திரு சாய்க்காடு

                                                                                  ௨ 

திருநாவுக்கரசு   சுவாமிகள்  அருளிச்செய்த
நான்காம்   திருமுறை

தகவல் பலகை	விவரம்
தலம்	திரு சாய்க்காடு
ஊர்/வேறு பெயர்	சாயாவனம்
நாடு	சோழ (காவிரி வட)
ॐசுவாமி	சாயாவனேஸ்வரர்
ॐஅம்பிகை	குயிலினும் நன்மொழியம்மை
பாடியவர்கள்	சம்பந்தர்   (2)         நித்தலும் நியமம் செய்து (2-38)         மண் புகார் வான் புகுவர் (2-41) அப்பர் (2)         தோடுலா மலர்கள் தூவி (4-65)         வானத்து இள மதியம் (6-82)
ஸ்தல மரம்	பைஞ்சாய், (கோரைப் புல்)
தீர்த்தம்	காவிரி, ஐராவத தீர்த்தம்
பண்	திரு நேரிசை
குறிப்புகள்	கோச்செங்கட் சோழன் கட்டிய மாடக் கோயில். உபமன்யு முனிவர், இந்திரன், ஐராவதம் வழிபட்டது.  இயற்பகை நாயனார் வழிபட்ட தலம்  காசிக்கு சமமான சிறப்பு சொல்லப்படும் தலங்கள் ஆறு;  அதில் அவற்றில் ஒன்று இது
பதிக பலன்	இப்பூலகில் புகழுடன் எல்லா வளமும் பெற்று வாழ்வர்
வரிசை எண்.	65                                                           9/63

திருச்சிற்றம்பலம்

தோடுலா தோடு-இதழ் மலர்கள் தூவித் 

          தொழுதெழு மார்க்கண் டேயன்

வீடுநாள் அணுகிற்று என்று 

          மெய்கொள்வான் வந்த காலன்

பாடு பாடு-பக்கம் தான் செலலும் அஞ்சிப் 

          பாதமே சரணம் என்னச்

சாடினார் காலன் மாளச் 

          சாய்க்காடு மேவி னாரே.  1

வடங்கெழு மலை வடங்கெழு மலை-மேருமலை மத் தாக 

          வானவர் அசுர ரோடு

கடைந்திட எழுந்த நஞ்சம் 

          கண்டுபல் தேவர் அஞ்சி

அடைந்துநும் சரணம் என்ன 

          அருள்பெரிது உடையர் ஆகித்

தடங்கடல் நஞ்சம் உண்டார் 

          சாய்க்காடு மேவி னாரே.  2

அரணிலா வெளிய நாவல் 

          அருள்நிழ லாக ஈசன்

வரணியலாகித் தன்வாய் 

          நூலினாற் பந்தர் செய்ய

முரணிலாச் சிலந்தி தன்னை 

          முடியுடை மன்னன் ஆக்கித்

தரணிதான் ஆள வைத்தார் 

          சாய்க்காடு மேவி னாரே.  3

அரும்பெரும்  சிலைக் கை 

          வேடனாய்விறல் பார்த்தற்கு அன்று

உரம்பெரிது உடைமை காட்டி 

          ஒள்ளமர் செய்து மீண்டே

வரம்பெரிது உடைய னாக்கி 

          வாளமர் முகத்தின் மன்னும்

சரம்பொலி தூணி ஈந்தார் 

          சாய்க்காடு மேவி னாரே.  4

இந்திரன் பிரமன் அங்கி 

          எண்வகை வசுக்க ளோடு அட்ட வசுக்கள்: அனலன், அனிலன், ஆபச்சைவன், சோமன், தரன், துருவன் பிரத்தியூசன், பிரபாசன்

மந்திர மறை அது ஓதி 

          வானவர் வணங்கி வாழ்த்தத்

தந்திரம் அறியாத் தக்கன் 

          வேள்வியைத் தகர்த்த ஞான்று

சந்திரற்குக் அருள்செய் தாரும்

          சாய்க்காடு மேவி னாரே.  5

ஆமலி பாலும் நெய்யும் 

          ஆட்டி அர்ச்சனைகள் செய்து

பூமலி கொன்றை சூட்டப் 

          பொறாததன் தாதை தாளைக்

கூர்மழு வொன்றால் ஓச்சக் 

          குளிர்சடைக் கொன்றை மாலைத்

தாமநற் சண்டிக்கு ஈந்தார் 

          சாய்க்காடு மேவி னாரே.  6

மையறு மையறு-குற்றம் அற்ற மனத்தி னாய 

          பகீரதன் வரங்கள் வேண்ட

ஐயமில் அமரர் ஏத்த 

          ஆயிரம்  முகம் அது ஆகி

வையகம் நெளியப் பாய்வான் 

          வந்திழி கங்கை என்னும்

தையலைச் சடையில் ஏற்றார் 

          சாய்க்காடு மேவி னாரே.  7

குவப்பெருந் தடக்கை வேடன் 

          கொடுஞ்சிலை இறைச்சிப் பாரம்

துவர்ப்பெரும் செருப்பால் நீக்கித் 

          தூயவாய்க் கலசம் ஆட்ட

உவப்பெரும் குருதி சோர 

          ஒருகணை இடந்து அங்கு அப்பத்

தவப்பெருந் தேவு செய்தார் 

          சாய்க்காடு மேவி னாரே.  8

நக்குலா மலர்பன் னூறு 

          கொண்டுநன் ஞானத் தோடு

மிக்க பூசனைகள் செய்வான் 

          மென்மலர் ஒன்று காணா

தொக்குமென் மலர்க்கண் என்று அங்கு  

          ஒருகணை இடந்தும் அப்பச்

சக்கரம்  கொடுப்பர் போலும் 

          சாய்க்காடு மேவி னாரே.  9

புயங்கள் ஐஞ் ஞான்கும் பத்து 

          ஆயகொண்டு அரக்கன் ஓடிச்

சிவன்திரு மலையைப் போக்கத் 

          திருமலர்க் குழலி அஞ்ச

வியன்பெற எய்தி வீழ 

          விரல்சிறிது ஊன்றி மீண்டே

சயம்பெற நாமம் ஈந்தார் 

          சாய்க்காடு மேவி னாரே.  10

திருச்சிற்றம்பலம்