திரு கடம்பூர்

                                                                              ௨ 

திருநாவுக்காரசு சுவாமிகள்  அருளிச்செய்த
ஐந்தாம் திருமுறை

தகவல் பலகை	விவரம்
தலம்	திரு கடம்பூர்
ஊர்/வேறு பெயர்	மேலக் கடம்பூர், கரக் கோயில்
நாடு	சோழ (காவிரி வட)
ॐசுவாமி	அமிர்தகடேஸ்வரர்
ॐஅம்பிகை	சோதி மின்னம்மை , வித்யுஜோதி நாயகி
பாடியவர்கள்	சம்பந்தர் (1)         வானமர் திங்களும் நீரும்(2-68) அப்பர் (2)          மருட்டுவர் தீரவன் (4-107)         தளரும் கோளரவ (5-19)         ஒருவராய் இரு மூவாரம் (5-20)
ஸ்தல மரம்	கடம்பு
தீர்த்தம்	சக்தி தீர்த்தம்
பண்	திருகுருந்தொகை
குறிப்புகள்	முருகப் பெருமான் இந்திரன், அங்காரகன்  வழிபட்டது .
பதிக பலன்	வினை நீங்கும்.
வரிசை எண்.	19                                                             34/63

திருச்சிற்றம்பலம்

தளரும் கோளரவத்தொடு தண்மதி
வளருங் கோல வளர்சடை யார்க்கு இடம்
கிளரும் பேரிசைக் கின்னரம் பாட்டறாக்
களரும் கார்க் கடம்பூர்க் கரக் கோயிலே.  1

வெலவ லான்புலன் ஐந்தொடு வேதமும்
சொலவ லான்சுழ லும் தடு மாற்றமும்
அலவ லான்மனை யார்ந்தமென்தோளியைக்
கலவ லான்கடம்  பூர்க்கரக் கோயிலே.  2

பொய்தொ ழாது புலி உரியோன்பணி
செய்தெ ழா எழுவார் பணி செய்தெழா
வைதெ ழாது எழுவார் அவர் எள்கநீர்
கைதொ ழா எழுமின் கரக் கோயிலே.  3

துண்ணெனா மனத்தால் தொழு நெஞ்சமே
பண்ணி னான்முனம் பாடல் அது செய்தே
எண்ணிலார் எயில் மூன்றும் எரித்தமுக்
கண்ணி னான்கடம் பூர்க்கரக் கோயிலே.  4

சுனையுள் நீலமலரன கண்டத்தன்
புனையும் பொன்னிறக் கொன்றை புரிசடைக்
கனையும் பைங்கழ லான்கரக் கோயிலை
நினையும் உள்ளத்து அவர்வினை நீங்குமே.  5

குணங்கள் சொல்லியும் குற்றங்கள் பேசியும்
வணங்கி வாழ்த்துவர் அன்புடை யார் எலாம்
வணங்கி வான்மலர் கொண்டடி வைகலும்
கணங்கள் போற்றிசைக்கும்  கரக் கோயிலே.  6

பண்ணி னார்மறை பல்பல பூசனை
மண்ணி னார்செய்வது அன்றியும் வைகலும்
விண்ணி னார்கள் வியக்கப் படுவன
கண்ணி னார்கடம் பூர்க்கரக் கோயிலே.  7

அங்கை ஆர் அழல் ஏந்தி நின்டு ஆடலன்
மங்கை பாட மகிழ்ந்துடன் வார்சடைக்
கங்கை யானுறையும் கரக் கோயிலைத்
தங்கை யால் தொழுவார் வினை சாயுமே.  8

நம் கடம்பனைப் பெற்றவள் பங்கினன்
தென்க டம்பைத் திருக்கரக் கோயிலான்
தன் கடன் அடியேனையும்  தாங்குதல்
என் க டன் பணி செய்து கிடப்பதே.  9

பணங்கொள் பாற்கடல் பாம்பணை யானொடும்
மணம் கமழ் மலர்த் தாமரை யானவன்
பிணங்கும் பேரழல் எம்பெரு மாற்கு இடம் 
கணங்கள் போற்றிசைக்கும் கரக் கோயிலே.  10

வரைக்கண் நாலஞ்சு தோளுடை யான் தலை
அரைக்க ஊன்றி அருள்செய்த ஈசனார்
திரைக்கும் தண்புனல் சூழ்கரக் கோயிலை
உரைக்கும் உள்ளத்து அவர்வினை ஓயுமே.  11

திருச்சிற்றம்பலம்