திருப் பாண்டிக் கொடுமுடி

               

௨ 

திருநாவுக்கரசர் சுவாமிகள் அருளிச்செய்த
ஐந்தாம் திருமுறை

தகவல் பலகை	விவரம்
தலம்	திருபாண்டி கொடுமுடி
ஊர் /வேறு பெயர்	கொடுமுடி
நாடு	கொங்கு நாடு
ॐசுவாமி	கொடுமுடி நாதர்
ॐஅம்பிகை	பண் மொழியம்மை
பாடியவர்கள்	திருஞானசம்பந்தர் (1),         பெண்ணமர் மேனியினாரும் (2-69)  அப்பர்(1)         சிட்டனைச் சிவனை (5-81) சுந்தரர் (1)         மற்றுப் பற்று எனக்கு  (7-48)
ஸ்தல மரம்	வன்னிமரம்
தீர்த்தம்	தேவ தீர்த்தம்
பண்	பழம் பஞ்சுரம்
குறிப்புகள்	மேருவின் சிகரங்கள் ஒன்று இங்கே விழுந்தது என்பது புராண வரலாறு  பிரத்வாசர் அகத்தியர் வழிபட்ட தலம்.
பதிக பலன்	துன்பம் இல்லாத வாழ்வு அமையும்.
வரிசை எண்.	81                                                                6/7

திருச்சிற்றம்பலம்

சிட்ட னைச்சிவனைச்செழுஞ் சோதியை
அட்ட மூர்த்தியை ஆல நிழல் அமர்
பட்ட னைத்திருப்பாண்டிக் கொடுமுடி
நட்ட னைத்தொழ நம்வினை நாசமே.  1  

பிரமன் மால் அறியாத பெருமையன்
தரும மாகிய தத்துவன் எம்பிரான்
பரம னார் உறை பாண்டிக் கொடுமுடி
கரும மாகத்தொழுமட நெஞ்சமே.  2  

ஊசல் ஆனல்வள் ஒண்கழ லாள்
தேச மாந்திருப்பாண்டிக் கொடுமுடி
ஈச னேயெனும் இத்தனை அல்லது
பேசு மாறறியாள் ஒரு பேதையே.  3  

தூண்டி யசுடர் போல் ஒக்கும் சோதியான்
காண்ட லும் எளியன் அடி யார்கட்குப்
பாண்டிக் கொடு முடி மேய பரமனைக்
காண்டும் என்பவர்க்கு ஏதும்  கருத்தொணான்.  4  

நெருக்கி அம்முடி நின்றிசை வானவர்
இருக்கொ டும் பணிந்து ஏத்த இருந்தவன்
திருக்கொ டும் முடி என்றலும்  தீவினைக்
கருக்கெ டும் இது கைகண்ட யோகமே.  5 

        

திருச்சிற்றம்பலம்