திரு வேள்விக்குடி

                                                                                                    ௨ 

சுந்தரமூர்த்தி  சுவாமிகள்  அருளிச்செய்த
ஏழாம் திருமுறை

தகவல் பலகை	விவரம்
தலம்	திரு வேள்விக்குடி
ஊர்/வேறு பெயர்
நாடு	சோழ (காவிரி வட)
ॐசுவாமி	மனவாலேஸ்வரர், கௌதகேஸ்வரர், கல்யாண சுந்தரேஸ்வரர்
ॐஅம்பிகை	பரிமள சுகந்த நாயகி, நறுஞ்சாந்தநாயகி
பாடியவர்கள்	சம்பந்தர் (1)     ஓங்கி மேல் உழி தரும் (3-90)     சுந்தரர்  (1)         மூப்பதும் இல்லை பிறப்பதும் (7-18)
ஸ்தல மரம்
தீர்த்தம்	கெளதகாபந்தன தீர்த்தம்
பண்	நட்ட ராகம்
குறிப்புகள்	சிவபெருமான் திருமண வேள்வி நடைபெற்ற தலம்.  திருத்துருத்தியும், திருவேல்விக்குடியும் அடுத்தடுத்து உள்ள தலங்கள்.   பகற்காலத்தில் திருத்துருத்தியிலும், இரவு காலத்தில் திரு வேல்விக்குடியிலும் ஈசன் எழுந்தருளி இருப்பதாக பதிக குறிப்பு உள்ளது. இரு திருத்தலத்தையும் இணைத்து செய்த பதிகம் இது.   "மூப்பதும் இல்லை"  திருப்பதிகம் என போற்றப்படுகிறது
பதிக பலன்	மேலான உலகத்தில் தங்குவர் .
வரிசை எண்.	18                                                           23/63

திருச்சிற்றம்பலம்

மூப்பதும் இல்லை பிறப்பதும் இறைவன் பிறப்பு இறப்பு அற்றவன்
          இல்லை இறப்பதில்லை
சேர்ப்பது காட்டகத் தூரினு
          மாகச்சிந் திக்கின் அல்லால்
காப்பது வேள்விக் குடிதண்
          துருத்தி எம் கோன்அரைமேல்
ஆர்ப்பது இறுக்கி கட்டுவது நாகம் அறிந்தோமேல்
          நாம் இவர்க்கு ஆட்படோ மே.  1

கட்டக்காட் டில்நடம் ஆடுவர் 
          யாவர்க்கும் காட்சி ஒண்ணார்
சுட்டவெண் ணீறணிந்து ஆடுவர்
          பாடுவர் தூயநெய்யால்
வட்டக்குண் டத்தில் எரிவளர்த்து 
          ஓம்பி மறைபயில்வார்
அட்டக்கொண்டு உண்பது அறிந்தோமேல்
          நாம் இவர்க்கு ஆட்படோ மே.  2

பேரும் ஓர் ஆயிரம் பேருடை
          யார்பெண்ணோடு ஆணும் அல்லர்
ஊரும் அது ஒற்றியூர் மற்றையூர்
          பெற்றவர் நாம் அறியோம்
காருங் கருங்கடல் நஞ்சு அமுது 
          உண்டு கண்டம் கறுத்தார்க்கு 
ஆரம் பாம்பு ஆவது அறிந்தோமேல்
          நாம் இவர்க்கு ஆட்படோ மே.  3

ஏனக்கொம் பும் இள ஆமையும்
          பூண்டு அங்கு ஓர் ஏறும் ஏறிக்
கானக்காட் டில் தொண்டர் கண்டன
          சொல்லியும் காமுறவே
மானைத்தோல் ஒன்றை உடுத்துப்
          புலித்தோல் பியற்கும் பின்பக்கத்தில் இட்டு
யானைத்தோல் போர்ப்பது அறிந்தோமேல்
          நாம் இவர்க்கு ஆட்படோ மே.  4

ஊட்டிக்கொண்டு உண்பதோர் ஊணிலர்
          ஊரிடு பிச்சை அல்லால்
பூட்டிக்கொண்டு ஏற்றினை ஏறுவர்
          ஏறியோர் பூதம் தம்பால்
பாட்டிக்கொண்டு உண்பவர் பாழி பாழி-புற்று
          தொறும்பல பாம்புபற்றி
ஆட்டிக்கொண்டு உண்பது அறிந்தோமேல்
          நாம் இவர்க்கு ஆட்படோ மே.  5

குறவனார் தம்மகள் தம்
          மகனார்மண வாட்டிகொல்லை
மறவனாராய் அங்கு ஓர் பன்றிப்பின்
          போவது மாயம் கண்டீர்
இறைவனார் ஆதியார் 
          சோதியராய் அங்கு ஓர் சோர்வுபடா
அறவனார் ஆவது அறிந்தோமேல்
          நாம் இவர்க்கு ஆட்படோ மே.  6

பித்தரை ஒத்து ஒரு பெற்றியர்
          நற்றவை என்னைப்பெற்ற
முற்றவை தம்மனை தந்தைக்கும்
          தவ்வைக்குந் தம்பிரானார்
செத்தவர் தந்தலை யிற்பலி
          கொள்வதே செல்வம் ஆகில்
அத்தவம் ஆவது அறிந்தோமேல்
          நாம் இவர்க்கு ஆட்படோ மே.  7

உம்பரான் ஊழியான் ஆழியான்
          ஓங்கி மலர் உறைவான்
தம்பரம் அல்லவர் சிந்திப்பவர்
          தடு மாற்று அறுப்பார்
எம்பரம் அல்லவர் என் நெஞ்சத்து 
          உள்ளும் இருப்பது ஆகில்
அம்பரம் ஆவது அறிந்தோமேல்
          நாம் இவர்க்கு ஆட்படோ மே.  8

இந்திர னுக்கும் இராவண
          னுக்கும் அருள்புரிந்தார்
மந்திரம் ஓதுவர் மாமறை
          பாடுவர் மான்மறியர்
சிந்துரக் கண்ணனும் நான்முகனும் 
          உட னாய்த்தனியே
அந்தரம்  செல்வது அ றிந்தோமேல்
          நாம் இவர்க்கு ஆட்படோ மே.  9

கூடலர் மன்னன் குலநாவலூர்க் 
          கோன் நலத்தமிழைப்
பாடவல் ல பரமன் அ டியார் 
          அ டிமை வழுவா
நாடவல் லதொண்டன் ஆரூரன்
          ஆட்படு மாறுசொல்லிப்
பாடவல் லார்பர லோகத்து 
          இருப்பது பண்டம் அ ன்றே.  10

திருச்சிற்றம்பலம்