திரு நொடித்தான் மலை

           

௨ 

சுந்தரமூர்த்தி  சுவாமிகள் அருளிச்செய்த
ஏழாம் திருமுறை

தகவல் பலகை	விவரம்
தலம்	திருநொடித்தான்மலை
ஊர் /வேறு பெயர்	திருக்யிலாயம்
நாடு	வட நாடு
ॐசுவாமி	பரமசிவன், கைலாயநாதர்
ॐஅம்பிகை	பார்வதி தேவி
பாடியவர்கள்	திருஞானசம்பந்தர்(1),         பொடிகொள்  ஒருவர் (1-68)         வாளவரி கோள (3-68) திருநாவுக்கரசர்(1),         கனகமா வயிர  (4-47)         வேற்றாகி விண்ணாகி  (6-55)         பொறையுடைய  (6-56)         பாட்டான நல்ல (6-57) சுந்தரர்(1)         தான் எனை முன் படைத்தான்  (7-100)
ஸ்தல மரம்
தீர்த்தம்	மானசரோவர் (கங்கை)
பண்	திருநேரிசை சாதாரி
குறிப்புகள்	இமயமலையின் வடபால் உள்ளது பணி படர்ந்த மலை சுந்தரமூர்த்தி சுவாமிகள், காரைக்கால் அம்மையார், சேரமான் பெருமாள் கயிலை சென்றனர் அப்பர் சுவாமிகள் திருக்குளத்தில் மூழ்கி, திருவையாறில் கயிலை காட்சி கண்டார். திருஞானசம்பந்தர் திருக்காளத்தியில் இருந்தவாறு திருக்கேதாரத்தையும், திருக்கயிலையையும் பாடியதாக பெரியபுராணம் சொல்கிறது.
பதிக பலன்	தினசரி வழிபாட்டில் ஓத வேண்டியது
வரிசை எண்.	55                                                                5/5

திருச்சிற்றம்பலம்

தான் எனை முன்படைத் தான் அது அறிந்துதன் பொன்னடிக்கே
நான் என பாடல் அந்தோ நாயினேனைப் பொருட்படுத்து
வான் எனை வந்து எதிர் கொள்ள மத்த யானை அருள்புரிந்து
ஊன் உயிர் வேறுசெய் தான்நொடித்தான்மலை உத்தமனே.  1  

ஆனை உரித்த பகைஅடியேனொடு மீளக்கொலோ
ஊனை உயிர் வெருட் டிஒள்ளி யானை நினைந்து இருந்தேன்
வானை மதித்து அமரர் வலம் செய்து எனை ஏறவைக்க
ஆனை அருள்புரிந் தான்நொடித் தான்மலை உத்தமனே.  2  

மந்திரம் ஒன்று அறியேன் மனை வாழ்க்கை மகிழ்ந்து அடியேன்
சுந்தர வேடங்களால் துரி சே செயும் தொண்டன் எனை
அந்தர மால்விசும் பில்அழகானை அருள்புரிந்த
துந்தர மோநெஞ்சமே நொடித் தான்மலை உத்தமனே.  3  

வாழ்வை உகந்தநெஞ்சே மடவார் தங்கள் வல்வினைப்பட்டு
ஆழ முகந்த என்னை அது மாற்றி அமரர் எல்லாம்
சூழ அருள்புரிந் துதொண்ட னேன்பரம் அல்லதொரு
வேழம் அருள்புரிந் தான்நொடித் தான்மலை உத்தமனே.  4  

மண்ணுல கிற்பிறந் துநும்மை வாழ்த்தும் வழி அடியார்
பொன் உலகம் பெறுதல் தொண்டனேன் இன்று கண்டு ஒழிந்தேன்
விண்ணுல கத்தவர்கள் விரும்ப  வெள்ளை யானையின்மேல்
என் உடல் காட்டுவித் தான் நொடித் தான்மலை உத்தமனே.  5  

அஞ்சினை ஒன்றிநின் றுஅலர் கொண்டு அடி சேர்வு அறியா
வஞ்சனை என்மனமே வைகி வானநன் னாடர்முன்னே
துஞ்சுதல் மாற்றுவித் துத்தொண்டனேன்பரம் அல்லதொரு
வெஞ்சின ஆனைதந் தான்நொடித்தான்மலை உத்தமனே.  6  

நிலைகெட விண் அதிர நிலம் எங்கும் அதிர்ந்து அசைய
மலையிடை யானை ஏறி வழியேவரு வேன்எதிரே
அலைகட லால்அரை யன் அலர் கொண்டுமுன் வந்து இறைஞ்ச
உலையணை யாதவண் ணம்நொடித்தான்மலை உத்தமனே.  7  

அர ஒலி ஆகமங்கள் அறிவார் அறி தோத்திரங்கள்
விரவிய வேத ஒலிவிண்ணெலாம்வந்து எதிர்ந்திசைப்ப
வரமலி வாணன்வந்து  வழி தந்து எனக்கு ஏறுவதோர்
சிரமலி யானைதந் தான்நொடித்தான்மலை உத்தமனே.  8  

இந்திரன், மால், பிரமன், எழிலார்மிகு தேவர் எல்லாம்
வந்து எதிர் கொள்ள என்னை மத்த யானை அருள்புரிந்து
மந்திர மாமுனி வர்இவன் யார் என எம்பெருமான்
நந்தமர் ஊரன் என்றான்நொடித்தான்மலை உத்தமனே.  9  

ஊழிதோர் ஊழி முற் றும் உயர் பொன் நொடித்தான்மலையைச்
சூழிசை யின் கரும்பின் சுவை நாவல ஊரன்சொன்ன
ஏழிசை இன் தமிழால் இசைந்து ஏத்திய பத்தினையும்
ஆழி கடலரை யா அஞ்சையப்பர்க்கு அறிவிப்பதே.

        

திருச்சிற்றம்பலம்

திரு நொடித்தான் மலை

            

௨ 

திருநாவுக்கரசு சுவாமிகள் அருளிச்செய்த
ஆறாம் திருமுறை

தகவல் பலகை	விவரம்
தலம்	திருநொடித்தான்மலை
ஊர் /வேறு பெயர்	திருக்யிலாயம்
நாடு	வட நாடு
ॐசுவாமி	பரமசிவன், கைலாயநாதர்
ॐஅம்பிகை	பார்வதி தேவி
பாடியவர்கள்	திருஞானசம்பந்தர்(1),         பொடிகொள்  ஒருவர் (1-68)         வாளவரி கோள (3-68) திருநாவுக்கரசர்(1),         கனகமா வயிர  (4-47)         வேற்றாகி விண்ணாகி  (6-55)         பொறையுடைய  (6-56)         பாட்டான நல்ல (6-57) சுந்தரர்(1)         தான் எனை முன் படைத்தான்  (7-100)
ஸ்தல மரம்
தீர்த்தம்	மானசரோவர் (கங்கை)
பண்	திருநேரிசை சாதாரி
குறிப்புகள்	இமயமலையின் வடபால் உள்ளது பணி படர்ந்த மலை சுந்தரமூர்த்தி சுவாமிகள், காரைக்கால் அம்மையார், சேரமான் பெருமாள் கயிலை சென்றனர் அப்பர் சுவாமிகள் திருக்குளத்தில் மூழ்கி, திருவையாறில் கயிலை காட்சி கண்டார். திருஞானசம்பந்தர் திருக்காளத்தியில் இருந்தவாறு திருக்கேதாரத்தையும், திருக்கயிலையையும் பாடியதாக பெரியபுராணம் சொல்கிறது.
பதிக பலன்	தினசரி வழிபாட்டில் ஓத வேண்டியது
வரிசை எண்.	56                                                                5/5

திருச்சிற்றம்பலம்

பாட்டான நல்ல தொடையாய் போற்றி
பரிசை அறியாமை நின்றாய் போற்றி
சூட்டான திங்கள் முடியாய் போற்றி
தூமாலை மத்தம் அணிந்தாய் போற்றி
ஆட்டானது அஞ்சும் அமர்ந்தாய் போற்றி
அடங்கார் புரம் எரிய நக்காய் போற்றி
காட்டானை மெய்த்தோல் உரித்தாய் போற்றி
கயிலை மலையானே போற்றி போற்றி.  1  

அதிரா வினைகள் அறுப்பாய் போற்றி
ஆல நிழற்கீழ் அமர்ந்தாய் போற்றி
சதுரா சதுரக் குழையாய் போற்றி
சாம்பர் மெய்பூசும் தலைவா போற்றி
எதிரா உலகம் அமைப்பாய் போற்றி
என்றுமீ ளா அருள் செய்வாய் போற்றி
கதிரார் கதிருக்கோர் கண்ணே போற்றி
கயிலை மலையானே போற்றி போற்றி.  2  

செய்யாய் கரியாய் வெளியாய் போற்றி
செல்லாத செல்வம் உடையாய் போற்றி
ஐயாய் பெரியாய் சிறியாய் போற்றி
ஆகாச வண்ணம் உடையாய் போற்றி
வெய்யாய் தணியாய் அணியாய் போற்றி
வேளாத வேள்வி உடையாய் போற்றி
கையார் தழலார் விடங்கா போற்றி
கயிலை மலையானே போற்றி போற்றி.  3  

ஆட்சி உலகை உடையாய் போற்றி
அடியார்க்கு அமுது எலாம் ஈவாய் போற்றி
சூட்சி சிறிதும் இலாதாய் போற்றி
சூழ்ந்த கடல்நஞ்சம் உண்டாய் போற்றி
மாட்சி பெரிதும் உடையாய் போற்றி
மன்னி என் சிந்தை மகிழ்ந்தாய் போற்றி
காட்சி பெரிதும் அரியாய் போற்றி
கயிலை மலையானே போற்றி போற்றி.  4  

முன்னியா நின்ற முதல்வா போற்றி
மூவாத மேனி உடையாய் போற்றி
என்னியா எந்தை பிரானே போற்றி
ஏழின் இசையே உகப்பாய் போற்றி
மன்னிய மங்கை மணாளா போற்றி
மந்திரமும்  தந்திரம் ஆனாய் போற்றி
கன்னியார் கங்கைத் தலைவா போற்றி
கயிலை மலையானே போற்றி போற்றி.  5  

உரியாய் உலகினுக்கு எல்லாம் போற்றி
உணர்வு என்னும் ஊர்வது உடையாய் போற்றி
எரியாய தெய்வச் சுடரே போற்றி
ஏசுமா முண்டி உடையாய் போற்றி
அரியாய் அமரர்கட்கு எல்லாம் போற்றி
அறிவே அடக்கம் உடையாய் போற்றி
கரியானுக்கு ஆழி ஒன்று ஈந்தாய் போற்றி
கயிலை மலையானே போற்றி போற்றி.  6  

எண்மேலும் எண்ணம் உடையாய் போற்றி
ஏறு அரிய ஏறும் குணத்தாய் போற்றி
பண்மேலே பாவித்து இருந்தாய் போற்றி
பண்ணொடுயாழ் வீணை பயின்றாய் போற்றி
விண்மேலு மேலும் நிமிர்ந்தாய் போற்றி
மேலார்கண் மேலார்கண் மேலாய் போற்றி
கண்மேலும்  கண் ஒன் று உடையாய் போற்றி
கயிலை மலையானே போற்றி போற்றி.  7  

முடியார் சடையின் மதியாய் போற்றி
முழுநீறு சண்ணித்த மூர்த்தி போற்றி
துடியார் இடை உமையாள் பங்கா போற்றி
சோதித்தார் காணாமை நின்றாய் போற்றி
அடியார் அடிமை அறிவாய் போற்றி
அமரர் பதியாள வைத்தாய் போற்றி
கடியார் புரமூன்றும் எய்தாய் போற்றி
கயிலை மலையானே போற்றி போற்றி.  8  

போற்றி இசைத்து உன் அடிபரவ நின்றாய் போற்றி
புண்ணியனே நண்ணல் அரியாய் போற்றி
ஏற்றிசைக்கும் வான்மேல் இருந்தாய் போற்றி
எண்ணா யிரநூறு பேராய் போற்றி
நால் திசைக்கும் விளக்காய நாதா போற்றி
நான்முகற்கும் மாற்கு மரியாய் போற்றி
காற்றிசைக்கும் திசைக்கு எல்லாம் வித்தே போற்றி
கயிலை மலையானே போற்றி போற்றி.  9  

இப்பதிகத்தில் 10-ம் பாடல் கிடைக்கப்பெறவில்லை.

        

திருச்சிற்றம்பலம்

திரு நொடித்தான் மலை

           

௨ 

திருநாவுக்கரசு சுவாமிகள் அருளிச்செய்த
ஆறாம் திருமுறை

தகவல் பலகை	விவரம்
தலம்	திருநொடித்தான்மலை
ஊர் /வேறு பெயர்	திருக்யிலாயம்
நாடு	வட நாடு
ॐசுவாமி	பரமசிவன், கைலாயநாதர்
ॐஅம்பிகை	பார்வதி தேவி
பாடியவர்கள்	திருஞானசம்பந்தர்(1),         பொடிகொள்  ஒருவர் (1-68)         வாளவரி கோள (3-68) திருநாவுக்கரசர்(1),         கனகமா வயிர  (4-47)         வேற்றாகி விண்ணாகி  (6-55)         பொறையுடைய  (6-56)         பாட்டான நல்ல (6-57) சுந்தரர்(1)         தான் எனை முன் படைத்தான்  (7-100)
ஸ்தல மரம்
தீர்த்தம்	மானசரோவர் (கங்கை)
பண்	திருநேரிசை சாதாரி
குறிப்புகள்	இமயமலையின் வடபால் உள்ளது பணி படர்ந்த மலை சுந்தரமூர்த்தி சுவாமிகள், காரைக்கால் அம்மையார், சேரமான் பெருமாள் கயிலை சென்றனர் அப்பர் சுவாமிகள் திருக்குளத்தில் மூழ்கி, திருவையாறில் கயிலை காட்சி கண்டார். திருஞானசம்பந்தர் திருக்காளத்தியில் இருந்தவாறு திருக்கேதாரத்தையும், திருக்கயிலையையும் பாடியதாக பெரியபுராணம் சொல்கிறது.
பதிக பலன்	தினசரி வழிபாட்டில் ஓத வேண்டியது
வரிசை எண்.	56                                                                5/5

திருச்சிற்றம்பலம்

பொறையுடைய பூமிநீர் ஆனாய் போற்றி
பூதப் படையாள் புனிதா போற்றி
நிறையுடைய நெஞ்சின் இடையாய் போற்றி
நீங்காது என் உள்ளத்து இருந்தாய் போற்றி
மறையுடைய வேதம் விரித்தாய் போற்றி
வானோர் வணங்கப் படுவாய் போற்றி
கறையுடைய கண்டம் உடையாய் போற்றி
கயிலை மலையானே போற்றி போற்றி.  1  

முன்பாகி நின்ற முதலே போற்றி
மூவாத மேனிமுக் கண்ணா போற்றி
அன்பாகி நின்றார்க்கு அணியாய் போற்றி
ஆறு ஏறு சென்னிச் சடையாய் போற்றி
என்பாக எங்கும் அணிந்தாய் போற்றி
என்சிந்தை நீங்கா இறைவா போற்றி
கண்பாவி நின்ற கனலே போற்றி
கயிலை மலையானே போற்றி போற்றி.  2  

மாலை எழுந்த மதியே போற்றி
மன்னி என் சிந்தை இருந்தாய் போற்றி
மேலை வினைகள் அறுப்பாய் போற்றி
மேலாடு திங்கள் முடியாய் போற்றி
ஆலைக் கரும்பின் தெளிவே போற்றி
அடியார்கட்குக் ஆரமுதம் ஆனாய் போற்றி
காலை முளைத்த கதிரே போற்றி
கயிலை மலையானே போற்றி போற்றி.  3  

உடலின் வினைகள் அறுப்பாய் போற்றி
ஒள்ளெரி வீசும் பிரானே போற்றி
படரும் சடைமேல் மதியாய் போற்றி
பல்கணக் கூத்தப் பிரானே போற்றி
சுடரில் திகழ்கின்ற சோதி போற்றி
தோன்றி என் உள்ளத்து இருந்தாய் போற்றி
கடலில் ஒளியாய முத்தே போற்றி
கயிலை மலையானே போற்றி போற்றி.  4  

மைசேர்ந்த கண்டம் உடையாய் போற்றி
மாலுக்கும் ஓர் ஆழி ஈந்தாய் போற்றி
பொய்சேர்ந்த சிந்தை புகாதாய் போற்றி
போகாது என் உள்ளத்து இருந்தாய் போற்றி
மெய்சேரப் பால்வெண் நீறு ஆடி போற்றி
மிக்கார்கள் ஏத்தும் விளக்கே போற்றி
கைசேர் அனல் ஏந்தி ஆடீ போற்றி
கயிலை மலையானே போற்றி போற்றி.  5  

ஆறு ஏறு சென்னி முடியாய் போற்றி
அடியார்கட்கு ஆர்  அமுதாய் நின்றாய் போற்றி
நீறு ஏறு மேனி உடையாய் போற்றி
நீங்காது என் உள்ளத்து இருந்தாய் போற்றி
கூறு ஏறு மங்கை மழுவா போற்றி
கொள்ளும்  கிழமை ஏழானாய் போற்றி
காறேறு கண்ட மிடற்றாய் போற்றி
கயிலை மலையானே போற்றி போற்றி.  6  

அண்டமே உழன்று கடந்தாய் போற்றி
ஆதி புராணனாய் நின்றாய் போற்றி
பண்டை வினைகள் அறுப்பாய் போற்றி
பாரோர்விண் ஏத்தப் படுவாய் போற்றி
தொண்டர் பரவும் இடத்தாய் போற்றி
தொழில்நோக்கி ஆளும் சுடரே போற்றி
கண்டம் கறுக்கவும் வல்லாய் போற்றி
கயிலை மலையானே போற்றி போற்றி.  7  

பெருகி அலைக்கின்ற ஆறே போற்றி
பேராநோய் பேர விடுப்பாய் போற்றி
உருகி நினைவார்தம் உள்ளாய் போற்றி
ஊனம்  தவிர்க்கும் பிரானே போற்றி
அருகி மிளிர்கின்ற பொன்னே போற்றி
ஆரும் இகழப் படாதாய் போற்றி
கருகிப் பொழிந்தோடு நீரே போற்றி
கயிலை மலையானே போற்றி போற்றி.  8  

செய்ய மலர்மேலான் கண்ணன் போற்றி 
தேடி உணராமை நின்றாய் போற்றி
பொய்யாநஞ் சு உண்ட பொறையே போற்றி
பொருளாக என்னை ஆட் கொண்டாய் போற்றி
மெய்யாக ஆன் அஞ்சும் உகந்தாய் போற்றி
மிக்கார்கள் ஏத்தும் குணத்தாய் போற்றி
கையானை மெய்த்தோல் உரித்தாய் போற்றி
கயிலை மலையானே போற்றி போற்றி.  9  

மேல்வைத்த வானோர் பெருமான் போற்றி
மேலாடு புரமூன்றும் எய்தாய் போற்றி
சீலத்தான் தென் இலங்கை மன்னன் போற்றி 
சிலை எடுக்க வாய் அலற வைத்தாய் போற்றி
கோலத்தால் குறைவில்லான் தன்னை அன்று
கொடிதாகக் காய்ந்த குழகா போற்றி
காலத்தால் காலனையும் காய்ந்தாய் போற்றி
கயிலை மலையானே போற்றி போற்றி.

        

திருச்சிற்றம்பலம்

திரு நொடித்தான் மலை

          

௨ 

திருநாவுக்கரசு சுவாமிகள் அருளிச்செய்த
ஆறாம் திருமுறை

தகவல் பலகை	விவரம்
தலம்	திருநொடித்தான்மலை
ஊர் /வேறு பெயர்	திருக்யிலாயம்
நாடு	வட நாடு
ॐசுவாமி	பரமசிவன், கைலாயநாதர்
ॐஅம்பிகை	பார்வதி தேவி
பாடியவர்கள்	திருஞானசம்பந்தர்(1),         பொடிகொள்  ஒருவர் (1-68)         வாளவரி கோள (3-68) திருநாவுக்கரசர்(1),         கனகமா வயிர  (4-47)         வேற்றாகி விண்ணாகி  (6-55)         பொறையுடைய  (6-56)         பாட்டான நல்ல (6-57) சுந்தரர்(1)         தான் எனை முன் படைத்தான்  (7-100)
ஸ்தல மரம்
தீர்த்தம்	மானசரோவர் (கங்கை)
பண்	திருநேரிசை சாதாரி
குறிப்புகள்	இமயமலையின் வடபால் உள்ளது பணி படர்ந்த மலை சுந்தரமூர்த்தி சுவாமிகள், காரைக்கால் அம்மையார், சேரமான் பெருமாள் கயிலை சென்றனர் அப்பர் சுவாமிகள் திருக்குளத்தில் மூழ்கி, திருவையாறில் கயிலை காட்சி கண்டார். திருஞானசம்பந்தர் திருக்காளத்தியில் இருந்தவாறு திருக்கேதாரத்தையும், திருக்கயிலையையும் பாடியதாக பெரியபுராணம் சொல்கிறது.
பதிக பலன்	தினசரி வழிபாட்டில் ஓத வேண்டியது
வரிசை எண்.	55                                                                5/5

திருச்சிற்றம்பலம்

வேற்றாகி விண்ணாகி நின்றாய் போற்றி
மீளாமே ஆள் என்னைக் கொண்டாய் போற்றி
ஊற்றாகி உள்ளே ஒளித்தாய் போற்றி
ஓவாத சத்தத்து ஒலியே போற்றி
ஆற்றாகி அங்கே அமர்ந்தாய் போற்றி
ஆறு அங்கம் நால்வேதம் ஆனாய் போற்றி
காற்றாகி எங்கும் கலந்தாய் போற்றி
கயிலை மலையானே போற்றி போற்றி.  1  

பிச்சாடல் பேயோடு உகந்தாய் போற்றி
பிறவி அறுக்கும் பிரானே போற்றி
வைச்சாடல் நன்று மகிழ்ந்தாய் போற்றி
மருவி என் சிந்தை புகுந்தாய் போற்றி
பொய்ச்சார் புரமூன்று மெய்தாய் போற்றி
போகாது என் சிந்தை புகுந்தாய் போற்றி
கச்சாக நாகம் அசைத்தாய் போற்றி
கயிலை மலையானே போற்றி போற்றி.  2  

மருவார் புரமூன்றும் எய்தாய் போற்றி
மருவி என் சிந்தை புகுந்தாய் போற்றி
உருவாகி என்னைப் படைத்தாய் போற்றி
உள் ஆவி வாங்கி ஒளித்தாய் போற்றி
திருவாகி நின்ற திறமே போற்றி
தேசம் பரவப் படுவாய் போற்றி
கருவாகி யோடு முகிலே போற்றி
கயிலை மலையானே போற்றி போற்றி.  3  

வானத்தார் போற்றும் மருந்தே போற்றி
வந்து என்தன் சிந்தை புகுந்தாய் போற்றி
ஊனத்தை நீக்கும் உடலே போற்றி
ஓங்கி அழலாய் நிமிர்ந்தாய் போற்றி
தேனத்தை வார்த்த தெளிவே போற்றி
தேவர்க்கும்  தேவனாய் நின்றாய் போற்றி
கானத்தீ ஆடல் உகந்தாய் போற்றி
கயிலை மலையானே போற்றி போற்றி.  4  

ஊராகி நின்ற உலகே போற்றி
ஓங்கி அழலாய் நிமிர்ந்தாய் போற்றி
பேராகி எங்கும் பரந்தாய் போற்றி
பெயராது என் சிந்தை புகுந்தாய் போற்றி
நீராவி யான நிழலே போற்றி
நேர்வார் ஒருவரையும் இல்லாய் போற்றி
காராகி நின்ற முகிலே போற்றி
கயிலை மலையானே போற்றி போற்றி.  5  

சில்லுருவாய்ச் சென்று திரண்டாய் போற்றி
தேவ ரர் அறியாத தேவே போற்றி
புல்லுயிர்க்கும் பூட்சி புணர்த்தாய் போற்றி
போகாது என் சிந்தை புகுந்தாய் போற்றி
பல்லுயிராய்ப் பார்தோறும் நின்றாய் போற்றி
பற்றி உலகை விடாதாய் போற்றி
கல்லுயிராய் நின்ற கனலே போற்றி
கயிலை மலையானே போற்றி போற்றி.  6  

பண்ணின் இசையாகி நின்றாய் போற்றி
பாவிப்பார் பாவம் அறுப்பாய் போற்றி
எண்ணு மெழுத்துஞ்சொல் லானாய் போற்றி
என்சிந்தை நீங்கா இறைவா போற்றி
விண்ணும் நிலனும் தீயானாய் போற்றி
மேலவர்க்கும் மேலாகி நின்றாய் போற்றி
கண்ணின் மணியாகி நின்றாய் போற்றி
கயிலை மலையானே போற்றி போற்றி.  7  

இமையாது உயிராது இருந்தாய் போற்றி
என்சிந்தை நீங்கா இறைவா போற்றி
உமைபாக மாகத் தணைத்தாய் போற்றி
ஊழியே ழான ஒருவா போற்றி
அமையா அருநஞ்சம் ஆர்ந்தாய் போற்றி
ஆதி புராணனாய் நின்றாய் போற்றி
கமையாகி நின்ற கனலே போற்றி
கயிலை மலையானே போற்றி போற்றி.  8  

மூவாய் பிறவாய் இறவாய் போற்றி
முன்னமே தோன்றி முளைத்தாய் போற்றி
தேவாதி தேவர்தொழும் தேவே போற்றி
சென்று ஏறி எங்கும் பரந்தாய் போற்றி
ஆவா அடியேனுக்கு எல்லாம் போற்றி
அல்லல் நலிய அலந்தேன் போற்றி
காவாய் கனகத் திரளே போற்றி
கயிலை மலையானே போற்றி போற்றி.  9  

நெடிய விசும்போடு கண்ணே போற்றி
நீள அகலம் உடையாய் போற்றி
அடியும் முடியும் இகலி போற்றி
அங்கொன்று அறியாமை நின்றாய் போற்றி
கொடிய வன்கூற்றம் உதைத்தாய் போற்றி
கோயிலா என்சிந்தை கொண்டாய் போற்றி
கடிய உருமொடு மின்னே போற்றி
கயிலை மலையானே போற்றி போற்றி.  10  

உண்ணாது உறங்காது இருந்தாய் போற்றி
ஓதாதே வேதம் உணர்ந்தாய் போற்றி
எண்ணா இலங்கைக்கோன் தன்னைப் போற்றி
இறைவிரலால் வைத்து உகந்த ஈசா போற்றி
பண்ணார் இசையின்சொல் கேட்டாய் போற்றி
பண்டே என் சிந்தை புகுந்தாய் போற்றி
கண்ணா உலகுக்கு நின்றாய் போற்றி
கயிலை மலையானே போற்றி போற்றி.

        

திருச்சிற்றம்பலம்

திரு நொடித்தான் மலை

         

௨ 

திருநாவுக்கரசு சுவாமிகள் அருளிச்செய்த
நான்காம் திருமுறை

தகவல் பலகை	விவரம்
தலம்	திருநொடித்தான்மலை
ஊர் /வேறு பெயர்	திருக்யிலாயம்
நாடு	வட நாடு
ॐசுவாமி	பரமசிவன், கைலாயநாதர்
ॐஅம்பிகை	பார்வதி தேவி
பாடியவர்கள்	திருஞானசம்பந்தர்(1),         பொடிகொள்  ஒருவர் (1-68)         வாளவரி கோள (3-68) திருநாவுக்கரசர்(1),         கனகமா வயிர  (4-47)         வேற்றாகி விண்ணாகி  (6-55)         பொறையுடைய  (6-56)         பாட்டான நல்ல (6-57) சுந்தரர்(1)         தான் எனை முன் படைத்தான்  (7-100)
ஸ்தல மரம்
தீர்த்தம்	மானசரோவர் (கங்கை)
பண்	திருநேரிசை சாதாரி
குறிப்புகள்	இமயமலையின் வடபால் உள்ளது பணி படர்ந்த மலை சுந்தரமூர்த்தி சுவாமிகள், காரைக்கால் அம்மையார், சேரமான் பெருமாள் கயிலை சென்றனர் அப்பர் சுவாமிகள் திருக்குளத்தில் மூழ்கி, திருவையாறில் கயிலை காட்சி கண்டார். திருஞானசம்பந்தர் திருக்காளத்தியில் இருந்தவாறு திருக்கேதாரத்தையும், திருக்கயிலையையும் பாடியதாக பெரியபுராணம் சொல்கிறது.
பதிக பலன்	பிணி இன்றி இன்பம் தரும்.
வரிசை எண்.	47                                                                  5/5

திருச்சிற்றம்பலம்

கனகமா வயிரம் உந்து மாமணிக் கயிலை கண்டும்
உனகனாய் அரக்கன் ஓடி எடுத்தலும் உமையாள் அஞ்ச
அனகனாய் நின்ற ஈசன் ஊன்றலும் அலறி வீழ்ந்தான்
மனகனாய் ஊன்றி னானேன் மறித்துநோக் கில்லை அன்றே.  1  

கதித்தவன் கண்சி வந்து கயிலைநன் மலையை ஓடி
அதிர்த்தவன் எடுத்தி டலும் அரிவைதான் அஞ்ச ஈசன்
நெதித்தவன் ஊன்றி இட்ட நிலைஅழிந்து அலறி வீழ்ந்தான்
மதித்திறை ஊன்றி னானேன்  மறித்து நோக் கில்லை அன்றே.  2  

கறுத்தவன் கண்சி வந்து கயிலைநன் மலையைக் கையால்
மறித்தலும் மங்கை அஞ்ச வானவர் இறைவன் நக்கு
நெறித்தொரு விரலால் ஊன்ற நெடுவரை போல வீழ்ந்தான்
மறித்திறை ஊன்றி னானேன் மறித்துநோக் கில்லை அன்றே.  3  

கடுத்தவன் கண்சி வந்து கயிலைநன் மலையை ஓடி
எடுத்தலும் மங்கை அஞ்ச இறையவன் இறையே நக்கு
நொடிப்பள விரலால் ஊன்ற நோவதும் அலறி யிட்டான்
மடித்திறை ஊன்றி னானேன் மறித்துநோக் கில்லை அன்றே.  4  

கன்றித்தன் கண்சி வந்து கயிலைநன் மலையை ஓடி
வென்றித்தன் கைத்த லத்தால் எடுத்தலும் வெருவ மங்கை
நன்றுத்தான் நக்கு நாதன்ஊன்றலு நகழ வீழ்ந்தான்
மன்றித்தான் ஊன்றி னானேன் மறித்துநோக் கில்லை அன்றே.  5  

களித்தவன் கண்சி வந்து கயிலைநன் மலையை ஓடி
நெளித்தவன் எடுத்தி டலும் நேரிழை அஞ்ச நோக்கி
வெளித்தவன் ஊன்றி யிட்ட  வெற்பினால் அலறி வீழ்ந்தான்
மளித்திறை ஊன்றி னானேன் மறித்துநோக் கில்லை அன்றே.  6  

கருத்தனாய்க் கண்சி வந்து கயிலைநன் மலையைக் கையால்
எருத்தனாய் எடுத்த வாறே ஏந்திழை அஞ்ச ஈசன்
திருத்தனாய் நின்ற தேவன் திருவிரல் ஊன்ற வீழ்ந்தான்
வருத்துவான் ஊன்றி னானேன் மறித்துநோக் கில்லை அன்றே.  7  

கடியவன் கண்சி வந்து கயிலைநன் மலையை ஓடி
வடிவுடை மங்கை அஞ்ச எடுத்தலும் மருவ நோக்கிச்
செடிபடத் திருவி ரலால் ஊன்றலும் சிதைந்து வீழ்ந்தான்
வடிவுற ஊன்றி னானேன் மறித்துநோக் கில்லை அன்றே.  8  

கரியத்தான் கண்சி வந்து கயிலைநன் மலையைப் பற்றி
இரியத்தான் எடுத்தி டலும் ஏந்திழை அஞ்ச ஈசன்
நெரியத்தான் ஊன்றா முன்னம் நிற்கிலாது அலறி வீழ்ந்தான்
மரியத்தான் ஊன்றி னானேன் மறித்துநோக் கில்லை அன்றே.  9  

கற்றனன் கயிலை தன்னைக் காண்டலும் அரக்கன் ஓடிச்
செற்றவன் எடுத்த வாறே சேயிழை அஞ்ச ஈசன்
உற்றிறை ஊன்றா முன்னம் உணர்வழி வகையால் வீழ்ந்தான்
மற்றிறை ஊன்றி னானேல் மறித்துநோக் கில்லை அன்றே.

திருச்சிற்றம்பலம்

திரு நொடித்தான் மலை

         

௨ 

திருஞானசம்பந்தர்  சுவாமிகள் அருளிச்செய்த
மூன்றாம்  திருமுறை

தகவல் பலகை	விவரம்
தலம்	திருநொடித்தான்மலை
ஊர் /வேறு பெயர்	திருக்யிலாயம்
நாடு	வட நாடு
ॐசுவாமி	பரமசிவன், கைலாயநாதர்
ॐஅம்பிகை	பார்வதி தேவி
பாடியவர்கள்	திருஞானசம்பந்தர்(1),         பொடிகொள்  ஒருவர் (1-68)         வாளவரி கோள (3-68) திருநாவுக்கரசர்(1),         கனகமா வயிர  (4-47)         வேற்றாகி விண்ணாகி  (6-55)         பொறையுடைய  (6-56)         பாட்டான நல்ல (6-57) சுந்தரர்(1)         தான் எனை முன் படைத்தான்  (7-100)
ஸ்தல மரம்
தீர்த்தம்	மானசரோவர் (கங்கை)
பண்	சாதாரி
குறிப்புகள்	இமயமலையின் வடபால் உள்ளது பணி படர்ந்த மலை சுந்தரமூர்த்தி சுவாமிகள், காரைக்கால் அம்மையார், சேரமான் பெருமாள் கயிலை சென்றனர் அப்பர் சுவாமிகள் திருக்குளத்தில் மூழ்கி, திருவையாறில் கயிலை காட்சி கண்டார். திருஞானசம்பந்தர் திருக்காளத்தியில் இருந்தவாறு திருக்கேதாரத்தையும், திருக்கயிலையையும் பாடியதாக பெரியபுராணம் சொல்கிறது.
பதிக பலன்	பிணி இன்றி இன்பம் தரும்.
வரிசை எண்.	68                                                                  5/5

திருச்சிற்றம்பலம்

வாளவரி கோளபுலி கீளதுரி தாளின்மிசை நாளுமகிழ்வர்
ஆளும் அவர் வேளநகர் போள இல கோள களிறு ஆளிவரவில்
தோளமரர் தாளமதர் கூளிஎழ மீளிமிளிர் தூளிவளர்பொன்
காளமுகில் மூளும் இருள் கீளவிரி தாளகயி லாயமலையே.  1  

புற்றரவு பற்றியகை நெற்றியது மற்றொருகண் ஒற்றைவிடையன்
செற்றதெயில் உற்றது உமை அற்றவர்கள் நற்றுணைவன் உற்றநகர்தான்
சுற்றுமணி பெற்றது ஒளி செற்றமொடு குற்றமில தெற்று எனவினாய்
கற்றவர்கள் சொல் தொகையின் முற்றும் ஒளிபெற்றகயி லாயமலையே. 2  

சிங்கவரை மங்கையர்கள் தங்களன செங்கைநிறை கொங்குமலர்தூய்
எங்கள்வினை சங்கை அவை இங்ககல வங்கமொழி எங்கும் உளவாய்த்
திங்கல் இருள் நொங்க ஒளி விங்கிமிளிர் தொங்கலொடு தங்கவயலே
கங்கையொடு பொங்குசடை எங்கள் இறை தங்குகயி லாயமலையே.  3  

முடியசடை பிடியது ஒரு வடியமழு வுடையர்செடி உடையதலையில்
வெடியவினை கொடியர்கெட விடுசில்பலி நொடியமகிழ் அடிகள் இடமாம்
கொடிய குரல் உடையவிடை கடியதுடி அடியினொடும் இடியின் அதிரக்
கடியகுரல் நெடியமுகில் மடிய அதர் அடிகொள்கயி லாயமலையே.  4  

குடங்கையின் நுடங்கு எரி தொடர்ந்து எழ விடம்கிளர் படங்கள் அரவம்
மடங்கொளி படர்ந்திட நடந்தரு விடங்கனது இடம் தண்முகில்போய்த்
தடம் கடல் தொடர்ந்துட ன் நுடங்குவ இடங்கொள மிடைந்தகுரலாற்
கடுங்கலின் முடங்களை நுடங்கு அர ஒடுங்கு கயி லாயமலையே.  5  

ஏதமில பூதமொடு கோதைதுணை ஆதி முதல் வேதவிகிர்தன்
கீதமொடு நீதிபல ஓதிமற வாதுபயில் நாதன்நகர்தான்
தாதுபொழி போதுவிட ஊதுசிறை மீதுதுளி கூதல்நலியக்
காதன்மிகு சோதிகிளர் மாதுபயில் கோதுகயி லாயமலையே.  6  

சென்றுபல வென்றுலவு புன்தலையர் துன்றலொடும் ஒன்றியுடனே
நின்று அமரர் என்றும் இறை வன் தன் அடி சென்றுபணி கின்றநகர்தான்
துன்றுமலர் பொன் திகழ்செய் கொன்றைவிரை தென்றலொடு சென்றுகமழக்
கன்றுபிடி துன்றுகளிறு என்று இவைமுன் நின்றகயி லாயமலையே.  7  

மருப்பிடை நெருப்பெழு தருக்கொடு செருச்செய்த பருத்தகளிறின்
பொருப்பிடை விருப்புற விருக்கையை ஒருக்குடன் அரக்கன் உணராது 
ஒருத்தியை வெருக்குற வெருட்டலும் நெருக்கென நிருத்தவிரலால்
கருத்தில ஒருத்தனை எருத்து இற நெரித்தகயி லாயமலையே.  8  

பரியதிரை பெரியபுனல் வரியபுலி உரியதுடை பரிசை உடையான்
வரியவளை அரியகணி உருவினொடு புரிவினவர் பிரிவில்நகர்தான்
பெரியஎரி உருவம் அது தெரிய உரு பரிவுதரும் அருமைய அதனால்
கரியவனும் அரியமறை புரியவனும் மருவுகயி லாயமலையே.  9  

அண்டர்தொழு சண்டிபணி கண்டடிமை கொண்டவிறை துண்டமதியோடு
இண்டைபுனை உண்டசடை முண்டதர சண்ட இருள் கண்டர் இடமாம்
குண்டமண அண்டர் அவர் மண்டைகையில் உண்டுளறி மிண்டுசமயம்
கண்டவர்கள் கொண்டவர்கள் பண்டும் அறியாத கயி லாயமலையே.  10  

அந்தண்வரை வந்தபுனல் தந்ததிரை சந்தனமொ டு உந்தி அகிலும்
கந்தமலர் கொந்தினொடு மந்திபல சிந்துகயி லாயமலைமேல்
எந்தையடி வந்து அணுகு சந்தமொடு செந்தமிழ் இசைந்தபுகலிப்
பந்தன் உரை சிந்தைசெய வந்தவினை நைந்துபர லோகம் எளிதே.

திருச்சிற்றம்பலம்

திரு நொடித்தான்மலை

        

௨ 

திருஞானசம்பந்தர்  சுவாமிகள் அருளிச்செய்த
முதலாம்   திருமுறை

தகவல் பலகை	விவரம்
தலம்	திருநொடித்தான்மலை
ஊர் /வேறு பெயர்	திருக்யிலாயம்
நாடு	வட நாடு
ॐசுவாமி	பரமசிவன், கைலாயநாதர்
ॐஅம்பிகை	பார்வதி தேவி
பாடியவர்கள்	திருஞானசம்பந்தர்(1),         பொடிகொள்  ஒருவர் (1-68)         வாளவரி கோள (3-68) திருநாவுக்கரசர்(1),         கனகமா வயிர  (4-47)         வேற்றாகி விண்ணாகி  (6-55)         பொறையுடைய  (6-56)         பாட்டான நல்ல (6-57) சுந்தரர்(1)         தான் எனை முன் படைத்தான்  (7-100)
ஸ்தல மரம்
தீர்த்தம்	மானசரோவர்
பண்	தக்கேசி
குறிப்புகள்	இமயமலையின் வடபால் உள்ளது பணி படர்ந்த மலை சுந்தரமூர்த்தி சுவாமிகள், காரைக்கால் அம்மையார், சேரமான் பெருமாள் கயிலை சென்றனர் அப்பர் சுவாமிகள் திருக்குளத்தில் மூழ்கி, திருவையாறில் கயிலை காட்சி கண்டார். திருஞானசம்பந்தர் திருக்காளத்தியில் இருந்தவாறு திருக்கேதாரத்தையும், திருக்கயிலையையும் பாடியதாக பெரியபுராணம் சொல்கிறது.
பதிக பலன்	பிணி இன்றி இன்பம் தரும்.
வரிசை எண்.	69                                                                  5/5

திருச்சிற்றம்பலம்

பொடிகொள் ஒருவர் புலியின் அதளர் புரிநூல் திகழ்மார்பில்
கடிகொள் கொன்றை கலந்த நீற்றர் கறைசேர் கண்டத்தர்
இடியகுரலால் இரியும் அடங்கல் தொடங்கு முனைச்சாரல்
கடிய விடைமேல்  கொடி ஒன்று உடையார் கயிலை மலையாரே.  1  

புரிகொள்சடையார் அடியர்க்கு எளியார் கிளிசேர் மொழிமங்கை
தெரிய உருவில் வைத்து உகந்த தேவர் பெருமானார்
பரியகளிற்றை அரவுவிழுங்கி மழுங்க இருள் கூர்ந்த
கரியமிடற்றர் செய்யமேனிக் கயிலை மலையாரே.  2  

மாவின் உரிவை மங்கைவெருவ மூடி முடிதன்மேல்
மேவு மதியும் நதியும்வைத்த இறைவர் கழல் உன்னும்
தேவர்தேவர் திரிசூலத்தர் திரங்கல் முகவன்சேர்
காவும்பொழிலும் கடுங்கல் சுனைசூழ் கயிலை மலையாரே.  3  

முந்நீர்சூழ்ந்த நஞ்சம் உண்ட முதல்வர் மதனன் தன்
தென்னீர்உருவம் அழியத்திருக்கண் சிவந்த நுதலினார்
மன்னீர்மடுவும் படுகல்லறையின் 'உழுவை' சினம் கொண்டு
கன்னீர்வரைமேல் இரைமுன்தேடும் கயிலை மலையாரே.  4  

ஒன்றும்பலவும் ஆயவேடத்து ஒருவர் கழல் சேர்வார்
நன்றுநினைந்து நாடற்கு உரியார் கூடித் திரண்டு எங்கும்
தென்றி இருளில்திகைத்த கரிதண் சாரல் நெறி ஓடிக்
கன்றும் பிடியும் அடிவாரம் சேர் கயிலை மலையாரே.  5  

தாதார் கொன்றை  தயங்குமுடியர் முயங்குமடவாளைப்
போதார்பாக மாகவைத்த புனிதர் பனிமல்கும்
மூதாருலகில் முனிவர் உடனாய் அறநான்கு அருள்செய்த
காதார் குழையர் வேதத்திரளர் கயிலை மலையாரே.  6  

இப்பதிகத்தில் 7-ஆம் பாடல் கிடைக்கப்பெறவில்லை.  

தொடுத்தார்புரமூன்று எரியச்சிலைமேல் எரி ஒண் பகழியார்
எடுத்தான் திரள்தோள் முடிகள்பத்தும்இடிய விரல்வைத்தார்
கொடுத்தார் படைகள் கொண்டார் ஆளாக் குறுகி வரும் கூற்றைக்
கடுத்து ஆங்கு அவனைக் கழலால் உதைத்தார் கயிலை மலையாரே.  8  

ஊணாப் பலிகொண் டு உலகில் ஏற்றார் இலகு மணிநாகம்
பூண் நாண் ஆர மாகப்பூண்டார் புகழும் இருவர்தாம்
பேணா ஓடி நேடஎங்கும் பிறங்கும் எரியாகிக்
காணாவண்ணம் உயர்ந்தார் போலும் கயிலை மலையாரே.  9  

விருதுபகரும் வெஞ்சொல் சமணர் வஞ்சச் சாக்கியர்
பொருதுபகரும் மொழியைக் கொள்ளார் புகழ்வார்க் கு அணியராய்
எருது ஒன்று உகைத்து இங்கு இடுவார் தம்பால்இரந்துண்டு இகழ்வார்கள்
கருதும்வண்ணம் உடையார் போலும் கயிலை மலையாரே.  10  

போரார்கடலிற் புனல்சூழ்காழிப் புகழார் சம்பந்தன்
காரார் மேகம் குடிகொள் சாரல் கயிலை மலையார்மேல்
தேரா உரைத்த செஞ்சொன்மாலை செப்பும் அடியார்மேல்
வாரா பிணிகள் வானோர் உலகில் மருவுமனத்தாரே.

திருச்சிற்றம்பலம்

திருக்கேதாரம்

          

௨ 

சுந்தரமூர்த்தி சுவாமிகள் அருளிச்செய்த
ஏழாம் திருமுறை

தகவல் பலகை	விவரம்
தலம்	திரு கேதாரம்
ஊர் /வேறு பெயர்
நாடு	வட நாடு
ॐசுவாமி	கேதாரேஸ்வரர்
ॐஅம்பிகை	கேதார கெளரி
பாடியவர்கள்	திருஞானசம்பந்தர்(1),         தொண்டர் அஞ்சு (2-114) சுந்தரர் (1)         வாழ்வாது மாயம் இது (7-78)
ஸ்தல மரம்
தீர்த்தம்
பண்	நட்டபாடை
குறிப்புகள்	6 மாதங்கள் தேவர்களும் 6 மாதங்கள் மனிதர்களும் வழிபடும் தலம் என சிறப்பு பெற்றது பிருங்கி முனிவர் வண்டு உரோம் தாங்கி ஈசனை மட்டும் வலம் வந்து வணங்கி போற்றிய நெறி கண்டு கேதார விரதம் அனுட்டி த்து உமையம்மை வழிபட்டது
பதிக பலன்	சிவலோகத்தில் உயர் பதவி  கிடைக்கும்
வரிசை எண்.	78                                                                 4/5

திருச்சிற்றம்பலம்

வாழ்வாவது மாயம் இது மண்ணாவது திண்ணம்
பாழ்போவது பிறவிக்கடல் பசிநோய்செய்த பறிதான்
தாழாது அறம் செய்ம்மின் தடங் கண்ணான் மலரோனும்
கீழ்மேலுற நின்றான் திருக்கேதாரம் எனீரே.  1  

பறியே சுமந்து உழல்வீர் பறி நரிகீறுவ தறியீர்
குறிகூவிய கூற்றம் கொளும் நாளால் அறம் உளவே
அறிவானிலும் அறிவான் நல நறுநீரொடு சோறு
கிறிபேசி நின்று இடுவார் தொழு கேதாரம் எனீரே.  2  

கொம்பைப்பிடித் தொருக்காலர்கள் இருக்கால்மலர் தூவி
நம்பன்னமை ஆள்வான் என் என்று நடுநாளையும் பகலும்
கம்பக்களிற்று இனமாய் நின்று சுனைநீர்களைத் தூவிச்
செம்பொற்பொடி சிந்துந்திருக் கேதாரம் எனீரே.  3  

உழக்கே உண்டு படைத்து ஈட்டி வைத்து இழப்பார்களும் சிலர்கள்
வழக்கே எனில் பிழைக்கேம் என்பர் மதிமாந்திய மாந்தர்
சழக்கே பறி நிறைப்பாரொடு தவமாவது செயன்மின்
நிழக்கேசலம் இடுவார் தொழு கேதாரம் எனீரே.  4  

வாளோடிய தடங்கண்ணியர் வலையில் அழுந் தாதே
நாளோடிய நமனார்தமர் நணுகாமுனம் நணுகி
ஆளாய் உய்ம்மின் அடிகட்கு இடம் அதுவே எனில் இதுவே
கீளோடு அரவு அசைத்தானிடம்  கேதாரம் எனீரே.  5  

தளிசாலைகள் தவமாவது தம்மைப்பெறில் அன்றே
குளியீர் உளங் குருக்கேத்திரம் கோதாவிரி குமரி
தெளியீர் உளம் சீபர்ப்பதந் தெற்குவடக் காகக்
கிளிவாழை ஒண் கனி கீறி உண் கேதாரம் எனீரே.  6  

பண்ணின் தமிழ் இசைபாடலின் பழவேய் முழவு அதிரக்
கண்ணின் ஒளி கனகச்சுனை வயிரம் அவை சொரிய
மண் நின்றன மதவேழங்கள் மணிவாரிக்கொண்டு எறியக்
'கிண்' என்று ஓசை முரலும் திருக் கேதாரம் எனீரே.  7  

முளைக்கைப்பிடி முகமன்சொலி முதுவேய்களை இறுத்துத்
துளைக்கைக்களிற்று இனமாய்நின்று சுனைநீர்களைத் தூவி
வளைக்கைப்பொழி மழைகூர்தர மயில்மான்பிணை நிலத்தைக்
கிளைக்கமணி சிந்துந் திருக் கேதாரம் எனீரே.  8  

பொதியேசுமந்து உழல்வீர் பொதி அவமாவதும் அறியீர்
மதிமாந்திய வழியேசென்று குழிவீழ்வதும் வினையால்
கதிசூழ்கடல் இலங்கைக்கு இறை மலங்கவரை அடர்த்துக்
கெதிபேறுசெய்து இருந்தானிடம் கேதாரம் எனீரே.  9  

நாவின்மிசை அரையன்னொடு தமிழ்ஞானசம் பந்தன்
யாவர்சிவன் அடியார்களுக்கு அடியான் அடித் தொண்டன்
தேவன் திருக் கேதாரத்தை ஊரன் உரை செய்த
பாவின் தமிழ் வல்லார் பரலோகத்து இருப் பாரே.

திருச்சிற்றம்பலம்

திருக்கேதாரம்

         

௨ 

திருஞானசம்பந்தர் சுவாமிகள் அருளிச்செய்த
இரண்டாம்   திருமுறை

தகவல் பலகை	விவரம்
தலம்	திரு கேதாரம்
ஊர் /வேறு பெயர்
நாடு	வட நாடு
ॐசுவாமி	கேதாரேஸ்வரர்
ॐஅம்பிகை	கேதார கெளரி
பாடியவர்கள்	திருஞானசம்பந்தர்(1),         தொண்டர் அஞ்சு (2-114) சுந்தரர் (1)         வாழ்வாது மாயம் இது (7-78)
ஸ்தல மரம்
தீர்த்தம்
பண்	செவ்வழி
குறிப்புகள்	6 மாதங்கள் தேவர்களும் 6 மாதங்கள் மனிதர்களும் வழிபடும் தலம் என சிறப்பு பெற்றது பிருங்கி முனிவர் வண்டு உரோம் தாங்கி ஈசனை மட்டும் வலம் வந்து வணங்கி போற்றிய நெறி கண்டு கேதார விரதம் அனுட்டி த்து உமையம்மை வழிபட்டது
பதிக பலன்	உயர் பதவி/ ஆட்சி பேறு கிடைக்கும்.
வரிசை எண்.	114                                                                  4/5

திருச்சிற்றம்பலம்

தொண்டர் அஞ்சு களிறும் அடக்கிச் சுரும்பார்மலர்
இண்டைகட்டி வழிபாடு செய்யும் இடம் என்பரால்
வண்டுபாட மயில் ஆல மான்கன்று துள்ளவரிக்
கெண்டைபாயச் சுனைநீல மொட்டு அலரும் கேதாரமே.  1  

பாதம் விண்ணோர் பலரும் பரவிப் பணிந்து ஏத்தவே
வேதநான்கும் பதினெட்டு ஆறும் விரித்தார்க்கு இடம்
தாதுவிண்டம்  மது உண்டு மிண்டிவரு வண்டினம்
கீதம்பாட மடமந்தி கேட்டுகளும் கேதாரமே.  2  

முந்திவந்து புரோதாய மூழ்கி முனிகள்பலர்
எந்தைபெம்மான் எனநின்று இறைஞ்சும் இடம் என்பரால்
மந்திபாயச் சரேலச் சொரிந்தும் முரிந்துக்கபூக்
கெந்தம்நாறக் கிளருஞ்சடைஎந்தை கேதாரமே.  3  

உள்ளமிக்கார் குதிரைம் முகத்தார் ஒருகாலர்கள்
எள்கல் இல்லா இமையோர்கள் சேரும் இடம் என்பரால்
பிள்ளைதுள்ளிக் கிளைபயில்வ கேட்டுப் பிரியாதுபோய்க்
கிள்ளையேனற் கதிர்கொணர்ந்து வாய்ப்பெய்யும் கேதாரமே.  4  

ஊழியூழி உணர்வார்கள் வேதத்தின் ஒண் பொருள்களால்
வாழி எந்தை எனவந்து இறைஞ்சும் இடம் என்பரால்
மேழிதாங்கி உழுவார்கள் போலவ்விரை தேரிய
கேழல்பூழ்தி கிளைக்க மணிசிந்துங் கேதாரமே.  5  

நீறுபூசி நிலத்துண்டு நீர்மூழ்கி நீள்வரை தன்மேல்
தேறுசிந்தை உடையார்கள் சேரும் இடம் என்பரால்
ஏறிமாவின் கனியும்பலா வின்இருஞ் சுளைகளும்
கீறிநாளும் முசுக்கிளையொடு உண்டு களுங் கேதாரமே.  6  

மடந்தைபாகத்து அடக்கி மறை ஓதி வானோர்தொழத்
தொடர்ந்த நம்மேல்வினை தீர்க்கநின்றார்க்கு இடம் என்பரால்
உடைந்தகாற்றுக்கு உ யர்வேங்கை பூத்துதிரக் கல்லறைகள்மேல்
கிடந்தவேங்கை சினமா முகஞ் செய்யும் கேதாரமே.  7  

அரவமுந்நீர் அணியிலங்கைக் கோனையரு வரைதனால்
வெருவ ஊன்றி விரலால் அடர்த்தார்க்கு இடம் என்பரால்
குரவம் கோங்கம் குளிர்பிண்டி ஞாழல் சுரபுன்னைமேல்
கிரமமாக வரிவண்டு பண்செய்யும் கேதாரமே.  8  

ஆழ்ந்துகாணார் உயர்ந்து எய்தகில்லார் அலமந்தவர்
தாழ்ந்து தந்தம் முடிசாய நின்றார்க்கு இடம் என்பரால்
வீழ்ந்துசெற்று நிழற்கு இறங்கும் வேழத்தின் வெண்மருப்பினைக்
கீழ்ந்துசிங்கம் குருகு உண்ண முத்து திருங் கேதாரமே.  9  

கடுக்கள் தின்று கழிமீன் கவர்வார்கள் மாசு உடம்பினர்
இடுக்கண் உய்ப்பார் அவர் எய்த ஒண்ணா இடம் என்பரால்
அடுக்க நின்ற இவ் அற உரைகள் கேட்டாங்கு அவர்வினைகளைக்
கெடுக்கநின்ற பெருமான் உறைகின்ற கேதாரமே.  10  

வாய்ந்த செந்நெல் விளைகழனி மல்கும்வயற் காழியான்
ஏய்ந்தநீர்க்கோட்கு இமையோர் உறைகின்ற கேதாரத்தை
ஆய்ந்துசொன்ன அருந்தமிழ்கள் பத்தும் இசை வல்லவர்
வேந்தராகி உலகு ஆண்டு வீடுகதி பெறுவரே.

திருச்சிற்றம்பலம்

திருஅனேகதங்காவதம்

        

௨ 

திருஞானசம்பந்தர் சுவாமிகள் அருளிச்செய்த
இரண்டாம்   திருமுறை

தகவல் பலகை	விவரம்
தலம்	திரு அனேக தங்காவதம்
ஊர் /வேறு பெயர்
நாடு	வட நாடு
ॐசுவாமி	அனேகதங்காவதநாதர்
ॐஅம்பிகை	மனோன்மணி
பாடியவர்கள்	திருஞானசம்பந்தர்(1),         நீடன் மேவு நிமிர்  (2-05)
ஸ்தல மரம்
தீர்த்தம்
பண்	இந்தளம்
குறிப்புகள்	கெளரி எனும் திருநாமம் ஏந்தி அம்பிகை வழிபட்ட தலம் சூரியனும் சந்திரனும் வழிபட்ட தலம்
பதிக பலன்	துன்பம் இல்லாமல் நல்லன யாவும் பெற
வரிசை எண்.	5                                                                  3/5

திருச்சிற்றம்பலம்

நீடல் மேவுநிமிர் புன்சடை மேலொர் நிலாமுளை
சூடல் மேவுமறை யின்முறை யால் ஒர் சுலாவழல்
ஆடல் மேவும் அவர் மேய அனேகதங் காவதம்
பாடல் மேவு மனத் தார்வினை பற்று அறுப்பார்களே.  1  

சூலம் உண்டுமழு உண்டவர் தொல்படை சூழ்கடல்
ஆலம் உண்டபெரு மான் தன் அனேகதங் காவதம்
நீலம் உண்ட தடங் கண் உமை பாகம் நிலாயதோர்
கோல உண்டள வில்லை குலாவிய கொள்கையே.  2  

செம்பி னாருமதில் மூன்று எரியச் சின வாயதோர்
அம்பி னால் எய்து அருள் வில்லி அனேகதங் காவதம்
கொம்பின் நேர் இடையாளொடும் கூடிக்கொல் ஏறுடை
நம்பன் நாமநவி லாதன நாவெனல் ஆகுமே.  3  

தந்தத் திந்தத்தட என்றருவித்திரள் பாய்ந்துபோய்ச்
சிந்தவெந்த கதிரோனொடு மாசறு திங்களார்
அந்தம் இல்ல அளவு இல்ல அனேகதங் காவதம்
எந்தை வெந்தபொடி நீறணி வார்க்கு இடம் ஆவதே.  4  

பிறையு மாசில்கதி ரோன்அறியாமைப் பெயர்ந்துபோய்
உறையுங் கோயில் பசும்பொன்னணியார் அசும்பார்புனல்
அறையும் ஓசைபறை போலும் அனேகதங் காவதம்
இறை எம் ஈசன் எம் மான் இடமாக உகந்ததே.  5  

தேனை யேறுநறு மாமலர் கொண்டு அடி சேர்த்துவீர்
ஆனை யேறுமணி சாரல் அனேகதங் காவதம்
வானை யேறுநெறி சென்றுணருந்தனை வல்லிரேல்
ஆனை யேறுமுடி யான் அருள் செய்வதும் வானையே.  6  

வெருவி வேழம்இரி யக்கதிர் முத்தொடு வெண்பளிங்கு 
உருவி வீழவயி ரங்கொழி யாவகில் உந்திவெள்
அருவி பாயுமணி சாரல் அனேகதங் காவதம்
மருவி வாழும்பெரு மான்கழல் சேர்வது வாய்மையே.  7  

ஈரம் ஏதும் இலனாகி எழுந்த இராவணன்
வீர ஏதும் இல னாக விளைத்த விலங்கலான்
ஆரம் பாம்பு அது  அணிவான்தன் அனேகதங் காவதம்
வாரம் ஆகிநினை வார்வினை ஆயின மாயுமே.  8  

கண்ணன் வண்ணமல ரானொடும் கூடி ஓர்க் கையமாய்
எண்ணும் வண்ணம் அறி யாமை எழுந்ததோர் ஆரழல்
அண்ணல் நண்ணுமணி சாரல் அனேகதங் காவதம்
நண்ணும் வண்ணம் உடை யார்வினை யாயின நாசமே.  9  

மாபதம் அறியாதவர் சாவகர் சாக்கியர்
ஏப தம்பட நின்று இறுமாந்து உழல் வார்கள்தாம்
ஆப தம் அறிவீர் அருளிர் ஆகில் அனேகதங்
காப தம் அமர்ந் தான்கழல் சேர்தல் கருமமே.  10  

தொல்லை ஊழிப்பெயர் தோன்றிய தோணி புரத்திறை
நல்ல கேள்வித்தமிழ் ஞானசம்பந்தன் நல்லார்கள் முன்
அல்லல் தீர உரை செய்த அனேகதங் காவதம்
சொல்ல நல்ல அடையும் அடையா சுடு துன்பமே.

திருச்சிற்றம்பலம்