திருமந்திரம் 2:08 - அடிமுடி தேடல்

   ௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	8
தந்திரம்	இரண்டாம்  தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	8.  அடி முடி தேடல்
பிற குறிப்புகள்	நான்முகனும் திருமாலும் அடிமுடி தேடல்

திருச்சிற்றம்பலம்

                  

பிரமனும் மாலும் "பிரானேநான்" என்னப்

பிரமன்மால் தங்கள்தம் பேதைமை யாலே

பரமன் அனலாய்ப் பரந்துமுன் நிற்க

அரன் அடி தேடி அரற்றுகின் றாரே.  1

ஆம் ஏழ் உலகுற நின்றஎம் அண்ணலும்

தாம் ஏழ் உலகில் தற்பிழம் பாய்நிற்கும்

வான் ஏழ் உலகுறும் மாமணி கண்டனை

யானே அறிந்தேன் அவன் ஆண்மை யாலே.  2

ஊனாய் உயிராய் உணர்வு அங்கியாய் முன்னம்

சேணாய் வான் ஓங்கித் திருவுருவாய் அண்டத்

தாணுவும் ஞாயிறும் தண்மதி யும்   கடந்து 

ஆள் முழுது அண்டமும் ஆகி நின் றானே.  3

நின்றான் நிலமுழு தண்டத்துள் நீளியன்

அன்றே அவன் வடிவு அஞ்சினர் ஆய்ந்தது

சென்றார் இருவர் திருமுடி மேல்செல

நன்று ஆம் கழல் அடி நாட ஒண்ணாதே.  4

சேவடி ஏத்தும் செறிவுடை வானவர்

"மூவடி தா" என்றானும் முனிவரும்

பாவடி யாலே பதம் செய் பிரமனும்

தாவடி  இட்டுத் தலைப்பெய்து மாறே.  5

தானக் கமலத்து இருந்த சதுமுகன்

தானக் கருங் கடல் வாழித் தலைவனும்

ஊனத்தின் உள்ளே உயிர்போல் உணர்கின்ற

தானப் பெரும்பொருள் தன்மையது ஆமே. 6

ஆலிங்கனம் செய்து எழுந்த பரஞ்சுடர்

மேல் இங்ஙன் வைத்தது ஓர் மெய்ந்நெறி முன் கண்டு

ஆலிங்கனம் செய்து உலகம் வலம்வரும்

கோலிங்க அமைஞ்சு அருள் கூடலும் ஆமே.  7

வாள்கொடுத் தானை வழிபட்ட தேவர்கள்

ஆள்கொடுத்தூ எம்போல் அரனை அறிகிலர்

ஆள்கொடுத்து இன்பம் கொடுத்துக் கோளாகத்

தாள்கொடுத் தான் அடி சாரகி லாரே.  8

ஊழி வலம் செய்து அங்கு ஓரும் ஒருவற்கு

வாழி சதுமுகன் வந்து வெளிப்படும்

'வீழித் தலைநீர் விதித்தது' தா என

ஊழிக் கதிரோன் ஒளியைவென் றானே.  9