3. ஆகமச் சிறப்பு

   

௨ 

திருமூல தேவ நாயனார்  அருளிச்செய்த திருமந்திரம் 
பத்தாம் திருமுறை

தகவல் பலகை	விவரம்
அதிகாரம்	கடவுள் வாழ்த்து
தந்திரம்
திருமுறை	திருமந்திரம்  - 10
ஆசிரியர்	திருமூலர்
அதிகார தலைப்பு	வேத சிறப்பு
பிற குறிப்புகள்

திருச்சிற்றம்பலம்

அஞ்சன மேனி அரிவைஓர் பாகத்தன்

அஞ்சொடு இருபத்து மூன்றுள ஆகமம்

அஞ்சலி கூப்பி அறுபத்து அறுவரும்

அஞ்சா முகத்தில் அரும்பொருள் கேட்டதே.  1  

அண்ணல் அருளால் அருளும் சிவாகமம்

எண்ணில் இருபத்தெண் கோடிநூ றாயிரம்

விண்ணவர் ஈசன் விழுப்பம் உரைத்தனர்

எண்ணிநின் றப்பொருள் ஏத்துவன் யானே 2

அண்ணல் அருளால் அருள் நந்தி இவ் யாகமம்

விண்ணில் அமரர் தமக்கும் விளங்கரி

தெண்ணில் எழுபது கோடிநூ றாயிரம்

எண்ணிலும் நீர்மேல் எழுத்து அது ஆகுமே.  3  

பரனாய் பராபரம் காட்டி உலகில்

தரனாய்ச் சிவதன்மந் தானேசொல் காலத்து 

அரனாய் அமரர்கள் அர்ச்சிக்கு நந்தி

உரன் ஆகி ஆகமம் ஓங்கிநின் றானே.  4  

சிவமாம் பரத்தினில் சத்தி சதாசிவம்

உவமா மகேசர் உருத்திர தேவர்

தவமால் பிரமீசர் தம்மில்தாம் பெற்ற

நவஆ கமம் எங்கள் நந்திபெற் றானே.  5  

பெற்றநல் ஆகமம் காரணம் காமிகம்

உற்றநல் வீரம் உயர்சிந்தம் வாதுளம்

மற்றவ் வியாமளம் ஆகும்கா லோத்தரந்து 

உற்றநற் சுப்பிரம் சொல்லு மகுடமே.  6  

அண்ணல் அருளால் அருளும் சிவாகமம்

எண்ணிலி கோடி தொகுத்திடும் ஆயினும்

அண்ணல் அறைந்த அறிவுஅறி யாவிடின்

எண்ணிலி கோடியும் நீர்மேல் எழுத்தே.  7  

மாரியும் கோடையும் வார்பனி தூங்கநின்று

ஏரியும் நின்று அங்கு இளைக்கின்ற காலத்து

ஆரிய மும் தமி ழும்உட னேசொலிக்

காரிகை யார்க்குக் கருணைசெய் தானே.  8  

அவிழ்கின்ற வாறும் அதுகட்டு மாறும்

சிமிட்டலைப் பட்டு உயிர் போகின்ற வாறும்

தமிழ்ச்சொல் வடசொல் எனும்இவ் விரண்டும்

உணர்த்தும் அவனை உணரலும் ஆமே.  9  

பண்டிதர் ஆவார் பதினெட்டும் பாடையும்

கண்டவர் கூறும் கருத்து அறிவார்என்க

பண்டிதர் தங்கள் பதினெட்டுப் பாடையும்

அண்ட முதலான் அறம்சொன்ன வாறே.  10

திருச்சிற்றம்பலம்