திரு நீடூர்

                                                                            ௨ 

சுந்தரமூர்த்தி   சுவாமிகள்  அருளிச்செய்த
ஏழாம் திருமுறை

தகவல் பலகை	விவரம்
தலம்	திரு நீடூர்
ஊர்/வேறு பெயர்
நாடு	சோழ (காவிரி வட)
ॐசுவாமி	அருட் சோமனாதேஸ்வரர்
ॐஅம்பிகை	வேதநாயகி, வேயுறு தோளி அம்மை
பாடியவர்கள்	அப்பர்  (1)     பிறவாதே தோன்றிய (6-11) சுந்தரர்  (1)         ஊர்வதோர் விடை (7-56)
ஸ்தல மரம்	மகிழ மரம்
தீர்த்தம்
பண்	தக்கேசி
குறிப்புகள்	இந்திரன், சூரியன், சந்திரன், காளி, நண்டு ஆகியோர் வழிபட்ட தலம்  முனையடுவார் நாயனார் திருத் தோடு புரிந்து முத்தி அடைந்த தலம்.
பதிக பலன்	முத்திப் பேறு கிடைக்கும்.
வரிசை எண்.	56                                                           21/63

திருச்சிற்றம்பலம்

ஊர்வது ஓர் விடை ஒன்று உடை யானை
          ஒண்ணு தல்தனிக் கண்ணுத லானைக்
கார தார்கறை மாமிடற் றானைக்
          கருத லார்புரம் மூன்று எரித் தானை
நீரில் வாளை வரால்குதி கொள்ளும்
          நிறை புனல் கழ னிச்செல்வ நீடூர்ப்
பாரு ளார்பர வித்தொழ நின்ற
          பரம னைப்பணி யாவிட லாமே.  1

துன்னு வார்சடைத் தூமதி யானைத்
          துயக்கு றாவகை தோன்றுவிப் பானைப்
பன்னு நான்மறை பாடவல் லானைப்
          பார்த்த னுக்கு அருள் செய்தபி ரானை
என்னை இன்னருள் எய்துவிப் பானை
          ஏதி லார்தமக்கு ஏதிலன் தன்னைப்
புன்னை மாதவி போதலர் நீடூர்ப்
          புனித னைப்பணி யாவிட லாமே.  2

கொல்லும் மூவிலை வேலுடை யானைக்
          கொடிய காலனை யும் குமைத் தானை
நல்ல வாநெறி காட்டுவிப் பானை
          நாளும் நாம்உகக் கின்ற பிரானை
அல்ல லில் அரு ளேபுரி வானை
          ஆடு நீர்வயல் சூழ்புனல் நீடூர்க்
கொல்லை வெள் எருது ஏறவல் லானைக்
          கூறி நாம்பணி யாவிட லாமே.  3

தோடு காதிடு தூநெறி யானைத்
          தோற்ற மும் துறப் பாயவன் றன்னைப்
பாடு மாமறை பாடவல் லானைப்
          பைம்பொ ழிற்குயில் கூவிட மாடே
ஆடு மாமயில் அன்னமோடு ஆட
          அலைபு னற்கழ னித்திரு நீடூர்
வேட னாயபி ரான் அவன் தன்னை
          விரும்பி நாம்பணி யாவிட லாமே.  4

குற்றம் ஒன்று அடி யார் இலர் ஆனால்
          கூடு மாறு அதனைக் கொடுப் பானைக்
கற்ற கல்வியி லும் இனி யானைக்
          காணப் பேணும் அவர்க்கு எளி யானை
முற்ற அஞ்சும் துறந்திருப் பானை
          மூவ ரின்முத லாயவன் தன்னைச்
சுற்று நீள்வயல் சூழ்திரு நீடூர்த்
          தோன்ற லைப்பணி யாவிட லாமே.  5

காடில் ஆடிய கண்ணுத லானைக்
          கால னைக்கடிந் திட்டபி ரானைப்
பாடி ஆடும்பரி சேபுரிந் தானைப்
          பற்றி னோடுசுற் றம்மொழிப் பானைத்
தேடி மால் அயன் காண்பரி யானைச்
          சித்த மும் தெளி வார்க்கு எளி யானைக்
கோடி தேவர்கள் கும்பிடு நீடூர்க்
          கூத்த னைப்பணி யாவிட லாமே.  6

விட்டி லங்கு எரி யார்கையி னானை
          வீடி லாதவி யன்புக ழானைக்
கட்டு வாங்கம் தரித்தபி ரானைக்
          காதி லார்கன கக்குழை யானை
விட்டி லங்குபுரி நூலுடை யானை
          வீந்த வர்தலை ஓடுகை யானைக்
கட்டி யின்கரும்பு ஓங்கிய நீடூர்க்
          கண்டு நாம்பணி யாவிட லாமே.  7

மாய மாய மனங்கெடுப் பானை
          மனத்து ளேமதி யாய்இருப் பானைக்
காய மாயமும் ஆக்குவிப் பானைக்
          காற்று மாய்க்கன லாய்க்கழிப் பானை
ஓயு மாறுரு நோய்புணர்ப் பானை
          ஒல்லை வல்வினை கள்கெடுப் பானை
வேய்கொள் தோள்உமை இத்தலத்து அம்பிகையின் திரு நாமம் பாகனை நீடூர்
          வேந்த னைப்பணி யாவிட லாமே.  8

கண்ட மும் கறுத் திட்டபி ரானைக்
          காணப் பேணும் அவர்க்கு எளியானைத்
தொண்ட ரைப்பெரி தும் உகப் பானைத்
          துன்ப மும் துறந்து இன்பு இனி யானைப்
பண்டை வல்வினை கள்கெடுப் பானைப்
          பாக மாமதி யாயவன் தன்னைக்
கெண்டை வாளை கிளர்புனல் நீடூர்க்
          கேண்மை யாற்பணி யாவிட லாமே.  9

அல்லல் உள்ளன தீர்த்திடு வானை
          அடைந்த வர்க்கு அமு தாயிடு வானைக்
கொல்லை வல் அர வம் அசைத் தானைக்
          கோல மார்கரி யின் உரி யானை
நல்ல வர்க்கு அணி யானவன் தன்னை
          நானும் காதல்செய் கின்றபி ரானை
எல்லி மல்லிகை யேகமழ் நீடூர்
          ஏத்தி நாம்பணி யாவிட லாமே.  10

பேரோர் ஆயிர மும் உடை யானைப்
          பேசி னாற்பெரி தும் இனி யானை
நீரூர் வார்சடை நின்மலன் தன்னை
          நீடூர் நின்று உகந்திட்டபி ரானை
ஆரூ ரன் அடி காண்பதற்கு அன்பாய்
          ஆத ரித்து அழைத் திட்டஇம் மாலை
பாரூ ரும்பர வித்தொழ வல்லார்
          பத்த ராய்முத்தி தாம்பெறு வாரே.  11

திருச்சிற்றம்பலம்