பொய்யடிமை இல்லாத புலவர் புராணம்

   

௨ 

சேக்கிழார் பெருமான்  அருளிச்செய்த
திருத்தொண்டர் தொகை 

12ம்  திருமுறை

 

தகவல் பலகை	விவரம்
காண்டம்	12ம்  காண்டம்
சருக்கம்	பொய்யாடிமை இல்லாத புலவர் சருக்கம்
அடியார் புராணம்	பொய்யாடிமை இல்லாத புலவர்  புராணம்
திருத்தொண்டர் தொகை	பொய்யடிமை யில்லாத புலவர்க்கும் அடியேன்
அடியார் வேறுபெயர்
பிற அடியார் குறிப்புகள்	விவரம் இல்லை
குலம்
அவதாரத் தலம்
முத்தி தலம்
இந்த புராணத்தில் இடம்பெற்றுள்ள திருத்தலம்
பகுதி	46

திருச்சிற்றம்பலம்

செய்யுள் நிகழ் சொல் தெளிவும் செவ்விய நூல் பல நோக்கும்
மெய் உணர்வின் பயன் இதுவே  எனத் துணிந்து விளங்கி ஒளிர்
மை அணியும் கண்டத்தார் மலர் அடிக்கே ஆளானார்
பொய் அடிமை இல்லாத புலவர் எனப் புகழ் மிக்கார்.  1  

பொற்பு அமைந்த அரவாரும் புரிசடையார் தமை அல்லால்
சொற்பதங்கள் வாய் திறவாத் தொண்டு நெறித் தலைநின்ற
பெற்றியினில் மெய் அடிமை உடையாராம் பெரும் புலவர்
மற்றவர் தம் பெருமையார் அறிந்து உரைக்க வல்லார்கள்.  2  

ஆங்கு அவர் தம் அடி இணைகள் தலை மேல் கொண்டு அவனி எலாம்
தாங்கிய வெண்குடை வளவர் குலம் செய்த தவம் அனையார்
ஓங்கி வளர் திருத்தொண்டின் உண்மை உணர் செயல் புரிந்த
பூங் கழலார் புகழ்ச்சோழர் திருத்தொண்டு புகல்கின்றாம்.  3 

பொய்யாடிமை இல்லாத புலவர்  புராணம்   நிறைவடைந்தது

திருச்சிற்றம்பலம்