திரு பல்லவணீச்சரம்

                                                                                                 ௨ 

திருஞானசம்பந்தர்  சுவாமிகள்  அருளிச்செய்த
முதலாம் திருமுறை

தகவல் பலகை	விவரம்
தலம்	பல்லவனீச்சரம்
ஊர்/வேறு பெயர்	காவிரிபூம்பட்டினம், பூம்புகார்
நாடு	சோழ (காவிரி வட)
ॐசுவாமி	பல்லவனேஸ்வரர்
ॐஅம்பிகை	சௌந்தரநாயகி
பாடியவர்கள்	சம்பந்தர்   (2)         அடையார் தம்புரங்கள் (1-65)         பரசு பாணியர்  (3-112)
ஸ்தல மரம்	மல்லிகை
தீர்த்தம்	சங்கம தீர்த்தம், ஜானவி தீர்த்தம்
பண்	பழம் பஞ்சுரம்
குறிப்புகள்	பட்டினத்து பிள்ளையார்  அவதரித்த பதி இயற்பகை நாயனார் அவதார பதி
பதிக பலன்	நற்குணங்கள் வாய்க்கப் பெறுவார்
வரிசை எண்.	65                                                           10/63

திருச்சிற்றம்பலம்

பரசுபாணியர் பாடல்வீணையர்

        பட்டினத்துறை பல்லவனீச்சரத்து

அரசுபேணி நின்றார் 

        இவர்தன்மை அறிவார் ஆர்  1

பட்டநெற்றியர் நட்டம் ஆடுவர்

        பட்டினத்துறை பல்லவனீச்சரத்து

இட்ட மா இருப்பார் 

        இவர்தன்மை அறிவார் ஆர்.  2

பவளமேனியர் திகழும் நீற்றினர்

          பட்டினத்துறை பல்லவனீச்சரத்

அழகரா இருப்பார் 

        இவர்தன்மை அறிவார் ஆர்.  3

பண்ணில்யாழினர் பயிலும்மொந்தையர்

          பட்டினத்துறை பல்லவனீச்சரத்து

அண்ணலாய் இருப்பார் 

          இவர் தம்மை அறிவார் ஆர்.  4

பல்லில் ஓட்டினர் பலிகொண்டு உண்பவர்

        பட்டினத்துறை பல்லவனீச்சரத்து

எல்லி ஆட்டு உகந்தார் 

        இவர்தன்மை அறிவார் ஆர்.  5

பச்சைமேனியர் பிச்சை கொள்பவர்

        பட்டினத்துறை பல்லவனீச்சரத்து

இச்சையாய் இருப்பார் 

        இவர்தன்மை அறிவார் ஆர்.  6

பைங்கண் ஏற்றினர் திங்கள்சூடுவர்

        பட்டினத்துறை பல்லவனீச்சரத்து

எங்குமாய் இருப்பார் 

        இவர்தன்மை அறிவார் ஆர்.  7

பாதம் கைதொழ வேதம் ஓதுவார்

        பட்டினத்துறை பல்லவனீச்சரத்து

ஆதியாய் இருப்பார் 

        இவர்தன்மை அறிவார் ஆர்.  8

படிகொள்மேனியர் கடிகொள் கொன்றையர்

        பட்டினத்துறை பல்லவனீச்சரத்து

அடிகளாய் இருப்பார் 

        இவர்தன்மை அறிவார் ஆர்.  9

பறைகொள் பாணியர் பிறைகொள் சென்னியர்

        பட்டினத்துறை பல்லவனீச்சரத்து 

இறைவராய் இருப்பார் 

        இவர்தன்மை அறிவார் ஆர்.  10

வானம் ஆள்வதற்கு ஊனம் ஒன்றிலை 

        மாதர் பல்லவனீச் சரத்தானை

ஞானசம்பந்தன் நற்றமிழ் 

        சொல்லவல்லவர் நல்லரே.  11

திருச்சிற்றம்பலம்