திரு நின்றியூர்

                                                                                 ௨ 

சுந்தரமூர்த்தி  சுவாமிகள்  அருளிச்செய்த
ஏழாம் திருமுறை

தகவல் பலகை	விவரம்
தலம்	திரு நின்றியூர்
ஊர்/வேறு பெயர்
நாடு	சோழ (காவிரி வட)
ॐசுவாமி	லட்சுமி புரீஸ்வரர்
ॐஅம்பிகை	உலக நாயகி
பாடியவர்கள்	சம்பந்தர்   (1)       சூலம் பட சுண்ணப் பொடி (1-18) அப்பர் (1)        கொடுங்கன் வெண்டளை (5-29) சுந்தரர்  (1)         அற்றவனார் அடியார் (7-19)                           திருவும் வன்மையும் (7-65)
ஸ்தல மரம்	விளா மரம்
தீர்த்தம்	மகாலட்சுமி தீர்த்தம்
பண்	தக்கேசி
குறிப்புகள்	திருமகள் வழிபட்டது.  கோயில் கட்ட தோண்டும் போது, சிவலிங்கம் வெளிப்பட்டதாக புராண வரலாறு.
பதிக பலன்	நிறைந்த புகழ் உண்டாகும்.
வரிசை எண்.	65                                                           19/63

திருச்சிற்றம்பலம்

திருவும் வண்மையும் திண்திறல் அரசும்
          சிலந்தி யார்செய்த செய்பணி கண்டு
மருவு கோச்செங்க ணான் தனக்கு அளித்த
          வார்த்தை கேட்டுநுன் மலரடி அடைந்தேன்
பெருகு பொன்னிவந் துந்துபன் மணியைப்
          பிள்ளைப் பல்கணம் பண்ணையுள் நண்ணித்
தெருவும் தெற்றியும் முற்றமும் பற்றித்
          திரட்டுந் தென் திரு நின்றியூ ரானே.  1

அணிகொள் ஆடையம் பூண்மணி மாலை
          அமுது செய்து அமுதம்பெறு சண்டி
இணைகொள் ஏழெழு நூறிரு பனுவல்
          ஈன்ற வன் திரு நாவினுக்கு அரையன்
கணைகொள் கண்ணப்பன் என்று இவர் பெற்ற
          காத லின் அருள் ஆதரித்து அடைந்தேன்
திணைகொள் செந்தமிழ் பைங்கிளி தெரியும்
          செல்வத் தென் திரு நின்றியூ ரானே.  2

மொய்த்த சீர்முந்நூற்று அறுபது வேலி
          மூன்று நூறு வேதியரொடு நுனக்கு
ஒத்த பொன்மணிக் கலசங்கள் ஏந்தி
          ஓங்கு நின்றியூர் என்று உனக்கு அளிப்பப்
பத்தி செய்தவப் பரசுரா மற்குப்
          பாதம் காட்டிய நீதிகண்டு அடைந்தேன்
சித்தர் வானவர் தானவர் வணங்கும்
          செல்வத் தென் திரு நின்றியூ ரானே.  3

இரவி நீள்சுடர் எழுவதன் முன்னம்
          எழுந்து தன்முலைக் கலசங்கள் ஏந்திச்
சுரபி பால்சொரிந்து ஆட்டிநின் பாதம்
          தொடர்ந்த வார்த்தை திடம்படக் கேட்டுப்
பரவி உள்கிவன் பாசத்தை அறுத்துப்
          பரம வந்துநுன் பாதத்தை அடைந்தேன்
நிரவி நித்திலம் அத்தகு செம்பொன்
          அளிக்குந் தென் திரு நின்றியூ ரானே.  4

வந்தோர் இந்திரன் வழிபட மகிழ்ந்து
          வான நாடுநீ ஆள்க என அருளிச்
சந்தி மூன்றிலும் தாபரம் நிறுத்திச்
          சகளி செய்து இறைஞ்சு அகத்தியர் தமக்குச்
சிந்து மாமணி அணிதிருப் பொதியில்
          சேர்வு நல்கிய செல்வங்கண்டு அடைந்தேன்
செந்தண் மாமலர்த் திருமகள் மருவும்
          செல்வத் தென் திரு நின்றியூ ரானே.  5

காது பொத்தரைக் கின்னரர் உழுவை
          கடிக்கும் பன்னகம் பிடிப்பருஞ் சீயம்
கோதில் மாதவர் குழுவுடன் கேட்பக்
          கோல ஆல்நிழற் கீழ் அறம் பகர
வேதம் செய்தவர் எய்திய இன்பம்
          யானும் கேட்டு நின் இணையடி அடைந்தேன்
நீதி வேதியர் நிறைபுகழ் உலகில்
          நிலவு தென் திரு நின்றியூ ரானே.  6

கோடு நான்குடைக் குஞ்சரங் குலுங்க
          நலங்கொள் பாதம்நின்று ஏத்திய பொழுதே
பீடு விண்மிசைப் பெருமையும் பெற்ற
          பெற்றி கேட்டுநின் பொற்கழல் அடைந்தேன்
பேடை மஞ்ஞையும் பிணைகளின் கன்றும்
          பிள்ளைக் கிள்ளையும் எனப்பிறை நுதலார்
நீடு மாடங்கள் மாளிகை தோறும்
          நிலவு தென் திரு நின்றியூ ரானே.  7

திருச்சிற்றம்பலம்

பாடல் 8 முதல் 10வரை கிடைத்தில.