திருவேட்களம்

                                                                                  ௨ 

திருஞானசம்பந்தர்  சுவாமிகள்  அருளிச்செய்த
முதலாம் திருமுறை

தகவல் பலகை	விவரம்
தலம்	திரு வேட்களம்
ஊர்/வேறு பெயர்
நாடு	சோழ (காவிரி வட)
ॐசுவாமி	பாசுபதேஸ்வரர்
ॐஅம்பிகை	நல்ல நாயகி
பாடியவர்கள்	சம்பந்தர் (1)    அந்தமும் ஆதியும் ஆகிய அண்ணல் (1-39) அப்பர் (1)     நன்று நாள் தொறும் (5-42)
ஸ்தல மரம்	மூங்கில்
தீர்த்தம்	திருக்குளம்
பண்	தக்க  ராகம்
குறிப்புகள்	அர்ச்சுனனுக்கு பாசுபதம் தந்து அருளிய தலம்  நாரதர் பூசித்த தலம்  சிதம்பரம் அருகில் அண்ணாமலை நகரில் உள்ளது.
பதிக பலன்	பழி பாவம் அற்றவர்கள்
வரிசை எண்.	39                                                                   2/63

திருச்சிற்றம்பலம்

அந்தமும் அந்தம் - முடிவு ஆதியும் ஆகிய அண்ணல் 

          ஆர் அழல் அங்கை அமர்ந்து இலங்க        

மந்த முழவம் இயம்ப 

          மலைமகள் காணநின்று ஆடிச் 

சந்தம் இலங்கு நகுதலை நகுதலை நகுதலை-பிரம்ம கபாலம் கங்கை 

          தண்மதியம் மயலே ததும்ப 

வெந்தவெண் ணீறுமெய் பூசும் 

          வேட்கள நன் நக ராரே.  1

சடைதனைத் தாழ்தலும் ஏறமு டித்துச்            

          சங்கவெண் தோடு சரிந்திலங்கப்     

புடைதனில் பாரிடம் சூழப்     

          போதருமாறு இவர் போல்வார்          

உடைதனில் நால்விரற் கோவண ஆடை 

          உண்பதும் ஊரிடு பிச்சைவெள்ளை 

விடைதனை ஊர்தி நயந்தார் 

          வேட்கள நன் நக ராரே.  2

பூதமும் பல்கணமும் புடை சூழப் 

          பூமியும் விண்ணும் உடன்பொருந்தச் 

சீதமும் வெம்மையும் ஆகிச் 

          சீரொடு நின்ற எம் செல்வர் 

ஓதமும்  கானலும் சூழ்தரு வேலை 

          உள்ளம் கலந்து இசையால் எழுந்த     

வேதமும் வேள்வியும் ஓவா 

          வேட்கள நன் நக ராரே.  3

அரைபுல்கும் ஐந்தலை ஆடல் அரவம் 

          அமையவெண் கோவணத்தோடு அசைத்து 

வரைபுல்கு மார்பில் ஓர் ஆமை 

          வாங்கி அணிந்தவர் தாம் 

திரைபுல்கு தெண்கடல் தண்கழி ஓதம் 

          தேனலங் கானலில் வண்டுபண்செய்ய 

விரைபுல்கு பைம்பொழில் சூழ்ந்த 

          வேட்கள நன் நக ராரே.  4

பண்ணுறு வண்டு அறை கொன்றை அலங்கல் அலங்கல்- மாலை  

          பால்புரை நீறுவெண் ணூல்கிடந்த 

பெண்ணுறு மார்பினர் பேணார் 

          மும்மதில் எய்த பெருமான் 

கண்ணுறு நெற்றி கலந்தவெண் திங்கள் 

          கண்ணியர் விண்ணவர் கைதொழுது ஏத்தும் 

வெண்ணிற மால்விடை அண்ணல் 

          வேட்கள நன் நகராரே.  5

கறிவளர் குன்றம் எடுத்தவன் காதல்

          கண்கவர் ஐங்கணை யோன் உடலம் 

பொறிவளர் ஆரழல் உண்ணப் 

          பொங்கியபூத புராணர் 

மறிவளர் அங்கையர் மங்கை ஓர் பங்கர் 

          மைஞ்ஞிற மான் உரி தோல் உடை ஆடை 

வெறிவளர் கொன்றையந் தாரார் 

          வேட்கள நன் நக ராரே.  6

மண்பொடிக் கொண்டு எரித்தோர் சுடலை 

          மாமலை வேந்தன் மகள்மகிழ 

நுண்பொடிச் சேர நின்று ஆடி     

          நொய்யன செய்யல் உகந்தார் 

கண்பொடி வெண் தலையோடு கையேந்திக்     

          காலனைக் காலால் கடிந்து உகந்தார் 

வெண்பொடிச் சேர்திரு மார்பர் 

          வேட்கள நன் நக ராரே.  7

ஆழ்தரு மால்கடல் நஞ்சினை உண்டார் 

          அமுதம் அமரர்க்கு அருளிச் 

சூழ்தரு பாம்பு அரை ஆர்த்துச் 

          சூலமோடு ஒண்மழு ஏந்தித்  

தாழ்தரு புன்சடை ஒன்றினை வாங்கித்           

          தண்மதி யம் மய லே ததும்ப 

வீழ்தரு கங்கை கரந்தார் 

          வேட்கள நன் நக ராரே.  8

திருவொளி காணிய பேதுறு கின்ற 

          திசைமுக னும் திசை மேல் அளந்த 

கருவரை யேந்திய மாலும்

          கைதொழ நின்றதும் அல்லால் 

அருவரை ஒல்க எடுத்த அரக்கன் 

          நாடெழில் தோள்கள் ஆழத்து அழுந்த 

வெருவுற ஊன்றிய பெம்மான் 

          வேட்கள நன் நக ராரே.  9

அத்தமண் தோய் துவர் ஆர் அமண் குண்டர் 

          யாதும் அல்லா உரையே உரைத்துப் 

பொய்த்தவம் பேசுவது அல்லால் 

          புறன் உரை யாதொன்றும் கொள்ளேன்

முத்தன வெண்முறு வல்லுமை அஞ்ச 

          மூரிவல் லானையின் ஈருரிபோர்த்த 

வித்தகர் வேத முதல்வர் 

          வேட்கள நன் நக ராரே.  10

விண்ணியல் மாடம் விளங்கு ஒளி வீதி 

          வெண்கொடி யெங்கும் விரிந்து இலங்க 

நண்ணிய சீர்வளர் காழி 

          நற்றமிழ் ஞானசம் பந்தன் 

பெண்ணின்நல் லாள் ஒரு பாகம் அமர்ந்து 

          பேணிய வேட்கள மேல்மொழிந்த 

பண்ணியல் பாடல்வல் லார்கள் 

          பழியொடு பாவம் இலாரே.  11

திருச்சிற்றம்பலம்