திரு கடைமுடி

                                                                                  ௨ 

திருஞானசம்பந்தர்   சுவாமிகள்  அருளிச்செய்த
முதலாம்  திருமுறை

தகவல் பலகை	விவரம்
தலம்	திரு கடைமுடி
ஊர்/வேறு பெயர்	கீழூர் , ஏழூர்
நாடு	சோழ (காவிரி வட)
ॐசுவாமி	கடை முடி நாதர்
ॐஅம்பிகை	அபிராமி
பாடியவர்கள்	சம்பந்தர்   (1)       அருத்தனை அரவணை (1-111)
ஸ்தல மரம்	கிளுவை
தீர்த்தம்	கருணா தீர்த்தம்
பண்	வியாழக் குறிஞ்சி
குறிப்புகள்	பிரம்மன் வழிபட்டது.
பதிக பலன்	இன்புற வாழும் பேறு கிட்டும்.
வரிசை எண்.	111                                                           18/63

திருச்சிற்றம்பலம்

அருத்தனை அறவனை அமுதனைநீர்
விருத்தனைப் பாலனை வினவுதிரேல்
ஒருத்தனை அல்லது இங்கு உலகம் ஏத்தும்
கருத்தவன் வளநகர் கடைமுடியே.  1

திரைபொரு திருமுடி திங்கள்விம்மும்
அரைபொரு புலியதள் அடிகளிடம்
திரையொடு நுரைபொரு தெண்சுனைநீர்
கரைபொரு வளநகர் கடைமுடியே.  2

ஆலிள மதியினொடு அரவு கங்கை
கோலவெண் ணீற்றனைத் தொழுது இறைஞ்சி
ஏலநன் மலரொடு விரைகமழும்
காலன வளநகர் கடைமுடியே.  3

கொய்யணி நறுமலர்க் கொன்றையந்தார்
மையணி மிடறுடை மறையவன் ஊர்
பையணி அரவொடு மான்மழுவாள்
கையணி பவனிடம் கடைமுடியே.  4

மறையவன் உலகவன் மாயம் அவன்
பிறையவன் புனல் அவன் அனலும் அவன்
இறையவன் என உலகு ஏத்தும் கண்டம்
கறையவன் வளநகர் கடைமுடியே.  5

பட அரவு ஏர் அல்குல் பல்வளைக்கை
மடவர லாளை ஓர் பாகம்வைத்துக்
குடதிசை மதியது சூடுசென்னிக்
கடவுள்தன் வளநகர் கடைமுடியே.  6

பொடிபுல்கு மார்பினிற் புரிபுல்குநூல்
அடிபுல்கு பைங்கழல் அடிகள் இடம்
கொடிபுல்கு மலரொடு குளிர்சுனைநீர்
கடிபுல்கு வளநகர் கடைமுடியே.  7

நோதல்செய்து அரக்கனை நோக்கு அழியச்
சாதல்செய் தவன் அடி சரண் எனலும்
ஆதரவு அருள்செய்த அடிகள் அவர்
காதல்செய் வளநகர் கடைமுடியே.  8

அடிமுடி காண்கிலர் ஓரிருவர் ஓர் இருவர் - திருமால், பிரமன்
புடைபுல்கி அருள் என்று போற்றிசைப்பச்
சடையிடைப் புனல்வைத்த சதுரனிடம்
கடைமுடி அதன் அயல் காவிரியே.  9

மண்ணுதல் பறித்தலும்  மாயம் இவை
எண்ணிய கால் அவை இன்பம் அல்ல
ஒண்ணுதல் உமையை ஓர் பாகம்வைத்த
கண்ணுதல் வளநகர் கடைமுடியே.  10

பொன் திகழ் காவிரிப் பொருபுனல்சீர்
சென்றடை கடைமுடிச் சிவனடியை
நன்றுணர் ஞானசம் பந்தன்சொன்ன
இன் தமிழ் இவைசொல இன்பமாமே.  11

திருச்சிற்றம்பலம்