திரு ஆமாத்தூர்

                                                                                            

                          

௨ 

திருஞானசம்பந்தர் சுவாமிகள் அருளிச்செய்த
இரண்டாம்  திருமுறை

தகவல் பலகை	விவரம்
தலம்	திருஆமாத்தூர்
ஊர்
நாடு	நடு நாடு
ॐசுவாமி	அபிராமேஸ்வரர், அழகிய நாதர்
ॐஅம்பிகை	முக்த்தாம்பிகை, அழகிய நாயகி
பாடியவர்கள்	திருஞானசம்பந்தர்(2),         துன்னம்பெய் கோவணமும் (2:44)         குன்ற வார் சிலை (2:50) திருநாவுக்கரசர்(2),         மாமாத் தாகிய  மால் அயன் (5:44)         வண்ணங்கள் தாம் பாடி (6:09) சுந்தரர்(1)         காண்டனன் காண்டனன் (7:45)
ஸ்தல மரம்	வன்னிமரம்
தீர்த்தம்	ஆம்பலப்பொய்கை
பண்	சீகாமரம்
குறிப்புகள்	நந்தி, காமதேனு தவம் இயற்றி கொம்புகளைப் பெற்ற சிறப்புடைய தலம் இறைவன் அருளால் இழந்த கண்களில் இடக்கண்ணை காஞ்சியில் பெற்று திருவாரூர் போகும் வழியில் ஆமாத்தூர் ஐயனை தொழுது பாடியது
பதிக பலன்	சிவலோகம் சேர்வர்
வரிசை எண்.	50                                                             நடு நாடு -21/22

திருச்சிற்றம்பலம்

குன்ற வார்சிலை நாண்அ ராவரி    
          வாளி கூர் எரி காற்றின் மும்மதில்    
வென்றவா எங்ஙனே 
        விடையேறும் வேதியனே    
தென்ற லார்மணி மாட மாளிகை    
        சூளி கைக்கு எதிர் நீண்ட பெண்ணைமேல்    
அன்றில்வந்து அணையும் 
        ஆமாத்தூர் அம்மானே.  1  

பரவி வானவர் தான வர்பலரும்     
        கலங்கிட வந்த கார்விடம்    
வெருவ உண் டு உகந்த அருள் என்கொல் 
        விண்ணவனே    
கரவின் மாமணி பொன்கொ ழித்திழி    
        சந்து காரகில் தந்து பம்பைநீர்    
அருவிவந் தலைக்கும் 
        ஆமாத்தூர் அம்மானே.  2  

நீண்ட வார்சடை தாழ நேரிழை    
        பாட நீறுமெய் பூசி மாலயன்    
மாண்டவார் சுடலை 
        நடமாடும் மாண்பதுவென்    
பூண்ட கேழல் மருப்ப ராவிரி    
      கொன்றை வாளவரி ஆமை பூண் என    
ஆண்டநா யகனே 
        ஆமாத்தூர் அம்மானே.  3  

சேலின் நேரன கண்ணி வெண்ணகை    
        மான்வி ழித்தி ருமாதைப் பாகம்வைத்தே    
ஏலமா தவம்நீ முயல்கின்ற 
        வேடம் இது என்    
பாலின் நேர்மொழி மங்கை மார்நட    
        மாடி யின்னிசை பாட நீள்பதி    
ஆலைசூழ் கழனி 
        ஆமாத்தூர் அம்மானே.  4  

தொண்டர் வந்துவ ணங்கி மாமலர்    
  தூவி நின் கழல் ஏத்து வார் அவர்    
உண்டியால் வருந்த இரங்காத 
        தென்னைகொலாம்    
வண்ட லார்கழ னிக்க லந்து
        மலர்ந்த தாமரை மாதர் வாண்முகம்    
அண்டவா ணர்தொழும் 
        ஆமாத்தூர் அம்மானே.  5

  
ஓதி ஆரண மாய நுண்பொருள்    
        அன்று நால்வர்முன் கேட்க நன்னெறி    
நீதியால நீழல் உரைக்கின்ற நீர்மை அது என்    
சோதி யேசுட ரேசு ரும்பமர்    
        கொன்றை யாய்திரு நின்றி யூருறை    
ஆதியே அரனே 
        ஆமாத்தூர் அம்மானே.  6  

மங்கை வாணுதன் மான்ம னத்திடை    
  வாடி ஊடம ணங் கமழ்சடைக்    
கங்கையாள் இருந்த 
        கருத்தாவ து என்னைகொலாம்    
பங்க யம் அது உண்டு வண்டு இசை    
  பாட மாமயில் ஆட விண்முழ வம்    
    கையா லதிர்க்கும் 
        ஆமாத்தூர் அம்மானே.  7  

நின்று அடர்த்திடும் ஐம்பு லன் நிலை    
        யாத வண்ணம்நி னைந்து உளத்திடை    
வென்று அடர்த்து ஒருபால் 
        மடமாதை விரும்புதல் என்    
குன்று எடுத்த நிசாசரன் திரள்    
  தோள் இருபது தான் நெரிதர    
அன்று அடர்த்து உகந்தாய் 
        ஆமாத்தூர் அம்மானே.  8  

செய்ய தாமரை மேல் இருந்தவனோடு 
        மால் அடி தேட நீண்முடி    
வெய்யஆ ரழலாய் நிமிர்கின்ற வெற்றிமையென்    
        தைய லாளொடு பிச்சைக்கு இச்சை    
தயங்கு தோல் ல் அரை யார்த்த 
        வேடம் கொண்டைய ஏற்று உகந்தாய் 
        ஆமாத்தூர் அம்மானே.  9  

புத்தர் புன்சமண் ஆதர் பொய்ம்மொழி    
        நூல்பிடித்தலர் தூற்ற நின்னடி    
பத்தர் பேணநின்ற பரமாய 
        பான்மையது என்    
முத்தை வென்ற முறுவல் ஆளுமை    
        பங்கன் என்று இமையோர்ப ரவிடும்    
அத்தனே அரியாய் 
        ஆமாத்தூர் அம்மானே.  10  

வாடல் வெண் தலை மாலை ஆர்த்து    
        மயங்கு இருள் எரி ஏந்தி மாநடம்    
ஆடல்மே யது என் என்று 
        ஆமாத்தூர் அம்மானைக்    
கோடல் நாகம் அரும்பு பைம்பொழிற் 
        கொச்சை யார் இறை ஞான சம்பந்தன்    
பாடல்பத் தும்வல்லார் 
        பரலோகம் சேர்வாரே.

திருச்சிற்றம்பலம்