முப்போதும் திருமேனி தீண்டுவார் புராணம்

  

௨ 

சேக்கிழார் பெருமான்  அருளிச்செய்த
திருத்தொண்டர் தொகை 

12ம்  திருமுறை

 

தகவல் பலகை	விவரம்
காண்டம்	11ம்  காண்டம்
சருக்கம்	பத்தராய் பணிவார் சருக்கம்
அடியார் புராணம்	முப்போதும் திருமேனி தீண்டுவார் புராணம்
திருத்தொண்டர் தொகை	இசைஞானி காதலன் திருநாவலூர்க்கோன்
அடியார் வேறுபெயர்	முப்போதும் திருமேனி தீண்டுவார்க்கு அடியேன்
பிற அடியார் குறிப்புகள்	விவரம் இல்லை
குலம்
அவதாரத் தலம்
முத்தி தலம்
இந்த புராணத்தில் இடம்பெற்றுள்ள திருத்தலம்	விவரம் இல்லை
பகுதி	68

திருச்சிற்றம்பலம்

எப்போதும் இனிய பிரான் இன்னருளால் அதிகரித்து
மெய்ப் போத நெறி வந்த விதி முறைமை வழுவாமே
அப்போதைக்கு அப்போதும் ஆர்வம் மிகும் அன்பினராய்
முப்போதும் அர்ச்சிப்பார் முதல் சைவராம் முனிவர்.  1  

தெரிந்து உணரின் முப்போதும் செல் காலம் நிகழ் காலம்
வருங்காலம் ஆனவற்றின் வழிவழியே திருத்தொண்டின்
விரும்பிய அர்ச்சனைகள் சிவ வேதியர்க்கே உரியன அப்
பெருந்தகையார் குலப் பெருமை யாம் புகழும் பெற்றியதோ.  2  

நாரணற்கும் நான்முகற்கும் அறிய 
          ஒண்ணாநாதனை எம்பெருமானை ஞானமான
ஆரணத்தின் உள்பொருள்கள் அனைத்தும் ஆகும் 
          அண்ணலை எண்ணிய காலம் மூன்றும் அன்பின்
காரணத்தால் அர்ச்சிக்கும் மறையோர் தங்கள் கமல 
          மலர்க் கழல் வணங்கிக் கசிந்து சிந்தைப்
பூரணத்தால் முழு நீறு பூசி வாழும் புனிதர் 
          செயல் அறிந்தவாறு புகலல் உற்றேன்.  3 

முப்போதும் திருமேனி தீண்டுவார் புராணம் நிறைவடைந்தது

திருச்சிற்றம்பலம்