திருப் பாண்டிக் கொடுமுடி

                

௨ 

சுந்தரமூர்த்தி  சுவாமிகள் அருளிச்செய்த
ஏழாம் திருமுறை

தகவல் பலகை	விவரம்
தலம்	திருபாண்டி கொடுமுடி
ஊர் /வேறு பெயர்	கொடுமுடி
நாடு	கொங்கு நாடு
ॐசுவாமி	கொடுமுடி நாதர்
ॐஅம்பிகை	பண் மொழியம்மை
பாடியவர்கள்	திருஞானசம்பந்தர் (1),         பெண்ணமர் மேனியினாரும் (2-69)  அப்பர்(1)         சிட்டனைச் சிவனை (5-81) சுந்தரர் (1)         மற்றுப் பற்று எனக்கு  (7-48)
ஸ்தல மரம்	வன்னிமரம்
தீர்த்தம்	தேவ தீர்த்தம்
பண்	பழம் பஞ்சுரம்
குறிப்புகள்	நமச்சிவாய பதிகம்  என போற்றப்படுகிறது
பதிக பலன்	துன்பம் இல்லாத வாழ்வு அமையும்.
வரிசை எண்.	48                                                                6/7

திருச்சிற்றம்பலம்

மற்றுப் பற்று எனக்கு இன்றி நின் திருப்
          பாதமே மனம் பாவித்தேன்
பெற்றலும் பிறந்தேன் இனிப்பிறவாத
          தன்மை வந்து எய்தினேன்
கற்ற வர் தொழுது ஏத்தும் சீர்க்கறை
          ஊரில் பாண்டிக் கொடுமுடி
நற்றவா உனை நான்ம றக்கினும்
      சொல்லும் நாநமச்சி வாயவே.  1  

இட்ட னும் அடி ஏத்து வார்இகழ்ந்து 
          இட்ட நாள் மறந்து இட்டநாள்
கெட்ட நாள் இவை என்றலாற்கு 
          அருதேன்கி ளர்புனற் காவிரி
வட்ட வாசிகை கொண்டு அடி தொழுது 
          ஏத்து பாண்டிக் கொடுமுடி
நட்ட வா  உனை நான்ம றக்கினும்
          சொல்லும் நாநமச்சி வாயவே.  2  

ஓவு நாள் உணர் வழியும் நாள் உயிர்
          போகும் நாள் உயர் பாடைமேல்
காவு நாள் இவை என்ற லாற்குக் 
          அருதேன்கி ளர்புனற் காவிரிப்
பாவு தண்புனல் வந்து இழி பரஞ்
          சோதி பாண்டிக் கொடுமுடி
நாவ லா உனை நான் ம றக்கினும்
          சொல்லும் நாநமச்சி வாயவே.  3  

எல்லை யில்புகழ் எம்பி ரான் எந்தை
          தம்பி ரான் என் பொன் மாமணி
கல்லை உந்தி வளம்பொ ழிந்திழி
          காவி ரி அதன் வாய்க்கரை
நல்ல வர்தொழுது ஏத்தும் சீர்க்கறை
          ஊரில் பாண்டிக் கொடுமுடி
வல்ல வா உனை நான்ம றக்கினும்
          சொல்லும் நாநமச்சி வாயவே.  4  

அஞ்சி னார்க்கு அரண் ஆதி என்று 
          அடியேனும் நான்மிக அஞ்சினேன்
அஞ்சல் என்று அடித் தொண்டனேற்கு அருள்
          நல்கி னாய்க்கழி கின்றது என்
பஞ்சின் மெல் அடிப் பாவை மார்குடைந்து 
          ஆடு பாண்டிக் கொடுமுடி
நஞ்சு  அணி கண்ட நான்ம றக்கினும்
          சொல்லும் நாநமச்சி வாயவே.  5  

ஏடு வான் இளந் திங்கள் சூடினை
          என்பின் கொல்புலித் தோலின்மேல்
ஆடு பாம்பு அரைக்கு அசைத்த
          அழக னே அந்தண் காவிரிப்
பாடு தண்புனல் வந்தி ழி பரஞ்
          சோதி பாண்டிக் கொடுமுடி
சேட னே உனை நான்ம றக்கினும்
          சொல்லும் நாநமச்சி வாயவே.  6  

விரும்பி நின்மலர்ப் பாத மே நினைந்தேன்
          வினைகளும் விண்டனன்
நெருங்கி வண்பொழில் சூழ்ந்து எழில்பெற
          நின்ற காவிரிக் கோட்டிடைக்
குரும்பை மென்முலைக் கோதை மார்
          குடைந்தாடு  பாண்டிக் கொடுமுடி
விரும்ப னே உனை நான்ம றக்கினும்
          சொல்லும் நாநமச்சி வாயவே.  7  

செம்பொ னேர்சடை யாய்தி ரிபுரம்
          தீ எழச்சிலை கோலினாய்
வம்பு லாங்குழ லாளைப் பாகம்
          அமர்ந்து காவிரிக் கோட்டிடைக்
கொம்பின் மேற்குயில் கூவ மாமயில்
          ஆடு பாண்டிக் கொடுமுடி
நம்ப னே உனை நான்ம றக்கினும்
          சொல்லும் நாநமச்சி வாயவே.  8  

சார ணன்தந்தை எம்பி ரான் எந்தை
          தம்பிரான் என்பொன்மா மணி என்று
பேர் எண்ணாயிர கோடி தேவர்
          பிதற்றி நின்று பிரிகிலார்
நார ணன் பிர மன் ஒழுங்கறை
          ஊரில் பாண்டிக் கொடுமுடிக்
கார ணா உனை நான்ம றக்கினும்
          சொல்லும் நாநமச்சி வாயவே.  9  

கோணி யபிறை சூடியைக் கறை
          ஊரில் பாண்டிக் கொடுமுடி
பேணியபெரு மானைப் பிஞ்ஞகப்
          பித்த னைப்பிறப்பு இல்லியைப்
பாணுலாவரி வண்ட றைகொன்றைத்
          தார னைப் படப் பாம்பரை
நாண னைத் தொண்டன் ஊரன் சொல் இவை
          சொல்லுவார்க்கு இல்லை துன்பமே.

        

திருச்சிற்றம்பலம்