திரு கருவூர் ஆநிலை

                 

௨ 

திருஞானசம்பந்தர்சுவாமிகள் அருளிச்செய்த
இரண்டாம் திருமுறை

தகவல் பலகை	விவரம்
தலம்	திருகருவூர் ஆநிலை
ஊர் /வேறு பெயர்	கரூர்
நாடு	கொங்கு நாடு
ॐசுவாமி	பசுபதி நாதர்
ॐஅம்பிகை	சௌந்தர்ய நாயகி
பாடியவர்கள்	திருஞானசம்பந்தர் (1),         தொண்டெல்லாம் மலர் (2-28)
ஸ்தல மரம்	வஞ்சி
தீர்த்தம்	அமராவதி
பண்	இந்தளம்
குறிப்புகள்	கரூர் ஊர் ஆநிலை கோவில்  காமதேனு வழிபட்ட தலம்  புகழ்ச்சோழ நாயனார் ஆண்ட பதி  எறிபத்த நாயனார் அவதாரத் தலம்.  திருவிசைப்பா அருளிச்செய்த  கருவூர்த்தேவர் தலம்.
பதிக பலன்	மனத்துயர் நீங்கும்.
வரிசை எண்.	28                                                                7/7

திருச்சிற்றம்பலம்

தொண்டெர் எலாம் மலர் தூவி ஏத்த நஞ்சு 
உண்ட லார் ஆருயி ராய தன்மையர்
கண்ட னார் கருவூர் ஆனிலை
அண்ட னார் அருள் ஈயும் அன்பரே.  1  

நீதி யார் நினைந் தாய நான்மறை
ஓதி யார் ஒடுங் கூட லார் குழைக்
காதி னார் கரு வூர் உள் ஆனிலை
ஆதி யார் அடியார் தம் அன்பரே.  2  

விண்ணு லாமதி  சூடி வேதமே
பண்ணு ளார்பர மாய பண்பினர்
கண்ணு ளார்கரு வூர் உள் ஆனிலை
அண்ண லார் அடி யார்க்கு நல்லரே.  3  

முடியர் மும்மத யானை ஈர் உரி
பொடியர் பூங்கணைவேளைச் செற்றவர்
கடியு ளார்கரு வூர் உள் ஆனிலை
அடிகள் யாவையு மாய ஈசரே.  4  

பங்க யம்மலர்ப் பாதர் பாதியோர்
மங்கை யர்மணி நீல கண்டர்வான்
கங்கை யர் கரு வூர் உள் ஆனிலை
அங்கை ஆடரவத்து எம் அண்ணலே.  5  

தேவர் திங்களும் பாம்பும் சென்னியில்
மேவர் மும்மதில் எய்த வில்லியர்
காவலர் கருவூர் உள் ஆனிலை
மூவ ராகிய மொய்ம்பர் அல்லரே.  6  

பண்ணி னார்படி ஏற்றர் நீற்றர்மெய்ப்
பெண்ணி னார் பிறை தாங்கு நெற்றியர்
கண்ணி னார்கரு வூர் உள் ஆனிலை
நண்ணி னார்நமை ஆளும் நாதரே.  7  

கடுத்த வாள் அரக்கன் கயிலையை
எடுத்தவன் தலை தோளும் தாளினால்
அடர்த்தவன் கருவூர் உள் ஆனிலை
கொடுத்தவன் அருள் கூத்தன் அல்லனே.  8  

உழுது மாநிலத்து ஏனம் ஆகி மால்
தொழுது மாமல ரோனும்  காண்கிலார்
கழுதி னான் கருவூர் உள் ஆனிலை
முழுது மாகிய மூர்த்தி பாதமே.  9  

புத்தர் புன்சமண் ஆதர் பொய்யுரைப்
பித்தர் பேசிய பேச்சை விட்டுமெய்ப்
பத்தர் சேர் கருவூர் உள் ஆனிலை
அத்தர் பாதம் அடைந்து வாழ்மினே.  10  

கந்த மார்பொழில் காழி ஞான
சம்பந்தன் சேர் கருவூர் உள் ஆனிலை
எந்தை யைச்சொன்ன பத்தும் வல்லவர்
சிந்தையில் துயர் ஆய தீர்வரே.

        

திருச்சிற்றம்பலம்