திருவாவடுதுறை

           

௨ 

சுந்தரமூர்த்தி சுவாமிகள் அருளிச்செய்த
ஏழாம் திருமுறை

தகவல் பலகை	விவரம்
தலம்	திரு ஆ ஆடுதுறை
ஊர்
நாடு	சோழ (காவிரி தென்)
ॐசுவாமி	மாசிலாமணி ஈஸ்வரர்
ॐஅம்பிகை	ஒப்பிலா முலையம்மை
பாடியவர்கள்	திருஞானசம்பந்தர் (1)         இடரினும் தளரினும் (3-004) திருநாவுக்கரசர்(5)         மாயிரு ஞாலம் எல்லாம் (4-056)         மஞ்சனே மணியுமனாய் (4-057)         நிறைக்க வாலியன் (5-029)         நம்பனை நாள்வேதன்(6-046)          திருவே என் செல்வமே(6-047) சுந்தரர் (2)         மறைய வான் ஒரு மாணி(7-66)         கங்கை வார் சடையாய் (7-70) திருமூலர்          திருமந்திரம் 3000 பாடல்கள்  சேந்தனார் - திருவிசைப்பா          பொய்யாத வேதியர் (9.1-6)
ஸ்தல மரம்	பலா, செண்பகம்
தீர்த்தம்	ஐராவாத தீர்த்தம்
பண்	தக்கேசி
குறிப்புகள்	இந்த பதிகம் முழுதும் " ஆர் எனக்கு உறவு " என்று பாடி இருத்தல் போற்றுதற்குரியது வெளியூர் பயணத்திற்கு முன் பாட  பயன் தர வல்லது
பதிக பலன்	பிறவிப்பிணி அகலும்.
வரிசை எண்.	99                                                             35/127

திருச்சிற்றம்பலம்

            

கங்கை வார்சடை யாய்கண நாதா
          கால காலனே காமனுக்கு அனலே
பொங்கு மாகடல் விடமிடற்றானே
          பூத நாதனே புண்ணியா புனிதா
செங்கண் மால்விடை யாய்தெளி தேனே
          தீர்த்த னேதிரு வாவடு துறையுள்
அங்க ணாஎனை "அஞ்சல்" என்று அருளாய்
          ஆர் எனக்கு உறவு அமரர்கள் ஏறே.  1  

மண்ணின் மேல்மயங் கிக்கிடப் பேனை
          வலிய வந்து எனை ஆண்டுகொண் டானே
கண்ணி லேன்உடம் பில் அடு நோயால்
          கருத்து அழிந்து உனக்கே பொறை ஆனேன்
தெண்ணிலா எறிக்கும் சடை யானே
          தேவ னேதிரு வாவடு துறையுள்
அண்ண லே எனை "அஞ்சல் " என்று அருளாய்
          ஆர் எனக்கு உறவு அமரர்கள் ஏறே.  2  

ஒப்பி லாமுலையாள் ஒரு பாகா
          உத்தமா மத்தம்  ஆர்தரு சடையாய்
முப்பு ரங்களைத் தீவளைத்து அங்கே
          மூவருக்கு அருள் செய்யவல் லானே
செப்ப ஆல்நிழற் கீழ் இருந்து அருளும்
          செல்வ னேதிரு வாவடு துறையுள்
அப்பனே எனை "அஞ்சல்" என்று அருளாய்
          ஆர் எனக்கு உறவு அமரர்கள் ஏறே.  3  

கொதியி னால்வரு காளிதன் கோபம்
          குறைய ஆடிய கூத்து உடையானே
மதியி லேன்உடம் பில் அடு நோயால்
          மயங்கி னேன்மணி யேமண வாளா
விதியி னால் இமையோர் தொழுது ஏத்தும்
          விகிர்த னேதிரு வாவடு துறையுள்
அதிபனே எனை "அஞ்சல்" என்று அருளாய்
          ஆர் எனக்கு உறவு அமரர்கள் ஏறே.  4  

வந்த வாள் அரக்கன் வலி தொலைத்து
          வாழும் நாள்கொடுத் தாய்வழி முதலே
வெந்த வெண்பொடி பூசவல் லானே
          வேட னாய்விச யற்கு அருள் புரிந்த
இந்து சேகர னேஇமை யோர்சீர்
          ஈச னேதிரு வாவடு துறையுள்
அந்தணா எனை "அஞ்சல்" என்று அருளாய்
          ஆர் எனக்கு உறவு அமரர்கள் ஏறே.  5  

குறைவி லாநிறை வேகுணக் குன்றே
          கூத்த னேகுழைக் காதுடை யானே
உறவி லேன்உனை அன்றி மற்று அடியேன்
          ஒருபி ழைபொறுத் தால்இழிவு உண்டே
சிறை வண்டார் பொழில் சூழ்திரு வாரூர்ச்
          செம்பொ னேதிரு வாவடு துறையுள்
அறவனே எனை "அஞ்சல்" என்று அருளாய்
          ஆர் எனக்கு உறவு அமரர்கள் ஏறே.  6  

வெய்ய மாகரி ஈர் உரி யானே
          வேங்கை ஆடையி னாய்விதி முதலே
மெய்ய னேஅடல் ஆழியன் அரி தான்
          வேண்ட நீகொடுத்து அருள்புரி விகிர்தா
செய்ய மேனிய னேதிகழ் ஒளியே
          செங்க ணாதிரு வாவடு துறையுள்
ஐயனே எனை "அஞ்சல்" என்று  அ ருளாய்
          ஆர் எனக்கு உறவு அமரர்கள் ஏறே.  7  

கோதிலா அமுதே அருள் பெருகு
          கோலமே இமை யோர்தொழு கோவே
பாதி மாதொரு கூறு உடை யானே
          பசுபதீ பரமா பரமேட்டீ
தீதிலா மலையே திருவருள் சேர்
          சேவகா திருவாவடு துறையுள்
ஆதியே எனை "அஞ்சல்" என்று அருளாய்
          ஆர் எனக்கு உறவு அமரர்கள் ஏறே.  8  

வான நாடனே வழித்துணை மருந்தே
          மாசி லாமணி யேமறைப் பொருளே
ஏனமா எயிறு ஆமையும் எலும்பும்
          ஈடு தாங்கிய மார்புடை யானே
தேன் நெய் பால் தயிர் ஆட்டு உகந் தானே
          தேவனே திருவாவடுதுறையுள்
ஆனையே எனை "அஞ்சல்" என்று அருளாய்
          ஆர் எனக்கு உறவு அமரர்கள் ஏறே.  9  

வெண் தலைப்பிறை கொன்றையும் அரவும்
          வேரி மத்தமும் விரவிமுன் முடித்த
இண்டை மாமலர்ச் செஞ்சடை யானை
          ஈசனைத் திருவாவடு துறையுள்
அண்ட வாணனைச் சிங்கடி யப்பன்
          அணுக்க வன்தொண்டன் ஆர்வத்தால் உரைத்த
தண் தமிழ்மலர் பத்தும்வல் லார்கள்
          சாதலும் பிறப்பும் அறுப் பாரே.

திருச்சிற்றம்பலம்