2:16 - பாத்திரம்

      ௨

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	16
தந்திரம்	இரண்டாம்  தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	16.  பாத்திரம்
பிற குறிப்புகள்	அற நெறியில் ஈட்டியதை சேம வைப்பாகுதல்

திருச்சிற்றம்பலம்

                  

திலமத் தனையே சிவஞானிக்கு ஈந்தால்

பலமுத்தி சித்தி பரபோகமும் தரும்

நிலமத் தனைபொன்னை நின்மூடர்க்கு ஈந்தால்

பலமும் அற்றே பர போகமும் குன்றுமே.  1

கண்டிருந் தாருயிர் உண்டிடுங் காலனைக்

கொண்டிருந்தார் உயிர் கொள்ளும் குணத்தனை

நன்று உணர்ந் தார்க்கு அருள் செய்திடு நாதனைச்

சென்று உணர்ந்தார் சிலர் தேவரும் ஆமே.  2

கைவிட்டி லேன்கரு வாகிய காலத்து

மெய்விட்டி லேன்விகிர் தன்அடி தேடுவன்

பொய்விட்டு நானே புரிசடை யான் அடி

நெய்விட் டிலாத இடிஞ்சிலும் ஆமே.  3

ஆவன ஆவ, அழிவ அழிவன,

போவன போவ, புகுவ புகுவன,

காவலன் பேர்நந்தி, காட்டித்துக் கண்டவன்

ஏவன செய்யும் இளங்கிளை யோனே.  4