திருப்பூந்தராய்

 

௨ 

திருஞானசம்பந்த சுவாமிகள் அருளிச்செய்த
இரண்டாம்  திருமுறை

தகவல் பலகை	விவரம்
தலம்	திருப்பிரமபுரம்
ஊர்	சீர்காழி
நாடு	காவிரி வடகரை
ॐசுவாமி	பிரம்மபுரீஸ்வரர்
ॐஅம்பிகை	பெரியநாயகி
பாடியவர்கள்	திருஞானசம்பந்தர்(66), திருநாவுக்கரசர்(3), சுந்தரர்(1)
ஸ்தல மரம்	பாரிஜாதம்
தீர்த்தம்	பிரம தீர்த்தம்  உட்பட 22
பண்	நட்டபாடை
குறிப்புகள்	திருஞான சம்பந்தர் திரு அவதாரம் செய்த தலம்.  ஞானப்பால் அருந்தி பின் பாடியது. இதற்கு வழங்கும் வேறு பெயர்களாவன: பிரம்மன் வழிபட்டதால், "பிரம்மபுரம்", இறைவன் மூங்கில் வடிவில் தோன்றியதால் "வேணுபுரம்", தேவர்களின் புகலிடமாக விளங்கியதால், "புகலி", குருபகவான் வழிபட்டதால், "வெங்குரு", ஊழிக் காலத்தில் ஈசன் தோணியில் காட்சி தருதலால் "தோணிபுரம்", இரணியாகஷனை வதம் செய்த வராக மூர்த்தி வழிபட்டதால் "பூந்தராய்", இராகு கிரகம் பூசித்ததால், "சிரபுரம்", புறா வடிவத்தில் வந்த அக்கினியால் சிபி சக்கரவர்த்தி நற்கதி அடைந்ததால் "புறவம்",  சண்பை எனும் புல்லால் திருமால் வழிபட்டதால், "சண்பை", காளி வழிபட்டதால் "ஸ்ரீகாளி" (சீகாழி) பழிச்சொல் (கொச்சை சொல்) நீங்க பராசரர் வழிபட்டதால் "கொச்சை வயம் ".  மும்மலம் விலக ரோவமாசரர் வழிபட்டதால் "கழுமலம்"
பதிக பலன்	தீவினை நீங்கி நல்வினை நாடி சேருவர்.
வரிசை எண்.	137

திருச்சிற்றம்பலம்

செந்நெல் அங்கழனிப்பழ னத்தய லேசெழும்
புன்னை வெண்கிழி யிற்பவ ளம்புரை பூந்தராய்த்
துன்னி நல்லிமை யோர்முடி  தோய்கழலீர் சொலீர்
பின்னு செஞ்சடை யிற்பிறை
 
எற்று தெண்டிரை யேறிய   சங்கினொடு இப்பிகள்
பொன் திகழ் கமலப் பழனம் புகு பூந்தராய்ச்
சுற்றி நல்லிமையோர் தொழு   பொற்கழலீர் சொலீர்
பெற்றம் ஏறுதல் பெற்றிமை   யோ பெருமானிரே.  2 
 
சங்கு செம்பவ ளத்திரள்   முத்து அவை தாங்கொடு
பொங்கு தெண் திரை வந்தலைக்கும் புனற் பூந்தராய்த்
துங்க மால் களிற்றின் உரி போர்த்து உகந்தீர் சொலீர்
மங்கை பங்கமும் அங்கத்தொடு ஒன்றிய மாண்பு அதே.  3 
 
சேம வன்மதில் பொன்னணி   மாளிகை சேணுயர்
பூமணம் கமழும் பொழில்   சூழ்தரு பூந்தராய்ச்
சோமனும் மரவும் தொடர்   செஞ்சடையீர் சொலீர்
காமன் வெண்பொடியாகக்  கடைக்கண் சிவந்ததே.  4 
 
பள்ள மீன்இரை தேர்ந்து உழலும் பகு வாயன
புள்ளு நாள் தொறும் சேர்பொழில்   சூழ்தரு பூந்தராய்த்
துள்ளு மான்மறி ஏந்திய   செங்கையினீர் சொலீர்
வெள்ள நீரொரு செஞ்சடை வைத்த வியப்பதே.  5 
 
மாது  இலங்கிய மங்கையர் ஆட மருங்கெலாம்
போது  இலங் கமலம் மதுவார் புனல் பூந்தராய்ச்
சோதியஞ்சுடர் மேனிவெண்ணீறு அணிவீர் சொலீர்
காதில் அங்குழை சங்க வெண் தோடுடன் வைத்ததே.  6 
 
இப்பதிகத்தில் 7-ம் பாடல் கிடைக்கப்பெறவில்லை  7 
 
வருக்க மார்தரு வான் கடுவன்னொடு மந்திகள்
தருக்கொள் சோலை தருங்கனி   மாந்திய பூந்தராய்த்
துரக்கு மால்விடை மேல் வரு   வீர் அடி கேள்சொலீர்
அரக்கன் ஆற்றல் அழித்து அருள் ஆக்கிய ஆக்கமே.  8 
 
வரிகொள் செங்கயல் பாய்புனல்   சூழ்ந்த மருங்கு எலாம்
புரிசை நீடுயர் மாட நிலாவிய பூந்தராய்ச்
சுருதி பாடிய பாணியல் தூமொழி யீர்சொலீர்
கரிய மால் அயன் நேடி உமைக்கண்டு இலாமையே.  9 
 
வண்டல் அங்கழ னிம்மடை   வாளைகள் பாய்புனல்
புண்டரீக மலர்ந்து மதுத்   தருபூந் தராய்த்
தொண்டர் வந்தடி போற்றிசெய்   தொல்கழ லீர்சொலீர்
குண்டர் சாக்கியர் கூறிய   தாங்குறி யின்மையே.  10 
 
மகர வார் கடல் வந்தணவும் மணற் கானல்வாய்ப்
புகலி ஞானசம் பந்தன்   எழில்மிகு பூந்தராய்ப்
பகவனாரைப் பரவுசொல்   மாலை பத்தும் வல்லார்
அகல்வர் தீவினை நல்வினையோடுடன் ஆவரே.   11

திருச்சிற்றம்பலம்