திரு இந்திரநீல பருப்பதம்

       

௨ 

திருஞானசம்பந்தர் சுவாமிகள் அருளிச்செய்த
இரண்டாம்   திருமுறை

தகவல் பலகை	விவரம்
தலம்	திரு இந்திரநீலப்பருப்பதம்
ஊர் /வேறு பெயர்
நாடு	வட நாடு
ॐசுவாமி	நீலா சல நாதர்
ॐஅம்பிகை	நீலாம்பிகை
பாடியவர்கள்	திருஞானசம்பந்தர்(1),         குலவு பாரிடம் (2-27)
ஸ்தல மரம்
தீர்த்தம்	இந்திர தீர்த்தம்
பண்	இந்தளம்
குறிப்புகள்	இந்திரன் வழிபட்டது இமயமலைச் சாரலில் உள்ளது .
பதிக பலன்	நல்வாழ்க்கை அமையும்.
வரிசை எண்.	27                                                                  2/5

திருச்சிற்றம்பலம்

குலவு பாரிடம் போற்ற வீற்றிருந்து 
இலகு மான்மழு ஏந்தும் அங்கையன்
நிலவும் இந்திர நீலப் பர்ப்பதத்
துலவி னான்அடி உள்க நல்குமே.  1  

குறைவி லார்மதி சூடி ஆடல்வண்டு 
அறையு மாமலர்க் கொன்றை சென்னிசேர்
இறைவன் இந்திர நீலப் பர்ப்பதத்து 
உறைவி னான் தனை ஓதி உய்ம்மினே.  2  

என்பொன் என்மணி என்ன ஏத்துவார்
நம்பன் நான்மறை பாடு நாவினான்
இன்பன் இந்திர நீலப் பர்ப்பதத்து
அன்பன் பாதமே அடைந்து வாழ்மினே.  3  

நாச மாம்வினை நன்மை தான்வரும்
தேச மார்புகழாய செம்மை எம்
ஈசன் இந்திர நீலப் பர்ப்பதம்
கூசி வாழ்த்துதும்  குணம் அதாகவே.  4  

மருவு மான்மட மாது ஓர் பாகமாய்ப்
பரவு வார்வினை தீர்த்த பண்பினான்
இரவன் இந்திர நீலப் பர்ப்பதத்
தருவி சூடிடும் அடிகள் வண்ணமே.  5  

வெண்ணி லாமதி சூடும் வேணியன்
எண்ணி லார்மதில் எய்த வில்லினன்
அண்ணல் இந்திர நீலப் பர்ப்பதத்து 
உள் நிலாவுறும் ஒருவன் அல்லனே.  6  

கொடிகொள் ஏற்றினர் கூற்று உதைத்தவர்
பொடிகொள் மேனியிற் பூண்ட பாம்பினர்
அடிகள் இந்திர நீலப் பர்ப்பதம்
உடைய வாணன் உகந்த கொள்கையே.  7  

எடுத்த வல்லரக்கன்க ரம்புயம்
அடர்த்த தோர்விரலான வனையாட்
படுத்தன் இந்திரநீலப் பர்ப்பதம்
முடித்த லம் உறமுயலும் இன்பமே.  8  

பூவி னானொடுமாலும் போற்றுறும்
தேவன் இந்திர நீலப் பர்ப்பதம்
பாவி யா எழுவாரைத் தம்வினை
கோவி யாவருங்கொல்லுங் கூற்றமே.  9  

கட்டர் குண்டு அமண்தேரர் சீரிலர்
விட்டர் இந்திர நீலப் பர்ப்பதம்
எட்ட னைநினையாதது என்கொலோ
சிட்ட தாய் உரை யாதி சீர்களே.  10  

கந்த மார்பொழில் சூழ்ந்த காழியான்
இந்தி ரன்தொழு நீலப் பர்ப்பதத்து 
அந்தம் இல்லியை ஏத்தும் ஞானசம்
பந்தன் பாடல்கொண்டு ஓதி வாழ்மினே.

திருச்சிற்றம்பலம்