திருப்பருப்பதம்

        

௨ 

சுந்தரமூர்த்தி  சுவாமிகள் அருளிச்செய்த
ஏழாம்   திருமுறை

தகவல் பலகை	விவரம்
தலம்	திருப்பருப்பதம்
ஊர் /வேறு பெயர்	பூகயிலாயம்
நாடு	வட நாடு
ॐசுவாமி	மல்லிகார்ஜுனர், பருப்பதநாயகர்
ॐஅம்பிகை	பிரமராம்பிகை, பருப்பதநாயகி
பாடியவர்கள்	திருஞானசம்பந்தர்(1),         சுடுமணி உமிழ் நாகம் (1-118) திருநாவுக்கரசர்(1),         கன்றினார் புரங்கள் (4-58) சுந்தரர்(1)         மானும்மரை இனமும் மயில் (7-79)
ஸ்தல மரம்	மருதமரம்
தீர்த்தம்	பர்வத தீர்த்தம்
பண்	நட்ட பாடை
குறிப்புகள்	12 ஜோதிர் லிங்க தலத்தில் ஒன்று. மருத மரத்தை தலமரமாக கொண்ட தலங்கள் மூன்றினுள் ஒன்று சிலாத முனிவர் தவம் செய்த திருத்தலம். நந்தி தேவர் தவம் செய்து வாகனப் பேறு பெற்றார். சுவாமி மலையின்மேல் வீற்றிருந்து அருள்பாலிக்கிறார்.
பதிக பலன்	துன்பம் தீரும்.
வரிசை எண்.	79                                                                  1/5

திருச்சிற்றம்பலம்

மானும்மரை இனமும்மயில் இனமும் கலந்து எங்கும்
தாமேமிக மேய்ந்து தடம்  சுனைநீர்களைப் பருகிப்
பூமாமரம் உரிஞ்சிப்பொழில் ஊடேசென்று புக்குத்
தேமாம்பொழில் நீழல்துயில்  சீபர்ப்பத மலையே.  1  

மலைச்சாரலும் பொழிற்சாரலும் புறமேவரும் இனங்கள்
மலைப்பாற்கொணர்ந்து இடித்து ஊட்டிட மலங்கித் தம களிற்றை
அழைத்து ஓடியும் பிளிறு ஈயவை அலமந்துவந்து எய்த்துத்
திகைத்தோடித்தன் பிடிதேடிடும் சீபர்ப்பத மலையே.  2  

மன்னிப்புனங் காவல்மட மொழியாள்புனங் காக்கக்
கன்னிக்கிளி வந்துகவைக் கோலிக்கதிர் கொய்ய
என்னைக்கிளி மதியாதென்று எடுத்துக்கவண் ஒலிப்பத்
தென்னற்கிளி திரிந்து ஏறிய சீபர்ப்பத மலையே.  3  

மையார்தடங் கண்ணாள்மட மொழியாள்புனங் காக்கச்
செவ்வேதிரிந் தாயோஎனப் போகாவிட விளிந்து
கைபாவிய கவணால்மணி எறியஇரிந் தோடிச்
செவ்வாயன கிளிபாடிடும் சீபர்ப்பத மலையே.  4  

ஆனைக்குலம் இரிது ஓடித்தன் பிடிசூழலில் திரியத்
தானப்பிடி செவிதாழ்த்திட அதற்குமிக இரங்கி
மானக்குற அடல்வேடர்கள்  இலையாற்கலை கோலித்
தேனைப்பிழிந்து இனிது ஊட்டிடும் சீபர்ப்பத மலையே.  5  

மாற்றுக்களிறு அடைந்தாய் என்று மதவேழங்கை எடுத்து
மூற்றித்தழல் உமிழ்ந்தும்மதம்  பொழிந்தும்முகஞ் சுழியத்
தூற்றத் தரிக் கில்லேன் என்று சொல்லிஅயல் அறியத்
தேற்றிச்சென்று பிடிசூளறும் சீபர்ப்பத மலையே.  6  

அப்போதுவந்து உண்டீர்களுக்கு அழையாது முன் இருந்தேன்
எப்போதும்வந் உண்டால் எமை  எமர்கள்சுழி யாரோ
இப்போது உமக்கு இதுவேதொழில்  என்று ஓடி அக் கிளியைச்
செப்பேந்து இள முலையாள்எறி  சீபர்ப்பத மலையே.  7  

திரியும்புரம் நீறாக்கிய செல்வன் தன கழலை
அரியதிரு மாலோடு அயன்தானும் அவர் அறியார்
கரியின் இனம் ஓடும்பிடி தேன் உண்டு அவை களித்துத்
திரிதந்த ஐ திகழ்வாற்பொலி சீபர்ப்பத மலையே.  8  

ஏனத்திரள் கிளைக்கஎரி  போலமணி சிதற
தீ என்று அவை மலைச்சாரலில் திரியும் கரடீயும்
மானும்மரை இனமும்மயில் மற்றும்பல எல்லாம்
தேன் உண்பொழில் சோலைமிகு சீபர்ப்பத மலையே.  9  

நல்லார் அவர் பலர்வாழ்தரு வயல்நாவல வூரன்
செல்லல் உற அரியசிவன் சீபர்ப்பத மலையை
அல்ல அவை தீரச்சொன தமிழ்மாலைகள் வல்லார்
ஒல்லைச்செல உயர்வானகம்  ஆண்டு அங்கு இருப் பாரே.

திருச்சிற்றம்பலம்