திரு கழிப்பாலை

                                                                                    ௨ 

திருஞானசம்பந்தர் அருளிச்செய்த
இரண்டாம்  திருமுறை

தகவல் பலகை	விவரம்
தலம்	திருக்கழிப்பாலை
ஊர்/வேறு பெயர்
நாடு	சோழ (காவிரி வட)
ॐசுவாமி	பால் வண்ண நாதர்
ॐஅம்பிகை	வேத நாயகி
பாடியவர்கள்	சம்பந்தர் (2)     புனல் ஆடியபுன் (2-21)     வெந்த குங்குலியப் புகை (3-44)     அப்பர் (5)     வனபவள வாய் திறந்து (4-006)     நங்கையைப் பாகம் வைத்தார் (4-30)     நெய்தற் குருகுதன் பிள்ளை (4-106)     வண்ணமும் வடிவும் சென்று (5-40)     ஊன் உடுத்தி ஒன்பது வாசல் (6-12) சுந்தரர் (1)         செடியேன் தீவினையில் தடுமாற(7-23)
ஸ்தல மரம்	வில்வம்
தீர்த்தம்	கொள்ளிடம்
பண்	நட்டராகம்
குறிப்புகள்	வால்மீகி முனிவர் வழிபட்டு பேறு பெற்றது
பதிக பலன்	தேவர் உலகை ஆள்வர்
வரிசை எண்.	21                                                                   4/63

திருச்சிற்றம்பலம்

புனல் புனல்-கங்கை ஆடியபுன் சடையாய் அரணம் அரணம்-கோட்டை

அனலாக விழித்தவனே அழகார்

கனல் கனல்- நெருப்பு ஆடலினாய்கழிப்பா லை உளாய்

உனவார் கழல் கைதொழு உள்குதுமே.  1

துணையாக ஓர்தூவளமா தினையும்

இணையாக உகந்தவனே இறைவா

கணையால் எயில் எய் கழிப்பாலை உளாய்

இணையார் கழல் ஏத்தஇடர் கெடுமே.  2

நெடியாய்! குறியாய்! நிமிர் புன்சடையின் 

முடியாய்! சுடுவெண் பொடி முற்று அணிவாய்! 

கடியார் பொழில்சூழ்கழிப்பாலை உளாய்!

அடியார்க்கு அடையா அவலம் அவையே.  3

எளியாய் அரியாய் நிலம் நீரொடு தீ

வளிகாயம் என வெளிமன் னியதூ

ஒளியாய் உனையே தொழுது உன்னும் அவர்க்கு

அளியாய் கழிப்பாலை அமர்ந் தவனே.  4

நடம்நண் ணியொர் நாகம் அசைத் தவனே

விடம்நண் ணியதூமிடறா விகிர்தா

கடல்நண் ணுகழிப்பதி காவலனே

உடன் நண் ணிவணங்குவன் உன்னடியே.  5

பிறையார் சடையாய்பெரியாய் பெரிய

மறையார் தருவாய்மையினாய் உலகில்

கறையார் பொழில் சூழ் கழிப்பாலை உளாய்

இறையார் கழல் ஏத்த இடர் கெடுமே.  6

முதிரும்  சடையின் முடிமேல் விளங்கும்

கதிர்வெண் பிறையாய் கழிப்பா லை உளாய்

எதிர்கொள் மொழியால்இரந்து ஏத்தும் அவர்க்கு

அதிரும் வினையாயின ஆசு அறுமே.  7

எரியார் கணையால் எயில் எய் தவனே

விரியார் தருவீழ்சடையாய் இரவில்

கரிகா டலினாய் கழிப்பா லை உளாய்

உரிதாகி வணங்குவன் உன்னடியே.  8

நலநா ரணன்நான்முகன்நண் ணலுறக்

கனல் ஆனவனே கழிப்பாலை உளாய்

உனவார் கழலே தொழுது உன்னும் அவர்க்கு

இலதாம் வினைதான் எயில் எய் தவனே.  9

தவர்கொண்ட தொழிற் சமண் வேடரொடும்

துவர்கொண் டனர் நுண்துகில் ஆடையரும்

அவர்கொண் டன விட்டடிகள் உறையும்

உவர்கொண்ட கழிப்பதி உள்குதுமே.  10

கழியார் பதிகாவலனைப் புகலிப்

பழியா மறை ஞானசம்பந்தனசொல்

வழிபாடு இவை கொண்டு அடி வாழ்த்த வல்லார்

கெழியார் இமையோரொடு கேடிலரே.  11

திருச்சிற்றம்பலம்

திரு நெல்வாயில்

                                                                                 ௨ 

திருஞானசம்பந்தர்  சுவாமிகள்  அருளிச்செய்த
இரண்டாம்  திருமுறை

தகவல் பலகை	விவரம்
தலம்	திரு நெல்வாயில்
ஊர்/வேறு பெயர்	சிவபுரி
நாடு	சோழ (காவிரி வட)
ॐசுவாமி	உச்சிநாதேஸ்வர்
ॐஅம்பிகை	கனகாம்பிகை
பாடியவர்கள்	சம்பந்தர் (1)     புடையினார் புள்ளி (2-26)
ஸ்தல மரம்	நெல்லி
தீர்த்தம்
பண்	இந்தளம்
குறிப்புகள்	திருநெல்வாயில் அரத்துறை - நடுநாட்டு தலம் வேறு இது வேறு.  கண்வ மகரிஷி வழிபட்டது.
பதிக பலன்	விண்ணுலக வாழ்வு கிட்டும்.
வரிசை எண்.	26                                                                   3/63

திருச்சிற்றம்பலம்

புடையி னார்புள்ளி கால்பொ ருந்திய

மடையி னார்மணி நீர்நெல் வாயிலார்

நடையில் நால்விரற் கோவ ணம் நயந்து 

உடையி னார் எமது உச்சி யாரே.  1

வாங்கி னார்மதில் மேற்க ணைவெள்ளம்

தாங்கி னார்தலை யாய தன்மையர்

நீங்கு நீர ஓடுகின்ற நீர் நெல்வாயி லார்தொழ

ஓங்கி னார் எமது உச்சி யாரே.  2

நிச்ச லேத்தும்நெல்வாயி லார்தொழ

இச்சை யால் உறைவார் எம் ஈசனார்

கச்சை யாவதோர் பாம்பி னார்கவின்

இச்சை யார் எமது உச்சி யாரே.  3

மறையி னார்மழு வாளி னார்மல்கு

பிறையி னார்பிறையோடு இலங்கிய

நிறையி னார் நெல்வாயிலார் தொழும்

இறைவ னார் எமது உச்சி யாரே.  4

விருத்த னாகிவெண்ணீறு பூசிய

கருத்த னார் கனல் ஆட்டு உகந்தவர்

நிருத்த னார் நெல்வாயில் மேவிய

ஒருத்த னார் எமது உச்சி யாரே.  5

காரி னார்கொன்றைக்கண்ணி யார்மல்கு

பேரி னார்பிறையோடு இலங்கிய

நீரி னார் நெல்வாயிலார் தொழும்

ஏரி னார் எமது உச்சி யாரே.  6

ஆதி யார அந்தம் ஆயினார் வினை

கோதி யார்மதில் கூட்டு அழித்தவர்

நீதி யார் நெல்வாயி லார்மறை

ஓதி யார் எமது உச்சி யாரே.  7

பற்றி னான்அரக்கன்க யிலையை

ஒற்றி னார் ஒருகால்வி ரல் உற

நெற்றி யார் நெல்வாயி லார்தொழும்

பெற்றி யார் எமது உச்சி யாரே.  8

நாடி னார்மணிவண்ணன் நான்முகன்

கூடி னார்குறுகாத கொள்கையர்

நீடி னார் நெல்வாயி லார்தலை

ஓடி னார் எமது உச்சி யாரே.  9

குண்டு அமண் துவர்க்கூறை மூடர்சொல்

பண்ட மாகவையாத பண்பினர்

விண் தயங்கு நெல்வாயி லார்நஞ்சை

உண்ட கண்டர் எம்உச்சி யாரே.  10

நெண்ப யங்குநெல்வாயில் ஈசனைச்

சண்பை ஞானசம்பந்தன் சொல் இவை

பண்ப யன்கொளப்பாட வல்லவர்

விண்ப யன்கொளும்வேட்கை யாளரே.  11

திருச்சிற்றம்பலம்

திரு சாய்க்காடு

                                                                                ௨ 

திருஞானசம்பந்தர்  சுவாமிகள்  அருளிச்செய்த
இரண்டாம்  திருமுறை

தகவல் பலகை	விவரம்
தலம்	திரு சாய்க்காடு
ஊர்/வேறு பெயர்	சாயாவனம்
நாடு	சோழ (காவிரி வட)
ॐசுவாமி	சாயாவனேஸ்வரர்
ॐஅம்பிகை	குயிலினும் நன்மொழியம்மை
பாடியவர்கள்	சம்பந்தர்   (2)         நித்தலும் நியமம் செய்து (2-38)         மண் புகார் வான் புகுவர் (2-41) அப்பர் (2)         தோடுலா மலர்கள் தூவி (4-65)         வானத்து இள மதியம் (6-82)
ஸ்தல மரம்	பைஞ்சாய், (கோரைப் புல்)
தீர்த்தம்	காவிரி, ஐராவத தீர்த்தம்
பண்	இந்தளம்
குறிப்புகள்	கோச்செங்கட் சோழன் கட்டிய மாடக் கோயில். உபமன்யு முனிவர், இந்திரன், ஐராவதம் வழிபட்டது.  இயற்பகை நாயனார் வழிபட்ட தலம்  காசிக்கு சமமான சிறப்பு சொல்லப்படும் தலங்கள் ஆறு;  அதில் அவற்றில் ஒன்று இது
பதிக பலன்	இப்பூலகில் புகழுடன் எல்லா வளமும் பெற்று வாழ்வர்
வரிசை எண்.	38                                                           9/63

திருச்சிற்றம்பலம்

நித்தலும் நியமம் செய்துநீர் மலர்தூவிச்  

சித்தம் ஒன்ற வல்லார்க்கு அருளும்  சிவன்கோயில்

மத்த யானையின் கோடும் வண் பீலியும் வாரி    

தத்து நீர்ப் பொன்னி சாகர மேவு சாய்க்காடே.  1

பண் தலைக் கொண்டு பூதங்கள் பாட நின்றாடும்

வெண் தலைக் கருங்காடுறை வேதியன்கோயில்

கொண்டலைத் திகழ் பேரிமுழங் கக்குலாவித் 

தண்டலைத் தட மாமயிலாடு சாய்க்காடே.  2

நாறு நறுமணம் கூவிளநாகிள வெண்மதியத்தோடு

ஆறுசூ டும்அமரர்பிரான் உறைகோயில்

ஊறு தேங்கனி மாங்கனி ஓங்கிய சோலைத் 

தாறு குலை தண் கதலகதலி-வாழை ிப் புதல்மேவு சாய்க்காடே.  3

வரங்கள் வண் புகழ் மன்னிய எந்தை மருவார்

புரங்கள் மூன்றும் பொடி பட எய்தவன்கோயில்

இரங்கல் ஓசையும் ஈட்டிய சரக் கொடும் ஈண்டித் 

தரங்க கடல் அலை நீள் கழித் தண்கரை வைகு சாய்க்காடே.  4

ஏழைமார் கடைதோறும் இடு பலிக்கு என்று   

கூழை வாள் அரவு  ஆட்டும் பிரான் உறைகோயில்  

மாழை மாழை-மான் ஒண் கண் வளைக்கை நுளைச்சியர்வண்பூந்

தாழைவெண் மடற்கொய்து கொண்டாடு சாய்க்காடே.  5

துங்கவா னவர்சூழ் கடல்தாம் கடைபோதில்

அங்கு ஓர் நீழல் அளித்த எம்மான் உறைகோயில்

வங்கம் அங்கு ஒளிர் இப்பியு முத்து மணியும் 

சங்கும் வாரித் தடங்கடல் உந்து சாய்க்காடே.  6

வேதநா வினர்வெண்பளிங்கின் குழைக்காதர்

ஓதநஞ்சு அணி கண்டர் உகந் உறைகோயில்

மாதர்வண் டுதன்காதல்வண்டு ஆடிய புன்னைத்

தாதுகண் டுபொழில்மறைந்து ஊடு சாய்க்காடே.  7

இருக்குநீள் வரைபற்றி அடர்த்து அன்று எடுத்த

அரக்கன் ஆக நெரித்து அருள் செய்தவன்கோயில்

மருக்குலா விய மல்லிகை சண் பகம்வண்பூந்

தருக்குலா விய தண் பொழில் நீடு சாய்க்காடே.  8

மாலினோடு அயன் காண்டற்கு அரியவர் வாய்ந்த

வேலையார் விடம் உண்டவர் மேவிய கோயில்

சேலின் நேர் விழியார் மயிலாலச் செருந்தி

காலையே கனகம் மலர்கின்ற சாய்க்காடே.  9

ஊத்தைவாய்ச் சமண்கையர்கள்சாக் கியர்க்கு என்றும் 

ஆத்தமாக அறிவு அரிதாயவன் கோயில்

வாய்த்தமா ளிகைசூழ் தருவண் புகார்மாடே

பூத்த வாவிகள் சூழ்ந்துபொலிந்த சாய்க்காடே.  10

ஏனையோர் புகழ்ந்து ஏத்திய எந்தை சாய்க்காட்டை 

ஞானசம் பந்தன்காழியர்கோன் நவில்பத்தும்

ஊனம் இன்றி உரை செய வல்லவர் தாம்போய்

வான நாடு இனிது ஆள்வர் இம் மாநிலத்தோரே.  11

திருச்சிற்றம்பலம்

திருவெண்காடு

                                                                                               ௨ 

சுந்தரமூர்த்தி சுவாமிகள்  அருளிச்செய்த
ஏழாம்   திருமுறை

தகவல் பலகை	விவரம்
தலம்	திருவெண்காடு
ஊர்/வேறு பெயர்
நாடு	சோழ (காவிரி வட)
ॐசுவாமி	சுவேதாரண்யேஸ்வரர்
ॐஅம்பிகை	பிரம்ம வித்யா நாயகி
பாடியவர்கள்	சம்பந்தர்   (3)         கண் காட்டும் நுதலானும்(2-48)         உண்டாய் நஞ்சை (2-61)         மந்திர மறையவை (3-15) அப்பர் (2)         பண் காட்டிப்படி (5-49)         தூண்டு சுடர்மேனி(6-35) சுந்தரர் (1)         படம் கொள் நாகம் (7-06)
ஸ்தல மரம்	வட ஆலமரம்
தீர்த்தம்	முகுளம்
பண்	இந்தளம்
குறிப்புகள்	இந்திரன், ஐராவதம் வழிபட்டது  தீர்த்தம் மகிமை உடையது  பிள்ளைப் பேறு வாய்க்கும் தலம் என்று பெயர் பெற்றது
பதிக பலன்	வாழ்வில் உய்தி பெற
வரிசை எண்.	06                                                          11/63

திருச்சிற்றம்பலம்

படங்கொள் நாகம் சென்னி சேர்த்திப்

          பாய் புலித்தோல் அரையில் வீக்கி

அடங்க லார்ஊர் எரியச் சீறி

          அன்று மூவர்க்கு அருள்பு ரிந்தீர்

மடங்க லானைச் செற்று உகந்தீர்

          மனைகள் தோறும் தலை கையேந்தி

விடங்க ராகித் திரிவது என்னே

          வேலை சூழ்வெண் காடன் நீரே.  1

இழித்து உகந்தீர் முன்னை வேடம்

          இமைய வர்க்கும் உரைகள் பேணா

தொழித்து உகந்தீர் நீர்முன் கொண்ட

          உயர்த வத்தை அமரர் வேண்ட

அழிக்க வந்த காம வேளை

          அவனு டைய தாதை காண

விழித்து கந்த வெற்றி யென்னே

          வேலை சூழ்வெண் காடன் நீரே.  2

படைகள் ஏந்திப் பாரி டமும்

          பாதம் போற்ற மாதும் நீரும்

உடையோர் கோவ ணத்தர் ஆகி

          உண்மை சொல்லீர் உம்மை அன்றே

சடைகள் தாழக் கரணம் இட்டுத்

          தன்மை பேசி இல்ப லிக்கு

விடையது ஏறித் திரிவது என்னே

          வேலை சூழ்வெண் காடன் நீரே.  3

பண்ணு ளீராய்ப் பாட்டு மானீர்

          பத்தர் சித்தம் பரவிக் கொண்டீர்

கண்ணு ளீராய்க் கருத்தி லும்மைக்

          கருது வார்கள் காணும் வண்ணம்

மண்ணு ளீராய் மதியம் வைத்தீர்

          வான நாடர் மருவி ஏத்த

விண்ணு ளீராய் நிற்பது என்னே

          வேலை சூழ்வெண் காடன் நீரே.  4

குடம் எடுத்து நீரும் பூவும்

          கொண்டு தொண்டர் ஏவல் செய்ய

நடம் எடுத்தொன் றாடிப் பாடி

          நல்கு வீர்நீர் புல்கும் வண்ணம்

வடமெ டுத்த கொங்கை மாதோர்

          பாக மாக வார்க டல்வாய்

விடம்மி டற்றில் வைத்தது என்னே

          வேலை சூழ் வெண் காடன் நீரே..  5

மாறு பட்ட வனத்து அகத்தில்

          மருவ வந்த வன்க ளிற்றைப்

பீறி இட்ட மாகப் போர்த்தீர்

          பெய்ப லிக்கு என்டு இல்லம் தோறும்

கூறு பட்ட கொடியும் நீரும்

          குலாவி ஏற்றை அடர ஏறி

வேறு பட்டுத் திரிவது என்னே

          வேலை சூழ்வெண் காடன் நீரே.  6

காத லாலே கருதும் தொண்டர்

          கார ணத்தீர் ஆகி நின்றே

பூதம் பாடப் புரிந்து நட்டம்

          புவனி ஏத்த ஆட வல்லீர்

நீதி யாக ஏழில் ஓசை

          நித்த ராகிச் சித்தர் சூழ

வேதம் ஓதித் திரிவது என்னே

          வேலை சூழ்வெண் காடன் நீரே.  7

குரவு கொன்றை மதியம் மத்தம்

          கொங்கை மாதர் கங்கை நாகம்

விரவு கின்ற சடை உடையீர்

          விருத்தர் ஆனீர் கருத்தில் உம்மைப்

பரவும் என்மேல் பழிகள் போக்கீர்

          பாக மாய மங்கை அஞ்சி

வெருவ வேழம் செற்றது என்னே

          வேலை சூழ்வெண் காடன் நீரே.  8

மாடங் காட்டும் கச்சி யஉள்ளீர்

          நிச்ச யத்தால் நினைப்பு உளார்பால்

பாடும் காட்டில் ஆடல் உள்ளீர்

          பரவும் வண்ணம் எங்ங னேதான்

நாடும் காட்டில் அயனும் மாலும்

          நணுகா வண்ணம் அனலு மாய

வேடங் காட்டித் திரிவது என்னே

          வேலை சூழ்வெண் காடன் நீரே.  9

விரித்த வேதம் ஓத வல்லார்

          வேலை சூழ்வெண் காடு மேய

விருத்த னாய வேதன் தன்னை

          விரிபொ ழில் திரு நாவ லூரன்

அருத்தி யால் ஆரூரன் தொண்டன்

          அடியன் கேட்ட மாலை பத்தும்

தெரித்த வண்ணம் மொழிய வல்லார்

          செம்மை யாளர் வான் உளாரே.  10

திருச்சிற்றம்பலம்

திரு எதிர்கொள்பாடி

                                                                                                   ௨ 

சுந்தரமூர்த்தி  சுவாமிகள்  அருளிச்செய்த
ஏழாம் திருமுறை

தகவல் பலகை	விவரம்
தலம்	திரு எதிர்கொள்பாடி
ஊர்/வேறு பெயர்
நாடு	சோழ (காவிரி வட)
ॐசுவாமி	அயிராவதநாதர்
ॐஅம்பிகை	மலர் குழல் நாயகி
பாடியவர்கள்	சுந்தரர்  (1)         மத்த யானை ஏறி (7-07)
ஸ்தல மரம்
தீர்த்தம்
பண்	இந்தளம்
குறிப்புகள்	சுந்தரர் கானாட்டு முள்ளூர் செல்லும் வழியில் இறைவன் காட்சி தர தொழுது வணங்கி பாடி பரவியது
பதிக பலன்	இறைவன் திருவடி அடைவர்
வரிசை எண்.	7                                                           24/63

திருச்சிற்றம்பலம்

மத்த யானை ஏறி மன்னர்
          சூழ வருவீர்காள்
செத்த போதில் ஆரும் இல்லை துணையாவார் யாரும் இல்லை
          சிந்தையுள் வைம்மின்கள்
வைத்த உள்ளம் மாற்ற வேண்டா
          வம்மின் மனத்தீரே
அத்தர் கோயில் எதிர்கொள் பாடி
          என்பது அடைவோமே.  1

தோற்றம் உண்டேல் மரணம் உண்டு
        துயரம் மனைவாழ்க்கை
மாற்றம் உண்டேல் வஞ்சம் உண்டு
          நெஞ்ச மனத்தீரே!
நீற்றர் ஏற்றர் நீல கண்டர்
          நிறைபுனல் நீள்சடைமேல்
ஏற்றர் கோயில் எதிர்கொள் பாடி
          என்பது அடைவோமே.  2

செடிகொள் ஆக்கை சென்று சென்று
          தேய்ந்தொல் லைவீழாமுன்
வடிகொள் கண்ணார் வஞ்ச னையுள்
          பட்டு மயங்காதே
கொடிகொள் ஏற்றர் வெள்ளை நீற்றர்
          கோவண ஆடை உடை
அடிகள் கோயில் எதிர்கொள் பாடி
          என்பது அடைவோமே.  3

வாழ்வர் கண்டீர் நம்முள் ஐவர் ஐவர் என்பது மனிதனை அழிவுப் பாதையில் செலுத்தும் ஐம்புலன்களைக் குறிக்கிறது. இவை புறத்தே இருக்கும் எதிரிகள் அல்ல, நமக்குள் இருந்துகொண்டே நம்மை ஆட்டிப்படைக்கும் அகப் பகைவர்கள்.காமம்;கோபம்;லோபம்; மதம்; மாற்சரியம்; பொறாமை
          வஞ்ச மனத்தீரே
யாவ ராலும் இகழப் பட்டு இங்கு
          அல்ல லில்வீழாதே
மூவ ராயும் இருவ ராயும்
          முதல்வன் அவனேயாம்
தேவர் கோயில் எதிர்கொள் பாடி
          என்பது அடைவோமே.  4

அரித்து நம்மேல் ஐவர் வந்து இங்கு 
          ஆறலைப் பான்பொருட்டால்
சிரித்த பல்வாய் வெண் தலைபோய்
          ஊர்ப்பு றம் சேராமுன்
வரிக்கொ டுத்து இவ் வாள ரக்கர்
          வஞ்ச மதில்மூன்றும்
எரித்த வில்லி எதிர்கொள் பாடி
          என்பது அடைவோமே.  5

பொய்யர் கண்டீர் வாழ்க்கை யாளர்
          பொத்தடைப் பான்பொருட்டால்
மையல் கொண்டீர் எம்மோடு ஆடி
          நீரும் மனத்தீரே
நைய வேண்டா இம்மை ஏத்த
          அம்மை நமக்கு அருளும்
ஐயர் கோயில் எதிர்கொள் பாடி
          என்பது அடைவோமே.  6

கூசம் நீக்கிக் குற்றம் நீக்கிச்
          செற்ற மனம்நீக்கி
வாசம் மல்கு குழலி னார்கள்
          வஞ்ச மனைவாழ்க்கை
ஆசை நீக்கி அன்பு சேர்த்தி
          என்பணிந்து ஏறு ஏறும்
ஈசர் கோயில் எதிர்கொள் பாடி
          என்பது அடைவோமே.  7

இன்பம் உண்டேல் துன்பம் உண்டு
          ஏழை மனைவாழ்க்கை
முன்பு சொன்னால் மோழைமை மோழைமை-அறியாமை யாம்
          முட்டை மனத்தீரே பாழ்பட்ட மனம்; அறியாமையில் உள்ள மனம்
அன்பர் அல்லால் அணிகொள் கொன்றை
          அடிகள் அடிசேரார்
என்பர் கோயில் எதிர்கொள் பாடி
          என்பது அடைவோமே.  8

தந்தை யாரும் தவ்வை யாரும்
          எட்டனைச் சார்வாகார்
வந்து நம்மோடு உள் அளாவி
          வான நெறிகாட்டும்
சிந்தை யீரே நெஞ்சி னீரே
          திகழ்மதி யம்சூடும்
எந்தை கோயில் எதிர்கொள் பாடி
          என்பது அடைவோமே.  9

குருதி சோர ஆனையின் தோல்
          கொண்ட குழற்சடையன்
மருது கீறி ஊடு போன
          மால் அயனும் அறியாச்
சுருதி யார்க்கும் சொல்ல ஒண்ணாச்
          சோதி எம் ஆதியான்
கருது கோயில் எதிர்கொள் பாடி
          என்பது அடைவோமே.  10

முத்து நீற்றுப் பவள மேனிச்
          செஞ்சடை யான்உறையும்
பத்தர் பந்தத்து எதிர்கொள் பாடிப்
          பரமனை யேபணியச்
சித்தம் வைத்த தொண்டர் தொண்டன்
          சடையன் அவன் சிறுவன்
பத்தன் ஊரன் பாடல் வல்லார்
          பாதம் பணிவாரே.  11

திருச்சிற்றம்பலம்

திரு மணஞ்சேரி

                                                                                                  ௨ 

திருஞானசம்பந்தர்  சுவாமிகள்  அருளிச்செய்த
இரண்டாம் திருமுறை

தகவல் பலகை	விவரம்
தலம்	திரு மணஞ்சேரி
ஊர்/வேறு பெயர்	கீழை திருமணஞ்சேரி
	சோழ (காவிரி வட)
ॐசுவாமி	உத்வாக நாத சுவாமி ,கல்யாண சுந்தரேஸ்வரர், அருள் வள்ளல் நாதசுவாமி
ॐஅம்பிகை	கோகிலாம்பாள்
பாடியவர்கள்	சம்பந்தர் (1)         அயிலாரும் அம்பாத (2-16) அப்பர் (1)        பட்ட நெற்றியார் (5-87)
ஸ்தல மரம்
தீர்த்தம்	சப்த சாகர  தீர்த்தம்
பண்	இந்தளம்
குறிப்புகள்	மன்மதன் பூசித்து பேறு பெற்ற தலம்  ஆமை வழிபட்டது  ஈசன் உமாதேவியை திருமணம் செய்தது  திருமணம் மற்றும் மகப்பேறு பிரார்த்தனை தளமாக விளங்குகிறது.
பதிக பலன்	பாவம் அணுகாது
வரிசை எண்.	16                                                           25/63

திருச்சிற்றம்பலம்

அயிலாரும் அம்பதனால் புரம்  மூன்று எய்து
குயிலாரும் மென்மொழியாள் ஒரு கூறு ஆகி
மயிலாரும் மல்கிய சோலை மணஞ்சேரிப்
பயில்வானைப் இடைவிடாது அருள் புரியும் ஈசன் பற்றிநின்றார்க்கு இல்லை பாவமே.  1

விதியானை விண்ணவர்தாம் தொழுது ஏத்திய
நெதியானை நீள்சடைமேல்நிகழ் வித்தவான்
மதியானை வண்பொழில்சூழ்ந்த மணஞ்சேரிப்
பதியானைப் பாடவல்லார்வினை பாறுமே.  2

எய்ப்பானார்க்கு விரதம் பூண்டு இளைத்தவர் இன்புறுதேன் அளித்து ஊறிய
இப்பாலாய் என்னையும்ஆள உரியானை
வைப்பான மாடங்கள்சூழ்ந்த மணஞ்சேரி
மெய்ப்பானை மேவிநின்றார்வினை வீடுமே.  3

விடையானை மேல் உலகு ஏழு மேல் உலகம்-பூ லோகம், புவர் லோகம், சுவர் லோகம், மஹர்லோகம், ஜனோலோகம்,தபோலோகம், சத்யலோகம் ஏழும் இப் பார் எலாம்
உடையானை ஊழிதோறூழி உளதாய
படையானைப் பண்ணிசை பாடு மணஞ்சேரி
அடைவானை அடைய வல்லார்க்கு இல்லை அல்லலே.  4

எறியார்பூங் கொன்றையினோடும் இளமத்தம்
வெறியாரும் செஞ்சடையார மிலைத்தானை மிலைத்தல்-சூடுதல்
மறியாரும் கை உடையானை மணஞ்சேரிச்
செறிவானைச் செப்ப வல்லார்க்கு இடர் சேராவே.  5

மொழியானை முன்னொரு நான்மறை ஆறங்கம்
பழியாமைப் பண்ணிசையான பகர்வானை
வழியானை வானவர் ஏத்து மணஞ்சேரி
இழியாமை குறைவு இல்லாமை ஏத்தவல்லார்க்கு எய்தும் இன்பமே.  6

எண்ணானைஎண்ணங்களுக்கு அப்பாற்பட்டவன்(கற்பனை கடந்த சோதி) எண்ணமர்சீரிமை யோர்கட்குக்
கண்ணானைக் கண் ஒருமூன்றும் உடையானை
மண்ணானை அட்ட மூர்த்தங்களுள் மண் என விளங்குபவன் மாவயல் சூழ்ந்த மணஞ்சேரிப்
பெண்ணானைப் பேசநின்றார்பெரி யோர்களே.  7

எடுத்தானை எழில் முடி எட்டும் இரண்டும் தோள்
கெடுத்தானைக் கேடிலாச்செம்மை உடையானை
மடுத்தார வண்டு இசைபாடும் மணஞ்சேரி
பிடித்தாரப் பேணவல்லார்பெரியோர்களே.  8

சொல்லானைத் தோற்றம் கண்டானும் நெடுமாலும்
கல்லானைக் கற்றனசொல்லித் தொழுது ஓங்க
வல்லார்நன் மாதவர் ஏத்தும் மணஞ்சேரி
எல்லாம் ஆம் எம்பெருமான்கழல் ஏத்துமே.  9

சற்றேயும்  தாம் அறிவில்சமண் சாக்கியர்
சொற்றேயும் வண்ணம் ஓர்செம்மை உடையானை
வற்றாத வாவிகள்வாவி- பொய்கை, குளம் சூழ்ந்த மணஞ்சேரி
பற்றாக வாழ்பவர்மேல்வினை பற்றாவே.  10

கண்ணாரும்  காழியர் கோன்கருத் தார்வித்த
தண்ணார்சீர் ஞானசம்பந்தன் தமிழ்மாலை
மண்ணாரும் மாவயல்சூழ்ந்த மணஞ்சேரி
பண்ணாரப் பாடவல்லார்க்கு இல்லை பாவமே.  11

திருச்சிற்றம்பலம்

திரு கருப்பறியலூர்

                                                                                               ௨ 

திருஞானசம்பந்தர் சுவாமிகள்  அருளிச்செய்த
இரண்டாம்  திருமுறை

தகவல் பலகை	விவரம்
தலம்	திரு கருப்பறியலூர்
ஊர்/வேறு பெயர்	மேலைக் காழி, தலைஞாயிறு
நாடு	சோழ (காவிரி வட)
ॐசுவாமி	குற்றம் பொறுத்த நாதர்
ॐஅம்பிகை	கோல்வளை நாயகி
பாடியவர்கள்	சம்பந்தர் (1)         சுற்றமொடு பற்று அவை (2-31) சுந்தரர்    (1)         சிம்மாந்து சிம்புளித்து(7-30)
ஸ்தல மரம்	கொடுடி முல்லை
தீர்த்தம்	இந்திர தீர்த்தம்
பண்	இந்தளம்
குறிப்புகள்	கோயிலின் பெயர் கொகுடிக் கோயில்  வசிட்டர், அனுமார் இந்திரன் வழிபட்டது
பதிக பலன்	வினை எளிதாக மாயும்.
வரிசை எண்.	31                                                            27/63

திருச்சிற்றம்பலம்

சுற்றமொடு பற்று அவை துயக்கற அறுத்துக்
குற்றமில் குணங்களொடு கூடும்அடி யார்கள்
மற்றவரை வானவர்தம் வானுலகம் ஏற்றக்
கற்றவன் இருப்பது கருப்பறிய லூரே.  1

வண்டு அணைசெய் கொன்றை அது வார்சடை கள்மேலே
கொண்டணைசெய் கோலம் அது கோள் அரவி னோடும்
விண்டணைசெய் மும்மதிலும் வீழ்தர ஓர் அம்பால்
கண்டவன் இருப்பது கருப்பறிய லூரே.  2

வேதமொடு வேதியர்கள் வேள்விமுத லாகப்
போதினொடு போதுமலர் கொண்டுபுனை கின்ற
நாதன் என நள்ளிருள் முன் ஆடுகுழை தாழும்
காதவன் இருப்பது கருப்பறிய லூரே.  3

மடம்படு மலைக்கு இறைவன் மங்கை ஒரு பங்கன்
உடம்பினை விடக்கருதி நின்ற மறையோனைத் மார்கண்டேயர்
தொடர்ந்தணவு காலன் உயிர் கால ஒரு காலால்
கடந்தவன் இருப்பது கருப்பறிய லூரே.  4

ஒருத்தி உமையோடு ஒருபாகம் அது வாய
நிருத்தன் அவன் நீதியவன் நித்தன்நெறி யாய
விருத்தன் அவன் வேதம் எனஅங்கம் அவை யோதும்
கருத்தவன் இருப்பது கருப்பறிய லூரே.  5

விண்ணவர்கள் வெற்பரசு பெற்றமகள் மெய்த்தேன்
பண்ணமரும் மென்மொழியினாளை அணை விப்பான்
எண்ணிவரு காமன் உடல் வேவஎரி காலும்
கண்ணவன் இருப்பது கருப்பறிய லூரே.  6

ஆதியடி யைப்பணிய அப்பொடு மலர்ச்சேர்
சோதி ஒளி நற்புகை வளர்க்குவடு புக்குத்
தீதுசெய வந்தணையும்அந்தகன் அரங்கக்
காதினன் இருப்பதுகருப்பறிய லூரே.  7

வாய்ந்தபுகழ் விண்ணவரும் மண்ணவரும் அஞ்சப்
பாய்ந்தமர் செயும் தொழில் இலங்கைநகர் வேந்தற்கு
ஏய்ந்தபுயம் அத்தனையும் இற்றுவிழ மேனாள்
காய்ந்தவன் இருப்பது கருப்பறிய லூரே.  8

பரந்தது நிரந்து வருபாய்திரைய கங்கை
கரந்தொர்சடை மேன்மிசை உகந்தவளை வைத்து
நிரந்தரம் நிரந்து இருவர் நேடி அறி யாமல்
கரந்தவன் இருப்பது கருப்பறிய லூரே.  9

அற்றமறையா அமணர் ஆதமிலி புத்தர்
சொற்றம் அறியாதவர்கள் சொன்ன சொலை விட்டுக்
குற்றம் அறியாத பெருமான்கொகுடிக் கோயில்
கற்று என இருப்பது கருப்பறிய லூரே.  10

நலந்தரு புனற்புகலி ஞானசம் பந்தன்
கலந்தவர் கருப்பறியல் மேயகட வுள்ளைப்
பலந்தரு தமிழ்க்கிளவி பத்தும் இவை கற்று உணர்ந்து ஓதுதல்
வலந்தரும் அவர்க்குவினை வாடல் எளி தாமே.  11

திருச்சிற்றம்பலம்

திரு மங்கலக்குடி

        

௨ 

திருஞானசம்பந்தர் சுவாமிகள் அருளிச்செய்த
இரண்டாம் திருமுறை

தகவல் பலகை	விவரம்
தலம்	திரு மங்கலகுடி
ஊர்
நாடு	சோழ (காவிரி வட)
ॐசுவாமி	பிராண வரதேஸ்வரர்
ॐஅம்பிகை	மங்கள நாயகி,
பாடியவர்கள்	சம்பந்தர் (1)         சீரினார் மணியும் அகில்(2-10) அப்பர் (1)          தங்கலப்பிய தக்கன் (5-73)
ஸ்தல மரம்	வெள்ளெருக்கு
தீர்த்தம்	மங்கள தீர்த்தம், காவிரி
பண்	இந்தளம்
குறிப்புகள்	பஞ்ச மங்கள ஷேத்திரம் என்று போற்றப்படுகிறது இத்தலத்தை தரிசித்த பிறகு அருகில் உள்ள சூரியனார் கோவில் சென்று வழி பட வேண்டும் என்பது மரபு காளி, சூரியன், திருமால், பிரமன், அகத்தியர் வழிபட்ட தலம்
பதிக பலன்	தேவர் தம் முதல்வராக விளங்குவர்
வரிசை எண்.	10                                                              38/63

திருச்சிற்றம்பலம்

சீரி னார்மணி யும் அகில்
      சந்தும்செ றிவரை
வாரி நீர்வரு பொன்னி
      வடமங்க லக்குடி
நீரின் மாமுனி வன்நெடுங்
      கைகொடு நீர்தனைப்
பூரித்து ஆட்டியர்ச் சிக்க
      இருந்த புராணனே.  1

பணங்கொள் ஆடரவு அல்குல்
      நல்லார்பயின்று ஏத்தவே
மணங்கொள் மாமயில் ஆலும்
      பொழில்மங்க லக்குடி
இணங்கி லாமறை யோர் 
      இமையோர்தொழுது ஏத்திட
அணங்கி னோடு இருந் தான் 
      அடியே சரண் ஆகுமே.  2

கருங்கை யானையின் ஈருரி
      போர்த்திடு கள்வனார்
மருங்கெ லாம் மண மார்பொழில்
      சூழ்மங்க லக்குடி
அரும்பு சேர்மலர்க் கொன்றையினான்
      அடி அன்பொடு
விரும்பி ஏத்தவல் லார்வினை
      ஆயின வீடுமே.  3

பறையி னோடு ஒலி பாடலும்
      ஆடலும் பாரிடம்
மறையி னோடியல் மல்கிடுவார்
      மங்க லக்குடிக்
குறைவி லாநிறை வே
      குணமில்குண மே என்று
முறையி னால்வணங் கும்மவர்
      முன்னெறி காண்பரே.  4

ஆனில் அம்கிளர் ஐந்தும்
      அவிர்முடி ஆடி ஓர்
மானில் அங்கையி னான்
      மணமார்மங்க லக்குடி
ஊனில் வெண்டலைக் 
      கையுடையான உயர்
ஞான மாக நின்று ஏத்தவல்
      வல்லார் வினை நாசமே.  5

தேனு மாயமு தாகி
      நின்றான் தெளி சிந்தையுள்
வானு மாய்மதி சூட
      வல்லான்மங்க லக்குடிக்
கோனை நாள் தொறும் ஏத்திக்
      குணங்கொடு கூறுவார்
ஊனம் ஆனவை போய்  அறும்
      உய்யும் வகை அதே.  6

வேள் படுத்திடு கண்ணினன்
      மேருவில் லாகவே
வாள ரக்கர் புரம் எரித்தான் 
      மங்க லக்குடி
ஆளும் ஆதிப்பி ரான் 
      அடிகள் அடைந்து ஏத்தவே
கோளு நாள் அவை போய் 
      அறும் குற்றம் இல்லார்களே.  7

பொலியும் மால்வரை 
      புக்கெடுத்தான் புகழ்ந்து ஏத்திட
வலியும் வாளொடு நாள்
      கொடுத்தான் மங்க லக்குடிப்
புலியின் ஆடையினான் 
      அடி ஏத்திடும் புண்ணியர்
மலியும் வானுலகம் 
      புக வல்லவர் காண்மினே.  8

ஞாலம் முன்படைத் தான்
      நளிர் மாமலர் மேல் அயன்
மாலும்  காணவொணா 
      எரியான் மங்க லக்குடி
ஏல வார்குழ லாள் 
      ஒரு பாகம் இடம் கொடு
கோல மாகி நின்றான் குணம் 
      கூறும்  குணம் அதே.  9

மெய்யின் மாசினர் மேனி
      விரிதுவர் ஆடையர்
பொய்யை விட்டிடும் புண்ணியர்
      சேர்மங்க லக்குடிச்
செய்ய மேனிச்செ ழும்
      புனல் கங்கைசெ றிசடை
ஐயன் சேவடி ஏத்த 
      வல்லார்க்கு அழகு ஆகுமே.  10

மந்த மாம்பொழில் சூழ்
      மங்கலக்குடி மன்னிய
எந்தை யை எழிலார் பொழிற்
      காழியர் காவலன்
சிந்தை செய்து அடி சேர்த்திடு
      ஞானசம் பந்தன்சொல்
முந்தி ஏத்த வல்லார் 
      இமையோர் முதல் ஆவரே.  11

திருச்சிற்றம்பலம்