திரு நின்றியூர்

                                                                               ௨ 

திருஞான சம்பதர்   சுவாமிகள்  அருளிச்செய்த
முதலாம்  திருமுறை

தகவல் பலகை	விவரம்
தலம்	திரு நின்றியூர்
ஊர்/வேறு பெயர்
நாடு	சோழ (காவிரி வட)
ॐசுவாமி	லட்சுமி புரீஸ்வரர்
ॐஅம்பிகை	உலக நாயகி
பாடியவர்கள்	சம்பந்தர்   (1)       சூலம் பட சுண்ணப் பொடி (1-18) அப்பர் (1)        கொடுங்கன் வெண்டளை (5-29) சுந்தரர்  (1)         அற்றவனார் அடியார் (7-19)                           திருவும் வன்மையும் (7-65)
ஸ்தல மரம்	விளா மரம்
தீர்த்தம்	மகாலட்சுமி தீர்த்தம்
பண்	நட்ட பாடை
குறிப்புகள்	திருமகள் வழிபட்டது.  கோயில் கட்ட தோண்டும் போது, சிவலிங்கம் வெளிப்பட்டதாக புராண வரலாறு.
பதிக பலன்	நிறைந்த புகழ் உண்டாகும்.
வரிசை எண்.	18                                                           19/63

திருச்சிற்றம்பலம்

சூலம்படை சுண்ணப்பொடி 
சாந்தம் சுடு நீறு
பாலம்மதி பவளச்சடை 
முடிமேல் அது பண்டைக்
காலன்வலி காலின்னொடு 
போக்கிக்கடி கமழும்
நீலம்மலர்ப் பொய்கை
நின்றியூரின் நிலையோர்க்கே.  1

அச்சம் இலர் பாவம் இலர் 
கேடும் இலர் அடியார்
நிச்சம்முறு நோயும் இலர் 
தாமுந் நின்றியூரில்
நச்சம் மிடறு உடையார் நறும் 
கொன்றைநயந் தாளும்
பச்சம் பச்சம்-அன்பு முடை அடிகள்திருப் 
பாதம்பணி வாரே.

பறையின் ஒலி சங்கின் ஒலி 
பாங்காரவும் ஆர
அறையும் ஒலி எங்கும் அவை 
அறிவார் அவர் தன்மை
நிறையும்புனல் சடைமேல் உடை 
அடிகள் நின்றி யூரில்
உறையும்மிறை அல்லாதென 
துள்ளம் உண ராதே.  3

பூண்டவ்வரை மார்பில் புரி 
நூலன்விரி கொன்றை
ஈண்டவ்வத னோடும் ஒரு 
பாலம்மதி அதனைத்
தீண்டும்பொழில் சூழ்ந்ததிரு 
நின்றியது நின்றி- நின்றியூர் தன்னில்
ஆண்டகழல் தொழில் அல்லது 
அறியார் அவர் அறிவே.  4

குழலின் இசை வண்டின் இசை 
கண்டுகுயில் கூவும்
நிழலின் எழில் தாழ்ந்தபொழில் 
சூழ்ந்தநின்றி யூரில்
அழலின்வலன் அங்கை அது 
ஏந்தி அனல் ஆடும்
கழலின் ஒலி ஆடும்புரி 
கடவுள்களை கண்ணே.  5

மூரன்முறு வல்வெண் நகை 
உடையாள் ஒரு பாகம்
சாரல்மதி அதனோடு உடன் 
சலம் அம் சலம் - கங்கை சடை வைத்த
வீரன்மலி அழகார்பொழில் 
மிடையுந்திரு நின்றி
ஊரன்கழல் அல்லாது எனது
உள்ளம் உணராதே.  6

பற்றி ஒரு தலைகையினில் 
ஏந்திப்பலி தேரும்
பெற்றி அது வாகித்திரி 
தேவர்பெரு மானார்
சுற்றி ஒரு வேங்கை 
அதளோடும்பிறை சூடும்
நெற்றி ஒரு கண்ணார்
நின்றியூரின்நிலை யாரே.  7

நல்லம்மலர் மேலானொடு 
ஞாலம்மது உண்டான்
அல்லர் என ஆவர் என 
நின்றும் அறிவரிய
நெல்லின்பொழில் சூழ்ந்த
நின்றியூரில்நிலை யார் எம்
செல்வர் அடி அல்லாது என 
சிந்தை உண ராதே.  9

நெறியில்வரு பேராவகை 
நினையாநினை ஒன்றை
அறிவில்சமண் ஆதர் உரை 
கேட்டும் அய ராதே
நெறியில்லவர் குறிகள்நினை 
யாதேநின்றி யூரில்
மறி ஏந்திய கையான் அடி 
வாழ்த்தும் மது வாழ்த்தே. மது வாழ்த்து - இனிய வாழ்த்து   10

குன்றம்மது எடுத்தான் உடல் 
தோளும் நெரி வாக
நின்று அங்கு ஒரு விரலால் உற 
வைத்தான்நின்றி யூரை
நன்று ஆர்தரு புகலித்தமிழ் 
ஞானம்மிகு பந்தன்
குன்றாத் தமிழ் சொல்லக்குறை 
வின்றிநிறை புகழே.  11

திருச்சிற்றம்பலம்

இப்பதிகத்தில் 8-ம் பாடல் கிடைக்கப்பெறவில்லை.  

திருவியலூர்

   

௨ 

திருஞானசம்பந்தர் சுவாமிகள் அருளிச்செய்த
முதலாம்   திருமுறை

தகவல் பலகை	விவரம்
தலம்	திரு வியலூர்
ஊர்	திரு விசலூர்
நாடு	சோழ (காவிரி வட)
ॐசுவாமி	யோகானந்தீச்வரர், வில்வாரனயேசுவரர், புராதனேஸ்வரர்
ॐஅம்பிகை	சௌந்தர நாயகி
பாடியவர்கள்	திருஞானசம்பந்தர் 1)         குரவம் கமழ் (1-13)
ஸ்தல மரம்
தீர்த்தம்	சடாயு தீர்த்தம்
பண்	நட்டபாடை
குறிப்புகள்	ஜடாயு வழிபட்ட திருத்தலம் சம்பந்தப் பெருமானுக்கு இறைவன் திருக்காட்சி நல்கிய திருத்தலம்
பதிக பலன்	இம்மையில் செல்வமும் புகழும் பெறுவர்.
வரிசை எண்.	13                                                             43/63

திருச்சிற்றம்பலம்

குரவம் கமழ் நறுமென்குழல் 
அரிவை அவள் வெருவப்
பொருவெங்கரி படவென்டு அதன் 
உரிவை உடல் அணிவோன்
அரவும் மலை புனலும் மிள 
மதியும் நகுதலையும்
விரவும் சடை அடிகட்கு இடம் 
விரிநீர்விய லூரே.  1

ஏறு ஆர்தரும் ஒருவன்பல 
உருவன் நிலை ஆனான்
ஆறு ஆர்தரு சடையன் அனல் 
உருவன்புரி உடையான்
மாறு ஆர்புரம் எரியச்சிலை 
வளைவித்தவன் மடவாள்
வீறு ஆர்தர நின்றான் இடம் 
விரிநீர்விய லூரே.  2

செம்மென்சடை அவைதாழ்வுற 
மடவார்மனை தோறும்
பெய்ம்மின்பலி என நின்று இசை 
பகர்வார் அவர் இடமாம்
உம் என்று எழும் அருவித்திரள் 
வரைபற்றிட உரைமேல்
விம்மும் பொழில் கெழுவும்வயல் 
விரி நீர்விய லூரே.  3

அடைவு ஆகிய அடியார்தொழ 
அலரோன்தலை அதனில்
மடவார் இடு பலிவந்து உணல் 
உடையான் அவன் இடமாம்
கடையார்தர அகில் ஆர்கழை 
முத்தம் நிரை சிந்தி
மிடை ஆர்பொழில் புடைசூழ்தரு 
விரிநீர்விய லூரே.  4

எண்ணார் தருபயனாய் அயன் 
அவனாய் மிகு கலையாய்ப்
பண்ணார் தரு மறையாய் உயர் 
பொருளாய் இறையவனாய்க்
கண்ணார்தரும் உருவாகிய 
கடவுள்ளிடம் எனலாம்
விண்ணோரொடு மண்ணோர்தொழும் 
விரிநீர்விய லூரே.  5

வசைவில் கொடு வருவேடுவன்  
அவனாய்நிலை அறிவான்
திசை உற்றவர் காணச்செரு 
மலைவான்நிலை அவனை
அசையப்பொருது அசையாவணம் 
அவனுக்குயர் படைகள்
விசையற்கு அருள் செய்தான் இடம் 
விரிநீர்விய லூரே.  6

மான் ஆர் அரவு உடையான்இரவு 
உடையான் பகல்நட்டம்
ஊனார்தரும் உயிரான் உயர் 
விசையான் விளை பொருள்கள்
தானாகிய தலைவன் என 
நினைவார் அவர் இடமாம்
மேல் நாடிய விண்ணோர்தொழும் 
விரிநீர்விய லூரே.  7

பொருவார் எனக்கு எதிர் ஆர் எனப்
பொருப்பை எடுத்தான் தன்
கருமால்வரை கரம் தோள் உரம்
கதிர்நீள்முடி நெரிந்து
சிரம் ஆயின கதறச்செறி 
கழல்சேர்திரு வடியின்
விரலால் அடர் வித்தான் இடம் 
விரிநீர்விய லூரே.  8

வளம்பட்டு அலர் மலர்மேல் அயன் 
மாலும் ஒரு வகையால்
அளம்பட்டு அறிவு ஒண்ணாவகை 
அழல் ஆகிய அண்ணல்
உளம்பட்டு எழுதழல் தூணதன் 
நடுவே ஒரு உருவம்
விளம்பட்டு அருள் செய்தான் இடம் 
விரிநீர்விய லூரே.  9

தடுக்கால்உடல் மறைப்பார் அவர் 
தவர்சீவர மூடிப்
பிடக்கே உரை செய்வாரொடு 
பேணார்நமர் பெரியோர்
கடல் சேர்தரு விடம் உண்டு அமுது 
அமரர்க்கு அருள் செய்த
விடைச்சேர்தரு கொடியான் இடம் 
விரிநீர்விய லூரே.  10

விளங்கும் பிறை சடைமேல் உடை 
விகிர்தன் வியலூரைத்
தளங்கொண்டதொர் புகலித்தகு 
தமிழ்ஞானசம் பந்தன்
துளங்கு இல்தமிழ் பரவித்தொழும் 
அடியார் அவர் என்றும்
விளங்கும் புகழ் அதனோடு உயர் 
விண்ணும் உடை யாரே.  11

திருச்சிற்றம்பலம்

திரு நெய்த்தானம்

         

௨ 

திருஞானசம்பந்தர்  சுவாமிகள்   அருளிச்செய்த
இரண்டாம் திருமுறை 

தகவல் பலகை	விவரம்
தலம்	திரு நெய்த்தானம்
பிற பெயர்கள்
நாடு	சோழ நாடு (வ)
ॐசுவாமி	நெய்யாடியப்பர்
ॐஅம்பிகை	பாலாம்பிகை
பாடியவர்கள்	சம்பந்தர் (1)          மையாடிய கண்டன் (1-15) அப்பர் (5)          காலனை வீழச் செற்ற (4-37)           பாரிடம் சாடிய பல்லுயிர் (4-89)           கொல்லியான் (5-34)           வாகைஎல்லாம் உடைய (6-41)           மெயத்தானத்து அகம் படியுள் (6-42)
ஸ்தல மரம்	புன்னை
தீர்த்தம்	காவிரி
பண்	நட்டபாடை
குறிப்புகள்	திருவையாறுக்கு அண்மையில் உள்ளது.  ஏழூர் திருத்தலங்களில் ஒன்று. தில்லை ஸ்தானம் என வழங்கப்படுகிறது
பதிக பலன்	சிவனடி பொருந்தி வாழ்வார்கள்
வரிசை எண்.	15                                                     52/63

திருச்சிற்றம்பலம் 

மையாடிய கண்டன்மலை 
மகள்பாகம் அது உடையான்
கையாடிய கேடில்கரி 
உரிமூடிய ஒருவன்
செய் ஆடிய குவளைம்மலர் 
நயனத்தவளோடும்
நெய் ஆடிய பெருமானிடம் 
நெய்த்தானம் எனீரே.  1

பறையும்பழி பாவம்படு 
துயரம்பல தீரும்
பிறையும்புனல் அரவும்படு 
சடை எம்பெரு மான் ஊர்
அறையும்புனல் வருகாவிரி 
அலைசேர்வட கரைமேல்
நிறையும்புனை மடவார்பயில் 
நெய்த்தானம் எனீரே.  2

பேய் ஆயின பாடப்பெரு 
நடம் ஆடிய பெருமான்
வேய் ஆயின தோளிக்குக் ஒரு 
பாகம்மிக வுடையான்
தாயாகிய உலகங்களை 
நிலைபேறுசெய் தலைவன்
நேய் ஆடிய பெருமானிடம் 
நெய்த்தானம் எனீரே.  3

சுடுநீறு அணி அண்ணல்சுடர் 
சூலம் அனல் ஏந்தி
நடுநள் இருள் நடமாடிய 
நம்பன் உறை இடமாம்
கடுவாள் இள அரவாடு உமிழ் 
கடல்நஞ்சம் அது உண்டான்
நெடுவாளைகள் குதிகொள் உயர் 
நெய்த்தானம் எனீரே. 4

நுகர் ஆரமொடு ஏலம்மணி 
செம்பொன் நுரை உந்திப்
பகராவரு புனல் காவிரி 
பரவிப்பணிந்து ஏத்தும்
நிகரால் மணல் இடுதன்கரை 
நிகழ்வாய நெய்த்தான
நகரான் அடியேத்தம் நமை 
நடலை அடையாவே.  5

விடையார்கொடி உடையவ்வணல் 
வீந்தார்வெளை எலும்பும்
உடையார்நறு மாலைசடை 
உடையார் அவர் மேய
புடையேபுனல் பாயும்வயல் 
பொழில்சூழ்ந்தநெய்த் தானம்
அடையாதவர் என்றும்அமர் 
உலகம் அடையாரே.  6

நிழலார்வயல் கமழ்சோலைகள் 
நிறைகின்றநெய்த் தானத்
தழல் ஆனவன் அனல் அங்கையில்
ஏந்தி அழகாய
கழலான் அடி நாளும் கழ 
லாதேவிட லின்றித்
தொழலார் அவர் நாளும் துயர்
இன்றித் தொழுவாரே.  7

அறையார்கடல் இலங்கைக்கு இறை 
அணிசேர் கயிலாயம்
இறையாரமுன் எடுத்தான் 
இருபதுதோள் இற ஊன்றி
நிறையார் புனல் நெய்த்தானன் நன் 
நிகழ்சேவடி பரவக்
கறையார் கதிர் வாள் ஈந்தவர் 
கழல் ஏத்துதல் கதியே.  8

கோலம்முடி நெடுமாலொடு 
கொய்தாமரை யானும்
சீலம்மறி வரிதாய்ஒளி 
திகழ்வாய நெய்த் தானம்
காலம்பெற மலர்நீர் அவை 
தூவித்தொழுது ஏத்தும்
ஞாலம்புகழ் அடியார் உடல் 
உறுநோய்நலி யாவே.  9

மத்தம் மலி சித்தத்து இறை 
மதி இல்லவர் சமணர்
புத்தர் அவர் சொன்னம்மொழி 
பொருளாநினை யேன்மின்
நித்தம்பயில் நிமலன் துறை 
நெய்த்தானம் அது ஏத்தும்
சித்தம் உடை  அடியார் உடல் 
செறுநோயடை யாவே.  10

தலமல்கிய புனல் காழியுள் 
        தமிழ்ஞானசம் பந்தன்
நிலமல்கிய புகழான்மிகு 
        நெய்த்தானனை நிகரில்
பலமல்கிய பாடல் இவை 
        பத்தும்மிக வல்லார்
சிலமல்கிய செல்வன்  
        அடி சேர்வர் சிவகதியே.

திருச்சிற்றம்பலம்

திரு வலிதாயம்

                      

௨ 

திருஞான சமபந்த  சுவாமிகள் அருளிச்செய்த
முதலாம் திருமுறை

தகவல் பலகை	விவரம்
தலம்	திரு வலிதாயம்
ஊர்	பாடி
நாடு	தொண்டை நாடு
ॐசுவாமி	வலிதாய நாதர், வல்லீஸ்வரர்
ॐஅம்பிகை	தாயம்மை, ஜகதாம்பாள்
பாடியவர்கள்	திருஞானசம்பந்தர் (1)          பத்தரோடு பலரும் (1-3)
ஸ்தல மரம்	பாதிரி
தீர்த்தம்	பாரத்வாசர்
பண்	நட்டபாடை
குறிப்புகள்	சென்னைக்கு அருகில் உள்ளது  இப்போது பாடி என அழைக்கப்படுகிறது.  பரத்வாசர், அனுமான், இந்திரன் முதலியோர் வழிபட்டது  வலியன்(கரிக்குருவி) வழிபட்டதால்  வலிதாயம்
பதிக பலன்	தேவலோக வாசம் கிட்டும்.
வரிசை எண்.	3                                                         20/32

திருச்சிற்றம்பலம்

          

பத்தரோடுபல ரும்பொலியம்மலர் 
    அங்கைப் புனல்தூவி
ஒத்தசொல்லி உலகத்தவர் தாம் தொழுது 
           ஏத்த உயர்சென்னி
மத்தம் வைத்த பெருமான் பிரியாது 
    உறைகின்ற வலிதாயம்
சித்தம் வைத்த அடியார் அவர் மேல் 
    அடையாமற்று இடர்நோயே.  1  

படை இலங்குகரம் எட்டு 
    உடையான் படிறு ஆகக் கனல் ஏந்திக்
கடை இலங்குமனை யிற்பலிகொண்டு உணும் 
    கள்வன் உறை கோயில்
மடை இலங்குபொழி லின்நிழல்வாய்மது 
    வீசும் வலிதாயம்
அடைய நின்ற அடியார்க்கு அடையாவினை 
    அல்லல் துயர்தானே.  2  

ஐயன் நொய்யன் அணியன் பிணியில்லவர் 
    என்றும் தொழுது ஏத்தச்
செய்யன்வெய்யபடை ஏந்தவல்லான்திரு 
    மாதோடு உறை கோயில்
வையம் வந்து பணியப் பிணி தீர்த்து  
    உயர்கின்ற வலிதாயம்
உய்யும் வண்ணம் நினைமின் நினைந்தால் 
    வினை தீரும் நலமாமே.  3  

ஒற்றை ஏறு அது உடையான் நடமாடி 
    ஓர் பூதப்படை சூழப்
புற்றில் நாகம் அரையார்த்து உழல்கின்ற 
    எம்பெம்மான் மடவாளோ
உற்ற கோயில் உலகத்து ஒளிமல்கிட 
    உள்கும் வலிதாயம்
பற்றி வாழும் அதுவே சரணாவது 
    பாடும் அடியார்க்கே.  4  

புந்தி ஒன்றி நினைவார் வினையாயின 
    தீரப் பொருளாய
அந்தியன்னதொரு பேரொளியான் 
    அமர்கோயில் அயல் எங்கும்
மந்திவந்துகடுவன்னொடும் கூடி 
    வணங்கும் வலிதாயம்
சிந்தியாதஅவர் தம் அடும் 
    வெந்துயர் தீர்தல் எளிதன்றே.  5  

ஊன் இயன்ற தலையில் பலிகொண்டு 
    உலகத்து உள்ளவர் ஏத்தக்
கான் இயன்ற கரியின் உரி போர்த்து உழல் 
    கள்வன் சடைதன்மேல்
வான் இயன்ற பிறை வைத்த எம் 
    ஆதி மகிழும் வலிதாயம்
தேன் இயன்ற நறு மாமலர் கொண்டு 
    நின்று ஏத்தத் தெளிவு ஆமே.  6  

கண் நிறைந்த விழியின் அழலால் 
         வருகாமன் உயிர்வீட்டிப்
பெண் நிறைந்த ஒரு பால் மகிழ்வு எய்திய 
    பெம்மான் உறைகோயில்
மண் நிறைந்த புகழ் கொண்டு அடியார்கள் 
    வணங்கும் வலிதாயத்து 
உள் நிறைந்த பெருமான் கழல் ஏத்த 
    நம் உண்மைக் கதி ஆமே.  7  

கடலில்நஞ்சு அமுது உண்டு இமையோர் 
    தொழுது ஏத்த நடமாடி
அடல் இலங்கை அரையன் வலிசெற்று அருள் 
    அம்மான் அமர்கோயில்
மடல் இலங்கு கமுகின் பலவின் 
   மதுவிம்மும் வலிதாயம்
உடல் இலங்கும் உயிர் உள்ளளவும்
            தொழ உள்ளத்து உயர்போமே.  8  

பெரியமேருவரை யேசிலையா 
    மலை உற்றார்  எயில்மூன்றும்
எரிய எய்த ஒருவன் இருவர்க்கு 
    அறிவொண்ணா வடிவாகும்
எரியதாகியுற ஓங்கியவன் 
    வலிதாயம்  தொழுது ஏத்த
உரியர் ஆக உடையார் பெரியார்
    என உள்கும் உலகோரே.  9  

ஆசியார மொழியார் அமண் 
    சாக்கியர் அல்லாதவர் கூடி
ஏசி ஈரம் இலராய் மொழி செய்தவர் 
        சொல்லைப் பொருள் என்னேல்
வாசிதீர அடியார்க்கு அருள்செய்து 
    வளர்ந்தான் வலிதாயம்
பேசும்ஆர்வம் உடையார் 
    அடியார் எனப்பேணும் பெரியோரே.  10  

வண்டு வைகும் மணம் மல்கிய சோலை 
        வளரும் வலிதாயத்து 
அண்டவாணன் அடி உள்குதலால் அருள் 
மாலைத் தமிழாகக்
கண்டல்வைகும் கடல் காழியுள் ஞான 
சம்பந்தன் தமிழ்பத்தும்
கொண்டுவைகியிசை பாடவல்லார் 
குளிர் வானத்து உயர்வாரே.

திருச்சிற்றம்பலம்

திரு கழுக்குன்றம்

                 

௨ 

சுந்தரமூர்த்தி  சுவாமிகள் அருளிச்செய்த
ஏழாம் திருமுறை

தகவல் பலகை	விவரம்
தலம்	திரு கழுக்குன்றம்
ஊர்	வேதகிரி, வேதாச்சலம், கதலிவனம் கழுக்குன்றம்
நாடு	தொண்டை நாடு
ॐசுவாமி	வேதகிரீஸ்வரர்
ॐஅம்பிகை	சொக்க நாயகி
பாடியவர்கள்	திருஞானசம்பந்தர் (1)          தோடு உடையான் ஒரு காதில்(1-103) திருநாவுக்கரசர்(1)         மூவிலை வேல் கையானை (6-92)      சுந்தரர்(1)         கொன்று செய்த கொடுமை  (7-81)
ஸ்தல மரம்	வாழை
தீர்த்தம்	சங்கு தீர்த்தம்.
பண்	குறிஞ்சி
குறிப்புகள்	மலையில் பறவைகள் வந்து உணவு பெற்று செல்வதால் கழுகு தீர்த்தம்  என்று பெயர்  மார்க்கண்டேயன் வழிபட்டது.  மலை வலம் வருதல் சிறப்புடையது  மாணிக்கவாசகருக்கு இறைவன் குரு வடிவு காட்டிய தலம்.  12 ஆண்டுக்கு ஒரு முறை சங்கு உற்பத்தியாகும் குளம் உள்ளது
பதிக பலன்	புண்ணிய பலன்கள் கிடைக்கும்.
வரிசை எண்.	81                                                         28/32

திருச்சிற்றம்பலம்

            

கொன்று செய்த கொடுமை

          யால் பல சொல்லவே

நின்ற பாவம் வினைகள்

          தாம்பல நீங்கவே

சென்று சென்று தொழுமின்

          தேவர் பிரானிடம்

கன்றி னோடு பிடிசூழ்

          தண்கழுக் குன்றமே. 1  

இறங்கிச் சென்று தொழுமின்

          இன்னிசை பாடியே

பிறங்கு கொன்றைச் சடையன்

          எங்கள் பிரானிடம்

நிறங்கள் செய்த மணிகள்

          நித்திலம் கொண்டிழி

கறங்கு வெள்ளை அருவித்

          தண்கழுக் குன்றமே.  2  

நீள நின்று தொழுமின்

          நித்தலும் நீதியால்

ஆளும் நம்ம வினைகள்

          அல்கி அழிந்திடத்

தோளும் எட்டும் உடைய

          மாமணிச் சோதியான்

காள கண்டன் உறையும்

          தண்கழுக் குன்றமே.  3  

வெளிறு தீரத் தொழுமின்

          வெண்பொடி ஆடியை

முளிறு இலங்குமழு வாளன்

          முந்தி உறைவிடம்

பிளிறு தீரப் பெருங்கைப்

          பெய்ம்மதம் மூன்றுடைக்

களிறி னோடு பிடிசூழ்

          தண்கழுக் குன்றமே.  4  

புலைகள் தீரத் தொழுமின்

          புன்சடைப் புண்ணியன்

இலைகொள் சூலப் படையன்

          எந்தை பிரானிடம்

முலைகள் உண்டு தழுவிக்

          குட்டி யொடுமுசுக்

கலைகள் பாயும் புறவில்

          தண்கழுக் குன்றமே.  5  

மடமு டைய அடியார்

          தம்மனத் தேஉற

விடமு டைய மிடறன்

          விண்ணவர் மேலவன்

படமு டைய அரவன்

          தான்பயி லும் இடம்

கடமு டைய புறவில்

          தண்கழுக் குன்றமே.  6  

ஊனம் இல்லா அடியார்

          தம்மனத் தேஉற

ஞான மூர்த்தி நட்டம் 

          ஆடி நவிலும் இடம்

தேனும் வண்டும் மதுவுண்டு 

          இன்னிசை பாடியே

கான மஞ்ஞை உறையும்

          தண்கழுக் குன்றமே.  7  

அந்தம் இல்லா அடியார்

          தம்மனத் தேஉற

வந்து நாளும் வணங்கி

          மாலொடு நான்முகன்

சிந்தை செய்த மலர்கள்

          நித்தலும்சேரவே

கந்தம் நாறும் புறவில்

          தண்கழுக் குன்றமே.  8  

பிழைகள் தீரத் தொழுமின்

          பின்சடைப் பிஞ்ஞகன்

குழைகொள் காதன் குழகன்

          தானுறை யும் இடம்

மழைகள் சாலக் கலித்து

          நீடு உயர்வே அவை

கழைகொள் முத்தம் சொரியும்

          தண்கழுக் குன்றமே.  9  

பல்லில் வெள்ளைத் தலையன்

          தான்பயி லும் இடம்

கல்லில் வெள்ளை அருவித்

          தண்கழுக் குன்றினை

மல்லின் மல்கு திரள்தோள்

          ஊரன் வனப்பினால்

சொல்லல் சொல்லித் தொழுவாரைத்

          தொழு மின்களே.

திருச்சிற்றம்பலம்

திரு கொடுங்குன்றம்

   

௨ 

திருஞானசம்பந்தர் சுவாமிகள் அருளிச்செய்த
மூன்றாம்  திருமுறை

தகவல் பலகை	விவரம்
தலம்	திரு கொடுங்குன்றம்
ஊர் /வேறு பெயர்	பிரான்மலை
நாடு	பாண்டிய நாடு
ॐசுவாமி	கொடுங்குன்றீசர்
ॐஅம்பிகை	குயில் அமுத நாயகி, அமிர்தேஸ்வரி
பாடியவர்கள்	திருஞானசம்பந்தர் (1)         வானில் பொலிவு (1 -014)
ஸ்தல மரம்	உறங்காப் புளி
தீர்த்தம்	தேன் ஆதி
பண்	நட்ட பாடை
குறிப்புகள்	தற்போது பிரான்மலை என்று அழைக்கப்படுகிறது .  மகோதர மகரிஷி பூசித்தது.  இங்குள்ள மரம் என்ன பெயர் என்றே கண்டு பிடிக்க வில்லை. பெயரில்லா மரம் என்றே அழைக்கப்படுகிறது  பாரி வள்ளல் பூசித்த தலம்
பதிக பலன்	குறைகள் தீரும், துன்பம் விலகும். பாராட்டு பெறுவர்
வரிசை எண்.	014                                                                5/14

திருச்சிற்றம்பலம்

வானில் பொலிவு  எய்தும் மழை 

மேகம் கிழித்து ஓடிக்

கூனற்பிறை சேரும் குளிர் 

சாரல் கொடுங்குன்றம்

ஆனில்  பொலி ஐந்தும் அமர்ந்து  

ஆடி உலகு ஏத்தத்

தேனில் பொலி மொழியாளொடு 

மேயான் திரு நகரே.  1  

மயில் புல்கு தண் பெடையோடு உடன் 

ஆடும் வளர் சாரல்

குயிலின் இசை பாடும் குளிர் 

சோலைக் கொடுங்குன்றம்

அயில் வேல் மலி நெடு வெஞ்சுடர் 

அனல் ஏந்தி நின்று ஆடி

எயில் முன் பட எய்தான் அவன் 

மேயவ் எழில் நகரே.  2  

மிளிரும்மணி பைம்பொன்னொடு 

விரைமாமலர் உந்திக்

குளிரும்புனல் பாயுங்குளிர் 

சாரல் கொடுங்குன்றம்

கிளர்கங்கையொடு இள வெண்மதி 

கெழுவும் சடை தன்மேல்

வளர்கொன்றையும் மதமத்தமும் 

வைத்தான் வளநகரே.  3  

பருமாமத கரியோடு அரி 

இழியும் விரி சாரல்

குருமாமணி பொன்னோடு இழி 

அருவிக் கொடுங்குன்றம்

பொருமா எயில் வரைவில்தரு 

கணையில் பொடி செய்த

பெருமான் அவன் உமையாளொடு 

மேவும் பெரு நகரே.  4  

மேகத்து இடி குரல்வந்து எழ 

வெரு இவ்வரை இழியும்

கூகைக்குலம் ஓடித்திரி 

சாரல் கொடுங்குன்றம்

நாகத் தொடும் இளவெண்பிறை 

சூடிந் நல மங்கை

பாகத்து அவன் இமையோர்தொழ 

மேவும் பழ நகரே.  5  

கைம்மாமத கரியின் இனம் 

இடியின் குரல் அதிரக்

கொய்ம் மாமலர்ச் சோலை புக 

மண்டும் கொடுங்குன்றம்

அம்மான் என உள்கித் தொழு 

வார்கட்கு அருள் செய்யும்

பெம்மான் இவன் இமையோர்தொழ 

மேவும் பெரு நகரே.  6  

மரவத்தொடு மணமாதவி 

மௌவல்லது விண்ட

குரவத்தொடு விரவும்பொழில் 

சூழ்தண்கொடுங் குன்றம்

அரவத்தொடும் இளவெண்பிறை 

விரவும் மலர்க் கொன்றை

நிரவச் சடை முடிமேல் உடன் 

வைத்தான்நெடு நகரே.  7  

முட்டாமுது கரியின் இனம் 

முது வேய்களை முனிந்து

குட்டாச் சுனை அவை மண்டிநின்று  

ஆடும் கொடுங் குன்றம்

ஒட்டா அரக்கன் தன் முடி 

ஒரு பஃது அவை உடனே

பிட்டான் அவன் உமையாளொடு 

மேவும் பெரு நகரே.  8  

அறையும் அரி குரல் ஓசையை 

        அஞ்சி அடும் ஆனை

குறையும் மன மாகிம்முழை 

        வைகும் கொடுங்குன்றம்

மறையும் அவை உடையான் என 

        நெடியான் என இவர்கள்

இறையும் அறி ஒண்ணாதவன் 

        மேய அவ் எழில் நகரே.  9  

மத்தக் களிறு ஆளி இவ்வர 

அஞ்சிம்மலை தன்னைக்

குத்திப்பெரு முழைதன்னிடை 

வைகும் கொடுங்குன்றம்

புத்தரொடு பொல்லா மனச் 

சமணர்புறங் கூறப்

பத்தர்க்கு அருள் செய்தான் அவன் 

மேய பழ நகரே.  10  

கூனற்பிறை சடைமேல் மிக 

உடையான் கொடுங்குன்றைக்

கானல் கழுமல மாநகர்த் 

தலைவன் நல கவுணி

ஞானத்து உயர் சம்பந்தன 

நலம் கொள்தமிழ் வல்லார்

ஊனத்தொடு துயர் தீர்ந்து உலகு  

ஏத்தும் எழி லோரே.

திருச்சிற்றம்பலம்

திருப்பிரம்மபுரம்

 

௨ 

திருஞானசம்பந்த சுவாமிகள் அருளிச்செய்த
முதல் திருமுறை

தகவல் பலகை	விவரம்
தலம்	திருப்பிரமபுரம்
ஊர்	சீர்காழி
நாடு	காவிரி வடகரை
ॐசுவாமி	பிரம்மபுரீஸ்வரர்
ॐஅம்பிகை	பெரியநாயகி
பாடியவர்கள்	திருஞானசம்பந்தர்(66),     பிரமபுரம்          தோடுடைய செவியன் (1-1)         எம்பிரான் எனக்கு (2-40)         கறை அணி வேலிலர் (2-65)         கரமுனம் மலரால் (3-37)         இறையவன் ஈசன் (3-56)     திருவேணுபுரம்          வண்டார் குழல் இரிவை(1-09)         நிலவும் புனலும் (2-17)         பூதத்தின் படையினர் (2-81)     திருப்புகலி          மைம்மருபூங்குழல் (1-04)         விதியாய் விளைவாய் (1-30)         ஆடல் அரவு அசைத்தான் (1-104)         உகலியாழ் கட (2-25)         முன்னிய கலைப் பொருளும் (2-29)         உருவார்ந்த மெல்லியாலோர் (2-54)         விடை அது ஏறி வெறி (2-122)         இயலிசை எனும் (3-03)         கண்ணுதலானும் வெண் ( 3-07)              திருவெங்குரு          காலை நன் மாமலர் (1-75)         விண்ணவர் தொழுது எழு (3-94)     திருத்தோணிபுரம்         வண்டரங்கப் புனற்கமல  (1-60)         சங்கம் அருமுன் (3-81)         கரும்பமர் வில்லியை (3-100)     திருப்பூந்தராய்          செந்நெலங் கழனி (2-01)         பந்துசேர்விரலாள் (3-02)         தக்கன் வேள்வி (3-05)         மின்னன எயிறுடை (3-13)     திருச்சிரபுரம்          பல்லடைந்த வெண் தலை (1-47)         வாருறு வனமுலை (1-109)         அன்னம் மென் நடை(2-102)     திருப்புறவம்        பங்கமேறு மதிசேர்  (1-66)         நறவ நிறைவண்டறை (1-74)         எய்யா என்றித் தான் (1-97)         எந்தமது சிந்தை பிரியாத (3-75)     சீர்காழி         பூவார் கொன்றைப் (1-24)         அடலேற மருங்    (1-34)         நல்லார் தீமேவும் (1-81)         உரவார் கலையின் (1-102)         நல்லானை நான்மறை (2-11)         பண்ணின் நேர்மொழி (2-49)         நலம் கொள் முத்தும் (2-59)         விண்ணியங்கு மதி (2-75)         பொங்கு வெண் புரி (2-96)         நம்பொருள் நம் மக்கள் (2-97)         பொடி இலங்கும் திருமேனி (2-113)         சந்தமார் முலையாள் (3-43)         யாமாமா நீ யாமாமா (3-117)     திருகொச்சைவயம்          நீலாவணன் மாமிடற்றான்          அறையும் பூம்புனலோடும்         திருந்துமாகளிற்றி     திருக்கழுமலம்         பிறையணிபடர் சடை          அயில் உரு படையினர்         பந்தத்தால் வந்து          சேவுயரும் திண்கொடியான்          மண்ணில் நல்ல வண்ணம்         மடல் மலி கொன்றை      பல்பெயர்பத்து          எரியார் மழு ஒன்று ஏந்தி          அரனை உள்குவீர்         காடதணி கலங்கார         பிரம புறத்துறை          ஓருருவாயினை          பிரமனூர் வேணுபுரம்         விளங்கிய சீர்ப் பிரமனூர்          பூகனூர் புத்தேளு          சுரருலகு நரர்கள்          வரமதே  கொளா         உற்றுமை சேர்வது           திருநாவுக்கரசர்(3),         மாதியன்று மனைக்கிரு         பார்கொண்டு மூடிக்          படையார் மழு ஒன்று  சுந்தரர்(1)         சாதலும் பிறத்தலும்.
ஸ்தல மரம்	பாரிஜாதம்
தீர்த்தம்	பிரம தீர்த்தம்  உட்பட 22
பண்	நட்டபாடை
குறிப்புகள்	திருஞான சம்பந்தர் திரு அவதாரம் செய்த தலம்.  ஞானப்பால் அருந்தி பின் பாடியது. இதற்கு வழங்கும் வேறு பெயர்களாவன: பிரம்மன் வழிபட்டதால், "பிரம்மபுரம்", இறைவன் மூங்கில் வடிவில் தோன்றியதால் "வேணுபுரம்", தேவர்களின் புகலிடமாக விளங்கியதால், "புகலி", குருபகவான் வழிபட்டதால், "வெங்குரு", ஊழிக் காலத்தில் ஈசன் தோணியில் காட்சி தருதலால் "தோணிபுரம்", இரணியாகஷனை வதம் செய்த வராக மூர்த்தி வழிபட்டதால் "பூந்தராய்", இராகு கிரகம் பூசித்ததால், "சிரபுரம்", புறா வடிவத்தில் வந்த அக்கினியால் சிபி சக்கரவர்த்தி நற்கதி அடைந்ததால் "புறவம்",  சண்பை எனும் புல்லால் திருமால் வழிபட்டதால், "சண்பை", காளி வழிபட்டதால் "ஸ்ரீகாளி" (சீகாழி) பழிச்சொல் (கொச்சை சொல்) நீங்க பராசரர் வழிபட்டதால் "கொச்சை வயம் ".  மும்மலம் விலக ரோவமாசரர் வழிபட்டதால் "கழுமலம்"
பதிக பலன்	தொல்வினை தீரும்.
வரிசை எண்.	01

திருச்சிற்றம்பலம்

தோடுடைய செவியன் விடையேறி ஓர் தூவெண்மதிசூடிக்
காடுடையசுட லைப்பொடிபூசி என் உள்ளம் கவர் கள்வன்
ஏடுடையமல ரான்முனைநாட்பணிந்து ஏத்த அருள்செய்த
பீடுடைய பிர மாபுரமேவிய பெம்மான் இவன் அன்றே.          1.1.1

முற்றலாமையிள நாகமோடு ஏன முளைக்கொம்பு அவைபூண்டு
வற்றலோடுகலனாப் பலிதேர்ந்து எனது உள்ளம்  கவர்கள்வன்
கற்றல்கேட்டல் உடை யார் பெரியார் கழல் கையால் தொழுது ஏத்தப்
பெற்றம் ஊர்ந்தபிர மாபுரமேவிய பெம்மான் இவன் அன்றே.          1.1.2

நீர்பரந்தநிமிர் புன்சடைமேலோர் நிலாவெண் மதிசூடி
ஏர்பரந்தஇன வெள்வளைசோர என் உள்ளம் கவர் கள்வன்
ஊர்பரந்த உலகின் முதலாகிய ஓரூர் இது என்னப்
பேர்பரந்தபிர மாபுரமேவிய பெம்மான் இவன் அன்றே.          1.1.3

விண்மகிழ்ந்த மதில் எய்ததும் அன்றி விளங்கு தலையோட்டில்
உண்மகிழ்ந்துபலி தேரிய வந்து எனது உள்ளம் கவர் கள்வன்
மண்மகிழ்ந்தஅரவம் மலர்க்கொன்றை மலிந்தவரை மார்பில்
பெண்மகிழ்ந்தபிர மாபுரமேவிய பெம்மான் இவன் அன்றே.          1.1.4

ஒருமைபெண்மை உடையன் சடையன் விடை ஊரும் இவன் என்ன
அருமையாக உரை செய்யவமர்ந்து எனது உள்ளம் கவர் கள்வன்
கருமைபெற்றகடல் கொள்ள மிதந்ததோர் காலம் இது என்னப்
பெருமைபெற்றபிர மாபுரமேவிய பெம்மான் இவன் அன்றே.          1.1.5

மறைகலந்த ஒலி பாடலோடு ஆடலர் ஆகி மழு ஏந்தி
இறைகலந்த இன வெள்வளைசோர என் உள்ளம் கவர் கள்வன்
கறைகலந்தகடி யார்பொழில்நீடுயர் சோலைக்கதிர் சிந்தப்
பிறைகலந்தபிர மாபுரமேவிய பெம்மான் இவன் அன்றே.          1.1.6

சடைமுயங்கு புனலன் அனலன் எரி வீசிச்சதிர் வெய்த
உடைமுயங்கும் அரவோடு உழி தந்து எனது உள்ளம் கவர் கள்வன்
கடல்முயங்குகழி சூழ் குளிர் கானல் அம் பொன்னஞ்சிறகு அன்னம்
பெடை முயங்கு பிரமாபுரமேவிய பெம்மான் இவன் அன்றே.          1.1.7

வியர் இலங்குவரை யுந்தியதோள்களை வீரம்விளை வித்த
உயர் இலங்கை அரை யன்வலிசெற்று எனது உள்ளம் கவர் கள்வன்
துயர் இலங்கும் உலகில் பல ஊழிகள் தோன்றும் பொழுது எல்லாம்
பெயர் இ லங்குபிர மாபுரமேவிய பெம்மான் இவன் அன்றே..          1.1.8

தாள் நுதல்செய்து இறை காணிய மாலொடு தண் தாமரை யானும்
நீணுதல்செய்து ஒழிய நிமிர்ந்தான் எனது உள்ளம் கவர் கள்வன்
வாள் நுதல்செய் மகளிர் முதலாகிய வையத்தவர் ஏத்தப்
பேணுதல்செய்பிர மாபுரமேவிய பெம்மான் இவன் அன்றே.          1.1.9

புத்தரோடுபொறி யில்சமணும்புறங் கூறநெறி நில்லா
ஒத்தசொல்ல உலகம் பலிதேர்ந்து எனது உள்ளம் கவர் கள்வன்
மத்தயானை மறுக அவ் உரிபோர்த்ததோர் மாயம் இது என்னப்
பித்தர்போலும்பிர மாபுரமேவிய பெம்மான் இவன் அன்றே.          1.1.10

அருநெறியமறை வல்லமுனியகன் பொய்கையலர் மேய
பெருநெறியபிர மாபுரமேவிய பெம்மான் இவன் தன்னை
ஒருநெறிய மனம் வைத்து உணர்ஞானசம் பந்தன் உரை செய்த
திருநெறியதமிழ் வல்லவர்தொல்வினை தீர்தல் எளிதாமே.          1.1.11


திருச்சிற்றம்பலம்