திருப்புறவார் பனங்காட்டூர்

௨ 

திருஞானசம்பந்தர் சுவாமிகள் அருளிச்செய்த
இரண்டாம்  திருமுறை

தகவல் பலகை	விவரம்
தலம்	திருபுறவார் பனங்காட்டூர்
ஊர்
நாடு	நடு நாடு
ॐசுவாமி	பனங்காட்டு ஈசர்
ॐஅம்பிகை	சத்யாம்பிகை
பாடியவர்கள்	திருஞானசம்பந்தர்(1),         விண்ணமர்ந்தன (2-53)
ஸ்தல மரம்	பனைமரம்
தீர்த்தம்	பத்ம தீர்த்தம்
பண்	சீகாமரம்
குறிப்புகள்	சூரியன் வழிபட்ட தலம் சூரிய கிரணங்கள் சுவாமி மீதும் அம்பாள் மீதும் விழுவது சிறப்பு
பதிக பலன்	சிவலோக பதவி கிடைக்கும்
வரிசை எண்.	53                                                             நடு நாடு -20/22

திருச்சிற்றம்பலம்

விண் அமர்ந்தன மும்ம தில்களை    
          வீழ வெங்கணை யால் எய் தாய்விரி
பண் அமர்ந்த ஒலிசேர் 
        புறவார் பனங்காட்டூர்ப்    
பெண் அமர்ந்த ஒரு பாக மாகிய    
          பிஞ்ஞகா பிறை சேர் நுதலிடைக்    
கண் அமர்ந் தவனே 
        கலந்தார்க்கு அருளாயே.  1  

நீடல் கோடல் அலரவெண் முல்லை    
          நீர் மலர் நிறைத் தாத ளம் செயப்    
பாடல்வண்டு அடறையும் 
        புறவார் பனங்காட்டூர்த்    
தோடு  இ லங்கிய காதயன் மின்    
          துளங்க வெண்குழை துள்ள நள்ளிருள்    
ஆடும் சங் கரனே 
        அடைந்தார்க்குக் அருளாயே.  2  

வாளையும் கயலும் மிளிர் பொய்கை    
          வார்பு னற்கரை அருகெலாம் வயல்    
பாளை ஒண் கமுகம் 
        புறவார் பனங்காட்டூர்ப்    
பூளை யும் நறுங் கொன்றை யும்மத    
          மத்த மும் புனை வாய் கழலிணைத்    
தாளையே பரவும் 
        தவத்தார்க்கு அருளாயே.  3  

மேய்ந்து இளம் செந்நெல் மென்க திர்கவ்வி    
          மேற்ப டுதலின் மேதி வைகறை    
பாய்ந்த தண் பழனப் 
        புறவார் பனங்காட்டூர்    
ஆய்ந்த நான்மறை பாடி ஆடும்    
          அடிகள் என்றெறு அரற்றி நன்மலர்    
சாய்ந்தடி பரவுந் 
        தவத்தார்க்கு அருளாயே.  4  

செங் கயல்லொடு சேல் செருச்செயச்    
          சீறி யாழ்முரல் தேனி னத்தொடு    
பங்கயம் மலரும் 
        புறவார் பனங்காட்டூர்க்    
கங்கை யும்மதி யும் கமழ்சடைக்    
          கேண்மை யாளொடும்  கூடி மான்மறி    
அங்கை ஆடலனே 
        அடியார்க்கு அருளாயே.  5  

நீரி னார்வரை கோலி மால்கடல்    
          நீடி யபொழில் சூழ்ந்து வைகலும்    
பாரினார் பிரியாப் 
        புறவார் பனங்காட்டூர்க்    
காரி னார்மலர்க் கொன்றை தாங்கு    
          கடவுள் என்று கை கூப்பி நாள்தொறும்   
சீரினால் வணங்கும்
        திறத்தார்க்கு அருளாயே.  6  

கை அரிவையர் மெல்வி ரல்லவை    
          காட்டி அம்மலர்க் காந்தளம் குறி    
பையரா விரியும் 
        புறவார் பனங்காட்டூர்    
மெய் அரிவையோர் பாக மாகவும்    
          மேவி னாய்கழல் ஏத்தி நாள்தொறும்
பொய்யிலா அடிமை 
        புரிந்தார்க்கு அருளாயே.  7  

தூவி அஞ்சிறை மெல் நடை என    
          மல்கி ஒல்கிய தூம லர்ப்பொய்கைப்    
பாவில்வண் டறையும் 
        புறவார் பனங்காட்டூர்    
  மேவி அந்நிலை யாய அரக்கன    
        தோள அடர்த்தவன் பாடல் கேட்டு அருள்    
  ஏவிய பெருமான் 
        என்பவர்க்கு அருளாயே.  8  

அந்தண் மாதவி புன்னை நல்ல    
          அசோக மும் அரவிந்த மல்லிகை    
பைந்தண் ஞாழல்கள் சூழ் 
        புறவார் பனங்காட்டூர்    
எந்தி இளம்முகில் வண்ணன் நான்முகன்    
        என்று இவர்க்கு அரிதாய் நிமிர்ந்த ஒர்    
சந்தம்ஆயவனே 
        தவத்தார்க்கு அருளாயே.  9  

நீணமார் முருகுண்டு வண்டு இனம்    
          நீல மாமலர் கவ்வி நேரிசை    
பாணில்யாழ் முரலும் 
        புறவார் பனங்காட்டூர்    
நாண ழிந்து உழல்வார் சமணரும்    
          நண்பில் சாக்கியருந் நகத்தலை    
ஊணுரி யவனே 
        உகப்பார்க்கு அருளாயே.  10  

மையி னார்மணி போல்மி டற்றனை    
          மாசில் வெண்பொடிப் பூசு மார்பனைப்    
பையதேன் பொழில்சூழ் 
        புறவார் பனங்காட்டூர்    
ஐய னைப்புக ழான காழியுள்    
        ஆய்ந்த நான்மறை ஞான சம்பந்தன்    
செய்யுள்பா டவல்லார் 
        சிவலோகம்  சேர்வாரே.

திருச்சிற்றம்பலம்