திரு கருப்பறியலூர்

                                                                                                ௨ 

சுந்தரமூர்த்தி  சுவாமிகள்  அருளிச்செய்த
ஏழாம் திருமுறை

தகவல் பலகை	விவரம்
தலம்	திரு கருப்பறியலூர்
ஊர்/வேறு பெயர்	மேலைக் காழி, தலைஞாயிறு
நாடு	சோழ (காவிரி வட)
ॐசுவாமி	குற்றம் பொறுத்த நாதர்
ॐஅம்பிகை	கோல்வளை நாயகி
பாடியவர்கள்	சம்பந்தர் (1)         சுற்றமொடு பற்று அவை (2-31) சுந்தரர்    (1)         சிம்மாந்து சிம்புளித்து(7-30)
ஸ்தல மரம்	கொடுடி முல்லை
தீர்த்தம்	இந்திர தீர்த்தம்
பண்	இந்தளம்
குறிப்புகள்	கோயிலின் பெயர் கொகுடிக் கோயில்  வசிட்டர், அனுமார் இந்திரன் வழிபட்டது
பதிக பலன்	துன்பங்கள் களையும்.
வரிசை எண்.	31                                                            27/63

திருச்சிற்றம்பலம்

சிம்மாந்து சிம்புளித்துச் சிந்தையினில்
          வைத்துகந்து திறம்பா வண்ணங்
கைம்மாவின் உரிவைபோர்த்து உமைவெருவக்
          கண்டானைக் கருப்ப றியலூர்க்
கொய்ம்மாவின் மலர்ச்சோலைக் குயில்பாட
          மயில் ஆடும் கொகுடிக் கோயில்
எம்மானை மனத்தினால் நினைந்தபோது அக பூசை செய்தல் குறித்து சொல்லப்பட்டது  
          அவர் நமக்கு இனிய வாறே.  1

நீற்றாரும் மேனியராய் நினைவார்தம்
          உள்ளத்தே நிறைந்து தோன்றும்
காற்றானைத் தீயானைக் கதிரானை
          மதியானைக் கருப்ப றியலூர்க்
கூற்றானைக் கூற்று உதைத்துக் கோல்வளையாள்
          அவளோடும் கொகுடிக் கோயில்
ஏற்றானை மனத்தினால் நினைந்தபோது
          அவர் நமக்கு இனிய வாறே.  2

முட்டாமே நாள் தோறும் நீர்மூழ்கிப்
          பூப்பறித்து மூன்று போதும்
கட்டார்ந்த இண்டைகொண்டு அடிச்சேர்த்தும்
          அந்தணர்தம்  கருப்பறியலூர்
கொட்டாட்டுப் பாட்டாகி நின்றானைக்
          குழகனைக் கொகுடிக் கோயில்
எட்டான மூர்த்தியை நினைந்தபோது 
          அவர் நமக்கு இனிய வாறே.  3

விருந்தாய சொல் மாலை கொண்டு ஏத்தி
          வினைபோக வேலி தோறும்
கருந்தாள வாழைமேல் செங்கனிகள்
          தேன்சொரியும் கருப்ப றியலூர்க்
குருந்தாய முள் எயிற்றுக் கோல்வளையாள்
          அவளோடும் கொகுடிக் கோயில்
இருந்தானை மனத்தினால் நினைந்தபோது
          அவர் நமக்கு இனிய வாறே.  4

பொடியேறு திருமேனிப் பெருமானைப்
          பொங்கு அரவக் கச்சை யானைக்
கடிநாறும் பூம்பொய்கைக் கயல்வாளை
          குதிகொள்ளும் கருப்ப றியலூர்க்
கொடியேறி வண்டு இனமும் தண் தேனும்
          பண்செய்யும் கொகுடிக் கோயில்
அடியேறு கழலானை நினைந்தபோது
          அவர்நமக்கு இனிய வாறே.  5

பொய்யாத வாய்மையால் பொடிப்பூசிப்
          போற்றிசைத்துப் பூசை செய்து
கையினால் எரி ஓம்பி மறை வளர்க்கும்
          அந்தணர் தம் கருப்ப றியலூர்க்
கொய்யுலாம் மலர்ச்சோலைக் குயில்கூவ
          மயில் ஆலும் கொகுடிக் கோயில்
ஐயனை என் மனத்தினால் நினைந்தபோது
          அவர் நமக்கு இனிய வாறே.  6

செடிகொள்நோய் உள்ளளவும் தீவினையும்
          தீர்ந்து ஒழியச் சிந்தை செய்ம்மின்
கடிகொள்பூந் தடமண்டிக் கருமேதி
          கண்படுக்கும் கருப்ப றியலூர்க்
கொடிகொள்பூ நுண்ணிடையாள் கோல்வளையாள்
          அவளோடும் கொகுடிக் கோயில்
அடிகளை என் மனத்தினால் நினைந்தபோது 
          அவர் நமக்கு இனிய வாறே.  7

பறையாத வல்வினைகள் பறைந்தொழியப்
          பன்னாளும் பாடி ஆடிக்
கறையார்ந்த கண்டத்தன் எண் தோளன் 
          முக்கண்ணன் கருப்ப றியலூர்க்
குறையாத மறைநாவர் குற்றேவல்
          ஒழியாத கொகுடிக் கோயில்
உறைவானை மனத்தினால் நினைந்தபோது
          அவர் நமக்கு இனிய வாறே.  8

சங்கேந்து கையானும் தாமரையின்
          மேலானும் தன்மை காணாக்
கங்கார்ந்த வார்சடைகள் உடையானை
          விடையானைக் கருப்ப றியலூர்க்
கொங்கார்ந்த பொழிற்சோலை சூழ்கனிகள்
          பல உதிர்க்கும் கொகுடிக் கோயில்
எங்கோனை மனத்தினால் நினைந்தபோது
          அவர் நமக்கு இனிய வாறே.  9

பண்டாழின் இசைமுரலப் பன்னாளும்
          பாவித்துப் பாடி ஆடிக்
கண்டார்தங் கண்குளிருங் களிக்கமுகம்
          பூஞ்சோலைக் கருப்ப றியலூர்க்
குண்டாடும் சமணரும்  சாக்கியரும்
          புறங்கூறும் கொகுடிக் கோயில்
எண் தோள் எம் பெருமானை நினைந்தபோது
          அவர் நமக்கு இனிய வாறே.  10

கலைமலிந்த தென்புலவர் கற்றோர்தம்
          இடர் தீர்க்கும் கருப்ப றியலூர்க்
குலைமலிந்த கோள் தெங்கு மட்டொழுகும்
          பூஞ்சோலைக் கொகுடிக் கோயில்
இலைமலிந்த மழுவானை மனத்தினால்
          அன்பு செய்து இன்பம் எய்தி
மலைமலிந்த தோள்ஊரன் வனப்பகையப்
          பன் உரைத்த வண் தமிழ்களே.  11

திருச்சிற்றம்பலம்