திருமந்திரம் - 1.5 - உயிர் நிலையாமை

      

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	செல்வம்  நிலையாமை
தந்திரம்	முதல் தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	5. உயிர் நிலையாமை
பிற குறிப்புகள்

திருச்சிற்றம்பலம்

தழைக்கின்ற செந்தளிர்த் தண்மலர்க் கொம்பில்

இழைக்கின்றது எல்லாம் இறக்கின்ற கண்டும்

பிழைப்பு இன்றி எம்பெரு மான் அடி ஏத்தார்

அழைக்கின்ற போது அறியார் அவர் தாமே.  1  

ஐவர்க்கு ஒரு செய் விளைந்து கிடந்தது

ஐவரும் அச்செய்யைக் காத்து வருவர்கள்

ஐவர்க்கு நாயகன் ஓலை வருதலால்

ஐவரும் அச்செய்யைக் காவல் விட்டாரே.  2  

மத்தளி ஒன்று உள தாளம் இரண்டு உள

அத்துள்ளே வாழும் அரசனும் அங்கு உளன்

அத்துள்ளே வாழும் அரசன் புறப்பட்டால்

மத்தளி மண்ணாய் மயங்கிய வாறே.

வேங்கட நாதனை வேதாந்தக் கூத்தனை

வேங்கடத் துள்ளே விளையாடு நந்தியை

வேங்கடம் என்றே விரகுஅறி யாதவர்

தாங்க வல்லார் உயிர் தாம் அறி யாரே.  4  

சென்று உணர்வான் திசை பத்தும்  திவாகரன்

அன்று உணர் வால் அளக் கின்றது அறிகிலர்

நின்று உணரார் இந் நிலத்தின் மனிதர்கள்

பொன்று உணர்வாரின் புணர்க்கின்ற மாயமே.  5  

மாறு திருத்தி வரம்பு இட்ட பட்டிகை

பீறும் அதனைப் பெரிது உணர்ந்தார் இல்லை

கூறும் கருமயிர் வெண்மயி ராவதும்

ஈறும் பிறப்பும் ஒர் ஆண்டு எனும் நீரே.  6  

துடுப்பு இடு பானைக்கும் ஒன்றே அரிசி

அடுப்பு இடு மூன்றிற்கும் அஞ்சு எரி கொள்ளி

அடுத்து எரியாமல் கொடுமின் அரிசி

விடுத்தன நாள்களும் மேல் சென்றனவே.  7  

இன்பு உறு வண்டு இங்கு இனமலர் மேல் போய்

உண்பது வாசம் அதுபோல் உயிர்நிலை

இன்பு உற நாடி நினைக்கிலும் மூன்று ஒளி

கண் புறம்  நின்ற கருத்துள் நில்லானே.  8  

ஆம்விதி நாடி அறஞ்செய்மின் அந்நிலம்

போம்விதி நாடிப் புனிதனைப் போற்றுமின்

நாம்விதி வேண்டும் அது என்சொலின் மானிடர்

ஆம்விதி பெற்ற அருமைவல் லார்க்கே.  9  

அவ்வியம் பேசி அறங்கெட நில்லன்மின்

வெவ்வியன் ஆகிப் பிறர்பொருள் வவ்வன் மின்

செவ்வியன் ஆகிச் சிறந்து உண்ணும் போது ஒரு

தவ்விக் கொடு உண்மின் தலைப்பட்ட போதே.  10 

திருச்சிற்றம்பலம்