திருமந்திரம் 2:06 - சக்கரப்பேறு

 ௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	6
தந்திரம்	இரண்டாம்  தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	6. சக்கரப்பேறு
பிற குறிப்புகள்	திருமால் சிவபெருமானிடம் சக்கரம் பெற்றமை

திருச்சிற்றம்பலம்

                  

மால்போ தகன் என்னும் வண்மைக்கு இங்கு ஆங்காரம்

கால்போதம் கங்கையினோடு அந்தரச் சக்கரம்

மேல்போக வெள்ளி மலை அம ராபதி

பார்போகம் ஏழும் படைத்து உடையானே.  1

சக்கரம் பெற்றுநல் தாமோதரன் தானும்

சக்கரம் தன்னைத் தரிக்க ஒண்ணாமையால்

மிக்கு அரன் தன்னை விருப்புடன் அர்ச்சிக்கத்

தக்க நல் சக்தியைத் தான் கூறு செய்ததே.  2

கூறு அதுவாகக் குறித்து நல் சக்கரம்

கூறு அது செய்து கொடுத்தனன் மாலுக்குக்

கூறு அது செய்து கொடுத்தனன் சத்திக்குக்

கூறு அது செய்து தரித்தனன் கோலமே. 3

தக்கன் தன் வேள்வி தகர்த்தநல் வீரர்பால்

தக்கன் தன் வேள்வியில் தாமோ தரன்தானும்

சக்கரம் தன்னைச் சசிமுடி மேல்விட

அக்கி உமிழ்ந்தது வாயு உக்கரத்திலே.  4