திரு ஆக்கூர்

               

௨ 

திருநாவுக்கரசு  சுவாமிகள் அருளிச்செய்த
ஆறாம்  திருமுறை

தகவல் பலகை	விவரம்
தலம்	திருஆக்கூர்
ஊர்/வேறுபெயர்	தான் தோன்றிமாடம்
நாடு	காவிரி தென்கரை
ॐசுவாமி	தான்தோன்றி ஈசர், சுயம்பு நாதர்
ॐஅம்பிகை	வாள் நெடுங்கண்ணி
பாடியவர்கள்	திருஞானசம்பந்தர்(1)         அக்கிருந்த ஆரமும் (2:42) திருநாவுக்கரசர்(1)         முடித்தாமரை அணிந்த (6:21)
ஸ்தல மரம்
தீர்த்தம்	குமுத தீர்த்தம்
பண்	திருத்தாண்டகம்
குறிப்புகள்	கோட்செங்க சோழ நாயனார் திருப்பணி செய்த மாடக் கோயில்  சிறப்புலி நாயனார் அவதாரம் செய்த ஸ்தலம்   மாடம் என்னும் பெயர் கொண்ட திருக்கோயில் 2 காணப்படுகிறது. மற்றொன்று தூங்கானை மாடம். அகத்திய முனிவருக்கு ஈசன் திருக் கோலக் காட்சி நல்கிய தலம்
	இறையருள் பெற
வரிசை எண்.	21                                    காவிரி (தெ) -46/127

திருச்சிற்றம்பலம்

முடித்தா மரை அணிந்த மூர்த்தி போலும்
மூவுலகும் தாமாகி நின்றார் போலும்
கடித்தா மரை ஏய்ந்த கண்ணார் போலும்
கல்லலகு பாணி பயின்றார் போலும்
கொடித்தா மரைக்காடே நாடுந் தொண்டர் 
குற்று ஏவல் தாம் மகிழ்ந்த குழகர்போலும்
அடித்தா மரைமலர்மேல் வைத்தார் போலும்
ஆக்கூரில் தான்றோன்றி அப்ப னாரே.  1  

ஓதிற்று ஒருநூலும் இல்லை போலும்
உணரப் படாது ஒன்று இல்லை போலும்
காதிற்குழை இலங்க எய்தார் போலும்
கவலைப் பிறப்பு இடும்பை காப்பார் போலும்
வேதத்தோடு ஆறு அங்கம் சொன்னார் போலும்
விடம் சூழ்ந்த இருண்ட மிடற்றார் போலும்
ஆதிக் களவாகி நின்றார் போலும்
ஆக்கூரில் தான்றோன்றி அப்ப னாரே.  2  

மையார் மலர்க்கண்ணாள் பாகர் போலும்
மணிநீல கண்டம் உடையார் போலும்
நெய்யார் திரிசூலம் கையார் போலும்
நீறு ஏறு தோள் எட் டு உடையார் போலும்
வையார் மழுவாட் படையார் போலும்
வளர்ஞாயிறு அன்ன ஒளியார் போலும்
ஐவாய் அரவம் ஒன்று ஆர்த்தார் போலும்
ஆக்கூரில் தான்றோன்றி அப்ப னாரே..  3  

வடிவிளங்கு வெண்மழுவாள் வல்லார் போலும்
வஞ்சக் கருங்கடல்நஞ்சு உண்டார் போலும்
பொடிவிளங்கு முந்நூல்சேர் மார்பர் போலும்
பூங்கங்கை தோய்ந்த சடையார் போலும்
கடிவிளங்கு கொன்றையந் தாரார் போலும்
கட்டங்கம் ஏந்திய கையார் போலும்
அடிவிளங்கு செம்பொற் கழலார் போலும்
ஆக்கூரில் தான்றோன்றி அப்ப னாரே..  4  

ஏகாச மாம்புலித்தோல் பாம்பு தாழ
இடுவெண் தலைகலனா ஏந்தி நாளும்
மேகாசங் கட்டழித்த வெள்ளி மாலை 
புனலார் சடைமுடிமேற் புனைந்தார் போலும்
மாகாச மாயவெண் ணீருந் தீயும்
மதியும் மதிபிறந்த விண்ணும் மண்ணும்
ஆகாசம் என்று இவையும் ஆனார் போலும்
ஆக்கூரில் தான்றோன்றி அப்ப னாரே.  5  

மாதூரும் வாணெடுங்கண் செவ்வாய் மென்தோள்
மலைமகளை மார்பத்து அணைத்தார் போலும்
மூதூர் முதுதிரைக ளானார் போலும்
முதலும் இறுதியும் இல்லார் போலும்
தீதூர நல்வினையாய் நின்றார் போலுந்
திசை எட்டும் தாமேயாம் செல்வர் போலும்
ஆதிரை நாளாய் அமர்ந்தார் போலும்
ஆக்கூரில் தான்றோன்றி அப்ப னாரே.  6  

மால்யானை மத்தகத்தைக் கீண்டார் போலும்
மான்தல் உடையா மகிழ்ந்தார் போலும்
கோலானைக் கோவழலாற் காய்ந்தார் போலும்
குழவிப்பிறை சடைமேல் வைத்தார் போலும்
காலனைக் காலாற் கடந்தார் போலுங்
கயிலாயந் தம்மிடமாக் கொண்டார் போலும்
ஆல் ஆன் ஐந்து ஆடல் உகப்பார் போலும்
ஆக்கூரில் தான்றோன்றி அப்ப னாரே..  7  

கண்ணார்ந்த நெற்றி உடையார் போலும்
காமனையும் கண் அழலால் காய்ந்தார் போலும்
உண்ணா அருநஞ்சம் உண்டார் போலும்
ஊழித்தீ யன்ன ஒளியார் போலும்
எண்ணா யிரங்கோடி பேரார் போலும்
ஏறு ஏறிச் செல்லும் இறைவர் போலும்
அண்ணாவும் ஆரூரும் மேயார் போலும்
ஆக்கூரில் தான்றோன்றி அப்ப னாரே..  8  

கடியார் தளிர்கலந்த கொன்றை மாலை
கதிர்போது தாது அணிந்த கண்ணி போலும்
நெடியானும் சதுர்முகனும் நேட நின்ற
நீலநற் கண்டத்து இறையார் போலும்
படியேல் அழல்வண்ணஞ் செம்பொன் மேனி 
மணிவண்ணந் தம்வண்ணம் ஆவார் போலும்
அடியார் புகலிடம தானார் போலும்
ஆக்கூரில் தான்றோன்றி அப்ப னாரே..  9  

திரையானுஞ் செந்தா மரைமே லானும்
தேர்ந்தவர்கள் தாந்தேடிக் காணார் நாணும்
புரையான் எனப்படுவார் தாமே போலும்
போர் ஏறு தாம் ஏறிச் செல்வார் போலும்
கரையா வரைவில்லே நாகம் நாணாக்
காலத்தீ யன்ன கனலார் போலும்
வரையார் மதில் எய்த வண்ணர் போலும்
ஆக்கூரில் தான்றோன்றி அப்ப னாரே..

திருச்சிற்றம்பலம்