திரு வீழிமிழலை

    

௨ 

திருஞானசம்பந்த சுவாமிகள் அருளிச்செய்த
முதல் திருமுறை

தகவல் பலகை	விவரம்
தலம்	திரு வீழிமிழலை
ஊர்
நாடு	காவிரி தென்கரை
ॐசுவாமி	வீழி அழகர்
ॐஅம்பிகை	சுந்தரகுஜாம்பிகை
பாடியவர்கள்	திருஞானசம்பந்தர்(14),         சடையார் புனல்          தடநில வியமலை          அறையார் விரிகோவண         இரும்பொன் மலைவில்லா          வாசி தீரவே காசு(1-92)          அலர் மகள் மலிதர          ஏரிசையும் வாடவாளின்          கேள்வியர் நாள்தொறும்         சீர் மருவு தேசினோடு          மட்டொளி விரிதரு          வெண் மதி தவழ்         வெளிநேர் தரு கண்ணி         துன்று கொன்றை          புள்ளித் தோலாடை  திருநாவுக்கரசர்(8),         பூதத்தின் படையர்        வான் சொட்ட சொட்ட          கரைந்து  கைதொழு         என்பொனே இமையோர்         பேரானை ஈர் உரிவை          கயிலாய மலை உள்ளார்         கண்ணவன் காண் கண்ணொளி          மானேறு கரம் உடைய    சுந்தரர்(1)         நம்பினருக்கு அருள் செய்யும்.
ஸ்தல மரம்	வீழிச் செடி
தீர்த்தம்	விஷ்ணுதீர்த்தம்,
பண்	குறிஞ்சி
குறிப்புகள்	ஈசன் திருமணக் கோலத்துடன் வீற்றிருக்கும் தலம் திருமால் ஆழிப்படை பெற்ற தாம் சம்பந்தரும், அப்பரும் பஞ்சத்தின் போது படிக்காசு பெற்ற தலம் சீர்காழி பதியில் உள்ள காட்சியை சம்பந்தருக்கு காட்டி அருளிய சிறப்பு உடையது
பதிக பலன்	உயர் கதி பெற
வரிசை எண்.	92                                                                                               60/127

திருச்சிற்றம்பலம்

வாசி தீரவே, காசு நல்குவீர்
மாசின் மிழலையீர், ஏசல் இல்லையே.  1  

இறைவர் ஆயினீர், மறைகொள் மிழலையீர்
கறைகொள் காசினை, முறைமை நல்குமே.  2  

செய்ய மேனியீர், மெய்கொள் மிழலையீர்
பைகொள் அரவினீர், உய்ய நல்குமே.  3  

நீறு பூசினீர், ஏறு அது ஏறினீர்
கூறு மிழலையீர், பேறும் அருளுமே.  4  

காமன் வேவ ஓர், தூமக் கண்ணினீர்
நாமம் மிழலையீர், சேமம் நல்குமே.  5  

பிணிகொள் சடையினீர், மணிகொள் மிடறினீர்
அணிகொள் மிழலையீர், பணிகொண்டு அருளுமே.  6  

மங்கை பங்கினீர், துங்க மிழலையீர்
கங்கை முடியினீர், சங்கை தவிர்மினே.  7  

அரக்கன் நெரிதர, இரக்கம் எய்தினீர்
பரக்கு மிழலையீர், கரக்கை தவிர்மினே.  8  

அயனும் மாலுமாய், முயலும் முடியினீர்
இயலும் மிழலையீர், பயனும் அருளுமே.  9  

பறிகொள் தலையினார், அறிவது அறிகிலார்
வெறிகொள் மிழலையீர், பிறிவது அரியதே.  10  

காழி மாநகர், வாழி சம்பந்தன்
வீழி மிழலைமேல், தாழும் மொழிகளே.

திருச்சிற்றம்பலம்