திரு கலிக்காமூர்

                                                                                    ௨ 

திருஞான சம்பந்த  சுவாமிகள்  அருளிச்செய்த
மூன்றாம் திருமுறை

தகவல் பலகை	விவரம்
தலம்	திரு கலிகாமூர்
ஊர்/வேறு பெயர்	அன்னப்பன் பேட்டை
நாடு	சோழ (காவிரி வட)
ॐசுவாமி	சுந்தரேஸ்வரர்
ॐஅம்பிகை	சுந்தராம்பாள், அழகம்மை
பாடியவர்கள்	சம்பந்தர்   (1)         மடல் வரையின் (3-105 )
ஸ்தல மரம்
தீர்த்தம்	சந்திர தீர்த்தம்
பண்	பழம் பஞ்சுரம்
குறிப்புகள்	பராசர முனிவர் வழிபட்டது
பதிக பலன்	பிணி நீங்கும்
வரிசை எண்.	105                                                            8/63

திருச்சிற்றம்பலம்

மடல்வரை யின்மது விம்முசோலை

          வயல்சூழ்ந்து அழகாரும்

கடல்வரை ஓதம் கலந்துமுத்தம் 

          சொரியுங் கலிக்காமூர்

உடல்வரை இன்னுயிர் வாழ்க்கையாய

          ஒருவன் கழல் ஏத்த

இடர்தொட ராவினை யானசிந்தும்

          இறைவன் அருளாமே.  1

மைவரை போல் திரை யோடுகூடிப்

          புடையே மலிந்து ஓதம்

கைவரை யால்வளர் சங்கம் எங்கும்

          மிகுக்கும் கலிக்காமூர்

மெய்வரை யான்மகள் பாகன்தன்னை

          விரும்ப உடல்வாழும்

ஐவரை ஆசறுத்து ஆளும் என்பர்

          அதுவும் சரதமே.  2

தூவிய நீர்மலர் ஏந்திவையத்து 

          அவர்கள் தொழுது ஏத்தக்

காவியின் நேர்விழி மாதர் என்றும்

          கவினார் கலிக்காமூர்

மேவிய ஈசனை எம்பிரானை

          விரும்பி வழிபட்டால்

ஆவியுள் நீங்கலன் ஆதிமூர்த்தி

          அமரர் பெருமானே.  3

குன்றுகள் போல்திரை உந்தி அந்தண்

          மணியார் தரம் ஓதி

கன்றுடன் புல்கியா அம்மனை சூழ்

          கவினார் கலிக்காமூர்

என்றுணர் ஊழியும் வாழும் எந்தை

          பெருமான் அடி ஏத்தி

நின்று உணர் வாரை நினையகில்லார்

          நீசர் நமன்தமரே.  4

வானிடை வாண்மதி மாடம் தீண்ட

          மருங்கே கடல் ஓதம்

கானிடை நீழலிற் கண்டல்வாழும்

          கழிசூழ் கலிக்காமூர்

ஆனிடை ஐந்து உகந்து ஆடினானை

          அமரர் தொழுது ஏத்த

நானடை வாம்வணம் அன்புதந்த

          நலமே நினைவோமே.  5

துறைவளர் கேதகை மீதுவாசம்

          சூழ்வான் மலிதென்றல்

கறைவள ருங்கடல் ஓதம் என்றும்

          கலிக்கும் கலிக்காமூர்

மறைவள ரும்பொருள் ஆயினானை

          மனத்தால் நினைந்து ஏத்த

நிறைவள ரும்புகழ் எய்தும்வாதை

          நினையா வினைபோமே.  6

கோலநன் மேனியின் மாதர்மைந்தர்

          கொணர்மங் கலியத்திற் சிவ பூசைக்குரிய மங்கலப் பொருட்கள்

காலமும் பொய்க்கினும்  தாம்வழுவாது 

          இயற்றும்  கலிக்காமூர்

ஞாலமும்  தீவளி ஞாயிறாய

          நம்பன் கழல் ஏத்தி

ஓலம் இடாதவர் அர நாமத்தை ஓதாதவர் ஊழி என்றும்

          உணர்வைத் துறந்தாரே.  7

ஊரர வந்தலை நீள்முடியான்

          ஒலிநீர் உலகு ஆண்டு

காரர வக்கடல் சூழவாழும்

          பதியாம் கலிக்காமூர்

தேரர வல்குல்அம் பேதை அஞ்சத்

          திருந்து வரைபேர்த்தான்

ஆரர வம்பட வைத்தபாதம்

          உடையான் இடமாமே.  8

அருவரை ஏந்திய மாலும்மற்றை

          அலர்மேல் உறைவானும்

இருவரும் அஞ்ச எரி உருவாய்

          எழுந்தான் கலிக்காமூர்

ஒருவரை யான்மகள் பாகன்தன்னை 

          உணர்வால் தொழுது ஏத்தத்

திருமரு வும்சிதை வில்லைச்செம்மைத் 

          தேசுண் டவர்பாலே.  9

மாசு பிறக்கிய மேனியாரும் 

          மருவும்  துவர் ஆடை

மீசு பிறக்கிய மெய்யினாரும் 

          அறியார் அவர்தோற்றம்

காசினி நீர்த்திரள் மண்டி எங்கும் 

          வளமார் கலிக்காமூர்

ஈசனை எந்தைபி ரானை ஏத்தி 

          நினைவார் வினைபோமே.  10

ஆழியுள் நஞ்சமுது ஆர உண்டு அன்று

          அமரர்க்கு அமுது உண்ண

ஊழிதொ றும் உளரா அளித்தான் 

          உலகத் து உயர்கின்ற

காழியுள் ஞானசம் பந்தன்சொன்ன  

          தமிழாற் கலிக்காமூர்

வாழி எம்மானை வணங்கி ஏத்த 

          மருவா பிணிதானே.  11

திருச்சிற்றம்பலம்