திருமந்திரம் - 1.14 வானச் சிறப்பு

              

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	14
தந்திரம்	முதல் தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	14.வானச் சிறப்பு
பிற குறிப்புகள்	வான் மழையின் சிறப்பு

திருச்சிற்றம்பலம்

அமுதூறு மாமழை நீர் அதனாலே

அமுதூறும் பன்மரம் பார்மிசை தோற்றும்

கமுகூறு தெங்கு கரும்பொடு வாழை

அமுதூறும் காஞ்சிரை ஆங்கது வாமே.  1  

வரை இடை நின்று இழி வான்நீர் அருவி

உரை இல்லை உள்ளத்து அகத்து நின்று ஊறும்

நுரை இல்லை மாசு இல்லை நுண்ணிய தெண்ணீர்க்

கரை இல்லை எந்தை கழுமணி ஆறே.  2 

 

திருச்சிற்றம்பலம்