்றே  7

தானே எழுந்தஅத் தத்துவ நாயகி

ஊனே வழிசெய்து எம் உள்ளே இருந்திடும்

வானோர் உலகீன்ற அம்மை மதித்திடத்

தேனே பருகிச் சிவாலயம் ஆமே  8

திகழும் படியே செறிதரு வாயு

அழியும் படியை அறிகிலர் ஆரும்

அழியும் படியை அறிந்தபின் நந்தி

திகழ்கின்ற வாயுவைச் சேர்தலும் ஆமே  9

சோதனை தன்னில் துரிசு அறக் காணலாம்

நாதனும் நாயகி தன்னில்  பிரியும் நாள்

சாதனம் ஆகும் குருவை வழிபட்டு

மாதன மாக மதித்துக்கொள் ளீரே  10

ஈராறு கால்கொண்டு எழுந்த புரவியைப்

பேராமல்  கட்டிப் பெரிதுண்ண வல்லீரேல்

நீர் ஆயிரமும் நிலம் ஆயிரத்து ஆண்டும்

பேராது காயம் பிரான்நந்தி ஆணையே  11

ஓசையில் ஏழும் ஒளியின்கண் ஐந்தும்

நாசியில் மூன்றும் நாவில் இரண்டும்

தேசியும் தேசனும் தன்னிற் பிரியும் நாள்

மாசு அறு சோதி வகுத்துவைத் தானே  12

3.14- கால சக்கரம்

                                           

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	14
தந்திரம்	மூன்றாம் தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	14. கால சக்கரம்
பிற குறிப்புகள்	முடிவில்லாமல் வரும் இந்த கால சக்கரம்  கடக்க வேண்டிய உபாயமும்

திருச்சிற்றம்பலம்

மதிவட்டம் ஆக வரை ஐந்து நாடி

இது விட்டு அங்கு ஈரா று அமர்ந்த அதனால்

பதிவட்டத் துள்நின்று பாலிக்கு மாறும்

அதுவிட்டுப் போமாறும் ஆயலுற் றேனே  1

உற்றறிவு ஐந்தும் உணர்ந்து அறிவு ஆறு ஏழும்

கற்றறி வெட்டுங் கலந்தறி ஒன்பதும்

பற்றிய பத்தும் பலவகை நாழிகை 

அற்றறியாது அழிகின்ற வாறே  2

அழிகின்ற ஆண்டு அவை ஐயைஞ்சு மூன்றும்

மொழிகின்ற முப்பத்து மூன்று என்பது ஆகும்

கழிகின்ற கால் அறுபத்திரண்டு என்பது 

எழுகின்றது  ஈரைம்பது எண் அற்று இருந்தே  3

திருந்து தினம் அத் தினத்தினொடு நின்று 

இருந்து அறி நாள் ஒன்று; இரண்டு எட்டு  மூன்று

பொருந்திய நாளொடு புக்கு அறிந்து ஓங்கி

வருந்துதல் இன்றி மனை புக லாமே  4

மனைபுகு வீரும் அகத்திடை நாடி

என இரு பத்து அஞ்சும் ஈராறு அதனால்

தனை அறிந்து ஏறட்டுத் தற்குறி ஆறு

வினை அறி ஆறும் விளங்கிய நாலே  5

நாலும் கடந்தது நால்வரும் நால் அஞ்சு 

பாலம் கடந்தது பத்துப் பதினைந்து

கோலம் கடந்த குணத்து ஆண்டு மூவிரண்டு

ஆலம் கடந்து ஒன்று ஆர் அறி வாரே  6

ஆறும் இருபதுக்கு ஐயஞ்சு மூன்றுக்கும்

தேறும் இரண்டு இருபத்தோடு ஆறு இவை

கூறும்  மதி ஒன்றினுக்கு இருபத்தேழு

வேறு பதியங்கள் நாள் விதித் தானே  7

விதித்த இருபத்தெட் டொடு மூன்று அறையாக

தொகுத்து அறி முப்பத்து மூன்று தொகுமின்

பதித்து அறி பத்தெட்டுப் பார் ஆதிகள் நால் 

உதித்து அறி மூன்று இரண்டு ஒன்றின் முறையே  8

முறைமுறை ஆய்ந்து முயன்றிலர் ஆகில்

இறை இறை யார்க்கும் இருக்க அரிது

மறையது காரண மற்றொன்றும் இல்லை

பறை அறை யாது பணிந்து முடியே  9

முடிந்தது அறியார் முயல்கின்ற மூர்க்கர்

இடிஞ்சில் இருக்க விளக்கு எரி கொண்டு

கடிந்து அனல் மூளக் கதுவ வல்லார்க்கு

நடந்திடும் பாரினில் நண்ணலும் ஆமே  10

நண்ணும்  சிறுவிரல் நாண் ஆக மூன்றுக்கும்

பின்னிய மார்பு இடைப் பேராமல் ஒத்திடும்

சென்னியில்  மூன்றுக்கும்  சேரவே 1நின்றிடும்

உன்னி உணர்ந்திடும் ஓவியம் தானே  11

ஓவியமான உணர்வை அறிமின்கள்;

பாவிகள் இத்தின் பயன் அறிவார் இல்லை

தீவினையாம் உடல் மண்டலம் மூன்றுக்கும்

பூவில் இருந்திடும் புண்ணியத் தண்டே  12

தண்டுடன் ஓடித் தலைப்பெய்த யோகிக்கு

மண்டலம்  மூன்று மகிழ்ந்து உடல் ஒத்திடும்

கண்டவர் கண்டனர் காணார் வினைப்பயன்

பிண்டம் பிரியப் பிணங்குகின் றாரே  13

பிணங்கி அழிந்திடும் பேறு அது கேள்நீ

அணங்குடன் ஆதித்தன் ஆறு விரியின்

வணங்குடனே வந்த வாழ்வு குலைந்து

சுணங்கனுக் காகச் சுழல்கின்ற வாறே  14

சுழல்கின்ற வாறின் துணைமலர் காணான்

தழலிடைப் புக்கிடும் தன்னுள் இல்லாமல்

கழல்கண்ட போம்வழி காணவல் லார்க்குக்கு

குழல்வழி நின்றிடும் கூத்தனும் ஆமே  15

கூத்தன் குறியில் குணம்பல கண்டவர்

சாத்திரந் தன்னைத் தலைப்பெய்து நிற்பர்கள்

பார்த்திருந்து உள்ளே அனுபோக நோக்கிடில்

ஆத்தனும் ஆகி அமர்ந்திடும் ஒன்றே  16

ஒன்றில் வளர்ச்சி உலப்பிலி கேள் இனி

நன்று என்று மூன்றுக்கு நாள் அது சென்றிடும்

சென்றிடும்  முப்பதும்  சேர இருந்திடில்

குன்றிடைப் பொன்திகழ் கூத்தனும் ஆமே  17

கூத்று அவன் ஒன்றிடும் கூர்மை அறிந்து அங்கே

ஏத்துவர் பத்தினில் எண்திசை தோன்றிடப்

பார்த்து மகிழ்ந்து பதுமரை நோக்கிடில்

சாத்திடும் நூறு தலைப்பெய்ய லாமே  18

சாத்திடு நூறு தலைப்பெய்து நின்றவர்

காத்து உடல் ஆயிரங் கட்டு உறக் காண்பர்கள்

சேர்த்து உடல் ஆயிரம் சேர இருந்தவர்

மூத்து உடன் கோடி யுகம் அது ஆமே  19

உகம் கோடி கண்டும் ஒசிவு அற நின்று

அகம் கோடி கண்டு உள் அயல் அறக் காண்பர்கள்

சிவம் கோடி விட்டுச் செறிய இருந்து அங்கு

உகம் கோடி கண்டு அங்கு உயார் உறு வாரே  20

உயர் உறுவார் உலகத் தொடும் கூடிப்

பயன் உறுவார்பலர் தாம் அறி யாமல்

செயல் உறுவார்சிலர் சிந்தை இலாமல்

கயல் உறு கண்ணியைக் காணகி லாரே  21

காணகி லாதார் கழிந்து ஓடிப் போவர்கள்

நாணகி லாதார் நயம்பேசி விடுவர்கள்

காணகி லாதார் கழிந்த பொருள் எலாம்

காணகி லாமற் கழிகின்ற வாறே  22

கழிகின்ற அப்பொருள் காணகி லாதார்

கழிகின்ற அப்பொருள் காணலும் ஆகும்

கழிகின்ற உள்ளே கருத்துற நோக்கில்

கழியாத அப்பொருள் காணலும் ஆமே  23

கண்ணன் பிறப்பு இலி காண் நந்தியாய் உள்ளே

எண்ணும் திசையுடன் ஏகாந்தன் ஆயிடும்

திண் என்று இருக்கும் சிவகதியாய் நிற்கும்

நண்ணும் பதம் இது நாடவல் லார்கட்கே  24

நாடவல் லார்க்கு நமன் இல்லை கேடு இல்லை

நாடவல் லார்கள் நரபதி யாய்நிற்பர்

தேடவல் லார்கள் தெரிந்த பொருள் இது

கூடவல் லார்கட்குக் கூறலும் ஆமே  25

கூறும் பொருள் இது அகார உகாரங்கள்

தேறும் பொருள் இது சிந்தையுள் நின்றிடக்

கூறும்  மகாரம் குழல்வழி ஓடிட

ஆறும் அமர்ந்திடும் அண்ணலும் ஆமே  26

அண்ணல் இருப்பிடம் ஆரும் அறிகிலர்

அண்ணல் இருப்பிடம் ஆய்ந்துகொள் வார்களுக்கு

அண்ணல் அழிவு இன்றி உள்ளே அமர்ந்திடும்

அண்ணலைக் காணில் அவன் இவன் ஆகுமே  27

அவன் இவன் ஆகும் பரிசு அறிவார் இல்லை

அவன் இவன் ஆகும் பரிசு அது கேள்நீ

அவன் இவன் ஓசை ஒளியினுள் ஒன்றிடும்

அவன் இவன் வட்டம் அது  ஆகி நின் றானே  28

வட்டங்கள் ஏழும்  மலர்ந்திடும் உம்முளே

சிட்டன் இருப்பிடம்  சேர அறிகிலீர்

ஒட்டி இருந்து உள் உபாயம் உணர்ந்திடக்

கட்டி இருப்பிடம் காணலும் ஆகுமே  29

காணலும் ஆகும் பிரமன் அரி என்று

காணலும் ஆகும் கறைக்கண்டன் ஈசனைக்

காணலும் ஆகும் சதாசிவ சத்தியும்

காணலும் ஆகும் கலந்து உடன் வைத்ததே  30