திருவாரூர்

   

௨ 

திருஞானசம்பந்த சுவாமிகள் அருளிச்செய்த
முதல் திருமுறை

தகவல் பலகை	விவரம்
தலம்	திருவாரூர்
ஊர்	ஆரூர்,கலாலயபுரம், ஆடகேசுபுரம், மூலாதரபுரம், சக்திபுரம், தேவாசிரியபுரம்,  வன்மீகநாதபுரம்
நாடு	காவிரி தென்கரை
ॐசுவாமி	வன்மீக நாதர், புற்றிடம் கொண்டான்
ॐஅம்பிகை	கமலாம்பிகை, அல்லியங்கோதை
பாடியவர்கள்	திருஞானசம்பந்தர்(5),         சித்தம் தெளிவீர்காள் (1-91)         பாடலன் நான்மறையன்          பவனமாய் சோடையாய்          பருக்கை யானை மத்தகத்          அந்தமாய் உலகு  திருநாவுக்கரசர்(21),         பாடிளம் பூதத்தினாம்          மெய் எல்லாம் வெண்ணீறு          சூலப் படையானை          காண்டாலே கருத்தாய்         முத்து விதானம்          படு குழிப் பவ்வத்தன்ன         குழல் வலங்கொண்டை          குலம்பலம் பாவரு          வேம்பினைப் பேசி          எப்போதும் இரையும்          கொக்கரை குழல்         கைம்மான மதக்களிறு          உயிரா வணம்         பாதித்தன் திருவுருவில்          பொய்ம்மாயப் பெருங்கடலில்          நீற்றினையும் நெற்றி         திருமணியைத் தித்திக்கும்         எம்பந்த வல்வினை நோய்                 இடர் கெடுமாறு எண்ணுதியேல்         கற்றவர்கள் உண்ணும்             ஒருவனாய் உலகு ஏத்த    சுந்தரர்(8)         இரகளோடு இசைந்த          குரு உபாயம்          தில்லை வாழ் அந்தணர்         பத்திமையும் அடிமை         பொன்னும் மெய்ப்பொருள்         கரையும் கடலும்          அந்தியும் நண் பகலும்          மீளா அடிமை
ஸ்தல மரம்	பாதிரி
தீர்த்தம்	வேத தீர்த்தம், கமலாலயம், சங்கு தீர்த்தம்,
பண்	குறிஞ்சி
குறிப்புகள்	பஞ்ச பூத தலத்தில் மண் (பிருத்வி) தலம் பிறக்க முத்தி தரும் தலம் என பெயர் பெற்றது சப்த விட தலங்களுள் ஒன்று பரவையார் திரு அவதாரம் செய்த பதி திருமகள், இராமன், மன்மதன், வழிபட்ட தலம் மனுநீதி சோழனுக்கு அருள் செய்த தலம் சுந்தரமூர்த்தி சுவாமிகளுக்காக இறைவன் தூது சென்ற தலம். மணிமுத்தாறில் இட்ட பொன்னை திருவாரூர் குளத்தில் எடுக்க பெற்ற சிறப்பு உடையது
	மகிழ்ச்சியாக வாழலாம்.
வரிசை எண்.	91                                                                                               86/127

திருச்சிற்றம்பலம்

சித்தம் தெளிவீர்காள், அத்தன் ஆரூரைப்
பத்தி மலர்தூவ, முத்தி ஆகுமே.  1  

பிறவி அறுப்பீர்காள், அறவன் ஆரூரை
மறவாது ஏத்துமின், துறவி ஆகுமே.  2  

துன்பம் துடைப்பீர்காள், அன்பன் அணி ஆரூர்
நன்பொன் மலர்தூவ, இன்பம் ஆகுமே.  3  

உய்யல் உறுவீர்காள், ஐயன் ஆரூரைக்
கையி னால்தொழ, நையும் வினைதானே.  4  

பிண்டம் அறுப்பீர்காள், அண்டன் ஆரூரைக்
கண்டு மலர் தூவ, விண்டு வினைபோமே.  5  

பாசம் அறுப்பீர்காள், ஈசன் அணி ஆரூர்
வாச மலர்தூவ, நேசம் ஆகுமே.  6  

வெய்ய வினைதீர, ஐயன் அணி ஆரூர்
செய்ய மலர்தூவ, வையம் உமது ஆமே.  7  

அரக்கன் ஆண்மையை, நெருக்கி னான்ஆரூர்
கரத்தினால் தொழத், திருத்தம் ஆகுமே.  8  

துள்ளும் இருவர்க்கும், வள்ளல் ஆரூரை
உள்ளும் அவர்தம்மேல், விள்ளும் வினைதானே.  9  

கடுக்கொள் சீவரை, அடக்கி னான்ஆரூர்
எடுத்து வாழ்த்துவார், விடுப்பர் வேட்கையே.  10  

சீரூர் சம்பந்தன், ஆரூ ரைச்சொன்ன
பாரூர் பாடலார், பேரார் இன்பமே.

திருச்சிற்றம்பலம்