திரு அதிகை வீரட்டானம்

 

௨ 

திருநாவுக்கரசு  சுவாமிகள் அருளிச்செய்த
ஆறாம்  திருமுறை

தகவல் பலகை	விவரம்
தலம்	திருவதிகை
ஊர்	வீரட்டானம்
நாடு	நடு நாடு
ॐசுவாமி	வீரட்டேஸ்வரர்
ॐஅம்பிகை	திரிபுர சுந்தரி
பாடியவர்கள்	திருஞானசம்பந்தர்(1),         குண்டைக் குறட்பூதம்  (1:46) திருநாவுக்கரசர்(16),         கூற்றாயினவாறு  (4:01)         சுண்ண வெண் (4:02)         முளைக்கதிர் இளம்பிறை (4:10)         இரும்பு கொப்பளித்த (4:24)         வெண்ணிலா மதியம் (4:25)         நம்பனே எங்கள் (4:26)         மடக்கினார் புலியின் (4:27)         முன்பு எல்லாம் இளைய (4:28)         மாசில் ஒள் (4:104)          கோணன் மாமதி (5:53)         எட்டு நான்மலர் (5:54)         வெறிவிரவு கூவிளம் (6:03)         சந்திரனை மாகங்கை (6:04)         எல்லாம் சிவன் என (6:05)         அரவணையான்  சிந்தித்(6:06)         செல்வப் புனற்கெடில (6:07) சுந்தரர்(1)         தம்மானை அறியாத
ஸ்தல மரம்	சரக் கொன்றை
தீர்த்தம்	கெடிலம் நதி
பண்	போற்றித் திருத்தாண்டகம்
குறிப்புகள்	அட்ட வீரட்ட தலங்களுள் ஒன்று. அப்பர் சுவாமிகளுக்கு சூலை நோய் தந்து ஆட்கொண்ட திருத்தலம் ஒவ்வொரு பாடலிலும் காப்பு என முடிவதால் இது காப்புத் திருத்தாண்டகம் என போற்றப் படுகிறது
பதிக பலன்	தல யாத்திரை செய்ய
வரிசை எண்.	7                                                                                             நடு நாடு - 7

திருச்சிற்றம்பலம்

செல்வப் புனற்கெடில வீரட்டமும் 
சிற்றேம மும்பெருந்தண் குற்றாலமும்
தில்லைச்சிற் றம்பலமும் தென்கூடலும்
தென்னானைக் காவுஞ் சிராப்பள்ளியும்
நல்லூருந் தேவன் குடிமருகலும்
நல்லவர்கள் தொழுதேத்து நாரையூரும்
கல்லலகு நெடும்புருவக் கபாலமேந்திக் 
கட்டங்கத் தோடு உறைவார் காப்புக்களே.  1  

தீர்த்தப் புனற்கெடில வீரட்டமும்
திருக்கோவல் வீரட்டம் வெண்ணெய்நல்லூர்
ஆர்த்தருவி வீழ்சுனைநீர் அண்ணாமலை 
அறையணி நல்லூரும் அரநெறியும்
ஏத்துமின்கள் நீரேத்த நின்றஈசன்
இடைமரு து இன்னம்பர் ஏகம்பமும்
கார்த்தயங்கு சோலைக் கயிலாயமும்
கண்ணுதலான் தன்னுடைய காப்புக்களே.  2  

சிறையார் புனற்கெடில வீரட்டமும்
திருப்பா திரிப்புலியூர் திருவாமாத்தூர்
துறையார் வனமுனிகள் ஏத்தநின்ற 
சோற்றுத் துறைதுருத்தி நெய்த்தானமும்
அறையார் புனல் ஒழுகு காவிரிசூழ் 
ஐயாற் றமுதர் பழனம்நல்ல
கறையார் பொழில்புடைசூழ் கானப்பேரும்
கழுக்குன்றுந் தம்முடைய காப்புக்களே.  3  

திரையார் புனற்கெடில வீரட்டமும்
திருவாரூர் தேவூர் திருநெல்லிக்கா
உரையார் தொழநின்ற ஒற்றியூரும்
ஓத்தூரும் மாற்பேறும் மாந்துறையும்
வரையார் அருவிசூழ் மாநதியும்
மாகாளம் கேதாரம் மாமேருவும்
கரையார் புனல் ஒழுகு காவிரிசூழ் 
கடம்பந் துறையுறைவார் காப்புக்களே.  4  

செழுநீர்ப் புனற்கெடில வீரட்டமும்
திரிபுராந் தகந்தென்னார் தேவீச்சரம்
கொழுநீர் புடைசுழிக்குங் கோட்டுக்காவும்
குடமூக்கும் கோகரணம் கோலக்காவும்
பழிநீர்மை யில்லாப் பனங்காட்டூரும்
பனையூர் பயற்றூர் பராய்த்துறையும்
கழுநீர் மதுவிரியும் காளிங்கமும்
கணபதீச் சரத்தார் தம் காப்புக்களே.  5  

தெய்வப் புனற்கெடில வீரட்டமும்
செழுந்தண் பிடவூரும் சென்றுநின்று
பவ்வந் திரியும் பருப்பதமும்
பறியலூர் வீரட்டம் பாவநாசம்
மவ்வந் திரையும் மணிமுத்தமும்
மறைக்காடும் வாய்மூர் வலஞ்சுழியும்
கவ்வை வரிவண்டு பண்ணேபாடும் 
கழிப்பாலை தம்முடைய காப்புக்களே.  6  

தெண்ணீர்ப் புனற்கெடில வீரட்டமும்
சீர்காழி வல்லம் திருவேட்டியும்
உண்ணீரார் ஏடகமும் ஊறல்அம்பர்
உறையூர் நறையூர் அரணநல்லூர்
விண்ணார் விடையான் விளமர்வெண்ணி
மீயச்சூர் வீழி மிழலைமிக்க
கண்ணார் நுதலார் கரபுரமுங்
காபாலி யாரவர் தம் காப்புக்களே.  7  

தெள்ளும் புனற்கெடில வீரட்டமும் 
திண்டீச் சரமுந் திருப்புகலூர்
எள்ளும் படையான் இடைத்தானமும்
ஏயீச் சரமுநல் லேமங்கூடல்
கொள்ளு மிலயத்தார் கோடிகாவும் 
குரங்கணில் முட்டமும் குறும்பலாவும்
கள்ளருந்தத் தெள்ளியா ருள்கியேத்தும்
காரோணந் தம்முடைய காப்புக்களே.  8 

சீரார் புனற்கெடில வீரட்டமும்
திருக்காட்டுப் பள்ளி திருவெண்காடும்
பாரார் பரவுஞ்சீர்ப் பைஞ்ஞீலியும் 
பந்தணை நல்லூரும் பாசூர்நல்லம்
நீரார் நிறைவயல்சூழ் நின்றியூரும்
நெடுங்களமும் நெல்வெண்ணெய் நெல்வாயிலும்
காரார் கமழ்கொன்றைத் தாரார்க்கென்றும்
கடவூரில் வீரட்டங் காப்புக்களே.  9  

சிந்தும் புனற்கெடில வீரட்டமும்
திருவாஞ் சியமும் திருநள்ளாறும்
அந்தண் பொழில்புடைசூழ் அயோகந்தியும் 
ஆக்கூரும் ஆவூரு மான்பட்டியும்
எந்தம் பெருமாற் கிடமாவது 
இடைச்சுரமும் எந்தை தலைச்சங்காடும்
கந்தங் கமழும் கரவீரமும்
கடம்பூர்க் கரக்கோயில் காப்புக்களே.  10  

தேனார் புனற்கெடில வீரட்டமும்
திருச்செம்பொன் பள்ளிதிருப் பூவணமும்
வானோர் வணங்கும் மணஞ்சேரியும்
மதிலுஞ்சை மாகாளம் வாரணாசி
ஏனோர்க ளேத்தும் வெகுளீச்சரம் 
இலங்கார் பருப்பதத்தோ டேணார்சோலைக்
கானார் மயிலார் கருமாரியும்
கறைமிடற்றார் தம்முடைய காப்புக்களே.  11  

திருநீர்ப் புனற்கெடில வீரட்டமும்
திருவளப்பூர் தெற்கேறு சித்தவடம்
வருநீர் வளம்பெருகு மானிருபமும்
மயிலாப்பில் மன்னினார் மன்னியேத்தும்
பெருநீர் வளர்சடையான் பேணிநின்ற
பிரமபுரஞ் சுழியல் பெண்ணாகடம்
கருநீல வண்டரற்றுங் காளத்தியும்
கயிலாயந் தம்முடைய காப்புக்களே.

திருச்சிற்றம்பலம்

திரு அதிகை வீரட்டானம்

 

௨ 

திருநாவுக்கரசு  சுவாமிகள் அருளிச்செய்த
ஆறாம்  திருமுறை

தகவல் பலகை	விவரம்
தலம்	திருவதிகை
ஊர்	வீரட்டானம்
நாடு	நடு நாடு
ॐசுவாமி	வீரட்டேஸ்வரர்
ॐஅம்பிகை	திரிபுர சுந்தரி
பாடியவர்கள்	திருஞானசம்பந்தர்(1),         குண்டைக் குறட்பூதம்  (1:46) திருநாவுக்கரசர்(16),         கூற்றாயினவாறு  (4:01)         சுண்ண வெண் (4:02)         முளைக்கதிர் இளம்பிறை (4:10)         இரும்பு கொப்பளித்த (4:24)         வெண்ணிலா மதியம் (4:25)         நம்பனே எங்கள் (4:26)         மடக்கினார் புலியின் (4:27)         முன்பு எல்லாம் இளைய (4:28)         மாசில் ஒள் (4:104)          கோணன் மாமதி (5:53)         எட்டு நான்மலர் (5:54)         வெறிவிரவு கூவிளம் (6:03)         சந்திரனை மாகங்கை (6:04)         எல்லாம் சிவன் என (6:05)         அரவணையான்  சிந்தித்(6:06)         செல்வப் புனற்கெடில (6:07) சுந்தரர்(1)         தம்மானை அறியாத
ஸ்தல மரம்	சரக் கொன்றை
தீர்த்தம்	கெடிலம் நதி
பண்	போற்றித் திருத்தாண்டகம்
குறிப்புகள்	அட்ட வீரட்ட தலங்களுள் ஒன்று. அப்பர் சுவாமிகளுக்கு சூலை நோய் தந்து ஆட்கொண்ட திருத்தலம் இறைவன் திருவடியை ஏத்தி படியமையால் இது திருவடித் தாண்டகம் என போரப் படுகிறது
பதிக பலன்	இறைவன் திருவடி பெற
வரிசை எண்.	6                                                                                            நடு நாடு - 7

திருச்சிற்றம்பலம்

அரவணையான் சிந்தித்து அரற்றும் அடி
அருமறையான் சென்னிக்கு அணியாம் அடி
சரவணத்தான் கைதொழுது சாரும் அடி
சார்ந்தார்கட் கெல்லாம் சரணாம் அடி
பரவுவார் பாவம் பறைக்கும் அடி
பதினெண் கணங்களும் பாடும் அடி
திரைவிரவு தென்கெடில நாடன் அடி
திருவீரட் டானத்து எம்  செல்வன் அடி.  1  

கொடுவினையார் என்றும்  குறுகா அடி
குறைந்து அடைந்தார் ஆழாமைக் காக்கும் அடி
படுமுழவம் பாணி பயிற்றும் அடி
பதைத்து எழுந்த வெங்கூற்றைப் பாய்ந்த அடி
கடுமுரண்  ஏறு ஊர்ந்தான் கழற்சேவடி
கடல்வையங் காப்பான் கருதும் அடி
நெடுமதியங் கண்ணி அணிந்தான் அடி
நிறைகெடில வீரட்டம் நீங்கா அடி.  2  

வைதெழுவார் காமம்பொய் போகா அடி
வஞ்சவலைப் பாடு ஒன்று இல்லா அடி
கைதொழுது நாம் ஏத்திக் காணும்அடி
கணக்கு வழக்கைக் கடந்த அடி
நெய்தொழுது நாம் ஏத்தி ஆட்டும் அடி
நீள்விசும்பை ஊடறுத்து நின்றஅடி
தெய்வப் புனற்கெடில நாடன்அடி
திருவீரட் டானத்து எம்  செல்வன் அடி.  3  

அரும்பித்த செஞ்ஞாயி றேய்க்கும் அடி
அழகு எழுத லாகா அருட்சேவடி
சுரும்பித்த வண்டினங்கள் சூழ்ந்தஅடி
சோமனையுங் காலனையுங் காய்ந்தஅடி
பெரும்பித்தர் கூடிப் பிதற்றும்அடி
பிழைத்தார் பிழைப்பறிய வல்லஅடி
திருந்துநீர்த் தென்கெடில நாடன்அடி
திருவீரட் டானத்து எம்  செல்வன் அடி.  4  

ஒருகாலத்து ஒன்றாகி நின்றஅடி
ஊழிதோர்ஊழி உயர்ந்தஅடி
பொருகழலும் பல்சிலம்பும் ஆர்க்கும்அடி
புகழ்வார் புகழ்தகைய வல்லஅடி
இருநிலத்தார் இன்புற்றங்கு ஏத்தும்அடி
இன்புற்றார் இட்டபூ ஏறும்அடி
திருவதிகைத் தென்கெடில நாடன்அடி
திருவீரட் டானத்து எம்  செல்வன் அடி.  5  

திருமகட்குச் செந்தா மரையாஅடி
சிறந்தவர்க்குத் தேனாய் விளைக்கும்அடி
பொருளவர்க்குப் பொன்னுரையாய் நின்றஅடி
புகழ்வார் புகழ்தகைய வல்லஅடி
உருவிரண்டும் ஒன்றோடு ஒன்று ஒவ்வாஅடி
உருவென்று உ ணரப் படாதஅடி
திருவதிகைத் தென்கெடில நாடன்அடி
திருவீரட் டானத்து எம்  செல்வன் அடி.  6  

உரைமாலை எல்லாம் உடையஅடி
உரையால் உணரப் படாதஅடி
வரைமாதை வாடாமை வைக்கும்அடி
வானவர்கள் தாம்வணங்கி வாழ்த்தும்அடி
அரைமாத் திரையில் அடங்கும்அடி
அகலம் அளக்கிற்பார் இல்லாஅடி
கரைமாங் கலிக்கெடில நாடன்அடி
கமழ்வீரட் டானக் காபாலிஅடி.  7  

நறுமலராய் நாறு மலர்ச்சேவடி 
நடுவாய் உலகநா டாயஅடி
செறிகதிருந் திங்களுமாய் நின்றஅடி
தீத்திரளாய்உள்ளே திகழ்ந்தஅடி
மறுமதியை மாசு கழுவும்அடி
மந்திரமும் தந்திரமும்  மாயஅடி
செறிகெடில நாடர் பெருமான் அடி
திருவீரட் டானத்து எம்  செல்வன் அடி.  8  

அணியனவுஞ் சேயனவும் அல்லாஅடி
அடியார்கட்கு ஆரமுத மாயஅடி
பணிபவர்க்குப் பாங்காக வல்லஅடி
பற்றற்றார் பற்றும் பவளஅடி
மணியடி பொன்னடி மாண்பாஅடி
மருந்தாய்ப் பிணிதீர்க்க வல்லஅடி
தணிபாடு தண்கெடில நாடன்அடி
தகைசார் வீரட்டத் தலைவன் அடி.  9  

அந்தாம ரைப்போது அலர்ந்தஅடி
அரக்கனையும் ஆற்றல் அழித்தஅடி
முந்தாகி முன்னே முளைத்தஅடி
முழங்கழலாய் நீண்டவெம் மூர்த்திஅடி
பந்தாடு மெல்விரலாள் பாகன்அடி
பவளத் தடவரையே போல்வான் அடி
வெந்தார் சுடலைநீ றாடும்அடி
வீரட்டங் காதல் விமலன் அடி.

திருச்சிற்றம்பலம்

திரு அதிகை வீரட்டானம்

 

௨ 

திருநாவுக்கரசு  சுவாமிகள் அருளிச்செய்த
ஆறாம்  திருமுறை

தகவல் பலகை	விவரம்
தலம்	திருவதிகை
ஊர்	வீரட்டானம்
நாடு	நடு நாடு
ॐசுவாமி	வீரட்டேஸ்வரர்
ॐஅம்பிகை	திரிபுர சுந்தரி
பாடியவர்கள்	திருஞானசம்பந்தர்(1),         குண்டைக் குறட்பூதம்  (1:46) திருநாவுக்கரசர்(16),         கூற்றாயினவாறு  (4:01)         சுண்ண வெண் (4:02)         முளைக்கதிர் இளம்பிறை (4:10)         இரும்பு கொப்பளித்த (4:24)         வெண்ணிலா மதியம் (4:25)         நம்பனே எங்கள் (4:26)         மடக்கினார் புலியின் (4:27)         முன்பு எல்லாம் இளைய (4:28)         மாசில் ஒள் (4:104)          கோணன் மாமதி (5:53)         எட்டு நான்மலர் (5:54)         வெறிவிரவு கூவிளம் (6:03)         சந்திரனை மாகங்கை (6:04)         எல்லாம் சிவன் என (6:05)         அரவணையான்  சிந்தித்(6:06)         செல்வப் புனற்கெடில (6:07) சுந்தரர்(1)         தம்மானை அறியாத
ஸ்தல மரம்	சரக் கொன்றை
தீர்த்தம்	கெடிலம் நதி
பண்	போற்றித் திருத்தாண்டகம்
குறிப்புகள்	அட்ட வீரட்ட தலங்களுள் ஒன்று. அப்பர் சுவாமிகளுக்கு சூலை நோய் தந்து ஆட்கொண்ட திருத்தலம் போற்றி என பாடல் தோறும் வருதலால் இது போற்றித் திருத்தாண்டகம் எனப்படுகிறது
பதிக பலன்	வழிபாட்டில் தினமும் பாடதற்கு உரியது
வரிசை எண்.	5                                                                                           நடு நாடு - 7

திருச்சிற்றம்பலம்

எல்லாம்சிவன் என்ன நின்றாய் போற்றி
எரிசுடராய் நின்ற இறைவா போற்றி
கொல்லார் மழுவாட் படையாய் போற்றி 
கொல்லும்  கூற்று ஒன்றை உதைத்தாய் போற்றி
கல்லாதார் காட்சிக்கு அரியாய் போற்றி
கற்றார் இடும்பை களைவாய் போற்றி
வில்லால் வியனரணம் எய்தாய் போற்றி
வீரட்டங் காதல் விமலா போற்றி.  1  

பாட்டுக்கும் ஆட்டுக்கும் பண்பா போற்றி 
பல் ஊழி யாய படைத்தாய் போற்றி
ஓட்டகத்தே ஊணா உகந்தாய் போற்றி 
உள்குவார் உள்ளத்து உறைவாய் போற்றி
காட்டகத்தே ஆடல் மகிழ்ந்தாய் போற்றி
கார்மேகம் அன்ன மிடற்றாய் போற்றி
ஆட்டுவதோர் நாகம் அசைத்தாய் போற்றி
அலைகெடில வீரட்டத்து ஆள்வாய் போற்றி.  2

முல்லையங் கண்ணி முடியாய் போற்றி
முழுநீறு பூசிய மூர்த்தி போற்றி
எல்லை நிறைந்த குணத்தாய் போற்றி 
ஏழ்நரம்பின் ஓசை படைத்தாய் போற்றி
சில்லைச் சிரைத்தலையில் ஊணா போற்றி
சென்றடைந்தார் தீவினைகள் தீர்ப்பாய் போற்றி
தில்லைச்சிற் றம்பல மேயாய் போற்றி
திருவீரட் டானத்து எம் செல்வா போற்றி.  3

சாம்பர் அகலத் தணிந்தாய் போற்றி
தவநெறிகள் சாதித்து நின்றாய் போற்றி
கூம்பித் தொழுவார் தம் குற்று ஏவலைக் 
குறிக்கொண் டிருக்கும்  குழகா போற்றி
பாம்பும் மதியும் புனலும் தம்மில் 
பகைதீர்த் து உ டன்வைத்த பண்பா போற்றி
ஆம்பல் மலர்கொண்டு அணிந்தாய் போற்றி
அலைகெடில வீரட்டத்து ஆள்வாய் போற்றி.  4

நீறு ஏறு நீல மிடற்றாய் போற்றி
நிழல்திகழும் வெண்மழுவாள் வைத்தாய் போற்றி
கூறு ஏறே உமையொருபாற் கொண்டாய் போற்றி
கோள் அரவம் ஆட்டுங் குழகா போற்றி
ஆறு ஏறு சென்னி யுடையாய் போற்றி
அடியார்கட்கு ஆரமுதம் ஆனாய் போற்றி
ஏறு ஏற என்றும் உகப்பாய் போற்றி
இருங்கெடில வீரட்டத்து எந்தாய் போற்றி.  5

பாடுவார் பாடல் உகப்பாய் போற்றி
பழையாற்றுப் பட்டீச் சுரத்தாய் போற்றி
வீடுவார் வீடருள வல்லாய் போற்றி
வேழத் து உரிவெருவப் போர்த்தாய் போற்றி
நாடுவார் நாடற்கு அரியாய் போற்றி
நாகம் அரைக்கு அசைத்த நம்பா போற்றி
ஆடும் ஆன் ஐந்தும் உகப்பாய் போற்றி
அலைகெடில வீரட்டத்து ஆள்வாய் போற்றி.  6

மண் துளங்க ஆடல் மகிழ்ந்தாய் போற்றி
மால்கடலும்  மால்விசும்பும் ஆனாய் போற்றி
விண் துளங்க மும்மதிலும் எய்தாய் போற்றி
வேழத் து உரிமூடும் விகிர்தா போற்றி
பண் துளங்கப் பாடல் பயின்றாய் போற்றி 
பார்முழுதும் ஆய பரமா போற்றி
கண் துளங்கக் காமனைமுன் காய்ந்தாய் போற்றி
கார்க்கெடிலங் கொண்ட கபாலி போற்றி.  7

வெஞ்சின வெள் ஏறு ஊர்தி உடையாய் போற்றி
விரிசடைமேல் வெள்ளம் படைத்தாய் போற்றி
துஞ்சாப் பலிதேருந் தோன்றால் போற்றி
தொழுதகை துன்பம் துடைப்பாய் போற்றி
நஞ்சொடுங்குங் கண்டத்து நாதா போற்றி
நான்மறையோடு ஆறு அங்கம் ஆனாய் போற்றி
அஞ்சொலாள் பாகம் அமர்ந்தாய் போற்றி
அலைகெடில வீரட்டத்து ஆள்வாய் போற்றி.  8

சிந்தையாய் நின்ற சிவனே போற்றி
சீபர்ப்ப தஞ்சிந்தை செய்தாய் போற்றி
புந்தியாய்ப் புண்டரிகத் து உள்ளாய் போற்றி
புண்ணியனே போற்றி புனிதா போற்றி
சந்தியாய் நின்ற சதுரா போற்றி
தத்துவனே போற்றி என் தாதாய் போற்றி
அந்தியாய் நின்ற அரனே போற்றி
அலைகெடில வீரட்டத்து ஆள்வாய் போற்றி.  9

முக்கணா போற்றி முதல்வா போற்றி
முருகவேள் தன்னைப் பயந்தாய் போற்றி
தக்கணா போற்றி தருமா போற்றி
தத்துவனே போற்றி என் தாதாய் போற்றி
தொக்கணா என்று இருவர் தோள்கை கூப்பத் 
துளங்கா தெரிசுடராய் நின்றாய் போற்றி
எக்கண்ணுங் கண்ணிலேன் எந்தாய் போற்றி
எறிகெடில வீரட்டத்து ஈசா போற்றி. 10

திருச்சிற்றம்பலம்

திரு அதிகை வீரட்டம்

 

௨ 

திருநாவுக்கரசு  சுவாமிகள் அருளிச்செய்த
ஆறாம்  திருமுறை

தகவல் பலகை	விவரம்
தலம்	திருவதிகை
ஊர்	வீரட்டானம்
நாடு	நடு நாடு
ॐசுவாமி	வீரட்டேஸ்வரர்
ॐஅம்பிகை	திரிபுர சுந்தரி
பாடியவர்கள்	திருஞானசம்பந்தர்(1),         குண்டைக் குறட்பூதம்  (1:46) திருநாவுக்கரசர்(16),         கூற்றாயினவாறு  (4:01)         சுண்ண வெண் (4:02)         முளைக்கதிர் இளம்பிறை (4:10)         இரும்பு கொப்பளித்த (4:24)         வெண்ணிலா மதியம் (4:25)         நம்பனே எங்கள் (4:26)         மடக்கினார் புலியின் (4:27)         முன்பு எல்லாம் இளைய (4:28)         மாசில் ஒள் (4:104)          கோணன் மாமதி (5:53)         எட்டு நான்மலர் (5:54)         வெறிவிரவு கூவிளம் (6:03)         சந்திரனை மாகங்கை (6:04)         எல்லாம் சிவன் என (6:05)         அரவணையான்  சிந்தித்(6:06)         செல்வப் புனற்கெடில (6:07) சுந்தரர்(1)         தம்மானை அறியாத
ஸ்தல மரம்	சரக் கொன்றை
தீர்த்தம்	கெடிலம் நதி
பண்	ஏழைத்  திருத்தாண்டகம்
குறிப்புகள்	அட்ட வீரட்ட தலங்களுள் ஒன்று. அப்பர் சுவாமிகளுக்கு சூலை நோய் தந்து ஆட்கொண்ட திருத்தலம் இறைவனின் அடையாளங்களை எடுத்துப் பாடியதால் இது அடையாள திருத்தாண்டகம் எனப்படுகிறது
பதிக பலன்	இறையருள் பெற
வரிசை எண்.	4                                                                                   நடு நாடு - 7/22

திருச்சிற்றம்பலம்

சந்திரனை மாகங்கைத் திரையால் மோதச் 
சடாமகுடத் திருத்துமே சாம வேத
கந்தருவம் விரும்புமே கபாலம் ஏந்து 
கையனே மெய்யனே கனக மேனிப்
பந்தணவு மெல்விரலாள் பாக னாமே
பசுவேறு மேபரம யோகி யாமே
ஐந்தலைய மாசுணங்கொண் டரையார்க் கும்மே
அவனாகில் அதிகைவீ ரட்ட னாமே.  1  

ஏறு ஏறி ஏழு உலகும் உழிதர் வானே
இமையவர்கள் தொழுது ஏத்த இருக்கின் றானே
பாறேறு படுதலையிற் பலிகொள் வானே
பட அரவம் தடமார்பிற் பயில்வித் தானே
நீறு ஏறு செழும்பவளக் குன்று ஒப் பானே
நெற்றிமேல் ஒற்றைக்கண் நிறைவித் தானே
ஆறு ஏறு சடைமுடிமேற் பிறைவைத் தானே
அவனாகில் அதிகைவீ ரட்ட னாமே.  2  

முண்டத்திற் பொலிந்து இலங்கு மேனி யானே
முதலாகி நடுவாகி முடிவான் ஆனே
கண்டத்தில் வெண்மருப்பின் காறை யானே
கதநாகங் கொண்டாடுங் காட்சி யானே
பிண்டத்தின் இயற்கைக்கோர் பெற்றி யானே
பெருநில, நீர், தீ, வளி, ஆகாசம் ஆகி
அண்டத்துக்கு அப்பாலாய் இப்பா லானே
அவனாகில் அதிகைவீ ரட்ட னாமே.  3  

செய்யனே கரியனே கண்டம் பைங்கண் 
வெள் எயிற்றாடு அரவனே வினைகள் போக
வெய்யனே தண்கொன்றை மிலைத்த சென்னிச் 
சடையனே விளங்கு மழுச் சூம் ஏந்தும்
கையனே காலங்கள் மூன்றா னானே
கருப்புவில் அனிக்கொடும்பூண் காமற் காய்ந்த
ஐயனே பருத்து உர்ந்த ஆனேற் றானே
அவனாகி ல் அதிகைவீ ரட்ட னாமே.  4  

பாடுமே ஒழியாமே நால்வே தமும்
படர்சடைமேல் ஒளிதிகழப் பனிவெண் திங்கள்
சூடுமே அரைதிகழத் தோலும் பாம்பும்
சுற்றுமே தொண்டைவாய் உமையோர் பாகம்
கூடுமே குடமுழவம் வீணை தாளம்
குறுநடைய சிறுபூதம் முழக்க மாக் கூத்
தாடுமே அந்தடக்கை அனல் ஏந்தும்மே
அவனாகில் அதிகைவீ ரட்ட னாமே.  5  

ஒழித்திடுமே உள்குவார் உள்ளத்து உள்ள 
உறுபிணியும்  செறுபகையும் ஒற்றைக் கண்ணால்
விழித்திடுமே காமனையும் பொடியா வீழ
வெள்ளப் புனற்கங்கை செஞ்சடைமேல்
இழித்திடுமே ஏழ் உலகும் தானாகும்மே
இயங்குந் திரிபுரங்கள் ஒர் அம்பினால்
அழித்திடுமே ஆதிமா தவத்துளானே
அவனாகில் அதிகைவீ ரட்ட னாமே.  6  

குழலோடு கொக்கரைகைத் தாளம் மொந்தை
குறட்பூதம் முன் பாடத் தான் ஆடும்மே
கழலாடு திருவிரலாற் கரணஞ் செய்து
கனவின்கண் திருவுருவந் தான்காட் டும்மே
எழிலாருந் தோள்வீசி நடமா டும்மே
ஈமப் புறங்காட்டில் ஏமந் தோறும்
அழலாடு மே அட்ட மூர்த்தி யாமே
அவனாகில் அதிகைவீ ரட்ட னாமே.  7  

மாலாகி மதமிக்க களிறு தன்னை 
வதைசெய்து மற்ற அதனின் உரிவை கொண்டு
மேலாலுங் கீழாலுந் தோன்றா வண்ணம்
வெம்புலால் கைகலக்க மெய்போர்த் தானே
கோலாலம் படவரைநட் டரவு சுற்றிக்
குரைகடலைத் திரையலறக் கடைந்து கொண்ட
ஆலாலம் உண்டு இருண்ட கண்டத் தானே
அவனாகில் அதிகைவீ ரட்ட னாமே.  8  

செம்பொனாற் செய்த அழகு பெய்தாற் போலுஞ்
செஞ்சடை எம் பெருமானே தெய்வ நாறும்
வம்பினாள் மலர்க்கூந்தல் உமையாள் காதல் 
மணவாள னேவலங்கை மழுவா ளனே
நம்பனே நான்மறைகள் தொழநின் றானே 
நடுங்காதார் புரமூன்றும் நடுங்கச் செற்ற
அம்பனே அண்டகோ சரத்து ளானே
அவனாகில் அதிகைவீ ரட்ட னாமே.  9  

எழுந்ததிரை நதித்துவலை நனைந்த திங்கள் 
இளநிலாத் திகழ்கின்ற வளர்ச டையனே
கொழும்பவளச் செங்கனிவாய்க் காமக் கோட்டி 
கொங்கையிணை அமர்பொருது கோலங் கொண்ட
தழும்புளவே வரைமார்பில் வெண்ணூல் உண்டே
சாந்தமொடு சந்தனத்தின் அளறு தங்கி
அழுந்தியசெந் திருவுருவில் வெண்ணீற் றானே
அவனாகில் அதிகைவீ ரட்ட னாமே.  10  

நெடியானும் நான்முகனும் நேடிக் காணா 
நீண்டானே நேர் ஒருவர் இல்லா தானே
கொடி ஏறு கோலமா மணிகண் டனே
கொல்வேங்கை அதளனே கோவ ணவனே
பொடியேறு மேனியனே ஐயம் வேண்டிப் 
புவலோகந் திரியுமே புரிநூ லானே
அடியாரை அமர் உலகம் ஆள்விக் கும்மே 
அவனாகில் அதிகைவீ ரட்ட னாமே.

திருச்சிற்றம்பலம்

திரு அதிகை வீரட்டானம்

 

௨ 

திருநாவுக்கரசு  சுவாமிகள் அருளிச்செய்த
ஆறாம்  திருமுறை

தகவல் பலகை	விவரம்
தலம்	திருவதிகை
ஊர்	வீரட்டானம்
நாடு	நடு நாடு
ॐசுவாமி	வீரட்டேஸ்வரர்
ॐஅம்பிகை	திரிபுர சுந்தரி
பாடியவர்கள்	திருஞானசம்பந்தர்(1),         குண்டைக் குறட்பூதம்  (1:46) திருநாவுக்கரசர்(16),         கூற்றாயினவாறு  (4:01)         சுண்ண வெண் (4:02)         முளைக்கதிர் இளம்பிறை (4:10)         இரும்பு கொப்பளித்த (4:24)         வெண்ணிலா மதியம் (4:25)         நம்பனே எங்கள் (4:26)         மடக்கினார் புலியின் (4:27)         முன்பு எல்லாம் இளைய (4:28)         மாசில் ஒள் (4:104)          கோணன் மாமதி (5:53)         எட்டு நான்மலர் (5:54)         வெறிவிரவு கூவிளம் (6:03)         சந்திரனை மாகங்கை (6:04)         எல்லாம் சிவன் என (6:05)         அரவணையான்  சிந்தித்(6:06)         செல்வப் புனற்கெடில (6:07) சுந்தரர்(1)         தம்மானை அறியாத
ஸ்தல மரம்	சரக் கொன்றை
தீர்த்தம்	கெடிலம் நதி
பண்	ஏழைத்  திருத்தாண்டகம்
குறிப்புகள்	அட்ட வீரட்ட தலங்களுள் ஒன்று. அப்பர் சுவாமிகளுக்கு சூலை நோய் தந்து ஆட்கொண்ட திருத்தலம் ஏழையேன் நான் பண்டு இகழ்ந்தவாறே என ஒவ்வொரு பாலிலும் வருதலால் இது ஏழைத் திருத்தாண்டகம்
பதிக பலன்	மனம் வருந்தி பாடினால் இறைப்பற்று பெறலாம்
வரிசை எண்.	3                                                                                   நடு நாடு - 7/22

திருச்சிற்றம்பலம்

வெறிவிரவு கூவிளநல் தொங்க லானை 
வீரட்டத் தானைவெள் ளேற்றி னானைப்
பொறியரவி னானைப்புள் ளூர்தி யானைப்
பொன் நிறத்தினானைப் புகழ்தக் கானை
அறிதற்கு அரிய சீர் அம்மான் தன்னை
அதியரைய மங்கை அமர்ந்தான் தன்னை
எறிகெடிலத் தானை இறைவன் தன்னை
ஏழையேன் நான் பண்டு இகழ்ந்த வாறே.  1  

வெள்ளிக்குன்று அன்ன விடையான் தன்னை
வில்வலான் வில்வட்டங் காய்ந்தான் தன்னைப்
புள்ளி வரிநாகம் பூண்டான் தன்னைப்
பொன்பிதிர்ந்து அன்ன சடையான் தன்னை
வள்ளி வளைத்தோள் முதல்வன் தன்னை
வாரா உலகருள வல்லான் தன்னை
எள்க இடுபிச்சை ஏற்பான் தன்னை
ஏழையேன் நான் பண்டு இகழ்ந்த வாறே.  2  

முந்தி உலகம் படைத்தான் தன்னை
மூவா முதலாய மூர்த்தி தன்னைச்
சந்த வெண் திங்கள் அணிந்தான் தன்னைத்
தவநெறிகள் சாதிக்க வல்லான் தன்னைச்
சிந்தையில் தீர்வினையைத் தேனைப் பாலைச்
செழுங்கெடில வீரட்ட மேவி னானை
எந்தை பெருமானை ஈசன் தன்னை
ஏழையேன் நான் பண்டு இகழ்ந்த வாறே.  3  

மந்திரமும், மறைப்பொருளும் ஆனான் தன்னை
மதியமும், ஞாயிறும், காற்றும்,  தீயும்,
அந்தரமு மலை,கடலும் ஆனான் தன்னை 
அதியரைய மங்கை அமர்ந்தான் தன்னைக்
கந்தருவஞ் செய்து இருவர் கழல்கை கூப்பிக்
கடிமலர்கள் பலதூவிக் காலை மாலை
இந்திரனும் வானவரும் தொழச்செல் வானை
ஏழையேன் நான் பண்டு இகழ்ந்த வாறே.  4  

ஒருபிறப்பி லான் அடியை உணர்ந்துங் காணார்
உயர்கதிக்கு வழிதேடிப் போக மாட்டார்
வருபிறப்பு ஒன்று உணராது மாசு பூசி
வழிகாணா தவர் போல்வார் மனத்த னாகி
அருபிறப்பை அறுப்பிக்கும் அதிகை யூரன் 
அம்மான் தன் அடியிணையே அணைந்து வாழா
திருபிறப்பும் வெறுவியராய் இருந்தார் சொற்கேட்டு 
ஏழையேன் நான் பண்டு இகழ்ந்த வாறே.  5  

ஆறு ஏற்க வல்ல சடையான் தன்னை
அஞ்சனம் போலு மிடற்றான் தன்னைக்
கூறு ஏற்கக் கூறமர வல்லான் தன்னைக்
கோல்வளைக்கை மாதராள் பாகன் தன்னை
நீறு ஏற்கப் பூசும் அகலத் தானை
நின்மலன் தன்னை நிமலன் தன்னை
ஏறு ஏற்க ஏறுமா வல்லான் தன்னை
ஏழையேன் நான் பண்டு இகழ்ந்த வாறே.  6  

குண்டாக்க னா உழன்று கையில் உண்டு
குவிமுலையார் தம்முன்னே நாணம் இன்றி
உண்டி உகந்த அமணே நின்றார் சொல்கேட்டு
உடனாகி ஒழிதந்தேன் உணர்வொன்று இன்றி
வண்டு உலவு கொன்றையங் கண்ணி யானை
வானவர்கள் ஏத்தப் படுவான் தன்னை
எண்டிசைக்கும் மூர்த்தியாய் நின்றான் தன்னை
ஏழையேன் நான் பண்டு இகழ்ந்த வாறே.  7  

உறிமுடித்த குண்டிகைதம் கையில் தூக்கி
ஊத்தைவாய்ச் சமணர்க்கு ஓர் குண்டாக் கனாய்க்
கறிவிரவு நெய்சோறு கையில் உண்டு
கண்டார்க்குப் பொல்லாத காட்சி யானேன்
மறிதிரைநீர்ப் பவ்வ நஞ்சு உண்டான் தன்னை
மறித்து ஒருகால் வல்வினையேன் நினைக்க மாட்டேன்
எறிகெடில நாடர் பெருமான் தன்னை
ஏழையேன் நான் பண்டு இகழ்ந்த வாறே.  8  

நிறைவார்ந்த நீர்மையாய் நின்றான் தன்னை
நெற்றிமேற் கண் ஒன்று உடையான் தன்னை
மறையானை மாசு ஒன்று  இலாதான் தன்னை
வானவர்மேல் மலர் அடியை வைத்தான் தன்னைக்
கறையானைக் காதார் குழையான் தன்னைக்
கட்டங்க ஏந்திய கையி னானை
இறையானை எந்தை பெருமான் தன்னை
ஏழையேன் நான் பண்டு இகழ்ந்த வாறே.  9  

தொல்லைவான் சூழ்வினைகள் சூழப் போந்து
தூற்றியேன் ஆற்றியேன் சுடராய் நின்று
வல்லையே இடர்தீர்த்து இங்கு அடிமை கொண்ட 
வானவர்க்குந் தானவர்க்கும் பெருமான் தன்னைக்
கொல்லைவாய்க் குருந்தொசித்துக் குழலும் ஊதும்
கோவலனும் நான்முகனும் கூடி எங்கும்
எல்லை காண்பரியானை எம்மான் தன்னை
ஏழையேன் நான் பண்டு இகழ்ந்த வாறே.  10  

முலைமறைக்கப் பட்டு நீராடாப் பெண்கள் 
முறைமுறையால் நம் தெய்வ ம் என்று தீண்டித்
தலைபறிக்கும் தன்மையர்கள் ஆகி நின்று
தவமே என்று அவம் செய்து தக்க தோரார்
மலைமறிக்கச் சென்ற இலங்கைக் கோனை 
மதனழியச் செற்ற சேவடியி னானை
இலைமறித்த கொன்றையந் தாரான் தன்னை
ஏழையேன் நான் பண்டு இகழ்ந்த வாறே.

திருச்சிற்றம்பலம்

திருஅதிகை வீரட்டானம்

 

௨ 

திருநாவுக்கரசு  சுவாமிகள் அருளிச்செய்த
நான்காம்  திருமுறை

தகவல் பலகை	விவரம்
தலம்	திருவதிகை வீரட்டானம்
ஊர்	திருவதிகை
நாடு	நடு நாடு
ॐசுவாமி	அதிகை வீரடேஸ்வரர்
ॐஅம்பிகை	திரிபுர சுந்தரி
பாடியவர்கள்	திருஞானசம்பந்தர்(1), திருநாவுக்கரசர்(16), சுந்தரர்(1)
ஸ்தல மரம்	சரக் கொன்றை
தீர்த்தம்	கெடில நதி
பண்	கொல்லி
குறிப்புகள்	அப்பருக்கு ஏற்பட்ட தீராத சூலை நோயை தீர்த்து அருளிய திருப்பதிகம்
பதிக பலன்	நோய் நீக்கும் பதிகம்
வரிசை எண்.	1

திருச்சிற்றம்பலம்

கூற்றாயின வாறு விலக்ககிலீர்
  கொடுமைபல செய்தன நான் அறியேன்
ஏற்றாய் அடிக் கேஇர வும்பகலும்
  பிரியாது வணங்குவன் எப்பொழுதும்
தோற்றாது என் வயிற்றின் அகம்படியே
  குடரோடு துடக்கி முடக்கியிட
ஆற்றேன் அடியேன்அதி கைக்கெடில
  வீரட்டா னத்துறை அம்மானே.  1 
 
நெஞ்சம் உமக்கே இடமாக வைத்தேன்
  நினையாது ஒரு போதும் இருந்து அறியேன்
வஞ்சம் இது ஒப்பது கண்டறியேன்
  வயிற்றோடு துடக்கி முடக்கியிட
நஞ்சாகி வந்து என்னை நலிவதனை
  நணுகாமல் துரந்து கரந்தும் இடீர்
அஞ்சேலும் என்னீர் அதிகைக்கெடில
  வீரட்டானத்துறை அம்மானே.  2 
 
பணிந்தாரன பாவங்கள் பாற்றவல்லீர்
  படுவெண் தலையிற்பலி கொண்டு உழல்வீர்
துணிந்தே உமக்கு ஆட்செய்து வாழலுல் உற்றால்
  சுடுகின்றது சூலை தவிர்த்து அருளீர்
பிணிந்தார்பொடி கொண்டுமெய் பூசவல்லீர்
  பெற்றம் ஏறு உகந்தீர் சுற்றும் வெண்டலைகொண்டு 
அணிந்தீர் அடி கேள்அதி கைக்கெடில
  வீரட்டா னத்துறை அம்மானே.  3 
 
முன்னம்மடி யேன்அறி யாமையினால்
  முனிந்து என்னை நலிந்து முடக்கியிடப்
பின்னை அடியேன் உமக்கு ஆளும்பட்டேன்
  சுடுகின்றது சூலை தவிர்த்தருளீர்
தன்னை அடைந்தார் வினை தீர்ப்பது அன்றோ
  தலையாயவர் தம் கட ஆவதுதான்
அன்னநடை யார்அதி கைக்கெடில
  வீரட்டா னத்துறை அம்மானே.  4 
 
காத்து ஆள்பவர் காவல் இகழ்ந்தமையால்
  கரைநின்றவர் கண்டுகொள் என்றுசொல்லி
நீத்தாய கயம்புக நூக்கியிட
  நிலைக்கொள்ளும் வழித்துறை ஒன்று அறியேன்
வார்த்தை இது ஒப்பது கேட்டு அறியேன்
  வயிற்றோடு துடக்கி முடக்கியிட
ஆர்த்தார்புன லார்அதி கைக்கெடில
  வீரட்டா னத்துறை அம்மானே.  5 

 
சலம்பூவொடு தூபம் மறந்து அறியேன்
  தமிழோடு இசை பாடல் மறந்து அறியேன்
நலம் தீங்கிலும் உன்னை மறந்து அறியேன்
  உன் நாமம் என் நாவில் மறந்து அறியேன்
உலர்ந்தார் தலையிற்பலி கொண்டு உழல்வாய்
  உடலுள் ளுறுசூலை தவிர்த்து அருளாய்
அலந்தேன்அடி யேன்அதி கைக்கெடில
  வீரட்டா னத்துறை அம்மானே.  6 
 
உயர்ந்தேன்மனை வாழ்க்கையும் ஒண்பொருளும்
  ஒருவர்தலை காவல் இலாமையினால்
வயந்தே உமக்கு ஆட்செய்து வாழலுல் உற்றால்
  வலிக்கின்றது சூலை தவிர்த்து அருளீர்
பயந்தே என் வயிற்றின் அகம்படியே
  பறித்துப் புரட்டி அறுத்து ஈர்த்திடநான்
அயர்ந்தேன் அடியேன்அதி கைக்கெடில
  வீரட்டா னாத்துறை அம்மானே.  7 
 
வலித்தேன்மனை வாழ்க்கை மகிழ்ந்து அடியேன்
  வஞ்சம்மனம் ஒன்றும் இலாமையினால்
சலித்தால் ஒருவர் துணை யாரும் இல்லைச்
  சங்கவெண்குழைக் காதுடை எம்பெருமான்
கலித்தே என் வயிற்றின் அகம்படியே
  கலக்கி மலக்கிட்டுக் கவர்ந்துதின்ன
அலுத்தேன் அடியேன் அதிகைக்கெடில
  வீரட்டா னத்துறை அம்மானே.  8 
 
பொன்போல மிளிர்வதொர் மேனியினீர்
  புரிபுன்சடை யீர்மெலி யும்பிறையீர்
துன்பேகவ லைபிணி என்று இவற்றை
  நணுகாமல் துரந்து கரந்தும் இடீர்
என்போலிகள் உம்மை இனித்தெளியார்
  அடியார் படுவது இதுவே ஆகில்
அன்பேஅமை யும் அதி கைக்கெடில
  வீரட்டா னத்துறை அம்மானே.  9 
 
போர்த்தாய் அங்கு ஓர் ஆனையின் ஈருரிதோல்
  புறங்காடு அரங்கா நடம் ஆடவல்லாய்
ஆர்த்தான் அரக்கன் தனை மால்வரைக்கீழ்
  அடர்த்திட்டருள் செய்த அது கருதாய்
வேர்த்தும் புரண்டும் விழுந்தும் எழுந்தால்
  என்வேதனை யான விலக்கியிடாய்
ஆர்த்தார் புனல் சூழ்அதி கைக்கெடில
  வீரட்டா னத்துறை அம்மானே.  10 

திருச்சிற்றம்பலம்