திரு தேவன் குடி

    

௨ 

திருஞானசம்பந்தர் சுவாமிகள் அருளிச்செய்த
மூன்றாம் திருமுறை

தகவல் பலகை	விவரம்
தலம்	திரு தேவன் குடி
ஊர்	நண்டாங் கோயில்
நாடு	சோழ (காவிரி வட)
ॐசுவாமி	கர்கடேஸ்வரர்
ॐஅம்பிகை	அருமருந்தம்மை, அபூர்வ நாயகி
பாடியவர்கள்	திருஞானசம்பந்தர் 1)         மருந்து வேண்டில் (3-25)
ஸ்தல மரம்
தீர்த்தம்
பண்	கொல்லி
குறிப்புகள்	நண்டு வழிபட்ட தலம்
பதிக பலன்	இம்மையில் செல்வமும் புகழும் பெறுவர்.
வரிசை எண்.	25                                                             42/63

திருச்சிற்றம்பலம்

மருந்துவேண்டில் இவை மந்திரங்கள் இவை
புரிந்துகேட் கப்படும் புண்ணியங்கள் இவை
திருந்துதே வன்குடித் தேவர்தே வெய்திய
அருந்தவத் தோர்தொழும் அடிகள்வே டங்களே.  1

வீதிபோக் காவன வினையைவீட் டுவ்வன
ஓதியோர்க் கப்படாப் பொருளையோர் விப்பன
தீதில்தே வன்குடித் தேவர்தே வெய்திய
ஆதி அந்தம்மிலா அடிகள் வேடங்களே.  2

மானம் ஆக் குவ்வன மாசுநீக் குவ்வன
வானையுள் கச்செலும் வழிகள் காட்டுவ்வன
தேனும் வண்டும் இசை பாடும் தேவன்குடி
ஆன் அஞ்சும் ஆடும் முடி அடிகள் வேடங்களே.  3

செவிகளார் விப்பன சிந்தையுள் சேர்வன
கவிகள்பா டுவ்வன கண்குளிர் விப்பன
புவிகள் பொங்கப்புனல் பாயும்  தேவன்குடி
அவிகள் உய்க்கப்படும் அடிகள் வேடங்களே.  4

விண்ணுலாவும் நெறி வீடுகாட் டுந்நெறி
மண்ணுலா வும் நெறி மயக்கந்தீர்க் கும்நெறி
தெண்ணிலா வெண்மதி தீண்டுதே வன்குடி
அண்ணலான் ஏறுடை அடிகள் வே டங்களே.  5

பங்கம் என் எப்படர் பழிகள் என்னப்படா
புங்கம் என்னப்படர் புகழ்கள் என்னப்படும்
திங்கள் தோயும் பொழில் தீண்டு தேவன்குடி
அங்கம் ஆறும் சொன்ன அடிகள்வே டங்களே.  6

கரைதல் ஒன்றும் இலை கருதவல்லார் தமக்கு
உரையில் ஊனம் இலை உலகினில்  மன்னுவர்
திரைகள்பொங்கப்புனல் பாயும் தே வன்குடி
அரையில்வெண் கோவணத்து அடிகள்வே டங்களே.  7

உலகம் உட்கும் திறல் உடையரக் கன்வலி
விலகுபூ தக்கணம்வெருட்டும் வே டத்தின
திலகமா ரும்பொழில்சூழ்ந்ததே வன்குடி
அலர்தயங் கும் முடி அடிகள்வே டங்களே.  8

துளக்கம் இல்லாதன தூயதோற்றத்தன
விளக்கம் ஆக்குவ்வனவெறிவண்டு ஆரும்பொழில்
திளைக்கும் தேவன்குடித்திசைமுகன் ஓடுமால்
அளக்க ஒண்ணாவண்ணத்து அடிகள்வே டங்களே.  9

செருமரு தண்துவர்த் தேரர் அமண் ஆதர்கள்
உருமரு வப்படாத்தொழும்பர்தம் உரைகொளேல்
திருமரு வும் பொய்கைசூழ்ந்த தேவன்குடி
அருமருந் தாவனஅடிகள்வே டங்களே.  10

சேடர் தேவன் குடித்தேவர் தேவன் தனை
மாடம் ஓங்கும் பொழில் மல்கு தண் காழியான்
நாட வல்ல தமிழ்ஞானசம் பந்தன
பாடல் பத்தும் வல்லார்க்கு இல்லையாம் பாவமே.

திருச்சிற்றம்பலம்