கோயில்

 

௨ 

திருநாவுக்கரசு  சுவாமிகள் அருளிச்செய்த
ஆறாம்  திருமுறை

தகவல் பலகை	விவரம்
தலம்	கோயில்
ஊர்	சிதம்பரம்
நாடு	காவிரி வடகரை
ॐசுவாமி	நடராசர், கனகசபாபதி
ॐஅம்பிகை	சிவகாம சுந்தரி
பாடியவர்கள்	திருஞானசம்பந்தர்(2),         கற்று ஆங்கு ஏறி ஓம்பி (1:80)         ஆடினாய் நறு நெய்  (3:01) திருநாவுக்கரசர்(8),         செஞ்சடைக்கற்றை  (4:22)         பத்தனாய் பாடமாட்டேன் (4:23)         பாளை உடை (4:80)         கரு நட்ட கண்டனை (4:81)         அன்னம்பாலிக்கும் (5:01)         பனைக்கை மும்மத (5:02)         அரியானை அந்தணர் தம்  (6:01)         மங்குல் மதி தவழும்.(6:02) சுந்தரர்(1)         மடித்தாடும் அடிமைக்கண் (7:90) மாணிக்கவாசகர் (26)         கீர்த்தித் திரு அகவல்         திருஅண்டப் பகுதி         போற்றித் திரு அகவல்         திருப் பொற்சுண்ணம்         திருக்கோதும்பி         திருத் தெள்ளேணம்         திருச்சாழல்         திருப்பூவல்லி         திரு உந்தியார்             திருத்தோள் நோக்கம்             திருப் பொன்னூசல்         அன்னைப்பத்து         குயில்பத்து         திருத்தசாங்கம்          திருப்பள்ளியெழுச்சி         கோயில் மூத்த திருப்பதிகம்         கண்டபத்து         அச்சப்பத்து         குலாப்பத்து         எண்ணப்பத்து         யாத்திரைப் பத்து         திருப்படை எழுச்சி         திருப்படையாட்சி                 ஆனந்தமாலை         அச்சோப்பதிகம்
ஸ்தல மரம்	தில்லை, ஆல்
தீர்த்தம்	சிவகங்கை
பண்	திருக்குறுந்தொகை
குறிப்புகள்	இது புக்க திருத்தாண்டகம் என பெயர் பெற்றது
பதிக பலன்	திருவடி தொழுது வாழலாம்.
வரிசை எண்.	2                                                                 காவிரி (வ) -63/1

திருச்சிற்றம்பலம்

மங்குல் மதிதவழும் மாட வீதி
மயிலாப்பி ல் உள்ளார் மருகல் உள்ளார்
கொங்கிற் கொடுமுடியார் குற்றா லத்தார்
குடமூக்கில் உள்ளார்போய்க் கொள்ளம் பூதூர்த்
தங்கு மிடம் அறியார் சால நாளார்
தரும புரத்து உள்ளார் தக்க ளூரார்
பொங்குவெண் ணீறு அணிந்து பூதம் சூழப்
புலியூர்ச்சிற் றம்பலமே புக்கார் தாமே.  1  

நாகம் அரைக்கு அசைத்த நம்ப ரிந்நாள்
நனிபள்ளி உள்ளார்போய் நல்லூர்த் தங்கிப்
பாகப் பொழுதெல்லாம் பாசூர்த் தங்கிப்
பரிதி நியமத்தார் பன்னி ருநாள்
வேதமும் வேள்விப் புகையு ஓவா
விரிநீர் மிழலை எழுநாள் தங்கிப்
போகமும் பொய்யாப் பொருளும் ஆனார்
புலியூர்ச்சிற் றம்பலமே புக்கார் தாமே.  2  

துறங்காட்டி எல்லாம் விரித்தார் போலும்
தூமதியும் பாம்பும் உடையார் போலும்
மறங்காட்டி மும்மதிலும் எய்தார் போலும்
மந்திரமும்  தந்திரமும்  தாமே போலும்
அறங்காட்டி அந்தணர்க்கு அன்று ஆல நீழல்
அறம் அருளிச் செய்த அரனார்  இந்நாள்
புறங்காட்டு  எரியாடிப் பூதஞ் சூழப்
புலியூர்ச்சிற் றம்பலமே புக்கார் தாமே.  3  

வாரேறு வனமுலையாள் பாக மாக
மழுவாள்கை ஏந்தி மயானத்து ஆடிச்
சீரேறு தண்வயல்சூழ் ஓத வேலித்
திருவாஞ்சி யத்தார் திருநள் ளாற்றார்
காரேறு கண்டத்தார் காமற் காய்ந்த
கண்விளங்கு நெற்றியார் கடல்நஞ்சு உண்டார்
போர் ஏறு தாம் ஏறிப் பூதஞ் சூழப்
புலியூர்ச்சிற் றம்பலமே புக்கார் தாமே.  4  

காரார் கமழ்கொன்றைக் கண்ணி சூடிக்
கபாலங்கை யேந்திக் கணங்கள் பாட
ஊரார் இடும்பிச்சை கொண்டு உழலும் 
உத்தம ராய்நின்ற ஒருவ னார்தாம்
சீரார் கழல்வணங்குந் தேவ தேவர்
திருவாரூர்த் திருமூலட் டான மேயார்
போரார் விடை ஏறிப் பூதஞ் சூழப்
புலியூர்ச்சிற் றம்பலமே புக்கார் தாமே.  5  

காதார் குழையினர் கட்டங் கத்தர்
கயிலாய மாமலையார் காரோ ணத்தார்
மூதாயர் மூதாதை யில்லார் போலும்
முதலும் இறுதியும்  தாமே போலும்
மாதாய மாதர் மகிழ அன்று
வன்மதவேள் தன்னுடலங் காய்ந்தார் இந்நாள்
போதார் சடைதாழப் பூதஞ் சூழப்
புலியூர்ச்சிற் றம்பலமே புக்கார் தாமே.  6  

இறந்தார்க்கும் என்றும் இறவா தார்க்கும் 
இமையவர்க்கும் ஏகமாய் நின்று சென்று
பிறந்தார்க்கும் என்றும் பிறவா தார்க்கும் 
பெரியான் தன் பெருமையே பேச நின்று
மறந்தார் மனத்து என்றும் மருவார் போலும்
மறைக்காட் டு உறை யும் மழுவாட் செல்வர்
புறந்தாழ் சடைதாழப் பூதஞ் சூழப்
புலியூர்ச்சிற் றம்பலமே புக்கார் தாமே.  7  

குலாவெண் தலைமாலை என்பு பூண்டு 
குளிர்கொன்றைத் தார் அணிந்து கொல்லே றேறிக்
கலாவெங் களிற்றுரிவைப் போர்வை மூடிக் 
கையோடு அனல் ஏந்திக் காடு உறைவார்
நிலாவெண் மதியுரிஞ்ச நீண்ட மாடம் 
நிறைவயல்சூழ் நெய்த்தான மேய செல்வர்
புலால்வெண் தலையேந்திப் பூதஞ் சூழப்
புலியூர்ச்சிற் றம்பலமே புக்கார் தாமே.  8  

சந்தித்த கோவணத்தர் வெண்ணூல் மார்பர்
சங்கரனைக் கண்டீரோ கண்டோம் இந்நாள்
பந்தித்த வெள்விடையைப் பாய வேறிப்
படுதலையில் என்கொலோ ஏந்திக் கொண்டு
வந்து இங்கு என் வெள்வளையுந் தாமும் எல்லாம்
மணியாரூர் நின்றந்தி கொள்ளக் கொள்ளப்
பொன்தீ மணிவிளக்குப் பூதம் பற்றப்
புலியூர்ச்சிற் றம்பலமே புக்கார் தாமே.  9  

பாதங்கள் நல்லார் பரவி யேத்தப்
பத்திமையாற் பணிசெய்யுந் தொண்டர் தங்கள்
ஏதங்கள் தீர இருந்தார் போலும்
எழுபிறப்பும் ஆளுடைய ஈச னார்தாம்
வேதங்கள் ஓதியோர் வீணை ஏந்தி
விடைஒன்று தாம் ஏறி வேத கீதர்
பூதங்கள் சூழப் புலித்தோல் வீக்கிப்
புலியூர்ச்சிற் றம்பலமே புக்கார் தாமே.  10  

பட்டு உடுத்துத் தோல்போர்த்துப் பாம்பு ஒன்று ஆர்த்துப்
பகவனார் பாரிடங்கள் சூழ நட்டஞ்
சிட்டராய்த் தீ ஏந்திச் செல்வார் தம்மைத் 
தில்லைச்சிற் றம்பலத்தே கண்டோம் இந்நாள்
விட்டிலங்கு சூலமே வெண்ணூ உண்டே 
ஓதுவதும் வேதமே வீணை உண்டே
கட்டங்கங் கையதே சென்று காணீர்
கறைசேர் மிடற்று எம்  கபாலி யார்க்கே.

திருச்சிற்றம்பலம்