வேத சிறப்பு

  

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	கடவுள் வாழ்த்து
தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	2. வேத சிறப்பு
பிற குறிப்புகள்

திருச்சிற்றம்பலம்

வேதத்தை விட்ட அறம் இ ல்லை வேதத்தின்

ஓதத் தகும்அறம் எல்லாம் உள; தர்க்க

வாதத்தை விட்டு மதிஞர் வளமுற்ற

வேதத்தை ஓதியே வீடுபெற் றார்களே.  1  

வேதம் உரைத்தானும் வேதியன் ஆகிலன்

வேதம் உரைத்தானும் வேதா விளங்கிட

வேதம் உரைத்தானும் வேதியர் வேள்விக்காய்

வேதம் உரைத்தானும் மெய்ப்பொருள் காட்டவே.  2 

 

இருக்குஉரு வாம்எழில் வேதத்தின் உள்ளே

உருக்குஉணர் வாய் உணர் வேதத்துள் ஓங்கி

வெருக்குஉரு வாகிய வேதியர் சொல்லும்

கருக்குஉரு வாய்நின்ற கண்ணனும் ஆமே.  3  

திருநெறி யாவது சித்து அசித்து இன்றிப்

பெருநெறி யாய பிரானை நினைந்து

குருநெறி யாம்சிவ மாநெறி கூடும்

ஒருநெறி ஒன்றாக வேதாந்தம் ஓதுமே.  4  

ஆறு அங்க மாய்வரும் மாமறை ஓதியைக்

கூறு அங்கம் ஆகக் குணம்பயில் வார் இல்லை

வேறு அங்கம் ஆக விளைவுசெய்து அப்புறம்

பேறு அங்க மாகப் பெருக்குகின் றாரே.  5

பாட்டும் ஒலியும் பரக்கும் கணிகையர்

ஆட்டும் அறாத அவனியில் மாட்டாதார்

வேட்டு விருப்பார் விரதம் இல்லாதவர்

ஈட்டும் இடம் சென்று இகலல்உற் றாரே.  6 

திருச்சிற்றம்பலம்