திரு முண்டீச்ச்சரம்

 

௨ 

திருநாவுக்கரசர்  சுவாமிகள் அருளிச்செய்த
ஆறாம் திருமுறை

தகவல் பலகை	விவரம்
தலம்	திருமுண்டீச்ச்சரம்
ஊர்	கிராமம்
நாடு	நடு நாடு
ॐசுவாமி	சிவலோக நாதர்
ॐஅம்பிகை	சௌந்தர்ய நாயகி, செல்வ நாயகி
பாடியவர்கள்	திருநாவுக்கரசர் (1),         ஆர்த்தான் காண் (6-85)
ஸ்தல மரம்	வன்னி மரம்
தீர்த்தம்	பிரம தீர்த்தம், முண்டக தீர்த்தம்
பண்	திருத்தாண்டகம்
குறிப்புகள்	திண்டி, முண்டி வழிபட்ட தலம் பிரமன், இந்திரன் முதலானோர் வழிபட்ட தலம்
பதிக பலன்	சிவலோக பதவி கிடைக்கும்
வரிசை எண்.	85                                                             19/22

திருச்சிற்றம்பலம்

ஆர்த்தான்காண் அழல்நாகம் அரைக்கு நாணா
அடியவர்கட்கு அன்பன்காண் ஆனைத் தோலைப்
போர்த்தான்காண் புரிசடைமேற் புன ஏற்றான்காண்
புறங்காட்டில் ஆடல் புரிந்தான் தான்காண்
காத்தான்காண் உலகு ஏழும்  கலங்கா வண்ணம்
கனைகடல்வாய் நஞ்சு அதனைக் கண்டத்துள்ளே
சேர்த்தான்காண் திருமுண்டீச் சரத்து மேய
சிவலோகன் காண் அவன் என் சிந்தை யானே.  1  

கருத்தன்காண் கமலத்தோன் தலையில் ஒன்றைக்
காய்ந்தான் காண் பாய்ந்தநீர் பரந்த சென்னி
ஒருத்தன்காண் உமையவளோர் பாகத் தான்காண்
ஓர் உருவின் மூவுருவாய் ஒன்றாய் நின்ற
விருத்தன்காண் விண்ணவர்க்கும் மேலானான் காண்
மெய் அடியார் உள்ளத்தே விரும்பி நின்ற
திருத்தன்காண் திருமுண்டீச் சரத்து மேய
சிவலோகன் காண் அவன் என் சிந்தை யானே.  2  

நம்பன்காண் நரைவிடை ஒன்று ஏறினான் காண்
நாதன்காண் கீதத்தை நவிற்றி னான்காண்
இன்பன் காண் இமையா முக் கண்ணினான்காண்
ஏசற்று மனம் உருகும் அடியார் தங்கட்கு
அன்பன்காண் ஆர் அழல் அது ஆடினான் காண்
அவன் இவன் என்று அறியாவர்க்கும் அறிய ஒண்ணாச்
செம்பொன்காண் திருமுண்டீச் சரத்து மேய
சிவலோகன் காண் அவன் என் சிந்தை யானே.  3  

மூவன்காண் மூவர்க்கும் முதலானான் காண்
முன்னுமாய்ப் பின்னுமாய் முடிவானான் காண்
காவன்காண் உலகு ஓர் கண்ணா னான்காண்
கங்காளன் காண்கயிலை மலையினான் காண்
ஆவன்காண் ஆவகத்து அஞ்சு ஆடி னான்காண்
ஆர் அழலாய் அயற்கும்  அரிக்கும் அறிய ஒண்ணாத்
தேவன்காண் திருமுண்டீச் சரத்து மேய
சிவலோகன் காண் அவன் என் சிந்தை யானே.  4  

கானவன்காண் கானவனாய்ப் பொருதான் தான்காண்
கனல் ஆடவல்லான் காண் கையி ல் ஏந்தும்
மானவன்காண் மறைநான்கும் ஆயினான் காண்
வல் ஏறு ஒன்று அது  வேற வல்லான் தான்காண்
ஊனவன்காண் உலகத்துக்கு உயிர் ஆனான் காண்
உரையவன்காண் உணர்வவன்காண் உணர்ந்தார்க்கு என்றும் 
தேனவன்காண் திருமுண்டீச் சரத்து மேய
சிவலோகன் காண் அவன் என் சிந்தை யானே.  5  

உற்றவன்காண் உறவு எல்லாம் ஆவான் தான்காண்
ஒழிவற நின்று எங்கும் உலப்பி லான்காண்
புற்று அரவே ஆடையுமாய்ப் பூணு மாகிப்
புறங்காட்டில் எரி ஆடல் புரிந்தான் தான்காண்
நற்றவன்காண் அடி அடைந்த மாணிக் காக
நணுகியதோர் பெருங்கூற்றைச் சேவ டியினால்
செற்றவன்காண் திருமுண்டீச் சரத்து மேய
சிவலோகன் காண் அவன் என் சிந்தை யானே.  6 

 உதைத்தவன்காண் உணராத தக்கன் வேள்வி
உருண்டு ஓடத் தொடர்ந்த அருக்கன் பல்லை எல்லாம்
தகர்த்தவன் காண் தக்கன்தன் தலையைச் செற்ற
தலையவன்காண் மலைமகளாம் உமையைச் சால
மதிப்பு ஒழிந்த வல் அமரர் மாண்டார் வேள்வி
வந்து அவி உண்டவரோடு மதனை எல்லாம்
சிதைத்தவன்காண் திருமுண்டீச் சரத்து மேய
சிவலோகன் காண் அவன் என் சிந்தை யானே.  7  

உரிந்த உடையார் துவரால் உடம்பை மூடி
உழிதரும் அவ்வூமர் அவர் உணரா வண்ணம்
பரிந்தவன்காண் பனிவரைமீப் பண்டம் எல்லாம்
பறித்துடனே நிரந்துவரு பாய்நீர்ப் பெண்ணை
நிரந்துவரும் இருகரையும்  தடவா ஓடி
நின்மலனை வலங்கொண்டு நீள நோக்கித்
திரிந்து உலவு திருமுண்டீச் சரத்து மேய
சிவலோகன் காண் அவன் என் சிந்தை யானே.  8  

இப்பதிகத்தில் 9-ம் பாடல் கிடைக்கப்பெறவில்லை.  9

  அறுத்தவன்காண் அடியவர்கள் அல்லல் எல்லாம்
அரும்பொருளாய் நின்றவன்காண் அநங்கனாகம்
மறுத்தவன்காண் மலைதன்னை மதியாது ஓடி
மலைமகள்தன் மனம்நடுங்க வானோர் அஞ்சக்
கறுத்தவனாய்க் கயிலாயம் எடுத்தோன் கையும்
கதிர்முடியும் கண்ணும் பிதுங்கி ஓடச்
செறுத்தவன்காண் திருமுண்டீச் சரத்து மேய
சிவலோகன் காண் அவன் என் சிந்தை யானே.

திருச்சிற்றம்பலம்