திரு கோலக்கா

                                                                                     ௨ 

திருஞானசம்பந்தர் சுவாமிகள்  அருளிச்செய்த
முதலாம்  திருமுறை

தகவல் பலகை	விவரம்
தலம்	திரு கோலக்கா
ஊர்/வேறு பெயர்	திருக்குவளை
நாடு	சோழ (காவிரி வட)
ॐசுவாமி	சப்தபுரீஸ்வரர்
ॐஅம்பிகை	ஓசை கொடுத்த நாயகி
பாடியவர்கள்	சம்பந்தர்   (1)       மடையில் வாழை (1-23)  சுந்தரர் (1)         புற்றில் வாளரவ (7-62)
ஸ்தல மரம்	கொன்றை
தீர்த்தம்	ஆனந்த தீர்த்தம்
பண்	தக்கராகம்
குறிப்புகள்	அகத்தியர், கன்வர் வழிபட்ட திருத்தலம்  திருஞானசம்பந்தர் இறைவனை தரிசித்து தமது திருக்கரத்தால் கைத்தாலமிட்டுப்பாட இறைவன் பொற்றாளம் நல்கினார்.  அம்பிகையின் அருளினால் தாளத்தில் ஓசை எழுந்தது.
பதிக பலன்	விணை நீங்கும்
வரிசை எண்.	23                                                           15/63

திருச்சிற்றம்பலம்

மடையில் வாளை பாய மாதரார்
குடையும் பொய்கைக் கோலக்கா உளான்
சடையும் பிறையும் சாம்பற் பூச்சும் கீழ்   
உடையும்  கொண்ட உருவம் என்கொலோ.  1

பெண் தான்  பாகமாகப் பிறைச்சென்னி 
கொண்டான் கோலக் காவு கோயிலாக்
கண்டான் பாதம் கையால் கூப்பவே
உண்டான் நஞ்சை உலகம் உய்யவே.  2

பூண் நல்  பொறிகொள் அரவம் புன்சடைக்  
கோணற் பிறையன் குழகன் கோலக்கா
மாணப் பாடி மறைவல் லானையே
பேணப் பறையும் பிணிக ளானவே.  3

தழுக்கொள் பாவம்  தளர வேண்டுவீர்ஈசனைத் துதித்தால் பாவம் தீரும்.   
மழுக்கொள் செல்வன் மறிசேர் அங்கையான்   
குழுக்கொள் பூதப் படையான் கோலக்கா
இழுக்கா வண்ணம் ஏத்தி வாழ்மினே.  4

மயிலார் சாயல் மாதோர் பாகமா  
எயிலார் சாய எரித்த எந்தைதன் 
குயிலார் சோலைக் கோலக் காவையே
பயிலா நிற்கப் பறையும் பாவமே.  5

வெடிகொள் வினையை வீட்ட வேண்டுவீர்
கடிகொள் கொன்றை கலந்த சென்னியான் 
கொடிகொள் விழவார் கோலக் காவுள் எம் 
அடிகள் பாதம் அடைந்து வாழ்மினே.  6

நிழலார் சோலை நீல வண்டு இனம்   
குழலார் பண்செய் கோலக் காவுளான்  
கழலால் மொய்த்த பாதம் கைகளால்  
தொழலார் பக்கல் துயரம் இல்லையே.  7

எறி ஆர் கடல்சூழ் இலங்கைக் கோன் தனை   
முறி ஆர் தடக்கை அடர்த்த மூர்த்திதன் 
குறி ஆர் பண்செய் கோலக் காவையே   
நெறியால் தொழுவார் வினைகள் நீங்குமே.  8

நாற்ற மலர்மேல் அயனும் நாகத்தில் 
ஆற்றல் அணைமேல் அவனும் காண்கிலாக்
கூற்றம் உதைத்த குழகன் கோலக்கா
ஏற்றான் பாதம் ஏத்தி வாழ்மினே.  9

பெற்ற மாசு பிறக்கும் சமணரும்
உற்ற துவர்தோ உருவி லாளரும் 
குற்ற நெறியார் கொள்ளார் கோலக்காப்   
பற்றிப் பரவப் பறையும் பாவமே.  10

நலங்கொள் காழி ஞான சம்பந்தன் 
குலங்கொள் கோலக் காவு ளானையே 
வலங்கொள் பாடல் வல்ல வாய்மையார்  
உலங்கொள் வினைபோய் ஓங்கி வாழ்வரே.  11

திருச்சிற்றம்பலம்