திரு பல்லவனீச்சரம்

                                                                                                ௨ 

திருஞானசம்பந்தர்  சுவாமிகள்  அருளிச்செய்த
முதலாம் திருமுறை

தகவல் பலகை	விவரம்
தலம்	பல்லவனீச்சரம்
ஊர்/வேறு பெயர்	காவிரிபூம்பட்டினம், பூம்புகார்
நாடு	சோழ (காவிரி வட)
ॐசுவாமி	பல்லவனேஸ்வரர்
ॐஅம்பிகை	சௌந்தரநாயகி
பாடியவர்கள்	சம்பந்தர்   (2)         அடையார் தம்புரங்கள் (1-65)         பரசு பாணியர்  (3-112)
ஸ்தல மரம்	மல்லிகை
தீர்த்தம்	சங்கம தீர்த்தம்
பண்	தக்கேசி
குறிப்புகள்	பட்டினத்து பிள்ளையார்  அவதரித்த பதி இயற்பகை நாயனார் அவதார பதி
பதிக பலன்	தீவினை அகலும்
வரிசை எண்.	65                                                           10/63

திருச்சிற்றம்பலம்

அடையார் தம்புரங்கள் மூன்றும் 

          ஆரழ லில் அழுந்த 

விடையார் மேனிய ராய்ச்சீறும் 

          வித்தகர் மேயவிடம்   

கடையார் மாடம் நீடி எங்கும் 

          கங்குல்புறம் வானம் தடவப்   

படையார் புரிசைப் பட்டினஞ்சேர் 

          பல்லவ னீச்சரமே.  1

எண்ணார் எயில்கண்  மூன்றும் சீறும் 

          எந்தைபிரான் இமையோர்  

கண்ணாய உலகம்  காக்கநின்ற 

          கண்ணுதல் நண்ணும் இடம் 

மண்ணார் சோலைக் கோலவண்டு 

          வைகலும் தேன் அருந்திப்   

பண்ணார் செய்யும் பட்டினத்துப் 

          பல்லவ னீச்சரமே.  2

மங்கை அங்கு ஓர் பாகமாக 

          வாள் நில வார்சடைமேல்

கங்கை அங்கே வாழவைத்த 

          கள்வன் இருந்தஇடம்  

பொங்கு அயம் பள்ளம் சேர் புணரி ஓத 

          மீதுயர் பொய்கையின்மேல்   

பங்கயம் சேர் பட்டினத்துப் 

          பல்லவ னீச்சரமே.  3

தார் ஆர் கொன்றை பொன்தயங்கச் 

          சாத்திய மார்பகலம் 

நீர் ஆர் நீறு சாந்தம்வைத்த 

          நின்மலன் மன்னும் இடம்

போர் ஆர் வேற்கண் மாதர்மைந்தர் 

          புக்கிசை பாடலினால்   

பார் ஆர் கின்ற பட்டினத்துப் 

          பல்லவ னீச்சரமே.  4

மைசேர் கண்டர் அண்டவாணர் 

          வானவரும் துதிப்ப

மெய்சேர் பொடியன் திருநீறு தரித்தவன் அடியார் ஏத்த 

          மேவி இருந்த இடம் 

கைசேர் வளையார் விழைவினோடு 

          காதன்மை யால் கழலே  

பைசேர் அரவார் அல்குலார்சேர் 

          பல்லவ னீச்சரமே.  5

குழலின் ஓசை வீணைமொந்தை 

          கொட்ட முழவதிரக்   

கழலிம் ஓசை ஆர்க்க ஆடும்  

          கடவுள் இருந்த இடம்

சுழியில் ஆரும் கடலில் ஓதம் 

          தெண் திரை மொண்டு எறியப்

பழியி லார்கள் பயில்புகாரின் 

          பல்லவ னீச்சரமே.  6

வெந்த லாய வேந்தன்வேள்வி 

          வேர் அறச் சாடிவிண்ணோர் 

வந்து எலாமுன் பேணநின்ற 

          மைந்தன் மகிழ்ந்தஇடம்  

மந்த லாய மல்லிகையும் 

          புன்னை வளர்குரவின் 

பந்தலாரும் பட்டினத்துப் 

          பல்லவ னீச்சரமே.  7

தேர் அரக்கன் மால்வரையைத் 

          தெற்றி எடுக்கஅவன்

தார் அரக்கும்  திண்முடிகள் 

          ஊன்றிய சங்கரன் ஊர் 

கார் அரக்கும் கடல்கிளர்ந்த 

          காலமெ லாம் உணரப்  

பார் அரக்கும் பயில்புகாரிற் 

          பல்லவ னீச்சரமே.  8

அங்கம்  ஆறும் வேதநான்கும் 

          ஓதும் அயன்நெடுமால்  

தம் கணாலும் நேடநின்ற 

          சங்கரன் தங்குமிடம் 

வங்கம் மரக்கலன், கப்பல் ஆரும்  முத்தம்இப்பி 

          வார்கடல் ஊடு அலைப்பப்          

பங்கம் இல்லார் பயில்புகாரிற் 

          பல்லவ னீச்சரமே.  9

உண்டு உடுக்கை இன்றியேநின்று  

          ஊர் நகவேதிரிவார்  

கண்டு உடுக்கை மெய்யில் போர்த்தார் 

          கண்டு அறியாத இடம்   

தண்டு உடுக்கை தாளம் தக்கை 

          சார நடம்பயில்வார்

பண்டு இடுக்கண் தீரநல்கும் 

          பல்லவ னீச்சரமே.  10

பத்தர் ஏத்தும் பட்டினத்துப் 

          பல்லவ னீச்சரத்து எம்   

அத்தன் தன்னை அணிகொள்காழி 

          ஞானசம் பந்தன்சொல்   

சித்தம்  சேரச் செப்பு மாந்தர் 

          தீவினை நோய் இலராய்

ஒத்து அமைந்த உம்பர்வானில் 

          உயர்வினொடு ஓங்குவரே.  11

திருச்சிற்றம்பலம்