திருமந்திரம் 1-9 பொது மகளிர் இழிவு

         

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	9
தந்திரம்	முதல் தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	9 பொது மகளிர் இழிவு
பிற குறிப்புகள்

திருச்சிற்றம்பலம்

இலைநல ஆயினும் எட்டி பழுத்தால்

குலைநல ஆம் கனி கொண்டு உணல் ஆகா

முலை நலம் கொண்டு முறுவல்செய் வார்மேல்

விலகுறும்  நெஞ்சினை வெய்துகொள் ளீரே.  1  

மனை புகுவார்கள் மனைவியை நாடில்

சுனைபுகு நீர்போல் சுழித்துடன் வாங்கும்

கனவது போலக் கசிந்து எழும் இன்பம்

நனவது போலவும் நாட ஒண்ணாதே.  2  

இயல் உறும் வாழ்க்கை இளம்பிடி மாதர்

புயல் உறும் புல்லின் புணர்ந்தவரேயினும் 

மயல் உறும் வானவர் சார இரும் என்பார்

அயல் உறப் பேசி அகன்று ஒழிந்தாரே.  3  

வையகத்தே மடவாரொடும் கூடி என்

மெய்யகத்தோரும் வைத்த விதி அது

கையகத்தே கரும்பாலையின் சாறுகொள்

மெய்யகத்தே பெறும்  வேம்பு அது ஆமே.  4  

கோழை ஒழுக்கம் குளமூடு பாசியில்

ஆழ நடுவர் அளப்புறு வார்களைத்

தாழத் துடக்கித் தடுக்கு இல்லாவிடில்

பூழை நுழைந்தவர் போகின்ற வாறே.  5 

திருச்சிற்றம்பலம்