திருநள்ளாறு

                  

௨ 

திருஞானசம்பந்தர்  சுவாமிகள் அருளிச்செய்த
மூன்றாம்    திருமுறை

தகவல் பலகை	விவரம்
தலம்	திருநள்ளாறு
ஊர்/வேறுபெயர்
நாடு	காவிரி தென்கரை
ॐசுவாமி	தர்ப்பாரண்யேஸ்வரர், நள்ளாற்று ஈசர்
ॐஅம்பிகை	போகமார்த்த பூண்முலையாள்
பாடியவர்கள்	திருஞானசம்பந்தர்(4)         பாடக மெல்லடி (1:07)         போகமார்த்த பூண் முலையாள் (1:49)         ஏடு மலி கொன்ற(2:33)         தளிரிள வளர் ஒளி  (3:87) திருநாவுக்கரசர்(2)         உள்ளாறாததோர் புண்டரிகத்திரள் (5:68)         ஆதிகண்ணான் முகத்தில் (6:20) சுந்தரர்(1)         செம்பொன் மேனி வெண்நீறு (7:68)
ஸ்தல மரம்	தருப்பை
தீர்த்தம்	நள தீர்த்தம்
பண்	சாதாரி
குறிப்புகள்	நளச் சக்கரவர்த்திக்கு சனி பகவானால் வந்த துன்பம் நீக்கிய தலம் சப்த விடங்க தலங்களுள் ஒன்று  பச்சைப் பதிகம் பெற்ற சிறப்புடையது
பதிகப் பலன்	மும்மலம் நீங்கப் பெறலாம்
வரிசை எண்.	87                                                                    52/127

திருச்சிற்றம்பலம்

தளிர் இள வளர் ஒளி தனது எழில் தருதிகழ் மலைமகள்
குளிர் இள வளர் ஒளி வனமுலை இணை அவை குலவலின்
நளிர் இள வளர் ஒளி மருவுநள்ளாறர்தம் நாமமே
மிளிர் இள வளர் எரியிடில் இவை பழுதிலை மெய்ம்மையே.  1  

போதமர் தருபுரி குழல் எழின்மலைமகள் பூணணி
சீதம தணிதரு முகிழ் இளவனமுலை செறிதலின்
நாதம் தெழில் உரு வனையநள்ளாறர்தம்  நாமமே
மீதம் அது எரியினில் இடில் இவை பழுதிலை மெய்ம்மையே.  2  

இட்டுறு மணியணி யிணர்புணர்வளர் ஒளி எழில்வடம்
கட்டுறு கதிரிள வனமுலை இணையொடு கலவலின்
நட்டுறு செறிவயல் மருவு நள்ளாறர்தந் நாமமே
இட்டுறும் எரியினில் இடில் இவை பழுதிலை மெய்ம்மையே.  3  

மைச்சணி வரியரி நயனிதொல் மலைமகள் பயனுறு
கச்சணி கதிரிள வனமுலை அவையொடு கலவலின்
நச்சணி மிடறுடை அடிகள் நள்ளாறர் தம் நாமமே
மெச்சணி எரியினில் இடில் இவை பழுதிலை மெய்ம்மையே.  4  

பண்ணியல் மலைமகள் கதிர்விடுபருமணி அணிநிறக்
கண்ணியல் கலசம தனமுலை இணையொடு கலவலின்
நண்ணிய குளிர்புனல் புகுதுநள்ளாறர் தம் நாமமே
விண்ணியல் எரியினி ல் இடில் இவைபழுதிலை மெய்ம்மையே.  5  

போதுறு புரிகுழல் மலைமகள் இளவளர் பொன்னணி
சூதுறு தளிர்நிற வனமுலை அவையொடு துதைதலின்
தாதுறு நிறமுடை அடிகள் நள்ளாறர்தம் நாமமே
மீதுறும் எரியினில் இடில் இவை பழுதிலை மெய்ம்மையே.  6  

கார்மலி நெறிபுரி சுரிகுழல் மலைமகள் கவின் உறு
சீர்மலி தருமணி அணிமுலை திகழ்வொடு செறிதலின்
தார்மலி நகுதலை உடையநள்ளாறர்தம் நாமமே
ஏர்மலி எரியினில் இடில் இவை பழுதிலை மெய்ம்மையே.  7  

மன்னிய வளர் ஒளி மலைமகள்தளிர்நிற மதமிகு
பொன்னியல் மணியணி கலசம தனமுலை புணர்தலின்
தன்னியல் தசமுகன் நெறியநள் ளாறர்தம் நாமமே
மின்னியல் எரியினில் இடில் இவை பழுதிலை மெய்ம்மையே.  8  

கான்முக மயிலியன் மலைமகள்கதிர்விடு கனமிகு
பால் முகம் இயல்பணை இணைமுலைதுணையொடு பயில் தலின்
நான்முகன் அரி அறிவரியநள் ளாறர்தம் நாமமே
மேன்முக எரியினில் இடில் அவை பழுதிலை மெய்ம்மையே.  9  

அத்திர நயனிதொல் மலைமகள் பயனுறும் அதிசயச்
சித்திர மணியணி திகழ்முலை இணையொடு செறிதலின்
புத்தரொடு அமணர்பொய் பெயரு நள்ளாறர் தம் நாமமே
மெய்த்திரள் எரியினில் இடில் இவை பழுதிலை மெய்ம்மையே.  10  

சிற்றிடை அரிவைதன் வனமுலை இணையொடு செறிதரும்
நற்றிறம் உறுகழு மலநகர் ஞானசம் பந்தன
கொற்றவன் எதிரிடை எரியினில் இடஇவை கூறிய
சொல் தெரி ஒருபதும் அறிபவர் துயர் இலர் தூயரே.

திருச்சிற்றம்பலம்

திருநள்ளாறு

                  

௨ 

திருஞானசம்பந்தர்  சுவாமிகள் அருளிச்செய்த
முதல்   திருமுறை

தகவல் பலகை	விவரம்
தலம்	திருநள்ளாறு
ஊர்/வேறுபெயர்
நாடு	காவிரி தென்கரை
ॐசுவாமி	தர்ப்பாரண்யேஸ்வரர், நள்ளாற்று ஈசர்
ॐஅம்பிகை	போகமார்த்த பூண்முலையாள்
பாடியவர்கள்	திருஞானசம்பந்தர்(4)         பாடக மெல்லடி (1:07)         போகமார்த்த பூண் முலையாள் (1:49)         ஏடு மலி கொன்ற(2:33)         தளிரிள வளர் ஒளி  (3:87) திருநாவுக்கரசர்(2)         உள்ளாறாததோர் புண்டரிகத்திரள் (5:68)         ஆதிகண்ணான் முகத்தில் (6:20) சுந்தரர்(1)         செம்பொன் மேனி வெண்நீறு (7:68)
ஸ்தல மரம்	தருப்பை
தீர்த்தம்	நள தீர்த்தம்
பண் இந்தளம்
குறிப்புகள்	நளச் சக்கரவர்த்திக்கு சனி பகவானால் வந்த துன்பம் நீக்கிய தலம் சப்த விடங்க தலங்களுள் ஒன்று  பச்சைப் பதிகம் பெற்ற சிறப்புடையது
பதிகப் பலன்	நோயின்றி வாழ
வரிசை எண்.	33                                                                    52/127

திருச்சிற்றம்பலம்

ஏடுமலி கொன்றையர விந்துஇள வன்னி
மாடவல செஞ்சடை எம் மைந்தன் இடம் என்பர்
கோடுமலி ஞாழல்குர வேறுசுர புன்னை
நாடுமலி வாசமது வீசிய நள் ளாறே.  1  

விண்ணியல் பிறைப்பிள வறைப்புனல் முடித்த
புண்ணியன் இருக்குமிடம் என்பர்புவி தன்மேல்
பண்ணிய நடத்தொடு இசை  பாடும்அடி யார்கள்
நண்ணிய மனத்தின்வழி பாடுசெய் நள் ளாறே.  2  

விளங்கிழை மடந்தைமலை மங்கைஒரு பாகத்து 
உளங்கொள இருத்திய ஒருத்தன் இடம் என்பர்
வளங்கெழுவு தீபமொடு தூபமலர் தூவி
நளன்கெழுவி நாளும்வழி பாடுசெய்நள் ளாறே.  3  

கொக்கரவர் கூன்மதியர் கோபர்திரு மேனிச்
செக்கரவர் சேருமிட மென்பர்தடம் மூழ்கிப்
புக்கரவர் விஞ்சையரும் விண்ணவரும் நண்ணி
நக்கரவர் நாமநினை வெய்தியநள் ளாறே.  4  

நெஞ்சம் இது கண்டு கொள் உனக்கு என நினைந்தார்
வஞ்சம் அது அறுத்து அருளும் மற்றவனை வானோர்
அஞ்சம் அது காகியவர் கைதொழ எழுந்த
நஞ்சு அமுது செய்தவன் இருப்பிடம்நள் ளாறே.  5  

பாலன் அடி பேண அவன் ஆருயிர் குறைக்கும்
காலனுடல் மாளமுன் உதைத்தஅரன் ஊராம்
கோலமலர் நீர்க்குடம் எடுத்துமறை யாளர்
நாலின்வழி நின்றுதொழில் பேணியநள் ளாறே.  6  

நீதியர் நெடுந்தகையர் நீள்மலையர் பாவை
பாதியர் பராபரர் பரம்பரர் இருக்கை
வேதியர்கள் வேள்வி ஒழியாது மறை நாளும்
ஓதியரன் நாமமும் உணர்த்திடும்நள் ளாறே.  7  

கடுத்துவல் அரக்கன்முன் நெருக்கிவரை தன்னை
எடுத்தவன் முடித்தலைகள் பத்தும்மிகு தோளும்
அடர்த்தவர் தமக்கு இடம் அது என்பர் அளி பாட
நடத்தகல வைத்திரள்கள் வைகியநள் ளாறே.  8  

உயர்ந்தவன் உருக்கொடு திரிந்து உலகம் எல்லாம்
பயந்தவன் நினைப்பரிய பண்பன் இடம் என்பர்
வியந்து அமரர் மெச்சமலர் மல்குபொழில் எங்கும்
நயந்தரும வேத ஒலி யார்திருநள் ளாறே.  9  

சிந்தைதிரு கற்சமணர்தேரர்தவ மென்னும்
பந்தனை யறுத்தருளு கின்றபர மன்னூர்
மந்தமுழ வந்தரு விழாவொலியும் வேதச்
சந்தம்விர விப்பொழில் முழங்கியநள் ளாறே.  10  

ஆடல் அரவார் சடையன் ஆயிழை தன் னோடும்
நாடுமலி வெய்திட இருந்தவன்நள் ளாற்றை
மாடமலி காழிவளர் பந்தனது செஞ்சொல்
பாடலுடை யாரை அடையா பழிகள் நோயே.

திருச்சிற்றம்பலம்

திருநள்ளாறு

                 

௨ 

திருஞானசம்பந்தர்  சுவாமிகள் அருளிச்செய்த
முதல்   திருமுறை

தகவல் பலகை	விவரம்
தலம்	திருநள்ளாறு
ஊர்/வேறுபெயர்
நாடு	காவிரி தென்கரை
ॐசுவாமி	தர்ப்பாரண்யேஸ்வரர், நள்ளாற்று ஈசர்
ॐஅம்பிகை	போகமார்த்த பூண்முலையாள்
பாடியவர்கள்	திருஞானசம்பந்தர்(4)         பாடக மெல்லடி (1:07)         போகமார்த்த பூண் முலையாள் (1:49)         ஏடு மலி கொன்ற(2:33)         தளிரிள வளர் ஒளி  (3:87) திருநாவுக்கரசர்(2)         உள்ளாறாததோர் புண்டரிகத்திரள் (5:68)         ஆதிகண்ணான் முகத்தில் (6:20) சுந்தரர்(1)         செம்பொன் மேனி வெண்நீறு (7:68)
ஸ்தல மரம்	தருப்பை
தீர்த்தம்	நள தீர்த்தம்
பண்	பழந்தக்க ராகம்
குறிப்புகள்	நளச் சக்கரவர்த்திக்கு சனி பகவானால் வந்த துன்பம் நீக்கிய தலம் சப்த விடங்க தலங்களுள் ஒன்று  பச்சைப் பதிகம் பெற்ற சிறப்புடையது
பதிகப் பலன்	ஆன்மாக்களுக்கு உரிய இன்பத்தை தரும்.
வரிசை எண்.	49                                                                    52/127

திருச்சிற்றம்பலம்

போகமார்த்த பூண்முலையாள்  தன்னோடும் பொன்னகலம்
பாகம் ஆர்த்த பைங்கண் வெள்ளேற்று அண்ணல் பரமேட்டி
ஆகம் ஆர்த்த தோல் உடையன் கோவண ஆடையின்மேல்
நாகம் ஆர்த்த நம்பெருமான்  மேயது நள்ளாறே.  1    

தோடுடைய காதுடையன்  தோல் உடை யன்தொலையாப்
பீடுடைய போர்விடையன்  பெண்ணும் ஓர் பால் உடையன்
ஏடுடைய மேல் உலகோடு ஏழ்கட லும் சூழ்ந்த
நாடுடைய நம்பெருமான் மேயது நள்ளாறே.  2   

ஆன்முறையால் ஆற்ற வெண்ணீறு ஆடி அணியிழையோர்
பான்முறையால் வைத்த பாதம்  பத்தர் பணிந்து ஏத்த
மான்மறியும் வெண்மழுவும்  சூலமும் பற்றியகை
நான்மறையான்  நம்பெருமான் மேயது நள்ளாறே.  3  

புல்க வல்ல வார் சடைமேற் பூம்புனல் பெய்தயலே
மல்கவல்ல கொன்றை மாலை  மதியோ டு உடன்சூடிப்
பல்கவல்ல தொண்டர்தம் பொற்பாத நிழற்சேர
நல்கவல்ல நம்பெருமான் மேயது நள்ளாறே.  4   

ஏறுதாங்கி ஊர்திபேணி ஏர்கொள் இளமதியம்
ஆறுதாங்கும் சென்னிமேல் ஓர் ஆடர வம் சூடி
நீறுதாங்கி நூல்கிடந்த மார்பில் நிரைகொன்றை
நாறுதாங்கு நம்பெருமான் மேயது நள்ளாறே.  5   

திங்கள் உச்சி மேல்விளங்கும் தேவன் இமையோர்கள்
எங்கள் உச்சி எம் இறைவன் என்று அடி யே இறைஞ்சத்
தங்கள் உச்சி யால் வணங்கும்  தன் அடியார்கட்கு எல்லாம்
நங்கள் உச்சி நம்பெருமான்  மேயது நள்ளாறே.  6   

வெஞ்சுடர்த்தீ அங்கை ஏந்தி விண்கொள் முழவு அதிர
அஞ்சிடத்தோர் ஆடல்பாடல் பேணுவது அன்றியும்போய்ச்
செஞ்சடைக்கு ஓர் திங்கள்சூடித் திகழ்தரு கண்டத்துள்ளே
நஞ்சடைத்த நம்பெருமான் மேயது நள்ளாறே.  7   

சிட்டம் ஆர்ந்த மும்மதிலும் சிலைவரைத் தீ அம்பினால்
சுட்டுமாட்டிச் சுண்ண வெண் நீறு ஆடுவது அன்றியும்போய்ப்
பட்டம் ஆர்ந்த சென்னிமேல் ஓர் பால்ம தியம் சூடி
நட்டம் ஆடும் நம்பெருமான் மேயது நள்ளாறே.  8   

உண்ணல் ஆகா நஞ்சுகண்டத்து உண்டு உட னே ஒடுக்கி
அண்ணலாகா அண்ணல்நீழல் ஆர்அழல் போல் உருவம்
எண்ணல் ஆகா உள்வினை என்று எள்க வலித்து இருவர்
நண்ணல் ஆகா நம்பெருமான் மேயது நள்ளாறே.  9   

மாசுமெய்யர் மண்டைத்தேரர் குண்டர் குணம்இலிகள்
பேசும்பேச்சை மெய்  என்று எண்ணி அந்நெறி செல்லன்மின்
மூசுவண்டார் கொன்றைசூடி மும்மதி ளும் உடனே
நாசம் செய்த நம்பெருமான்  மேயது நள்ளாறே.  10   

தண்புனலும் வெண்பிறையும் தாங்கிய தாழ்சடையன்
நண்புநல்லார் மல்குகாழி ஞானசம் பந்தன்நல்ல
பண்புநள்ளாறு ஏத்துபாடல் பத்தும் இவைவல்லார்
உண்புநீங்கி வானவரோடு உலகில் உறைவாரே.

திருச்சிற்றம்பலம்

திரு நள்ளாறு - திரு ஆலவாய்

                

௨ 

திருஞானசம்பந்தர்  சுவாமிகள் அருளிச்செய்த
முதல்   திருமுறை

தகவல் பலகை	விவரம்
தலம்	திருநள்ளாறு
ஊர்/வேறுபெயர்
நாடு	காவிரி தென்கரை
ॐசுவாமி	தர்ப்பாரண்யேஸ்வரர், நள்ளாற்று ஈசர்
ॐஅம்பிகை	போகமார்த்த பூண்முலையாள்
பாடியவர்கள்	திருஞானசம்பந்தர்(4)         பாடக மெல்லடி (1:07)         போகமார்த்த பூண் முலையாள் (1:49)         ஏடு மலி கொன்ற(2:33)         தளிரிள வளர் ஒளி  (3:87) திருநாவுக்கரசர்(2)         உள்ளாறாததோர் புண்டரிகத்திரள் (5:68)         ஆதிகண்ணான் முகத்தில் (6:20) சுந்தரர்(1)         செம்பொன் மேனி வெண்நீறு (7:68)
ஸ்தல மரம்	தருப்பை
தீர்த்தம்	நள தீர்த்தம்
பண்	திதிருக்குறுந்தொகை
குறிப்புகள்	நளச் சக்கரவர்த்திக்கு சனி பகவானால் வந்த துன்பம் நீக்கிய தலம் சப்த விடங்க தலங்களுள் ஒன்று  பச்சைப் பதிகம் பெற்ற சிறப்புடையது
பதிகப் பலன்	ஆன்மாக்களுக்கு உரிய இன்பத்தை தரும்.
வரிசை எண்.	7                                                                    52/127

திரு ஆலவாய் 

தகவல் பலகை	விவரம்
தலம்	திருஆலவாய்
ஊர்/வேறுபெயர்	மதுரை
நாடு	பாண்டிய நாடு
ॐசுவாமி	சுந்தரேஸ்வரர்
ॐஅம்பிகை	மீனாட்சி, அங்கயர்கன்னி
பாடியவர்கள்	திருஞானசம்பந்தர்(4)         நீல மாமிடற் (1-94)         மந்திரமாவது நீறு (2-66)         மானின் நேர்விழி (3-39)         காட்டு மாவ துரித்தரி (3-47)         செய்யனே திரு (3-51)         வீடல் ஆலவாயிலாய் (3-52)         வேத வேள்வியை (3-108)         ஆல நீழல் உகந்த (3-115)         மங்கையர்க்கரசி (3-120) திருநாவுக்கரசர்(2)         வேதியா வேத கீதா (4-62)         முளைத்தானை முன்னே(6-19)
ஸ்தல மரம்	கடம்ப மரம்
தீர்த்தம்	பொற்றாமைக் குளம்
பண்	நட்டபாடை
குறிப்புகள்	தடாதகை பிராட்டியார் திரு அவதாரம் செய்த தலம்  பஞ்ச சபையில் ஒன்று  வெள்ளியம்பலம்  சிவபெருமான் 64 திருவிளையாடல்  புரிந்த தலம்  மூன்றாம் கடைச் சங்கம் இருந்த பதி.
பதிகப் பலன்	ஆன்மாக்களுக்கு உரிய இன்பத்தை தரும்.
வரிசை எண்.	7                                                                    1/14

திருச்சிற்றம்பலம்

பாடக மெல் அடிப் பாவையோடும்
படுபிணக் காடிடம் பற்றிநின்று    
நாடகம் ஆடும்நள் ளாறுடைய     
நம்பெரு மான் இது என் கொல்சொல்லாய்    
சூடக முன்கை மடந்தைமார்கள்     
துணைவரொடும் தொழுது ஏத்திவாழ்த்த    
ஆடக மாடம் நெருங்குகூடல்     
ஆலவா யின்கண் அமர்ந்தவாறே.  1  

திங்கள் அம் போதும் செழும்புனலும்
செஞ்சடை மாட்டு அயல் வைத்து உகந்து
நங்கண் மகிழுநள் ளாறுடைய     
நம்பெரு மான் இது என்கொல் சொல்லாய் 
பொங்கிள மென்முலை யார்களோடும்     
புனமயி லாட நிலாமுளைக்கும்
அங்கழ கச்சுதை  மாடக்கூடல்     
ஆலவா யின்கண் அமர்ந்தவாறே.  2   

தண்ணறு மத்தமும் கூவிளமும் 
வெண்தலை மாலையும் தாங்கியார்க்கும் 
நண்ணல் அரியநள் ளாறுடைய 
நம்பெரு மான் இது என்கொல்சொல்லாய்
புண்ணிய வாணரும் மாதவரும் 
புகுந்துடன் ஏத்தப் புனை இழையார்    
அண்ணலின் பாடல் எடுக்குங்கூடல் 
ஆலவா யின்கண் அமர்ந்தவாறே.  3  

பூவினில் வாசம் புனலிற்பொற்புப் 
புதுவிரைச் சாந்தினில்  நாற்றத்தோடு    
நாவினிற் பாடல்நள் ளாறுடைய     
நம்பெரு மான் இது என்கொல்சொல்லாய்    
தேவர்கள் தானவர் சித்தர்
        விச்சா தரர்கணத் தோடும் சிறந்துபொங்கி
ஆவினில் ஐந்து உகந்து ஆட்டும் கூடல்    
ஆலவா யின்கண் அமர்ந்தவாறே.  4  

செம்பொன்செய் மாலையும் வாசிகையும்     
திருந்து புகையும் அவியும்பாட்டும்    
நம்பும்பெருமைநள் ளாறுடைய    
நம்பெரு மான் இது என்கொல்சொல்லாய்    
உம்பரும் நாகர் உலகன் தானும்     
ஒலிகடல் சூழ்ந்த உலகத்தோரும்    
அம்புத நால்களால் நீடும் கூடல்    
ஆலவா யின்கண் அமர்ந்தவாறே.  5  

பாகமும் தேவியை வைத்துக்கொண்டு     
பைவிரி துத்திப் பரியபேழ்வாய்    
நாகமும் பூண்டநள் ளாறுடைய    
நம்பெரு மான் இது என்கொல்சொல்லாய்    
போகமும் நின்னை மனத்துவைத்துப்     
புண்ணியர்நண்ணும் புணர்வுபூண்ட    
ஆகம் உடையவர் சேரும் கூடல்    
ஆலவா யின்கண் அமர்ந்தவாறே.  6  

கோவண ஆடையும் நீறுப்பூச்சும்     
கொடுமழு ஏந்தலும் செஞ்சடையும்    
நாவணப் பாட்டுநள் ளாறுடைய    
நம்பெரு மான் இது என்கொல்சொல்லாய்    
பூவண மேனி இளையமாதர்     
பொன்னும் மணியும் கொழித்து எடுத்து    
ஆவண வீதில் ஆடும் கூடல்    
ஆலவா யின்கண் அமர்ந்தவாறே.  7  

இலங்கை இராவணன் வெற்பெடுக்க     
எழில்விரல் ஊ ன்றி இசைவிரும்பி    
நலம் கொளச் சேர்ந்தநள் ளாறுடைய    
நம்பெரு மான் இது என்கொல்சொல்லாய்    
புலன்களைச் செற்றுப் பொறியைநீக்கிப்     
புந்தியி லும் நினைச் சிந்தைசெய்யும்    
அலங்கல்நல் லார்கள் அமருங்கூடல்    
ஆலவா யின்கண் அமர்ந்தவாறே.  8  

பணியுடை மாலும் மலரினோனும்
பன்றியும் வென்றிப் பறவையாயும்    
நணுகல் அரியநள் ளாறுடைய    
நம்பெரு மான் இது என்கொல்சொல்லாய்    
மணியொலி சங்கொலி யோடுமற்றை    
மாமுர சின் ஒலி யென்றும்ஓவாது     
அணிகிளர் வேந்தர் புகுதும் கூடல்    
ஆலவா யின்கண் அமர்ந்தவாறே.  9  

தடுக்குடைக் கையரும் சாக்கியரும் 
சாதியில் நீங்கிய அத்தவத்தர்    
நடுக்குற நின்றநள் ளாறுடைய 
நம்பெரு மான் இது என்கொல்சொல்லாய்    
எடுக்கும் விழவும்நன் னாள்விழவும்     
இரும்பலி இன்பினோடு எத்திசையும்    
அடுக்கும் பெருமைசேர் மாடக்கூடல்    
ஆலவா யின்கண் அமர்ந்தவாறே.  10  

அன்புடை யானை அரனைக்கூடல் 
ஆலவாய் மேவியது  என்கொல் என்று    
நன்பொனை நாதனை நள்ளாற்றானை     
நயம்பெறப் போற்றி நலம் குலாவும்    
பொன்புடை சூழ்தரு மாடக்காழிப்     
பூசுரன் ஞானசம் பந்தன்சொன்ன    
இன்புடைப் பாடல்கள் பத்தும்வல்லார்     
இமையவர் ஏத்த இருப்பர்தாமே.

திருச்சிற்றம்பலம்

திருநள்ளாறு

               

௨ 

திருநாவுக்கரசு  சுவாமிகள் அருளிச்செய்த
ஐந்தாம்   திருமுறை

தகவல் பலகை	விவரம்
தலம்	திருநள்ளாறு
ஊர்/வேறுபெயர்
நாடு	காவிரி தென்கரை
ॐசுவாமி	தர்ப்பாரண்யேஸ்வரர், நள்ளாற்று ஈசர்
ॐஅம்பிகை	போகமார்த்த பூண்முலையாள்
பாடியவர்கள்	திருஞானசம்பந்தர்(4)         பாடக மெல்லடி (1:07)         போகமார்த்த பூண் முலையாள் (1:49)         ஏடு மலி கொன்ற(2:33)         தளிரிள வளர் ஒளி  (3:87) திருநாவுக்கரசர்(2)         உள்ளாறாததோர் புண்டரிகத்திரள் (5:68)         ஆதிகண்ணான் முகத்தில் (6:20) சுந்தரர்(1)         செம்பொன் மேனி வெண்நீறு (7:68)
ஸ்தல மரம்	தருப்பை
தீர்த்தம்	நள தீர்த்தம்
பண்	திதிருக்குறுந்தொகை
குறிப்புகள்	நளச் சக்கரவர்த்திக்கு சனி பகவானால் வந்த துன்பம் நீக்கிய தலம் சப்த விடங்க தலங்களுள் ஒன்று  பச்சைப் பதிகம் பெற்ற சிறப்புடையது
பதிகப் பலன்	வினை தீர்க்கும் தலம்
வரிசை எண்.	68                                                                    52/127

திருச்சிற்றம்பலம்

உள்ளா றாததோர் புண்டரி கத்திரள்
தெள்ளா றாச்சிவ சோதித் திரளினைக்
கள்ளா றாதபொற் கொன்றை கமழ்சடை
நள்ளாறு என நம்வினை நாசமே.  1  

ஆர ணப்பொருளாம் அரு ளாளனார்
வார ணத்து உரி போர்த்த மணாளனார்
நார ணன்நண்ணி யேத்துநள் ளாறனார்
கார ணக்கலை ஞானக் கடவுளே.  2  

மேகம் பூண்டதோர் மேருவிற் கொண்ட எயில்
சோகம் பூண்டழல் சோரத்தொட் டான் அவன்
பாகம் பூண்டமால் பங்கயத் தானொடு
நாகம் பூண்டுகூத் தாடுநள் ளாறனே.  3  

மலியுஞ் செஞ்சடை வாளர வம்மொடு
பொலியும் பூம்புனல் வைத்த புனிதனார்
நலியுங் கூற்றை நலிந்தநள் ளாறர்தம்
வலியுங் கண்டு இறு மாந்து மகிழ்வனே.  4  

உறவ னாய்நிறைந்து உள்ளம் குளிர்ப்பவன்
இறைவ னாகிநின்று எண்ணிறைந் தான் அவன்
நறவ நாறும் பொழில் திரு நள்ளாறன்
மறவ னாய்ப்பன்றிப் பின்சென்ற மாயமே.  5  

செக்க ரங்கழி செஞ்சுடர்ச் சோதியார்
நக்கர் அங்கு அரவார்த்த நள்ளாறனார்
வக்க ரன் உயிர் வவ்விய மாயற்குச்
சக்க ரம் அருள் செய்த சதுரரே.  6  

வஞ்ச நஞ்சிற் பொலிகின்ற கண்டத்தர்
விஞ்சை யிற்செல்வப் பாவைக்கு வேந்தனார்
வஞ்ச நெஞ்சத் தவர்க்கு வழிகொடார்
நஞ்ச நெஞ்சர்க்கு அருளுநள் ளாறரே.  7  

அல்லன் என்றும் அலர்க்கு அரு ளாயின
சொல்லன் என்றுசொல் லாமறைச் சோதியான்
வல்லன் என்றும்வல் லார்வளம் மிக்கவர்
நல்லன் என்றும்நல் லார்க்குநள் ளாறனே.  8  

பாம்ப ணைப்பள்ளி கொண்ட பரமனும்
பூம்ப ணைப்பொலிகின்ற புராணனும்
தாம்ப ணிந்தளப் பொண்ணாத் தனித்தழல்
நாம்ப ணிந்து அடி போற்றுநள் ளாறனே.  9  

இலங்கை மன்னன் இருபது தோளிற
மலங்க மால்வரை மேல்விரல் வைத்தவர்
நலங்கொள் நீற்றர்நள்ளாறரை நாள் தொறும்
வலங்கொள் வார்வினை யாயின மாயுமே.

திருச்சிற்றம்பலம்

திருநள்ளாறு

               

௨ 

சுந்தரமூர்த்தி   சுவாமிகள் அருளிச்செய்த
ஏழாம் திருமுறை

தகவல் பலகை	விவரம்
தலம்	திருநள்ளாறு
ஊர்/வேறுபெயர்
நாடு	காவிரி தென்கரை
ॐசுவாமி	தர்ப்பாரண்யேஸ்வரர், நள்ளாற்று ஈசர்
ॐஅம்பிகை	போகமார்த்த பூண்முலையாள்
பாடியவர்கள்	திருஞானசம்பந்தர்(4)         பாடக மெல்லடி (1:07)         போகமார்த்த பூண் முலையாள் (1:49)         ஏடு மலி கொன்ற(2:33)         தளிரிள வளர் ஒளி  (3:87) திருநாவுக்கரசர்(2)         உள்ளாறாததோர் புண்டரிகத்திரள் (5:68)         ஆதிகண்ணான் முகத்தில் (6:20) சுந்தரர்(1)         செம்பொன் மேனி வெண்நீறு (7:68)
ஸ்தல மரம்	தருப்பை
தீர்த்தம்	நள தீர்த்தம்
பண்	தக்கேசி
குறிப்புகள்	நளச் சக்கரவர்த்திக்கு சனி பகவானால் வந்த துன்பம் நீக்கிய தலம் சப்த விடங்க தலங்களுள் ஒன்று  பச்சைப் பதிகம் பெற்ற சிறப்புடையது
	muththமுத்திப்பேறு கிட்டும்
வரிசை எண்.	68                                                                    52/127

திருச்சிற்றம்பலம்

செம்பொன் மேனிவெண் நீறு அணி வானைக்
          கரிய கண்டனை மால்அயன் காணாச்
சம்பு வைத்து அழல் அங்கையி னானைச்
          சாம வேதனைத் தன் ஒப்பிலானைக்
கும்ப மாகரி யின் உரி யானைக்
          கோவின் மேல்வருங் கோவினை எங்கள்
நம்ப னைநள் ளாறனை அமுதை
          நாயி னேன்மறந்து என்நினைக் கேனே.  1  

விரைசெய் மாமலர்க் கொன்றையி னானை
        வேத கீதனை மிகச்சிறந் து உருகிப்
பரசு வார்வினைப் பற்று அறுப்பானைப்
      பாலொடு ஆன் அஞ்சும் ஆடவல் லானைக்
குரைக டல்வரை ஏழு உலகுடைய
      கோனை ஞானக் கொழுந்தினைத் தொல்லை
நரைவிடை யுடைநள் ளாறனை அமுதை
      நாயி னேன்மறந்து என்நினைக் கேனே.  2  

பூவில் வாசத்தைப் பொன்னினை மணியைப்
      புவியைக் காற்றினைப் புனல்அனல் வெளியைச்
சேவின் மேல்வரும் செல்வனைச் சிவனைத்
      தேவ தேவனைத் தித்திக்குந் தேனைக்
காவி யங்கண்ணிப் பங்கனைக் கங்கைச்
      சடைய னைக்கா மரத்திசை பாட
நாவில் ஊறும்நள் ளாறனை அமுதை
      நாயி னேன்மறந்து என்நினைக் கேனே.  3  

தஞ்சம் என்றுதன் தாளது அடைந்த
      பாலன் மேல்வந்த காலனை உருள
நெஞ்சில் ஓர்உதை கொண்ட பிரானை
      நினைப்ப வர்மனம் நீங்ககில் லானை
விஞ்சை வானவர் தானவர் கூடிக்
      கடைந்த வேலையுள் மிக்குக் எழுந்து எரியும்
நஞ்சம் உண்டநள் ளாறனை அமுதை
      நாயி னேன்மறந்து என்நினைக் கேனே.  4  

மங்கை பங்கனை மாசிலா மணியை
      வான நாடனை ஏனமோடு அன்னம்
எங்கு நாடியுங் காண்பரி யானை
      ஏழை யேற்குக் எளி வந்தபி ரானை
அங்கம் நான்மறை யால்நிறை கின்ற
      அந்த ணாளர் அடியது போற்றும்
நங்கள் கோனைநள் ளாறனை அமுதை
      நாயி னேன்மறந்து என்நினைக் கேனே.  5  

கற்ப கத்தினைக் கனகமால் வரையைக்
      காம கோபனைக் கண்ணுத லானைச்
சொற்ப தப்பொருள் இருள் அறுத்து அருளும்
      தூய சோதியை வெண்ணெய் நல்லூரில்
அற்பு தப்பழ ஆவணம்காட்டி
      அடிய னாஎன்னை ஆளது கொண்ட
நற்ப தத்தைநள் ளாறனை அமுதை
      நாயி னேன்மறந்து என்நினைக் கேனே.  6  

மறவ னைஅன்று பன்றிப்பின் சென்ற
      மாய னைநால்வர்க்கு ஆலின்கீழ் உரைத்த
அறவ னைஅம ரர்க்கு அரி யானை
      அமரர் சேனைக்கு நாயக னான
"குறவர் மங்கைதன் கேள்வனைப் பெற்ற"
      கோனை நான்செய்த குற்றங்கள் பொறுக்கும்
நறைவி ரியும்நள் ளாறனை அமுதை
      நாயி னேன்மறந்து என்நினைக் கேனே.  7  

மாதி னுக்கு உடம்பு இடம் கொடுத் தானை
      மணியி னைப்பணி வார்வினை கெடுக்கும்
வேத னைவேத வேள்வியர் வணங்கும்
      விமல னை அடி யேற்கு எளி வந்த
தூதனைத் தன்னைத் தோழமை அருளித்
      தொண்ட னேன்செய்த துரிசுகள் பொறுக்கும்
நாத னைநள் ளாறனை அமுதை
      நாயி னேன்மறந்து என்நினைக் கேனே.  8  

இலங்கை வேந்தன் எழில்திகழ் கயிலை
      எடுப்ப ஆங்கு இம வான் மகள் அஞ்சத்
துலங்கு நீண்முடி ஒருபதும் தோள்கள்
      இருப தும் நெரித்து இன்னிசை கேட்டு
வலங்கை வாளொடு நாமமுங் கொடுத்த
      வள்ள லைப்பிள்ளை மாமதிச் சடைமேல்
நலங்கொள் சோதிநள் ளாறனை அமுதை
      நாயி னேன்மறந்து என்நினைக் கேனே.  9  

செறிந்த சோலைகள் சூழ்ந்தநள் ளாற்று எம் 
      சிவனை நாவலூர்ச் சிங்கடி தந்தை
மறந்து நான்மற்று நினைப்பது ஏது என்று
      வனப்ப கை அப்பன் ஊரன் வன்தொண்டன்
சிறந்த மாலைகள் அஞ்சினோடு அஞ்சும்
      சிந்தையுள் உருகிச் செப்ப வல்லார்க்கு 
இறந்து போக்கில்லை வரவில்லை யாகி
      இன்பவெள் ளத்துள் இருப்பர்கள் இனிதே.

திருச்சிற்றம்பலம்

திருநள்ளாறு

              

௨ 

திருநாவுக்கரசு  சுவாமிகள் அருளிச்செய்த
ஆறாம்  திருமுறை

தகவல் பலகை	விவரம்
தலம்	திருநள்ளாறு
ஊர்/வேறுபெயர்
நாடு	காவிரி தென்கரை
ॐசுவாமி	தர்ப்பாரண்யேஸ்வரர், நள்ளாற்று ஈசர்
ॐஅம்பிகை	போகமார்த்த பூண்முலையாள்
பாடியவர்கள்	திருஞானசம்பந்தர்(4)         பாடக மெல்லடி (1:07)         போகமார்த்த பூண் முலையாள் (1:49)         ஏடு மலி கொன்ற(2:33)         தளிரிள வளர் ஒளி  (3:87) திருநாவுக்கரசர்(2)         உள்ளாறாததோர் புண்டரிகத்திரள் (5:68)         ஆதிகண்ணான் முகத்தில் (6:20) சுந்தரர்(1)         செம்பொன் மேனி வெண்நீறு (7:68)
ஸ்தல மரம்	தருப்பை
தீர்த்தம்	நள தீர்த்தம்
பண்	திருத்தாண்டகம்
குறிப்புகள்	நளச் சக்கரவர்த்திக்கு சனி பகவானால் வந்த துன்பம் நீக்கிய தலம் சப்த விடங்க தலங்களுள் ஒன்று  பச்சைப் பதிகம் பெற்ற சிறப்புடையது
	வினை தீர்க்கும் - தோஷ நிவர்த்தி தலம்
வரிசை எண்.	20                                    காவிரி (தெ) -52/127

திருச்சிற்றம்பலம்

ஆதிக்கண் ணான்முகத்தில் ஒன்று சென்று 
அல்லாத சொல் உரைக்கத் தன்கை வாளால்
சேதித்த திருவடியைச் செல்ல நல்ல 
சிவலோக நெறிவகுத்துக் காட்டு வானை
மாதிமைய மாதோர்கூறு ஆயி னானை
மாமலர்மேல் அயனோடு மாலும் காணா
நாதியை நம்பியை நள்ளாற் றானை
நான் அடியேன் நினைக்கப்பெற் று உய்ந்த வாறே.  1  

படையானைப் பாசுபத வேடத் தானைப்
பண்டனங்கற் பார்த்தானைப் பாவ மெல்லாம்
அடையாமைக் காப்பானை அடியார் தங்கள் 
அருமருந்தை ஆவாவென் றருள்செய் வானைச்
சடையானைச் சந்திரனைத் தரித்தான் றன்னைச்
சங்கத்த முத்தனைய வெள்ளை யேற்றின்
நடையானை நம்பியை நள்ளாற் றானை
நான் அடியேன் நினைக்கப்பெற் று உய்ந்த வாறே.  2  

பட அரவம் என்றுகொண்டு அரையி லார்த்த 
பராபரனைப் பைஞ்ஞீலி மேவி னானை
அடல் அரவம் பற்றிக் கடைந்த நஞ்சை 
அமுதாக உண்டானை ஆதி யானை
மடல் அரவம் மன்னுபூங் கொன்றை யானை
மாமணியை மாணிக்காய்க் காலன் தன்னை
நடல் அரவம் செய்தானை நள்ளாற் றானை
நான் அடியேன் நினைக்கப்பெற் று உய்ந்த வாறே.  3  

கட்டங்கம் ஒன்றுதம் கையில் ஏந்திக்
கங்கணமும் காதில்விடு தோடு மிட்டுச்
சுட்டங்கங் கொண்டு துதையப் பூசிச்
சுந்தரனாய்ச் சூலங்கை ஏந்தி னானைப்
பட்டங்க மாலை நிறையச் சூடிப்
பல்கணமும் தாமும் பரந்த காட்டில்
நட்டங்கம் ஆடியை நள்ளாற் றானை
நான் அடியேன் நினைக்கப்பெற் று உய்ந்த வாறே.  4  

உலர்ந்தார்தம் அங்கம் கொண்டு உலகம் எல்லாம் 
ஒருநொடியில் உழல்வானை உலப்பில் செல்வம்
சிலந்திதனக்கு அருள்செய்த தேவ தேவைத்
திருச்சிராப் பள்ளி எம் சிவலோ கனைக்
கலந்தார்தம் மனத்து என்றும் காதலானைக்
கச்சியே கம்பனைக் கமழ்பூங் கொன்றை
நலந்தாங்கு நம்பியை நள்ளாற் றானை
நான் அடியேன் நினைக்கப்பெற் று உய்ந்த வாறே.  5  

குலங்கொடுத்துக் கோள்நீக்க வல்லான் தன்னைக்
குலவரையன் மடப்பாவை இடப்பா லானை
மலங்கெடுத்து மாதீர்த்தம் ஆட்டிக் கொண்ட 
மறையவனைப் பிறைதவழ்செஞ் சடையி னானைச்
சலங்கெடுத்துத் தயாமூல தன்மம் என்னும்
தத்துவத்தின் வழிநின்று தாழ்ந்தோர்க்கு எல்லாம்
நலங்கொடுக்கும் நம்பியை நள்ளாற் றானை
நான் அடியேன் நினைக்கப்பெற் று உய்ந்த வாறே.  6  

பூவிரியும் மலர்க்கொன்றைச் சடையி னானைப்
புறம்பயத்து எம் பெருமானைப் புகலூ ரானை
மாவிரியக் களிறு உரித்த மைந்தன் தன்னை
மறைக்காடும் வலிவலமும் மன்னி னானைத்
தேவிரியத் திகழ்தக்கன் வேள்வி எல்லாம்
சிதைத்தானை உதைத்தவன் தன் சிரம் கொண் டானை
நாவிரிய மறைநவின்ற நள்ளாற் றானை
நான் அடியேன் நினைக்கப்பெற் று உய்ந்த வாறே.  7  

சொல்லானைச் சுடர்ப்பவளச் சோதி யானைத் 
தொல் அவுணர் புரமூன்றும் எரியச் செற்ற
வில்லானை எல்லார்க்கு மேலா னானை
மெல்லியலாள் பாகனை வேதம் நான்கும்
கல்லாலின் நீழற்கீழ் அறங்கண் டானைக்
காளத்தி யானைக் கயிலை மேய
நல்லானை நம்பியை நள்ளாற் றானை
நான் அடியேன் நினைக்கப்பெற் று உய்ந்த வாறே.  8  

குன்றாத மாமுனிவன் சாபம் நீங்கக் 
குரைகழலாற் கூற்றுவனைக் குமைத்த கோனை
அன்றாக அவுணர்புர மூன்றும் வேவ 
ஆர் அழல்வாய்ஓட்டி அடர்வித் தானைச்
சென்றாது வேண்டி ஒன்று ஈவான் தன்னைச்
சிவனே எம் பெருமான் என்று இருப்பார்க்கு என்றும்
நன்றாகும் நம்பியை நள்ளாற் றானை
நான் அடியேன் நினைக்கப்பெற் று உய்ந்த வாறே.  9  

இறவாமே வரம்பெற்றேன் என்று மிக்க 
இராவணனை இருபதுதோள் நெரிய வூன்றி
உறவாகி இன்னிசை கேட்டு இரங்கி மீண்டே
உற்றபிணி தவிர்த்து அருள வல்லான் தன்னை
மறவாதார் மனத்து என்றும் மன்னி னானை
மாமதியம் மலர்க்கொன்றை வன்னி மத்தம்
நறவார்செஞ் சடையானை நள்ளாற் றானை
நான் அடியேன் நினைக்கப்பெற் று உய்ந்த வாறே.

திருச்சிற்றம்பலம்